|
|
 ابشروا : افضل فنانة سودانية -- ستغني في كازينو -- وفي دبي ..
|
مشيت ومعاي اخوي ناكل ليناحاجة في احد المطاعم السودانية ..
طلبنا فول مصلح وفلافل ..
في الطاولة المقابلة وجدتا ورقة اعلان في حجم نصف ورقة A4 ..
فيها الوان كتيرة وصورة واحدة لابسة توب ..
طبعا متعود على دعايات محلات التياب السودانية ..
شلتا الاعلان و  ....
بالجد نطيت ..
معقول افضل فنانة سودانية هنا في دبي ..
وبتغني في كايزنو؟؟؟
|
|
 
|
|
|
|
|
|
|
 Re: ابشروا : افضل فنانة سودانية -- ستغني في كازينو -- وفي دبي .. (Re: ناذر محمد الخليفة)
|
Quote: طبعا نحن ماعندنا ثقافة الكازينوهات دي
والزولة دي - مثلها مثل باقي فناناتنا الراسهن فاضي - اكيد مابتفرَق بين الكازينو وبين صالة افراح
بعدين غنانا ده لايصلح لغناء الكازينوهات - غايتو الا يكون مرتادي الكازينو سودانيين |
اخونا حيدر .. جمعة مباركة عليكم ..
ما هي الدعاية دي عشان السودانيين يتلمو في المصايب دي ..
بعدين شنو حكاية الفنانين/ات البيتسمو بي مناطق بعينا ..
شنو كدة مدني وجبرة والعشرة وبحري والإمتداد وكوبر واركويت وامدرمان ووووو ..
ويجو (نابلين) برة السودان يبشتنو الغنا السمح حقنا ..
بقينا بلد المليون فنان وفنانة بدون منازع ..
ولا تجديد في الأغنية حتى الشبابية منها ..
| |
|
|
|
|
|
|
|
|
|
Re: ابشروا : افضل فنانة سودانية -- ستغني في كازينو -- وفي دبي .. (Re: هشام كمال عبادي)
|
Quote: قبل كدة اتكلمنا عن الموضوع دا وللاسف لم يعي البعض بمدى خطورته !!
|
شكرا يا ناذر الخليفة على الاضافة ..
الكازينو ده بيجي فيهو السكارى والحيارى ..
ولو كان نادي ثقافي او صالة مناسبات كنا فرحنا لأنها تنشر فننا ..
لكن المرقص ده معناهو اغاني من شاكله:
"أبوي قال لي ماتبيعي الشطه .. حابيع الشطة عشان حبيبي اللقطة "
الكنتا فيهو بهيم وليهو روحي مأسورة .. بعد انتظرتو سنين ركبني ماسورة"
| |
|
|
|
|
|
|
|
|
|
Re: ابشروا : افضل فنانة سودانية -- ستغني في كازينو -- وفي دبي .. (Re: محمد هارون حميدان)
|
التعديل لاضافة عبارة "الرجالة تطير"
بعدين بصراحة الكاشف دا الله يرحمه وينفعنا بجاهه اثبت لي انه موش ارجل سوداني وبس .. بل جاء للسودان من المستقبل!
شوف التطور في الفهم بتاع الراجل دا .. سابق في فهمه لي كتيرين الليلة بنعتبرهم متعلمين وحملة شهادات عالية!
حكت عليها الرحمة امنا حواء الطقطاقة قالت لما يكون عندي حفلة يجي الكاشف يسوقني من البيت يوديني الحفلة ويقعد في عتبة المسرح شايل عكازه لما الحلفة تنتهي ويجيبني راجعة البيت!
انا لو ما كنت من زي ديل كان واسفاي .. وماساتي وآ زلي!
| |
|
|
|
|
|
|
|
|
|
Re: ابشروا : افضل فنانة سودانية -- ستغني في كازينو -- وفي دبي .. (Re: محمد هارون حميدان)
|
.
أتفق مع الأخوين هشام، صاحب البوست، و محمد هارون، كاتب الرد الأخير قبلي!!
كيف و هما على خلاف؟؟
أحتج مع هشام على مجانية الألقاب
لكن لا غبار على أن تغني للسكارى
أصلآ جلسات الطرب عند العرب كان المغنيات راقصات و الخليفة (غير الراشد) بيكون لط
يبقى لا حرج...
البلد فيها كازينوهات ..و مساجد...و مسارح
الحياة كلها خيارات...و نتائج
تختار...و تتحمل..
من التحمل للتبعات..ما قصدت (تحمل) و تتوحــّــم...لووول
خليهم يغنوا غنانا دة لأي مستمع..في أي مكان..بس من غير ألقاب
رأي
.
| |
|
|
|
|
|
|
|
|
Re: ابشروا : افضل فنانة سودانية -- ستغني في كازينو -- وفي دبي .. (Re: إبراهيم عبد الحليم)
|
الأخ محمد هارون.. متفق معاك لكل ما قلته و قمت بتوضيحه.
دي كلها خيارات شخصية و هي حرة تغني في كازينو..تغني في ديسكو
بس معاك مافي داعي للألقاب..مع أني متأكد أنو اللقب ده هي ما عندها ذنب فيهو ممكن يكون من ناس الكازينو عشان يستقطبو أكبر عدد من الرواد.
يا جماعة أنا على حسب فهمي من مشاهدتي للأفلام المصرية الأبيض و الأسود ألكازينو هو المكان اللي بيتقابل فيهو
المحبين و بيشربو فيهو حاجة باردة.
| |
|
|
|
|
|
|
|
|
|
Re: ابشروا : افضل فنانة سودانية -- ستغني في كازينو -- وفي دبي .. (Re: Sharif Nasirladeen)
|
في الكازينو عادي جدا اي زبون مليان يجر الفنانة الى حيث يريد طالما ارتضت ان تكون عرضة لليسوي واللي مايسواش
ياجماعة الكازينو لايستقطب الا من عدمت الحياء وعدمت الجمهور
معقولة الواحدة تسوَق لنفسها في كازينو - راجعوا ثقافة الكازينوهات في الدراما والافلام العربية ونظرة المجتمع لمرتادي الكازينو من النساء
حرية شخصية دي مفهوم مطاط شديد جدا جدا
اقول هذا وليس لي علم بإسم الفنانة ولا اتشكك في اخلاقها ودوافعها للغناء في كازينو
الكلام مرسل بشكل عام
| |
|
|
|
|
|
|
|
|
|
Re: ابشروا : افضل فنانة سودانية -- ستغني في كازينو -- وفي دبي .. (Re: Sharif Nasirladeen)
|
حسب زمة الراوي الذي عاصر (الحدث) ..
- الفنانة تغنت بي اغاني هابطة جدا ..
- الفنانة تلبس توب احمر وتغنت بحوالي 3 - 4 اغنيات فقط ..
- حدثت مشادة بين بنات سودانيات وربك ستر لأنها كانو (نص سكرانات) ..
- الفنانة جاء معها (شلة) من البنات للمؤازرة وكدي ..
- نسبة السكر فاقت 98% (يعني الجماعة كلهم لـط)
- نسبة الفتيات السودانيات حوالي 15% الى 20% من الحضور
- الفنانة اتلطعت لحد ما لقت تاكسي يوصلا البيت - لسة ما عملت عربية وكدة-  ..
- الحقل استمر الى الساعة 3 فجر اليوم التالي ..
- حوالي 75% من الحضور من الشباب السوداني (البعض منهم تعدى سن الخميسين)
- قام محدثي بسؤال حارس الأمن عن الحضور الزائد فقال انه بسبب الفنانة السودانية .
الأخوة المتداخلين ..
تحية طيبة وشكرا على المرور ..
حارد على كل مدخلة على حدا وحتى ناس الفيسبوك حيطون عندهم نصيب ..
المشكلة يا شباب في انو دي بت وعرض وانها تغني في مرقص ومشرب دي مشكلة ..
بعض رواد المرقص كانوا في حالة شديد وافتعلوا المشاكل ..
وكان ممكن ان تغني هذه الفنانة في اي نادي اخر او في مسرح ..
لقمة العيش ليست سبب كافي لأن تغني في مرقص **..
بجيكم صادي ..
مودتي ..
---------------
المكان هو مرقص ومشرب وحاجات تانية ..
| |
|
|
|
|
|
|
|
|
|
Re: ابشروا : افضل فنانة سودانية -- ستغني في كازينو -- وفي دبي .. (Re: هشام كمال عبادي)
|
Quote: حسب زمة الراوي الذي عاصر (الحدث)
- الفنانة تلبس توب احمر
|
الراوي ان كان (انت) لماذا ذهبت الى الكازينو؟
الرواي ان كان شخص آخر لماذا تخوض في اعراض الناس لمجرد كلام سمعته ولم تتأكد بنفسك؟
انت على الاقل وقعت في خطأ من الاثنين! لماذا وانت كلك اخطاء تعمد الى اتهام الآخرين على طريقة رمتني بدائها وانسلت!
لو غنى فنان (رجل) في الكازينو لكان الخبر (بايت) ولما اهتم احد! لكن لانها امرأة يسهل الوصاية عليها! يسهل الارهاب بالتشهير وانها كانت ترتدي ثوب احمر (ربما لانك تعتبر الاحمر مثير!) لم تخبرنا عن نوع القماش الذي فصل منه الثوب؟ هل كان (هزاز) او من النوع المألوف؟
دعني ابين لك موقفك السلبي مرة اخرى!
هذه فنانة وحواء الطقطاقة فنانة .. انت رجل والكاشف رجل! هذه البنت غنت في حفل فيه سكارى! كذلك حواء الطقطاقة غنت لسكارى (فلا يخلو حفل سوداني او غير سوداني منهم) .. الكاشف وقف بعكازه يحميها من الناس .. انت اشهرت قلمك ونهشت جلدها!!
الآن اخبرني اي الموقفين اكثر رجولة؟ فالرجال مواقف!
شيء آخر .. الشعب السوداني يقتطع من لحمه هذه الايام! هذا عام رمادة وقد عطل عمر بن الخطاب احكام الشريعة في عام الرمادة عندما جاع الناس! قال علي بن ابي طالب ( ان الجوع يدحض كل فضيلة) يكون الانسان في حكم المضطر اذا جاع ويسقط عنه كل حد حتى يشبع! الله سبحانه وتعالى اعفى الشعب الجائع من فوق سبع سماوات! من انت حتى تعاقب الناس او تحاسبهم؟ لماذا لا توجه قلمك الى من سلب حق هذا الشعب الكريم الحقيق بكل كرامة واضطره الى الجوع!
يا اخي قل خيرا .. او اصمت!
كلمة اخيرة!
اين الفناين والموسيقيين وهذا الفتاة اليافعة تنتهشها سهام صدئة؟ اين الموصلي ودكتور معز بخيت والصاوي حامد وخضر و الصادق الرضي! اين الجميع؟
الساكت عن الحق شيطان اخرس!
| |
|
|
|
|
|
|
|
|
|
Re: ابشروا : افضل فنانة سودانية -- ستغني في كازينو -- وفي دبي .. (Re: محمد هارون حميدان)
|
ارجو ان لا تفهم من حديثي انني ادافع عن الكازينو! اعلم ان بعض رواده في غاية السوء! لكن هل المشكلة ان بناتنا يغنين لهؤلاء الذين هم في غاية السوء؟ ام ان هؤلاء الذين هم في غاية السوء صاروا حكاما؟
هل مشكلة الشعب السوداني الاغاني الهابطة؟ ام السياسات الهابطة .. ما رأيك في الرئيس الذي هبط من الدبابة؟ رايته يرقص في حفل زواج في يوتيوب ( ولا يخلو حفل سوداني او غير سوداني من السكارى) هل السكران في كازينو عقوبته اكبر من السكران في حفل حضره الرئيس؟
| |
|
|
|
|
|
|
|
|
|
Re: ابشروا : افضل فنانة سودانية -- ستغني في كازينو -- وفي دبي .. (Re: عادل خياري)
|
الشكر لكل المتداخلين ..
الأخ بدر الدين الطائف ..
والأخ أمجد الجميعابي ..
وأخونا الزول زاتو ..
وأخونا عبد العزيز عمر ..
والوجيه عادل الباهي ..
وأخونا محمد هارون حميدان ..
وأخونا الطيب بشير ..
وأخونا الدكتور ابراهيم عبد الحليم ..
وأخونا شريف نصر الدين ..
وأخونا حيدر ميرغني ..
وأختنا الفضلي اشراقة مصطفى ..
وحبيبنا عادل خياري ..
وحقيقة الموضوع كبير .. واكبر من اننا نناقشو في بوست صغير زي ده ..
لكن خليني اوضح بعض النقاط الهامة ..
قد يكون اخونا محمد هارون متحامل على البوست اكثر مما يلزم ..
فأنا ذكرت في بداية البوست انو حكاية انها افضل فنانة سودانية دي فيها منقصة ..
ثانيا حكاية انو تغني في مرقص ليلي وفي دبي دي كتيرة شوية ..
السكارى الكانو في عهد الفلاتية والكاشف رحمة الله عليهم بيختلفو من ديل ..
بدليل اني في ليلة رأس السنة كنت في حفل في نادي شبيه بالكازينو كدة ..
ووالله ما قعدنا انا واخوي اكتر من ساعة لأنو الجميع كان سكران بنسبة 99.9% ..
ودا غير اللبس الما بقدرو واصفو هنا ..
مقصدي انو الفن هو رسالة ورسالة سامية جدا ..
والفنان لو طلع برة بلدو مفروض يكون ممثل لكل اهل السودان ..
الفن أمانة مش خلاعة ..
الراجل النقل لي الصورة كان متأثر جدا مش عشان الفنانة وبس عشان حال السودانيين ..
أخونا محمد هارون مفتكر اني بخوض في عرض وانا جبتا إعلان الحفل المطبوع ..
حتى اني مسحتا اسم الفنانة واسم الكازينو (المرقص الليلي) ..
اين خوضي في الأعراض يا محمد هارون ؟؟
عايزني انزل ليك صور المرقص والفنانة وهي (بترقص) على المسرح ولا عايز صورة السكارى ؟.
هناك الف والف مكان ممكن للفنانة دي تغني للسودانيين في الامارات ..
بغض النظر عن شهرتها ومكانتها بين الفنانات السودانيات ..
يا محمد هارون ..
Quote: كلمة اخيرة!
اين الفناين والموسيقيين وهذا الفتاة اليافعة تنتهشها سهام صدئة؟ اين الموصلي ودكتور معز بخيت والصاوي حامد وخضر و الصادق الرضي! اين الجميع؟
الساكت عن الحق شيطان اخرس! |
انتا لو عارف انو اتحاد الفنانين لو عرف انو البت دي غنت برة السودان بدون علمهم بيعمل شنو ؟
طبعا اكيد ما عارف هم عملو شنو مع الفنانات المشو نيجيريا وغنو للشريف ..
وانا متأكد انو ما في زول (محترم وذو نخوة) بخلي فتاة تغني في (ماخور ليلي) ..
وللمرة الألف القضية اكبر مما نتصور وأكبر من مجرد فنانة تغني ..
-------------------------
اعتذر عن كوني اوردت ان الفنانة تلبس توب احمر ..
شكرا اخونا محمد هارون للتنبيه ..
| |
|
|
|
|
|
|
|
|
|
Re: ابشروا : افضل فنانة سودانية -- ستغني في كازينو -- وفي دبي .. (Re: هشام كمال عبادي)
|
بدر الدين الطائف ..
| Quote: فنانة سودانية معناها الجمهور سودانى. |
الجمهور بالتأكدي سودانيين .. والإعلان لجذب انتباه بقية السودانيين في دبي ..
أمجد الجميعابي ..
| Quote: الغريب شنو يعنى مى غناية |
يعني تغني في اي مكان ..
زمان كان عندنا واحد زميل دراسة بقى فنان ..
وهسع ربنا تاب عليه وشتغل حارس أمن في جامعة ..
يوم قاعدين نضحك عليهو لأنو ما لاقي حفلة ومفلس ..
قام اتلف لينا وقال "انتو بتهظرو والله انا في كوشة كوشة أغني"
اها احسن ياتو ..
الزول زاتو ..
Quote: ليست الاولى ولا ح تكون الاخيرة
لهم معجبين ورواد انت بس قافل نفسك في المطعم السوداني لوووووولز
|
انقر ما فكرتا امشي  ..
عبد العزيز عمر ..
| Quote: أها .... فنانتكم دي هل تمتلك إقامة أيضا ...؟ |
والوجيه عادل الباهي ..
Quote: زي ماقال ليك حيدر ميرغني الزولة دي مابتكون فاهمة زاتو يعني شنو كازينو ليلي ,
|
ولا انا ..
| |
|
|
|
|
|
|
|
|
|
Re: ابشروا : افضل فنانة سودانية -- ستغني في كازينو -- وفي دبي .. (Re: هشام كمال عبادي)
|
| Quote: انتا لو عارف انو اتحاد الفنانين لو عرف انو البت دي غنت برة السودان بدون علمهم بيعمل شنو ؟ |
لا زلت استحضر حكاية ارجاع السفير المصري في العراق زمن صدام للفنانة حنان بعد ان تغنت بطريقة غير محترمة في مناسبة وامام السفير وعدد من الاجانب
اليوم التاني قطع برنامج زيارتها وارجعها للقاهرة وخضعت لمجلس تأديب من نقابة المهن الموسيقية وتم منعها من السفر لكذا عام
لو عندنا سفير بالجد في الامارات كان ممكن يتأكد من نوعية مكان الغناء ومرتادي المكان
بعدين سفير دي بمعناها الواحد ده سفير دولة بغض النظر عن انو بيمثل ياتو حكومة (عشان مايجي واحد يقول لي سفير كيزان وهيلمانة)
المهم في الموضوع الحفاظ على سمعة الفن حقنا في الخارج لا اكثر حتى لو كلن الفنان رجل
| |
|
|
|
|
|
|
|
|
|
Re: ابشروا : افضل فنانة سودانية -- ستغني في كازينو -- وفي دبي .. (Re: حيدر حسن ميرغني)
|
| Quote: لا زلت استحضر حكاية ارجاع السفير المصري في العراق زمن صدام للفنانة حنان بعد ان تغنت بطريقة غير محترمة في مناسبة وامام السفير وعدد من الاجانب |
لانه سفير حكومة عسكرية غير منتخبة .. ليس من الغريب ان يصدر اوامره العسكرية للفنانة مثله مثل اي عسكري! هذا السفير اصبح بقدرة قادر سلطة قضائية وسلطة تنفيذية في يوم واحد!
هذه فوضى يا اخي ولا تحدث الا في المجتمعات المتخلفة مثل مجتمعاتنا العربية والافريقية! هل تتخيل السفير الامريكي يطرد (جين لوبس) ويرجعها الى الولايات المتحدة لانها غنت بطريقة غير محترمة؟ والله لو فعل ذلك لنهشت الصحافة لحمه و نهش القانون عظمه! لان امريكا دولة تحترم القانون وتفصل فصلا تاما بين السلطات .. ليس في امريكا وصاية على النساء لانهم نساء .. ليس شرطا ان يكون السفير من الحزب الحاكم! السيادة للقانون والناس امامه سواسية السفير والغفير!
انا عندما ضربت مثال بالكاشف قصدت ان نرتقي الى المستقبل الذي بشر به هؤلاء! اقول ليك الكاشف تقول لي السفير المصري واتحاد الفنانين؟ قصدك اتحاد الفنانين الذي تم تفعيل قانونه بامر رئاسي؟ هل انتظر من هؤلاء ان يتخذوا موقف بطولي مثل موقف ابراهيم الكاشف؟
| Quote: تغنت بطريقة غير محترمة في مناسبة وامام السفير وعدد من الاجانب |
من الذي يقرر ان هذه الطريقة في الغناء محترمة وتلك غير محترمة؟ السفير ام القانون العسكري ام الاتحاد الرئاسي للفنانين؟
| |
|
|
|
|
|
|
| |
هشام كمال عبادي
حيدر حسن ميرغني
ناذر محمد الخليفة
بدرالدين الطائف
امجد الجميعابى
ALZOLZATOO
عادل الباهي عبدالرازق
محمد هارون حميدان
الطيب بشير
إبراهيم عبد الحليم
Sharif Nasirladeen
Ishraga Mustafa
عادل خياري
فيس بوك
تويتر
انستقرام
يوتيوب
بنتيريست