يصل الخرطوم الأسبوع القادم الإعلامي الأستاذ السر قدور مقدم برنامج " أغاني وأغاني " الشهير على قناة النيل الأزرق الفضائية إستعدادا لوضع الترتيبات النهائية للبرنامج في نسخته الجديدة والإنخراط في بروفات مكثفة تمهيدا لبدء التسجيل في مطلع يونيو القادم . وعلم " الملف الفني " أن أسرة البرنامج أدخلت تعديلات كبيرة في شكل ومضمون البرنامج بإدخال فقرات جديدة وتبديلات بدخول عدد من المطربين وبخروج عاصم البنا ، عصام محمد نور ، والرباعي ريماز ، أفراح ، منار ، صباح . وتأكد دخول المطرب معتز صباحي إلى جانب كورال معهد الموسيقى والدراما .
صحيفة أخبار اليوم
05-10-2013, 05:48 PM
إبراهيم عبد الحليم
إبراهيم عبد الحليم
تاريخ التسجيل: 10-31-2008
مجموع المشاركات: 3563
ربنا يرحم حبيبو وعصام هجر السودان وعاصم وفر فور استنفدوا طاقتهم وكتر التكرار يضرهم كفنانين أكثر من ان يضيف لرصيدهم. البنات ريماز ومنار أيضاً لم يعد لديهما ما يبهرن به المستمع. افراح وصباح ليس لديهما المقومات للمواصلة.
معتز صباحي لم يعد يملك مفاتيح صوته وخرج من الساحة الغنائية منذ زمن طويل ووجوده سيكون عبئاً على البرنامج أرجو ان ينتبه الأخ الشفيع لذلك وان يستشير بعض المتخصصين المهتمين.
ليتنا نعرف بقية الفنانين المنضمين الجدد.
لأول مرة ساكون في رمضان بالسودان أتمنى ان أتمكن من مشاهدة الحلقات
لك الأمنيات والشوق أخي ابراهيم
05-11-2013, 08:57 AM
إبراهيم عبد الحليم
إبراهيم عبد الحليم
تاريخ التسجيل: 10-31-2008
مجموع المشاركات: 3563
معقولة. الكلام ده بتين. بعدين مشاركة ناس كلية الموسيقى واكيد الاستاذ النور حسن استاذ الصوت والاستاذ الصافى استاذ آلة الكمان وتوزيعاتهم الموسيقية للاغنيات السودانية المشهورة. بس سيبقى السؤال هل سيتحمل الاستديو كل هذا العدد كورال زائد فنانين والفرقة الموسيقية ستكون كاملة هذه المرة حتى آلة الشيلو ستتواجد
Quote: لأول مرة ساكون في رمضان بالسودان أتمنى ان أتمكن من مشاهدة الحلقات
لايف ههههههه
يخليك واسرتك تامين ولامين
05-12-2013, 02:39 PM
إبراهيم عبد الحليم
إبراهيم عبد الحليم
تاريخ التسجيل: 10-31-2008
مجموع المشاركات: 3563
بعد أن عصفت بهم رياح التغيير ,, الفنانون المستبعدون عن ( أغاني وأغاني ) في إفادات مثيرة”
Quote: كشف عدد من الفنانين المستبعدين عن المشاركة ببرنامج ( أغاني وأغاني ) عن عدم تذمرهم من الإطاحة بهم من المشاركة بالبرنامج في هذا الموسم وقال الفنان شريف الفحيل من مقر إقامته هذه الأيام بالعاصمة الفرنسية باريس ان البرنامج أسهم في ظهورهم وساهم في ذلك بصورة مباشرة وساعد في تقديمهم للناس لافتا الى انه كان سعيدا بالمشاركة فيه طيلة فترة ظهوره ، مؤكد ان استبعادهم لن يكون له ادني تأثير في مشوارهم ، من جهتها أكدت الفنانة الشابة صباح عبد الهج انها لم تتفاجا بقرار الإبعاد وان البرنامج قدمها للناس بشكل طيب طوال فترة مشاركتها الماضية وأضافت صباح في حديثها: ( البرنامج ما قصر معانا ولا القناة لأنهم قدمونا للجمهور بشكل طيب وأكيد استفدنا منو مواصلة بقولها لو استمرينا تبقي انانية مننا فلا بد من منح فرصة الظهور لغيرنا ) وأكدت الفنانة الشابة أفراح عصام انه لابد من مشاركة وجوه آخري بالبرنامج لافته الى انها لا ترفض الظهور عبر البرنامج أخر عبر الفضائيات المختلفة مشيرة ان البرنامج قصر لها المسافات وأصبح حلقة تواصل بينها والجمهور رافضة الاتهام الذي يشير الى أنها فنانة موسيقية بقولها : قدمت العديد من الأغنيات بعيدا عن البرنامج ما ينفي ارتباط اسمي به ) .
المشاهير
المشاركون بالبرنامج هذا العام حسب ما تسرب من القناة هم جمال فرفور معتز صباحى فهيمة عبدالله طه سليمان نسر الدين هندى مصطفى السنى معاذ بن البادية ابن الفنانة حياة طلسم - البلابل
بالاضافة لكورال جامعة الاحفاد وليس كورال كلية الموسيقى كما اشرت انا اعلاه.
ننتظر لنرى.
05-12-2013, 03:16 PM
حليمة محمد عبد الرحمن
حليمة محمد عبد الرحمن
تاريخ التسجيل: 11-02-2006
مجموع المشاركات: 4052
فهيمة دي بالذات يا ابراهيم صوتها ضعيف خلاص.. ---------- بالله القائمين على امر البرنامج اصلو ما مفكرين يستفيدوا من فنانين نجوم الغد الاصواتهم رائعة زي شذى عبد الله او محمد خير او اقله يمثلوا الاقاليم.. ان شاء الله بحلقات تراثية تعرفنا بتراث اي منطقة وبكون في مغني رئيسي شعبي او حديث من ناس المنطقة ليش ما يخلوها سياحة ثقافية وغنائية في داخل السودان؟ ------- سلامات يا ابراهيم وضيوف بوسته الكرام
05-12-2013, 03:50 PM
Nader Abu Kadouk
Nader Abu Kadouk
تاريخ التسجيل: 02-19-2007
مجموع المشاركات: 3706
Quote: المشاركون بالبرنامج هذا العام حسب ما تسرب من القناة هم جمال فرفور معتز صباحى فهيمة عبدالله طه سليمان نسر الدين هندى مصطفى السنى معاذ بن البادية ابن الفنانة حياة طلسم - البلابل
بالاضافة لكورال جامعة الاحفاد وليس كورال كلية الموسيقى كما اشرت انا اعلاه.
طيب نقول كلامنا سريع (نرجع في و قت تاني للتفصيل الدقيق) اول حاجة بتفق مع كلام عبد العزيز خطاب في كلامو (يا خطاب يا صاحبي ياريت السنة دي انت تعمل لينا البوست) طيب :- فرفور صراحة برضو كان يغادر البرنامج فهيمة عبد الله بالجد عندها مشاكل و ضحة في الموسم السابق و بتدلل على ضعف صوتها و على موديتها في الغناء نسرين الهندي (انا سمعتها في بداية ظهورها بدري شوية قبل بدايته الفعلية اعلامياً ) نسرين بالنسبة لي اتوفروا ليها ناس دفعوها دفعاً عشان تبقى مغنية (ليه يارب بتذكر شروق ابو الناس!!!؟) نسرين ضعيفة في صوتها و في آدائيها و بصراحة لا تملك مقومات فنانة من الناحية الصوتية . معتز صباحي للاسف لا يمكنه ان يقدم شئ في هذا البرنامج رغم امكاناته الصوتية التي يملكها لكن معتز طريقته ليس جماعية كما البرنامج . مصطفي السني اشعر انه سيكون مفاجأة البرنامج بطريقة إيجابية . معاذ بن البادية و بن الفنانة حياة طلسم لم اسمعهم و لن احكم عليهم كذلك كورال الاحفاد. السر قدور ودي اهم نقطة :- صراحة كان يجب تغيير السر قدور لان السر قدور في هذا البرنامج اخطأ في كتير من المعلومات و التواريخ و الأسماء حتى اصبح كلامه يفتقد الثقة لدى الكتيرين و خصوصاً ان هذا البرنامج توثيقي كما يقال.
Quote: السر قدور ودي اهم نقطة :- صراحة كان يجب تغيير السر قدور لان السر قدور في هذا البرنامج اخطأ في كتير من المعلومات و التواريخ و الأسماء حتى اصبح كلامه يفتقد الثقة لدى الكتيرين و خصوصاً ان هذا البرنامج توثيقي كما يقال.
التحية للدكتور ابراهيم و ضيوفه الكرام ...
استاذي سفيان ...
اعتقد انو الاستاذ السر قدور من منتجي البرنامج ...
مما يعني ان قرار تغييره لا يمكن ان ياتي الا منه هو شخصيا ...
وكنت اتمني لو اتخذ ذلك القرار و اكتفي بوجوده خلف الكوليس ...
05-12-2013, 06:30 PM
إبراهيم عبد الحليم
إبراهيم عبد الحليم
تاريخ التسجيل: 10-31-2008
مجموع المشاركات: 3563
Quote: او اقله يمثلوا الاقاليم.. ان شاء الله بحلقات تراثية تعرفنا بتراث اي منطقة وبكون في مغني رئيسي شعبي او حديث من ناس المنطقة ليش ما يخلوها سياحة ثقافية وغنائية في داخل السودان؟
هذه نقطة هامة التى اشرتى اليها وهى فعلا ستكون تغيير حقيقى فى سكل ومضمون البرنامج. ياريت يأخذو بيها.
مودتى الشديدة
05-13-2013, 04:45 AM
يحي قباني
يحي قباني
تاريخ التسجيل: 08-20-2012
مجموع المشاركات: 18708
سفيان بالغت ياخ نسرين مابتعرف تغني؟؟؟؟!!!!!! والله تاني كان لاقيتك في الجاليه الا آعضيك في آضانك كيتن ليك ياخي شوف التناسق الادائي والهارموني البتعملو من الصعب تلقى بت تهرمن كده "وعشان ماتغاطني دي الماده الانابدرسها" غايتو غفرناها ليك دي لانك زول حلو "خلي كمان واحد يقول لي سفيان ماحلو"
05-12-2013, 09:28 PM
إبراهيم عبد الحليم
إبراهيم عبد الحليم
تاريخ التسجيل: 10-31-2008
مجموع المشاركات: 3563
سلام و محبة للغالي في الاحبة صاحبي يحي قباني و مشتاقين ياخ بالمناسبة في ناس لو قبضو (استاذ) القلتها لي دي بيشيلو حالي فشششششيل شششششيل ياخ الله يرضى عليك هههههه صح قدور منتج لكن ياريت لو كان احتكم لصوت العقل و اعتزل البرنامج لانو صراحة بقى و احد من ازمات هذا البرنامج.
طيب نجي لحبيبنا و دكتورنا الموصلي سلاااام ياخ و بركة في الشوفه دا كلامك و ما بقدر اغالطك :- (سفيان بالغت ياخ نسرين مابتعرف تغني؟؟؟؟!!!!!! والله تاني كان لاقيتك في الجاليه الا آعضيك في آضانك كيتن ليك ياخي شوف التناسق الادائي والهارموني البتعملو من الصعب تلقى بت تهرمن كده "وعشان ماتغاطني دي الماده الانابدرسها" غايتو غفرناها ليك دي لانك زول حلو "خلي كمان واحد يقول لي سفيان ماحلو") هههههههه طيب العضة بنستحمله بس يا حبيب عندي سؤال ياريت القى ليهو اجابة عندك و هو:- شنو الفرق بين الهارموني و الخط في الموسيقى ؟
ــــــــــــــــــــــــــــــ معقول اغالطك في الموسيقى ياخ!؟
05-13-2013, 04:43 AM
يحي قباني
يحي قباني
تاريخ التسجيل: 08-20-2012
مجموع المشاركات: 18708
Quote: سلام و محبة للغالي في الاحبة صاحبي يحي قباني و مشتاقين ياخ بالمناسبة في ناس لو قبضو (استاذ) القلتها لي دي بيشيلو حالي فشششششيل شششششيل ياخ الله يرضى عليك هههههه صح قدور منتج لكن ياريت لو كان احتكم لصوت العقل و اعتزل البرنامج لانو صراحة بقى و احد من ازمات هذا البرنامج.
يا سفيان الاستاذية كان فاتتك تفوت لي منو يعني ؟
اتفق معاك تماما في موضوع عمنا السر قدور ...
السنين طالت و الكلام كتر و عمك بقي مضطر يقول لو حتي ما عارف ...
المشكلة يا سفيان انو اصبحوا قليلين جدا الله يطول في اعمارهم من هم شهود علي العصر ...
ودي مشكلة لم ينتبه ليها الناس و اهملوا أمر التوثيق ده تماما ...
Quote: هههههههه طيب العضة بنستحمله بس يا حبيب عندي سؤال ياريت القى ليهو اجابة عندك و هو:- شنو الفرق بين الهارموني و الخط في الموسيقى ؟
ما بنمعك ياصديقي من حقك في عدم حبك لها فحب الناس مذاهب يغني المغني وكل على هواه نحن بنحبها هذه واحدة اما الفرق بين الهارموني واللحن العادي فاللحن العادي ياهو الوحيد الحايم براهو "قبلو ووحدو" اما الهارموني فهو مازاد عن صوتين مختلفين في إن واحد وده غالبا بعملوه الغرابه الخواجات حقينا ديل انتو وبإستثناء بسيط يطرشكم ماسمعتو بيهو وبعضكم بيعتبروه "كورنة / أو موصلة/ أو معهدة" وحكاية بالشكل ده نبرا ونستبرا / أها بتنا نسرين دي شويطره وشويطونه خليتك بي عافيه
Quote: اما الفرق بين الهارموني واللحن العادي فاللحن العادي ياهو الوحيد الحايم براهو "قبلو ووحدو" اما الهارموني فهو مازاد عن صوتين مختلفين في إن واحد
يا حبيبنا سؤالي هو :- ما الفرق بين الهارموني و الخط و انت هنا اتكلمته عن الهارموني و اللحن فيبقى سؤالي لسه قايم.
اظن يا حبيبنا أي نعم الهارموني علاقة بين صوتين و العلاقة الهارمونية دي لابد لها من وجود آلة اخرى أو صوت بشري اخر عشان تتخلق العلاقة التوافقية .. مش كدا صح؟ طيب الحاجة دي بتعمله نسرين وين و كيف ؟
سؤال تاني :- هل ممكن زول يعمل هارموني بصوته فقط بدون وجود آلة أو صوت بشري اخر؟
نسرين مش ما بحبها يا الموصلي نسرين (بتشرقن) ودي حاجة لما تكتر ما كويسه .
05-14-2013, 10:00 AM
Elmosley
Elmosley
تاريخ التسجيل: 03-14-2002
مجموع المشاركات: 34683
Quote: سؤال تاني :- هل ممكن زول يعمل هارموني بصوته فقط بدون وجود آلة أو صوت بشري اخر؟
She was singing with another singer didn't you see that Sefian? The singer was her brother. I would not say the word harmony without knowing that there was a second voice or sound. I won the debate Thanks
05-17-2013, 09:56 PM
سفيان بشير نابرى
سفيان بشير نابرى
تاريخ التسجيل: 09-01-2004
مجموع المشاركات: 9574
She was singing with another singer didn't you see that Sefian? The singer was her brother. I would not say the word harmony without knowing that there was a second voice or sound. I won the debate
تمام يا حبيبنا أي نعم بيغني معاها اخوها بس لحدي هسي انا محتاج افهم طالما انو الخطوط هي علاقة هارمونية (اخدني قدر فهمي مش خط الكورال هو هارموني و خط البيز برضو هارموني؟؟) مش برضو اللخط اللحني هو الأساس البتقوم عليهو العلاقات؟ طيب اخيرة هههههههه اها هنا هل يعني عشان بغني معاها اخوها (صوت اول) بيعتبر صوته هي الهارموني ؟
معليش للكلام الكتييير بس بالجد عايز افهم القصة دي.
محبتي الأكيدة و يا صاحب البوست اعفي لينا الورجغة الكتيره دي ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ الاقتباس ما شغال معاي عشان كدا شغال كوبي بيست
05-18-2013, 02:23 PM
Elmosley
Elmosley
تاريخ التسجيل: 03-14-2002
مجموع المشاركات: 34683
Quote: تمام يا حبيبنا أي نعم بيغني معاها اخوها بس لحدي هسي انا محتاج افهم طالما انو الخطوط هي علاقة هارمونية (اخدني قدر فهمي مش خط الكورال هو هارموني و خط البيز برضو هارموني؟؟) مش برضو اللخط اللحني هو الأساس البتقوم عليهو العلاقات؟ طيب اخيرة هههههههه اها هنا هل يعني عشان بغني معاها اخوها (صوت اول) بيعتبر صوته هي الهارموني ؟
معليش للكلام الكتييير بس بالجد عايز افهم القصة دي.
محبتي الأكيدة و يا صاحب البوست اعفي لينا الورجغة الكتيره دي
لكن المشكله عزيزي سيف انت في الاول قلت مافي اي حاجه عامله هارموني مع صوتها اخوها غنى معاها وفي بعض الاماكن يفترق صوتيهما الى ابعاد مختلفة مما يحدث هارموني توافقي بينهما بمعنى اخر ان فعل الهارموني قد حدث بفعل صوتيهما ليس بالضرورة أن يكون خط الكورال هارمونيا ففي بعض الاحيان تجتمع كل الاوركستىرا والكورال في خط لحني واحد "توتي" اي الجميع يعزف نفس اللحن والهارموني يحدث بتعدد الاصوات في مناطق لحنية مختلفه ثم تلتقي هذه الاصوات لتتوحد ثم تفترق مرة ثانية تحياتي
05-13-2013, 07:41 AM
Mirghani Ali AlAmin
Mirghani Ali AlAmin
تاريخ التسجيل: 05-02-2002
مجموع المشاركات: 246
Quote: فهيمة دي بالذات يا ابراهيم صوتها ضعيف خلاص..
فعلاً والله حرام عليك يا حليمة ( فهيمة دي صوتها صوت سوداني أصيل ، حنين ، فيه طرب ، فيه شجن ، فيه نغمنا السوداني البنعرفو ، فيه أصالة ، وطرب عالي عالي عالي ومقدرة لا توصف )
05-13-2013, 12:58 PM
إبراهيم عبد الحليم
إبراهيم عبد الحليم
تاريخ التسجيل: 10-31-2008
مجموع المشاركات: 3563
اشكرك جزيلا على ما اصبغت على بكلمات جميلة لا استحقها. وجميل ان بعض غناى واغنياتى عجبتك هذا ما يسعدنى جدا. المرة الجاية تعال بالباب عديل ماتتاوق وبس فوجودك ومشاركتك تهمنى وانا عازمك من حسع ..... سمح
تسلم
05-13-2013, 07:24 AM
Mirghani Ali AlAmin
Mirghani Ali AlAmin
تاريخ التسجيل: 05-02-2002
مجموع المشاركات: 246
Quote: مع انو الصباحي دا امكانياتو الصوتية جيدة، لكن كأنو بيغني وفي خشمو مسواك
أوافقك تماماً في أمكانياتو الصوتية جيدة جداً ، بس يغني سوداني ( الغناء السوداني البنعرفو ) ويبطل تعريب الغناء والسلم السباعي ، يغني بالسلم الخماسي السوداني وبدون أي فلسفات أخرى وهو يتمتع بإمكانيات صوتية عالية وقدرة على تطريب عالي بس يبطل الألحان البعمل فيها دي
05-13-2013, 01:02 PM
إبراهيم عبد الحليم
إبراهيم عبد الحليم
تاريخ التسجيل: 10-31-2008
مجموع المشاركات: 3563
والله كنت مخطط هذه السنة لزيارتكم انت والاحبة بكندا ونتونس لايف ونتعرف بيك بقرب بس زوجتى تريد الاجازة هذه السنة شرقا وليس غربا. السنة الجاية انشاء الله يا حبيب.
Quote: اعتقد انو الاستاذ السر قدور من منتجي البرنامج ...
مما يعني ان قرار تغييره لا يمكن ان ياتي الا منه هو شخصيا ...
وكنت اتمني لو اتخذ ذلك القرار و اكتفي بوجوده خلف الكوليس ..
فعلا وهذه هى النقطة الاساسية. حسب معلوماتى ان السر قدور تقاضى مبلغ 80 مليون جنيه فى الموسم الفات من قناة النيل الازرق ولكن القناة حققت دخل حوالى 3 مليار جنيه. الظرفاء يقولون ان السر قدور قبل برنامج اغانى واغانى كان يقدم لزواره بشقته بالقاهرة الشاى كشرى. الان بعد اتملئ بقروش اغانى واغانى اصبح يقدم لضيوفه الشاى مظبوط وزيادة بالسكر ههههه.
آل اولاد بمبة آل
شكرا لاثراء البوست يا يحى
05-13-2013, 01:26 PM
محمد أبوالعزائم أبوالريش
محمد أبوالعزائم أبوالريش
تاريخ التسجيل: 08-30-2006
مجموع المشاركات: 14617
الفنانة إنصاف مدني سوف تكون من ضمن مجموعة برنامج أغاني وأغاني الذي تبثه قناة النيل الأزرق في شهر رمضان المعظم وقد علمت مصادر مقربة من الفنانة إنصاف مدني سوف تشارك هذه المرة في هذا البرنامج خاصة وأن هناك فراغا في المجموعة بعد رحيل الفنانين نادر خضر ومحمود عبدالعزيز . كما علمت أيضا بان الفنانة أفراح عصام سوف تغيب هذه المرة من البرنامج خاصة وان هناك إتجاه آخر يقول بأنه سوف يتم احداث عمليه ابدال في هذه الخارطة لهذا البرنامج الذي تبثه قناة النيل الأزرق .
صحيفة الدار
05-14-2013, 12:34 PM
إبراهيم عبد الحليم
إبراهيم عبد الحليم
تاريخ التسجيل: 10-31-2008
مجموع المشاركات: 3563
والله كنت مخطط هذه السنة لزيارتكم انت والاحبة بكندا ونتونس لايف ونتعرف بيك بقرب بس زوجتى تريد الاجازة هذه السنة شرقا وليس غربا. السنة الجاية انشاء الله يا حبيب.
Quote: اعتقد انو الاستاذ السر قدور من منتجي البرنامج ...
مما يعني ان قرار تغييره لا يمكن ان ياتي الا منه هو شخصيا ...
وكنت اتمني لو اتخذ ذلك القرار و اكتفي بوجوده خلف الكوليس ..
فعلا وهذه هى النقطة الاساسية. حسب معلوماتى ان السر قدور تقاضى مبلغ 80 مليون جنيه فى الموسم الفات من قناة النيل الازرق ولكن القناة حققت دخل حوالى 3 مليار جنيه. الظرفاء يقولون ان السر قدور قبل برنامج اغانى واغانى كان يقدم لزواره بشقته بالقاهرة الشاى كشرى. الان بعد اتملئ بقروش اغانى واغانى اصبح يقدم لضيوفه الشاى مظبوط وزيادة بالسكر ههههه.
آل اولاد بمبة آل
شكرا لاثراء البوست يا يحى
تشرفنا بالجد يا ابراهيم يا صديق ...
وصيفنا هنا ما ليهو مثيل ... انشالله في انتظاركم كان الله مد في العمر يا دكتور ... __________________________________________________
05-14-2013, 02:12 PM
يحي قباني
يحي قباني
تاريخ التسجيل: 08-20-2012
مجموع المشاركات: 18708
Quote: برنامج (أغاني وأغاني) الذي يقدمه الشاعر السر قدور يقرر الاستعانة بمجموعة من كورال الاحفاد
يبدو بأن نشاطات جامعة الاحفاد للبنات ستنتقل هذا العام من المركز النشاطي الطلابي والمهرجانات السنوية المصاحبة للاكاديميات إلى القنوات الفضائية خصوصا قناتي الشروق والنيل الازرق فقد قررت ادارة برنامج (أغاني وأغاني) الذي يقدمه الشاعر السر قدور الاستعانة بمجموعة من كورال الاحفاد في نسخة هذا العام. وفي المقابل إختارت ادارة الانتاج الفني سلسلة حكايات سودانية التي تبث يومياً في قناة الشروق الفضائية مجموعة من الطالبات بالاحفاد للعب دور البطولة في عدد من الحلقات الدرامية.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة