|
|
 شكـــــــــــــرا دار حمــــــــــــــر
|
شكرا يا كردفان ..
الله غالب ...سكة سلامة يا مواطن ....نم بخير ...
Quote: يا الله
ما تمنيت أن تكون تلك
آخر رسالة تبعثها لي
____
زين العابدين - الحليلة
|
يالزين ........غاب الكلس
|
|
 
|
|
|
|
|
|
|
 Re: شكـــــــــــــرا دار حمــــــــــــــر (Re: معاوية عبيد الصائم)
|
Quote:
العزيز الطيب شيقوق
تحياتي - وعلي الناظر شآبيب الرحمه والمغفرة ويرحمه الكريم بواسع رحمته .
هناك قمرين نيرين من أحفاد الناظر أعضاء في هذا المنتدي عادل سهل والعزيز الشاعر أحمد التجاني ماهل ود القنصل. يا ريت يغشونا بي جاي ويطيب معاهم الحديث والجلوس.
شكراً يا شيقوق
بحيراوي
|
| |
|
|
|
|
|
|
|
|
|
Re: شكـــــــــــــرا دار حمــــــــــــــر (Re: معاوية عبيد الصائم)
|
Quote: العزيز بريمة والفاضل ود شيقوق
تحياتي وللفاتح تحية وشوق ومثلها لكبر وباسط وإسماعيل ويحي وكافة متابعي هذا العمل الجميل .
يا لهذاالفتي وهو يرعى الضأن في سربة ضحوية ما قبل المقيل وحادف ساقو علي العنافي أبو قديديم . والشوقارة تتمدد حد النظر خضرة وجمال .أيضاً الشكر لود العمدة أمحمد عبد الرحمن .
بحيراوي
|
| |
|
|
|
|
|
|
|
|
|
Re: شكـــــــــــــرا دار حمــــــــــــــر (Re: معاوية عبيد الصائم)
|
الأخ باسط
الأخ الأصغر الفاتح
الزميل ودشيقوق
الاخ البحيراوى
والله هذا البوست قلعنى من غابة من الاوراق والعقود والتعقيدات وما كنت لاضن بلحظة صفاء على كردفان
وياله من عمر فى صفاء اللبن وايام فى خضرة سهول كردفان " عقب الخريف" ولحظات لن تمحوها قساوة
الغربة وليال لم تخطر على بال عشناها فى دار حمر والبقارة وفريق الناظر ودزاكى الدين وفرقان
المسيرية ورمال بارا " التى كثيرا ما وحلنا فيها وبتنا ليال فى ضيافة اكرم واحلى ناس "
اذا قلت اننى قد جبت كردفان طولا وعرضا وعرفت حلالها وفرقانها وخيرانها ودروبها من صافية ابقدم
فى الشمال الى كالوقى فى الجنوب الشرقى ومن المزروب الى الميرم وعايشت اعظم الرجال من النظار
والعمد والشيوخ الى ابسط الرعاة والزراع وبهذا اختلط ماء العد والخور فى كردفان بدمى وستدوم
هذه الخلطة ولاانفكاك...
أقول لصديقى شيقوق تأمل سويعات تقضيها تحت ظل تبلدية وارفة عز ايام الخريف حيث تبدأ الجلسة
مع تسلل خيوط الشمس بين السحاب بحياء لا تراه الا فى بنات كردفان وتمر بك شمس الخريف مع نسمة
" دعاش " تنذر بالمطر ولاترثيب اذا تواصلت الجلسة حيث المغنى والخضرة واشياء تانية حاميانى
تحت ظل المطر تستمر وحتى غسق الليل الاول وانت لاتحس بتسرب الوقت من بين الحضور والسرور
وانت لاتدرى ياصديقى بان شجرة التبلدى ليست واهية كبيت العنكبوت بل هى ساتر من الحر والمطر
كذلك..
هذه واحدة من لحظات قضيناها تحت تبلدية ليست ببعيدة من الابيض فهى على مرمى حجر من شركة شيكان على
طريق الدلنج مع الصديق الفنان نجيب الفضل المحامى حاليا فى دبى وكلما يجمعنى به الزمان تلوح
امامى هذه اللوحة.....
| |
|
|
|
|
|
|
|
|
 Re: شكـــــــــــــرا دار حمــــــــــــــر (Re: معاوية عبيد الصائم)
|
ول ابوى عيسى عبد العزيز
الليلة والليلة دار أم بادر ياحليلها بريد زولي
الزارعنو في البورة
واطاتو ممطوره
زولا سمح صوره
بالفاتحه مندوره
بريد زولى
يا والده سيبيني
والجراري راجيني
الشاي الفى الصيني
قريفو راميني
بريد زولى
الزارعنو في بارا
وساقينو الجمالا
زولا ستر حالا
في الغربه البطالا
بريد زولى
الليله والليله دار ام بادر يا حليله
بريد زولى
زولا سرب سربه
وختا الجبال غربه
ادوني لى شربه
وخلوني النقص دربه
الليله والليله دار ام بادر ياحليله
زارعنو في الوديان وساقينو بالتيران
أسمك تقيل يا فلان ذي حنضل القيزان
الليله والليله دار ام بادر يا حليله
بريد زولي
زولاً سرب سربه وخلي الجبال غربا
أدوني ليه شربه خلوني النقص دربا
الليله والليله دار ام بادر يا حليله
بريد زولي
برادك الصيني دا القرايافو راميني
يالوالده سيبيني الجراري راجيني
الليله والليله دار ام بادر يا حليله
بريد زولي
دا الغالي تمر السوق الكان قسموه ما بحوق
زولاً سنونو بروق في محكمة زاندوق
الليله والليله دار ام بادر يا حليله
بريد زولي
جايبنو من بارا وشايلنو الجماله
زولاً ستر حاله بالغربه البطاله
.....................................................
سلامات يا حلوين
يا توحي ياخ الليلة انا مت انسداحا!!
لي مدة طويلة ما سمعت هذه الروائع
وهنا زادها الهرم الابداعي الكبير/ شرحبيل أحمد رونقا وألقا..
مودتي
| |
|
|
|
|
|
|
| |
معاوية عبيد الصائم
فيس بوك
تويتر
انستقرام
يوتيوب
بنتيريست