|
|
 Re: عركي والحداثة المنقوصة في أغاني المدن ؛ أضحكي نموذجا (Re: محمد جميل أحمد)
|
محمد..حبابك يا صديق
و حباب ضيوفك هنا..
و بعد..
كدت أن اسأل: و هل للرواعية حظ في الحديث عن الحداثة أو ما بعد الحداثة؟..و هنا اعني ذاتي يا صديقي.. فنحن من نفر ناس خلا ساكت.. لا مدن لاكهارب ..لا جان و الكريسماس..لا حاجة فيك..ولا الذي منو ذاتو.. لكن برضك بنسمع ابوعركي البخيت..!
و يتخيل لي يا محمد.. كل شعب أو زمن ثقافي حضاري محدد ليهو حداثتو الخاصة..و مابعد الحداثة برضك.. و بعد اذن ناس البنادر في ا م سودان ، فشغل ناس الحقيبة نقطة..و شغل ناس ابراهيم الكاشف ، ابراهيم عوض ، احمد المصطفى ، زيدان .. ممكن يكون حداثة..و شغل ناس عركي ممكن يكون ما بعد الحداثة..و هناك حفريات جيدة اشتغلها الأحمدين ( القرشي و طراوة).. ممكن تساعد كتير في استكشاف الحاجات..!!.. المهم على قول اخونا تبارك..!
زمان يا محمد.. عندنا اسطورة كانت حايمة في مدينة الدلنج..و مفادها أنو واحد عمك من ناس سلاح المزيكا في الخرتوم.. قام جاب ليهو نص مزيكا في نوتة..و قال للعساكر تشتغلو النص ده كتمرين.. أها العساكر جضمو ليك النص الموسيقي زي الترتيب.. لدرجة انهم انتهوا و تاني بدوا النص من الأول.. اها عمك قام سألهم: تفتكرو المزيكا دي من الحان منو؟.. اها العساكر هاك يا تشريع.. عبقري مزيكا حايم ما خلوهو..و عمك يشيل ويقول ليهم لأ..و لمن عجزوا حيلة.. قام قال ليهم: المزيكا دي بتاعة ابو عركي البخيت..!!!
تكون الأسطورة صحي أو كضب.. لكنها انطوت على اشارة مهمة للغاية.. و هي مزيكا ابو عركي فيها حاجة مختلفة و غريبة على المزاج و الفهم السوداني..و يتخيل لي دي نقطة ممكن تشكل مدخل لتناول الحداثة في تجربة ابوعركي كلها..وان كانت الحداثة تعني القطيعة مع التقليدي.. فاعتقد جزما انو عركي فعل و انجز بعض الأعمال التي يمكن أن تشكل قطيعه تامة عما قبلها.. سواءا في المزيكا أو الكلمة.. أو الأداء..و ان سمح لنا عيال البنادر و بناتو.. ان نبدي رأينا.. فتجربة (بخاف) حداثة..و سنام الحداثة هو (واحشني)..و (بعض الرحيق انا)..و ( سقوط دبشليم).. لأنو الحاجات دي الكلمة فيها قطيعة.. المزيكا قطيعة..و الأداء قطيعة..!!
و اتفق مع صديقنا تاج السر..انو المحاكمة بتاعة الحداثة مرات فيها ورطة..و بتحتاج انك تعاين للصورة بشكل متكامل.. لأنو النص برضك ممكن يشكل ثورة في نطاقو الخاص.. و لو جينا نتكلم عن نص (اضحكي) بنكون محتاجين نستصحب معانا تجربة الشاعر هاشم صديق (رائد المفردة الأنيقة في سماء اغنية دار ا م سودان)..لكني اختلف مع التاج في حكاية ذكر المناكفات التي حدثت بين الشاعر و المغني (هاشم و عركي)..و نحن جمهور المتلقييين و المتلقيات حقو ما نشتغل بيها كتير.. لأنو وجداننا اتشكل بتضامن الإتنين معا..و لو فعلا عركي حرد انو يغني (اضحكي) فبيكون عوقنا نحن الناس العادية اكتر مما يعوق غيرنا..!!
نصوص هاشم في ديوان (مزامير الزمن و الرحلة) فيها مفارقة كبيرة للغاية .. مقارنة بما سبقها..و فيها حميمية عميقة..و فعلا يا محمد كانت هي وجدان المدينة..لكن ياتو مدينة بالضبط (معظم نصوص الديوان ، خاصة جان و الكريسماس.. اتكتبت لمن هاشم كان في لندن بيعمل دراسات عليا في المسرح)..؟..لكنها تظل انيقة و مغايرة ( نفس الديوان برضك اشتمل على قصيدة حاجة فيك)..!
لكن عركي ، كمؤدي و ملحن ، يتخيل لي اضاف حياة باهية و زاهية للنصوص الغناها.. بما فيها نص (اضحكي)..و حكاية (ضحكك شرح قلب السمااااااااااااااااا).. يتخيل لي لو هاشم قعد ستين سنة ما ح يقدر يوصلها للمتلقي بتلك الحميمية..!!!
هل حداثة ابو عركي البخيت تحاكم بنص واحد؟ مندري..!!
و هذا لا يمنع ، بالطبع ، خيارات اخونا محمد جميل.. فمن حقو يحتفي و يتخاطر مع نص واحد من تجربة ابو عركي البخيت.. لكن يا ريتو يحفظ لينا حقنا في التفاهم..!!!
و دمتم جميعا..
كبر
|
|
  
|
|
|
|
|
| العنوان |
الكاتب |
Date |
| عركي والحداثة المنقوصة في أغاني المدن ؛ أضحكي نموذجا | محمد جميل أحمد | 04-25-13, 11:15 AM |
| Re: عركي والحداثة المنقوصة في أغاني المدن ؛ أضحكي نموذجا | Elmosley | 04-25-13, 11:19 AM |
| Re: عركي والحداثة المنقوصة في أغاني المدن ؛ أضحكي نموذجا | محمد حيدر المشرف | 04-25-13, 02:29 PM |
| Re: عركي والحداثة المنقوصة في أغاني المدن ؛ أضحكي نموذجا | Tagelsir Elmelik | 04-26-13, 07:46 PM |
| Re: عركي والحداثة المنقوصة في أغاني المدن ؛ أضحكي نموذجا | محمد جميل أحمد | 04-26-13, 11:43 PM |
| Re: عركي والحداثة المنقوصة في أغاني المدن ؛ أضحكي نموذجا | طه جعفر | 04-27-13, 06:52 AM |
| Re: عركي والحداثة المنقوصة في أغاني المدن ؛ أضحكي نموذجا | محمد جميل أحمد | 04-26-13, 10:58 PM |
| Re: عركي والحداثة المنقوصة في أغاني المدن ؛ أضحكي نموذجا | طاهر بدر | 04-27-13, 07:20 AM |
 Re: عركي والحداثة المنقوصة في أغاني المدن ؛ أضحكي نموذجا | إبراهيم عبد الحليم | 04-27-13, 07:21 AM |
| Re: عركي والحداثة المنقوصة في أغاني المدن ؛ أضحكي نموذجا | Kabar | 04-27-13, 08:03 AM |
| Re: عركي والحداثة المنقوصة في أغاني المدن ؛ أضحكي نموذجا | جمال السنوسي | 04-27-13, 09:29 AM |
| Re: عركي والحداثة المنقوصة في أغاني المدن ؛ أضحكي نموذجا | Tagelsir Elmelik | 04-27-13, 02:44 PM |
| Re: عركي والحداثة المنقوصة في أغاني المدن ؛ أضحكي نموذجا | محمد جميل أحمد | 04-28-13, 03:33 PM |
| Re: عركي والحداثة المنقوصة في أغاني المدن ؛ أضحكي نموذجا | محمد جميل أحمد | 04-28-13, 03:43 PM |
| Re: عركي والحداثة المنقوصة في أغاني المدن ؛ أضحكي نموذجا | محمد جميل أحمد | 04-29-13, 11:46 AM |
|
| |
Kabar
فيس بوك
تويتر
انستقرام
يوتيوب
بنتيريست