كتب الكاتب الفاتح جبرا المتوفرة بمعرض الدوحة
|
Re: اكتب او اكسر قرنك (Re: حامد بدري)
|
القناعه والفكر المرتبطات بالتطبيق الميداني دي حاجة لذيذه ومريحه اها الخواجيه زوجة مدير الكهربه بمدني في السبعينات ابوي الله يرحمو ويغفر ليو كان الجنايني الخاص بتاعوم في الحي البريطاني والسوداني فيما بعد اصلنا بلوتاريا للطيش فكتا بمشي معاو عشان ألووك لي جوافه تمر هندي منقه برتكان من حوشوم ووكتنا داك السكر بتاع نميري ابو وقيتين وعدد السكان فوق البيت حتى كنا بنحلف كضب نزيد عدد الاسره عشان سكر الشاهي بتاع الصباح فقط لاغيرماكان بكفينا للكداري من سوق مدني الجديد لي بيت الخواجيه الله يسعدها دنيا واخره فالخواجيه دي غاية التهذيب والاحترام رغم العلم والمال يكفي انو بتها جات الاولى ايام الشهادة السودانية بالقديم تعادل ماجستير ويمكن دكتوراه بالجديد كااااك اتخيلو الاولى على مستوى السودان وامها تقابل الحاج بي لكنه ضاحكه ياحاجي مجيج تقصد عبدالمجيد وتسعلو ليك كيف الوليدات وامهم وعلاجوم وتعليموم ننقز شويه من هنا كم سنه كده وانا في الثانوي العام شغال مراسله في وزارة الزراعه مدني ايام الحكم الاقليمي عشان اواصل دراستي كان عندنا وكيل وزاره قسم بالله لامن يجي بي الخنزيره جوه الوزاره كان مامفضي المثانه علا تعملا في روحك لو هو واقف انتا القاعد تسلم عليو وتبتسم ضروري وهو يالزمام ابو رشمه قايد الديش البجي في طابور التفتيش داك السدور ملان هوا والراس منتصب والمشيه تقول بالع ليو سيخه لايوم ضحك لاسعلنا اتو يالمراسلات احوالكم كيف ومصاريفكم والاوفر تايم لو مشا عندو يمضيو كلو تلاته شهور والامضا ظاتا علي الدين كلها تكبر والعجب لامن يخلص منها يدي القلم نقطه اللحظة دي بتكون خلصت من يسين والسدود الاتنين ودعيت حوالينا وماعلينا ويانار كوني بردن وسلامن غايتو مراسله وعامل نضافه وجنايني نصيحه لله يامع الخواجيه يا في اليابان
|
|
|
|
|
|
|
|
|