|
نصيحة أخوية: لا تضع صورتك أو اسمك في الواتس أب (تجارب شخصية)
|
والكلام ده للناس البهتموا بالخصوصية، وعشان (صورتك الخايف عليها) والكلام ده للذكور ولبنات حواء خاصة
لللأسباب التالية:
1- ممكن كل من هب ودب عبر إضافة رقمك عشوائيا يعرف شكلك وإنت منو واسمك كمان (للناس البتكتب اسمها الحقيقي في واتس أب) .. 2- ممكن الزول ده يضيفك ويفتح محادثة معاك (بتظهر حتى لو ما كتب شي) وياخد برنت سكرين ويظهر كأنو كان بتواصل معاك ويضيف الحوار الهو عاوزو (باستعمال برامج تعديل الصور وما أكثرها) ..( بالمناسبة ممكن هو يضيفك ويعمل العملية دي كلها وانت ما جايب خبر) لأنو الواتس أب ما بديك إشعار إنو في زول أضافك ولا بديك خيار قبول الإضافة من عدمه زي معظم برامج الشات البتعتمد على الإيميل، الواتس أب وتانجو وفايبر وإخوانهم بيعتمدوا على رقم الهاتف. 3- ممكن تكون بتتواصل مع زول بالهاتف برضاك، لكنك ما عايزو يعرف شكلك أو يعرف معلومة عنك .. يقوم يدخل رقمك في النصيبة دي وتظهر ليهو بعض المعلومات عنك في حين إنك ما جايب خبرو ( ممكن الزول ده يكون بينكم مشكلة ما ما أو قضية). 4- ممكن تكون بتتواصل مع زول لكن ما بتربطك بيهو صلة شخصية: موظف بنك - عميل لشركتك - معقب - مندوب برضو حدك معاهو حد العمل .. برضو لو أضافك بطريقة آلية ويوم زهجة ساي قلب الواتس اب بتاعو حيشوف خلقتك.
تجارب شخصية: 1- حصل إني أعرف شخصية المتصل بي عبر إضافة اسمه (لمصلحة التواصل). 2- حصل إني أعرف شخصيات بعض المزعجين الذين يمسكلون ولا يردون، أو يحاول يعمل ليك حركات (لكن على منو .. صحي مطاوعة لكن مفتحين :)). 3- حصل إني ختيت صورتي ونسيتا وبعد مدة غيرتها بصورة منظر طبيعي فأحد أصدقائي قال لي ليه غيرت صورتك فانتبهت إنو صورتي كانت في وقت ما متاحة للجميع، عشان كده خلي بالك ممكن تخت الصورة وتنساها وممكن تحذف الواتس اب ذاتو وصورتك تكون موجودة. 4- أحد أصدقائي عليه رحمة الله توفي في شهر فبراير الماضي ولا زال حسابه وصورته موجودة وتاريخ آخر ظهور هو تاريخ وفاته (( شيء مؤلم للغاية)). 5- تحذير: لو كنت مشترك في الواتس برقم هاتف وغيرتو .. اعمل حذف حساب للرقم القديم قبلما تغيره، والسبب: 1- حسابك حيظل مفتوح وحتتلقى فيه رسايل وانت ما مفعلو لكنه بظهر للناس وممكن الناس يراسلوك ويشموك ويفتكروك ما داير ترد عليهم. 2- ممكن الرقم ده يتلغي بسبب عدم الاستعمال وشركة الاتصالات تديهو لزول تاني ويظل يتلقى رسائلك (زي ما حصل لي كنت براسل صديقي ورد علي شخص أنه الرقم معه حاليا) 3- ممكن الشخص البيستعمل الرقم الكان ملكك يخت صورة خليعة ويظهر لكل المسجلين رقمك القديم إنو إنت الخاتي الصورة (زي ما حصل لابن الجيران حافظ القرآن ظهر لي فجأة إنو خاتي صورة خليعة وأصابني هم شديد لأنو الولد محافظ على الصلاة في المسجد واحترت كيف أتكلم معاهو .. لحدي ما أخدتو على جنب وبالراحة قلت ليهو يا إبني دي شنو الصورة الانت خاتيها في ملفك دي .. قال لي ياتو صورة قلت ليهو بخجل شديد: صورة بت ... قال لي أنا ما خاتي صورة زي دي .. قلت ليهو مش رقمك ******* قال لي الرقم ده أنا من زماااان كنسلتو!! وكانت خجلة بالنسبة لي).
النجيضة: الهواتف الذكية وبرامج التواصل فيها الكثير من المزالق وتحتاج الكثير من الحذر عند التعامل معها.
ما عارف أعتقد في خيار في برنامج الواتس اب في الآيفون إنو ممكن يصل لرقمك بس الناس المسجلين عندك .. لكني غير متأكد .. هل ممكن أحد يؤكد أو ينفي هذه المعلومة؟؟
|
|
|
|
|
|
|
العنوان |
الكاتب |
Date |
نصيحة أخوية: لا تضع صورتك أو اسمك في الواتس أب (تجارب شخصية) | محمد جلال عبدالله | 04-23-13, 09:10 AM |
Re: نصيحة أخوية: لا تضع صورتك أو اسمك في الواتس أب (تجارب شخصية) | محمد جلال عبدالله | 04-23-13, 05:38 PM |
Re: نصيحة أخوية: لا تضع صورتك أو اسمك في الواتس أب (تجارب شخصية) | kamal omer | 04-23-13, 05:49 PM |
Re: نصيحة أخوية: لا تضع صورتك أو اسمك في الواتس أب (تجارب شخصية) | سليمان القرشي | 04-23-13, 06:05 PM |
Re: نصيحة أخوية: لا تضع صورتك أو اسمك في الواتس أب (تجارب شخصية) | عبد الوهاب المليك | 04-23-13, 05:53 PM |
Re: نصيحة أخوية: لا تضع صورتك أو اسمك في الواتس أب (تجارب شخصية) | الامين محمد علي | 04-23-13, 06:24 PM |
Re: نصيحة أخوية: لا تضع صورتك أو اسمك في الواتس أب (تجارب شخصية) | Elbagir Osman | 04-23-13, 06:31 PM |
Re: نصيحة أخوية: لا تضع صورتك أو اسمك في الواتس أب (تجارب شخصية) | أيمن محمود | 04-23-13, 07:54 PM |
Re: نصيحة أخوية: لا تضع صورتك أو اسمك في الواتس أب (تجارب شخصية) | محمد يوسف طه | 04-23-13, 08:14 PM |
Re: نصيحة أخوية: لا تضع صورتك أو اسمك في الواتس أب (تجارب شخصية) | محمد نور عودو | 04-23-13, 08:21 PM |
Re: نصيحة أخوية: لا تضع صورتك أو اسمك في الواتس أب (تجارب شخصية) | أنور سيد ابراهيم | 04-23-13, 09:18 PM |
Re: نصيحة أخوية: لا تضع صورتك أو اسمك في الواتس أب (تجارب شخصية) | عمر عبد الله فضل المولى | 04-23-13, 10:29 PM |
Re: نصيحة أخوية: لا تضع صورتك أو اسمك في الواتس أب (تجارب شخصية) | محمد عبد الماجد الصايم | 04-24-13, 06:02 AM |
Re: نصيحة أخوية: لا تضع صورتك أو اسمك في الواتس أب (تجارب شخصية) | محمد جلال عبدالله | 04-24-13, 11:38 AM |
Re: نصيحة أخوية: لا تضع صورتك أو اسمك في الواتس أب (تجارب شخصية) | عبداللطيف شريف على | 04-24-13, 12:21 PM |
Re: نصيحة أخوية: لا تضع صورتك أو اسمك في الواتس أب (تجارب شخصية) | عادل سمير | 04-24-13, 12:45 PM |
Re: نصيحة أخوية: لا تضع صورتك أو اسمك في الواتس أب (تجارب شخصية) | وليد فتح الرحمن | 04-24-13, 02:18 PM |
Re: نصيحة أخوية: لا تضع صورتك أو اسمك في الواتس أب (تجارب شخصية) | saidahmed shami | 04-24-13, 02:29 PM |
Re: نصيحة أخوية: لا تضع صورتك أو اسمك في الواتس أب (تجارب شخصية) | على ابراهيم رفاى حمد | 04-24-13, 02:49 PM |
Re: نصيحة أخوية: لا تضع صورتك أو اسمك في الواتس أب (تجارب شخصية) | صالح عبده | 04-24-13, 02:53 PM |
Re: نصيحة أخوية: لا تضع صورتك أو اسمك في الواتس أب (تجارب شخصية) | محمد جلال عبدالله | 04-25-13, 06:23 AM |
Re: نصيحة أخوية: لا تضع صورتك أو اسمك في الواتس أب (تجارب شخصية) | محمد جلال عبدالله | 04-25-13, 06:35 AM |
Re: نصيحة أخوية: لا تضع صورتك أو اسمك في الواتس أب (تجارب شخصية) | محمد جلال عبدالله | 04-25-13, 06:40 AM |
Re: نصيحة أخوية: لا تضع صورتك أو اسمك في الواتس أب (تجارب شخصية) | HAIDER ALZAIN | 06-20-13, 10:02 AM |
|
|
|