|
|
|
 Re: زلزال أبوظبي دا ما سمعتوا بيهو؟ (Re: تيسير عووضة)
|
Quote: أعلن المركز الوطني للأرصاد الجوية والزلازل رصد هزة أرضية بقوة 6.2 على مقياس ريختر بعمق 24 كليو مترا ومركزها - شيراز - بوشهر في إيران على بعد حوالي 500 كم من مدينة أبوظبي وذلك في الساعة 3:52 بعد ظهر اليوم الثلاثاء.
وقال المركز في بيان له إن سكان دولة الإمارات شعروا بالهزة وكانت محسوسة في أبوظبي بشدة 4 درجات على مقياس ميركالي.
ونوه المركز إلى أنه لاتوجد أية أضرار ناتجة عن تلك الهزة .. |
الخبر
| |
  
|
|
|
|
|
|
|
|
Re: زلزال أبوظبي دا ما سمعتوا بيهو؟ (Re: تيسير عووضة)
|
Quote: قتل 37 شخصاً على الأقل، وأصيب المئات بجروح، في زلزال بقوة 1 .6 درجة على مقياس ريختر، ضرب منطقة بوشهر الإيرانية، وشعر به سكان الإمارات، فيما واصلت محطة بوشهر النووية نشاطها الطبيعي وفق رئيس المحطة الذي أكد أن سبب ذلك هو المسافة الكبيرة التي تصل ما بين150 إلى 160 كيلومتراً بين مكان وقوع الزلزال والمحطة . وذكر مسؤولون أن مدن خورموج وداير وكنغان شهدتا دماراً إثر وقوع الزلزال وأن فرق الإنقاذ هرعت إلى المنطقة . وتم تشكيل خلية أزمة لتقديم المساعدات إلى المناطق المتضررة .
وأعلن المركز الوطني للارصاد الجوية والزلازل في الإمارات أنه رصد هزة أرضية بقوة 2 .6 درجة على مقياس ريختر بعمق 24 كيلومتراً ومركز (يراز- بوشهر) في إيران على بعد نحو 500 كم من مدينة أبوظبي وذلك في الساعة 52 .3 بعد ظهر أمس . وقال المركز في بيان له إن سكان دولة الإمارات شعروا بالهزة وكانت محسوسة في أبوظبي بشدة 4 درجات على مقياس ميركالي . ونوه المركز بأنه لا توجد أية أضرار ناتجة عن تلك الهزة، داعياً المواطنين والمقيمين بالدولة إلى عدم ارتياد البحر خلال الساعات العشر المقبلة تحسباً لارتفاع الموج .
وأشارت الشبكة المحلية لرصد الزلازل في بلدية دبي إلى أنها رصدت مجموعة هزات أرضية في جنوب إيران وشمال غربي دبي على مسافة 513 كلم من دبي و523 كلم من أبوظبي، وشعر بالهزة قاطنو الأدوار العليا في دبي وأبوظبي بينما شعرت بها الدوحة والمنامة والكويت بشكل أكبر . |
جريدة الخليج
| |
|
|
|
|
|
|
|
|
|
Re: زلزال أبوظبي دا ما سمعتوا بيهو؟ (Re: تيسير عووضة)
|
اركزى يا تيسير
حالو حالو ده 4 بس على المقياس
المصيبة انو المنطقة واقع داخل حزام زلازل
بس اطمأنى
كل البنايات الفى ابوظبى محسوب فى اساساتها" السيسمك لود" اى القوة الناتجة عن الزلازل حسب المتوقع حسب المنطقة.
لذلك المرة الجاية ابتسمى و انت بتنظرى لاهتزاز الستائر
وما " تصرخى" مع المصرخين
| |
|
|
|
|
|
|
|
|
 Re: زلزال أبوظبي دا ما سمعتوا بيهو؟ (Re: هشام المجمر)
|
يا باشمهندس اركز شنو دي ما أربعة بس أظنها 14
وما عشرة ثواني بتكون زي نص ساعة كدا
عمارات أبوظبي دي مبنية بي ياي؟
اللذيذة أنا ما لحقت أكورك زاتو من الخلعة
يادوب جيت اكورك ليكم هنا دا ..
تسلم يا باش على التنوير ..
| |
|
|
|
|
|
|
|
|
|
Re: زلزال أبوظبي دا ما سمعتوا بيهو؟ (Re: هشام المجمر)
|
Quote: بس اطمأنى
كل البنايات الفى ابوظبى محسوب فى اساساتها" السيسمك لود" اى القوة الناتجة عن الزلازل حسب المتوقع حسب المنطقة.
لذلك المرة الجاية ابتسمى و انت بتنظرى لاهتزاز الستائر
|
يازولة ماتسمعي كلام ودالمجمر ده الظروف ما معروفة ..
اسعي ليك بارشوت وخشي دورة قفز  ياروح مابعدك روح
| |
|
|
|
|
|
|
|
|
 Re: زلزال أبوظبي دا ما سمعتوا بيهو؟ (Re: هشام المجمر)
|
Quote: كل البنايات الفى ابوظبى محسوب فى اساساتها" السيسمك لود" اى القوة الناتجة عن الزلازل حسب المتوقع حسب المنطقة.
لذلك المرة الجاية ابتسمى و انت بتنظرى لاهتزاز الستائر
وما " تصرخى" مع المصرخين |
وخلى مقياس ريختر معاك فى الشنطة كل الأوقات..
وكان جا غير المتوقع إتشهدى ,,
أها والجاب ليك شبطاتك منو؟؟
والعهدة على الراوى فردة تحت المكتب والتانية تم العثور عليها فى الدور الخامس
وقد كسرت حاجزالصوت والصمت
غايتو الراجل القاعد جمبى دا مشينا جبنا عربتو من المكتب بالليل والدخلت فيه ما مرقت..
سلامات ياخ وما تشوف زلازل ولا هزات إرتدادية,,
| |
|
|
|
|
|
|
|
|
|
Re: زلزال أبوظبي دا ما سمعتوا بيهو؟ (Re: أيمن الطيب)
|
Quote: والعهدة على الراوى فردة تحت المكتب والتانية تم العثور عليها فى الدور الخامس
وقد كسرت حاجزالصوت والصمت |
ياخ جنس بشتنة
غايتو لو جا حرامي بعد الجرية ديك كان غنى
الناس خلت التلفونات والشنط والحال وقامت جاكة
أنا هسي عندي فردة سفنجتي الخدرا ما لاقياها !
| |
|
|
|
|
|
|
|
|
 Re: زلزال أبوظبي دا ما سمعتوا بيهو؟ (Re: تيسير عووضة)
|
Quote:
أنا هسي عندي فردة سفنجتي الخدرا ما لاقياها !
|
وقامـت تااااااااني جابت سيـرة السّفنـجة 
حـمد الله علـى السّلامة ياخ
أنا إتّصل بـي لبنانـي شغال عندي فـي الشّركة
يصوّت ويردح ما فهـمت أيّ حاجة
تصدّقـي ما شعرت بأيّ شـيء
الواحد بقـى ما عنده إحساس 
تـحاياي
| |
|
|
|
|
|
|
|
|
|
Re: زلزال أبوظبي دا ما سمعتوا بيهو؟ (Re: لؤى)
|
| Quote: وقامـت تااااااااني جابت سيـرة السّفنـجة |
إيييييه دنيا 
يا لؤي اللبنيني يؤبر ألبي لازم يكون حساس
مش زيكم
(كدا البطل ضمن موضوع العمود الجاي بتاعو  )
ـــــ
دراسة علمية تشير إلى أن أول من يشر بالزلازل هم النساء والكلاب !
| |
|
|
|
|
|
|
|
|
|
Re: زلزال أبوظبي دا ما سمعتوا بيهو؟ (Re: عبد الحكم ابراهيم الحاج)
|
| Quote: نزلنا 13 دور بالسلم كيف أنا لي هسي ما قادرة أفهم |
حمدله بالسلامة يازولة.. عمارتكم دي الظاهر عليها علمانية؛ لو كانت تقية لسجدت كعمارة الرباط :).. شفتي العلمنة دي مرات سمحة كيف؟.. غايتو كان دايرة تفهمي حاجة بكرة وإنتي ماشة الشغل أطلعي بالسلالم :)
| |
|
|
|
|
|
|
|
|
|
Re: زلزال أبوظبي دا ما سمعتوا بيهو؟ (Re: abas)
|
العزيزة تيسير، حمد لله على السلامة
أنا شغال في أبو ظبي في الطابق الأول
لكن ما شعرت بيها زي أخوي أبو اللول دا
ماعندي إحساس هاهاها.
لكن بعد ما قريت الخبر دا أمبارح وهمة ساي
كدا حساسي إنو الدنيا بتتلولح وأنا ماشي في الشارع
للباركينغ، وقلت لي نفسي هسى يا ود يا أبو النيز لو داهمك
زلازل إيران في شارع المطار دا ح تمشي وين وكل العمارات طوييلة!!
عملت خطة إني ح أجري نص الشارع (في الجزيرة) وبكون في أمان أكتر،
وتاني لمن سقت العربية ماشي البيت في بني ياس، قلت لي نفسي يا ود
يا أبو النيز وجاء الزلزال دا تاني وإن سائق في الشارع ح تعمل شنو؟!
ممكن الكباري كلها تنهد!! وتجيك "سلابة" واقعة ليك في رأسك،
المهم كان رأسي بودي وبجيب، أتاريهو الزلال دا حاجة صعبة شديد،
وما حصل فكرنا فيهو، بالجد يوم أمس كان يوماً للتأمل في خطورة الزلازل،
وربنا يرحم كل ضحايا الزلازل في العالم.
تحياتي
| |
|
|
|
|
|
|
|
|
|
Re: زلزال أبوظبي دا ما سمعتوا بيهو؟ (Re: النذير حجازي)
|
سلامات يا النذير ..
ياخ كتلتني بالضحك
إذا كان إنت المهندس المدني بتقول كدا نحن نقول شنو؟
سعد ولدي أمبارح اليوم كلو شابكني ليك
يا ماما الإيرثكويك دا بجي ليه؟
شرحت ليهو بشكل مبسط عشان يفهم
طيب الأرض قاعدة في الفضاء ساي؟
قلت ليهو أيوة
يعني ما في حاجة ماسكاها؟
قلت ليهو ماسكاها يدي الرحمن
طيب لو الرحمن فكاها حنقع وين؟
ـــ
عندك إجابة مقنعة للأستاذ سعد يا النذير؟
| |
|
|
|
|
|
|
|
|
|
Re: زلزال أبوظبي دا ما سمعتوا بيهو؟ (Re: Isa)
|
الله يسلمك يا عيسى ..
جحا مشى يشتري بيت وهو بتفرج السقف بقى يتهوزز
سأل سيد البيت دا شنو؟
قال ليهو دا ما تخاف دا بيت تقي وهسي بيسبح ويستغفر
جحا قال ليهو أخشى أن تغشاه رِقة فيسجد
جحا زاتو علماني معانا ..
| Quote: غايتو كان دايرة تفهمي حاجة بكرة وإنتي ماشة الشغل أطلعي بالسلالم :) |
ياخ كل كم شهر بيعملوا لينا الـ fire mock drill
وبرضو بننزل بالسلالم لكن تلاتة يوم ما بنقدر نمشي بالشد العضلي
هسي وحياتك بالخلعة ولا أي شي
بركة البقينا حيين لي هسي
| |
|
|
|
|
|
|
|
|
|
Re: زلزال أبوظبي دا ما سمعتوا بيهو؟ (Re: عزالدين عباس الفحل)
|
Quote: طـوال الـيـوم ،
كـنـت فـي إجـتـمـاع طـويـل ،
مـا شـعـرت بأي هـزة ،
يـا تيسير عووضة ،
غـريـبـة،،، |
الهزة شعروا بيها أكتر الناس القاعدين في الأدوار العليا
رغم إنها أقل من عشرة ثواني لكنها كانت شديدة ..
محظوظ إنك ما شعرت بيها يا عز الدين الفحل والبركة في الإجتماع !
| |
|
|
|
|
|
|
|
|
|
Re: زلزال أبوظبي دا ما سمعتوا بيهو؟ (Re: ابراهيم الفاضل)
|
سلامات يا إبراهيم ..
| Quote: انا سمعت مساء التلاتاء انو كانت في هزة في ابوظبي لكن ما حسيتها ، الظاهر راسي لافي طبيعي |
ناس كتيرين ما حسوا بيها بالذات القاعدين في الأرض أو الأدوار القريبة منها
كويس ما حسيت بيها
أنا لي هسي راسي لافي ياخ
| |
|
|
|
|
|
|
|
|
|
Re: زلزال أبوظبي دا ما سمعتوا بيهو؟ (Re: تيسير عووضة)
|
ابببببببببببببببببببدا انحنا في دبي ما حسينا بي شئ
لكين بيني و بينك في زول كان زارنا لمن كنا في ماليزيا جزيرة بينانج جاب لينا السونامي
هسي يوم الاثنين الفات اتصل بي ,,, فماااا مستبعد يكون جاب لينا الكوارث دي في دبي (:
| |
|
|
|
|
|
|
|
|
|
Re: زلزال أبوظبي دا ما سمعتوا بيهو؟ (Re: ismeil abbas)
|
| Quote: (كدا البطل ضمن موضوع العمود الجاي بتاعو ) |
قبيل يا تيسير كنت داير أقول ليك بنايتكم دي مش علمانية بس لكن يمكن تكون ممالئة للإلحاد كمان.. لكن قلت ما في داعي كفاية عليك الخلعة والفزّة دي.. لكن إنتي براك بتقولي الكلمة البتقوم البطل.. أوبس أقصد الجمل
ــــــــــــــــ
زي ما عارفة في لغتنا الدارجة بنستعمل (النقرطة أو النقرضة) بمعنى أيوة.. لكن في جماعة وأثناء ما بشيّلوا العفش على الجمل وهو بارك وهم بتونسوا قام واحد قال (نق)، والجمل قام وقف فجأةً والعدة إتشتتت!. لامن بدوا تاني من جديد طوالي واحد نبه صاحبو: تاني ما تقول الكلمة البتقوم الجمل..
| |
|
|
|
|
|
|
|
|
|
Re: زلزال أبوظبي دا ما سمعتوا بيهو؟ (Re: Isa)
|
يا تايسا قال تعالى عز وجل :
" بسم الله الرحمن الرحيم "
" إِذَا زُلْزِلَتِ الأرْضُ زِلْزَالَهَا (1) وَأَخْرَجَتِ الأرْضُ أَثْقَالَهَا (2) وَقَالَ الإنْسَانُ مَا لَهَا (3) يَوْمَئِذٍ تُحَدِّثُ أَخْبَارَهَا(4)
بِأَنَّ رَبَّكَ أَوْحَى لَهَا (5) يَوْمَئِذٍ يَصْدُرُ النَّاسُ أَشْتَاتًا لِيُرَوْا أَعْمَالَهُمْ (6) فَمَنْ يَعْمَلْ مِثْقَالَ ذَرَّةٍ خَيْرًا يَرَهُ (7) وَمَنْ يَعْمَلْ مِثْقَالَ ذَرَّةٍ شَرًّا يَرَهُ (8)"
اها انشالله يكون لقيتى ليك مثقال ذرة خير ؟؟؟ اى داااوت ..
عارفه يا تايسا شاااايفه بوستيك دا .. وابيت ادخل ..
لانى سامعة بى كتاب لافى هنا اسمو الزلزال .. وسامعة بى جوطة معرض الكتاب بتاع ابوظبى ..
اها قلت البت تاسا دى كمان بقت تعمل دعايات لى ناس الكتب !!!
الله هونينى .. اصلو الليلة ما بدخل ليها ... وكنت مغيووووظه .. هههههههه
اتاريك يا بتى مفزوعه ومخلوعه ؟؟
والا يجى الزلزال عشان يكلمنا انك بتمشى المكتب بالسفنجة الخدرا ؟؟
لوووووووووووووب بوست لقطة والله ...
ـــــــــــــــــــــــــــ
اوعك تركنى لى نصيحة الباشمهندس ابقى جااااااارية ياختى ..
هو نحن عندنا كم تيسير ياخ ! ...
| |
|
|
|
|
|
|
|
|
|
Re: زلزال أبوظبي دا ما سمعتوا بيهو؟ (Re: مازن فيصل هلال)
|
Quote: لكين بيني و بينك في زول كان زارنا لمن كنا في ماليزيا جزيرة بينانج جاب لينا السونامي
هسي يوم الاثنين الفات اتصل بي ,,, فماااا مستبعد يكون جاب لينا الكوارث دي في دبي (: |
يا مازن زولكم دا ما ترسلوهو كافوري محل الرئيس بنوم
قضاء وقدر
| |
|
|
|
|
|
|
|
|
|
Re: زلزال أبوظبي دا ما سمعتوا بيهو؟ (Re: تيسير عووضة)
|
ككككككككككككككككككككككككككككككككككككككككككككككككككككككككككككككككككككككككككككككككككككككككككككككككككككككككك
2:28 ظهرا - الثلاثاء
ابوظبي
الهزة التانية يا تيسير
اانا بالطابق الخامس قايل في زول وراى بيطوطح في كرسينى اتلفت لقيت الناس جايطة وعاينت بالشباك الناس اغلها نازلة الشارع
الحكاية جااااااااااااااااارة
| |
|
|
|
|
|
|
|
|
|
Re: زلزال أبوظبي دا ما سمعتوا بيهو؟ (Re: صبري طه)
|
تايسا، حللي الفي المخزن طربقن الواطه... لكن انا وبتي ما حسينا بي شي... نادر في الطابق الخامس في مكتبهم حسوا بي هزتين... انا لو ما حللي ما كان عرفته.. انا ساكنه في الطابق التالت
حمدلله على سلامتكم
| |
|
|
|
|
|
|
|
|
|
Re: زلزال أبوظبي دا ما سمعتوا بيهو؟ (Re: تيسير عووضة)
|
Quote:
طبعاً أحب أبشركم يا لؤي ودينا إني لقيت فردة سفنجتي الخدرا حقت المرة الفاتت "يمين"
لكن فقدت الفردة االشمال في هزة الليلة دي !
|
يا طايسا
سلامات
هههههههههههههههه
سفنجاتك دي هـي سبب الزّلازل دي كُلّـها
ومن زماااااااااااااان
تـحاياي
| |
|
|
|
|
|
|
| |
تيسير عووضة
محمد علي عثمان
هشام المجمر
omer osman
احمد حمودى
أيمن الطيب
لؤى
Deng
أمير محمد ادريس
ابراهيم الفاضل
عبد الحكم ابراهيم الحاج
abas
النذير حجازي
عزالدين عباس الفحل
Hani Arabi Mohamed
عفاف الصادق بابكر
saidahmed shami
محمد عبد الماجد الصايم
ismeil abbas
دينا خالد
Elawad
مريم بنت الحسين
زهير عثمان حمد
Muna Khugali
رانية عمر عبدالله
فيس بوك
تويتر
انستقرام
يوتيوب
بنتيريست