|
|
 غايتو الليلة الفاتح جبرة بلحقوهو أمات طه: أوكامبو ذاااااتو؟؟!!
|
تقول الطرفة أن أدروب (رقيق) الحال قد وضعت له زوجته مولوداً ذكراً باحدي المستشفيات الحكومية (شبكوهو ليك) جيب شاش (يمشي يفتش ويستلف ويجيب) .. جيب حقن .. (يمشي يفتش ويستلف ويجيب) .. جيب دربات (يمشي يفتش ويستلف ويجيب) .. يوم الخروج لم يصدق أدروب انه إنتهي من هذا الفلم (المتعب) فذهب إلى مكتب السجل المدني الملحق بالمستشفي لإستخراج شهادة الميلاد حيث فوجئ بالموظف يطلب منه 40 ألف قيمة الشهادة ، (طنطن ادروب) .. وخرج من المكتب راسو ضارب .. عند إنتصاف النهار وبعد جهد جهيد تمكن أدروب من جمع المبلغ وتوجه لمكتب السجلات :
- أهو ده القروش؟
- (وهو يملا في الشهادة) : إسمك منو؟
- أدروب طاهر على
- أها المولود ده عاوز تسميهو منو ؟
- (بحرقةوإنفعال) : نسميهو أوكامبو ذاااتو كسرة :
(الجباية) في شهادات الميلاد شئ يدعو إلى الخجل والكسوف .. ده لو فضل فيها كسوف !
كسرة ثابتة (قديمة) :
أخبار ملف خط هيثرو العند النائب العام شنو(وووو وووو وووو وووو)+(و)
كسرة ثابتة (جديدة) :
أخبار تنفيذ توجيهات السيد الرئيس بخصوص ملف خط هيثرو شنو(و)
|
|
  
|
|
|
|
عبدالله عثمان
فيس بوك
تويتر
انستقرام
يوتيوب
بنتيريست