**** خـواطـر كـوز (رغم أنفه) ****

Quote: يا ابو حسين اخوى الامور لا تقاس بهذه الطريقة الحكاية ما حكاية دا حزب واحد وهزم 50 حزب الامر يقاس بصورته الحقيقية : لو ان الامر منافسة شريفة وقام هذا الحزب بالتغلب على جميع الاحزاب سنحترمه ونرفع له القبعة بل وستجدنا من مؤيده لان يستحق وفاز بشرف وهزم الاخرين بجدارته .. لكن لما يكون الامر تجيير كل مؤسسات الدولة مالا واعلاما ومؤسسات وامن وشرطة وجيش ومليشيات لصالح بقاءك انت وضد خصومك يبقى من الطبيعى ان تتفوق الدولة على الحزب .. يعنى مثلا ناخد مثال بسيط الانتخابات الاخيرة .. فاز المؤتمر الوطنى حتلقى الكيزان يقولوا ليك دى انتخابات نزيهة وما فيها اى تزوير وتلقى الناس مصدقة ومحتفلة بالانتصار هل التزوير اضافة او خصم اوراق فى الصندوق ؟؟ وهل الانتخابات اصلا صندوق وتصويت ؟؟ ماممكن يا اخى تقول لى انتخابات نزيهة ورئيس الجمهورية المنافس فى الانتخابات كل يوم فى مدينة بطائرة الدولة ومنافسه لا يملك حمار يتحرك به وتنظم له لقاءات جماهيرية تكلف خزينة الدولة مليارات ونافسه ما عندو حق السندويتش والمحليات والادارات والولايات اللى من المفترض تلتزم الحياد لانها ملك للدولة وليس الحزب تعمل كلها لصالح حزب والاخر ممنوع عليه وحتى من يتحرك فرديا لصالحه يعتقل ما ممكن تلفزيون الدولة ليل نهار شغال يتغنى بفرد واحد والاخر المنافس لا يجد من نفس التلفزيون سوى الذم والشتم ما ممكن عربات الدولة واموال الدولة تتحرك لصالح حزب واحد والباقين ما عندهم حق موية يشربوها ..طبيعى ان ينتصر هذا الحزب على مليون حزب .. لكن السؤال هل تعتبر هذا انتصارا ؟؟ وهل تعتبر انه يعيب المعارضة فى شئ ؟؟ العكس انا اعتبر الامر فخر للمعارضة