|
|
|
 Re: استخارت ... وعرّسَتْ باكستاني ( حدث في السودان ) ... عشنا و شفنا (Re: Hani Arabi Mohamed)
|
Quote:
القعاد مع الأعراب .. مضر .. خاصة أعراب الخليج .. فينتابنا لأول وهلة شعور بغرابة الحدث .. ولكن ها هي بلادي على فطرتها وطبيعتها تقول للعالم .. هكدا تكون الحياة وتتعارف الشعوب .. غير أنه ، أليس من المدهش في بلد كالسودان .. بكل أريحيته تلك يتقاتل بنوه كل تلك السنين .. ويأبون العودة إلى كلمة سواء ؟ |
ما فهمت أي حاجة من كلامك يا فرحات
القاعد مع إعراب الخليج منو ؟
أما غرابة الحدث ... حقيقة فهو غريب علي ...
لكن شكله دي بقت حاجة عادية في السودان مثل كل الأشياء الأخري ...
| |
  
|
|
|
|
|
|
|
|
Re: استخارت ... وعرّسَتْ باكستاني ( حدث في السودان ) ... عشنا و شفنا (Re: يحي قباني)
|
Quote: وما المشكلة في الأمر ؟
ومالذي يدعو للزعل؟
طالما كان الأمر زواجاً على سنّة الله ورسوله ؟
إن كان في الأمر "زعل" فليكن على من يسلمن أنفسهم للغير دون رابط شرعي سواء كان "الغير" سودانياً أو من أي من شعوب الأرض.
نسخة إلى: دار المايقوما |
حسرة بالأحرى و ليس زعل ...
برضها كمان فكره ... تعرس السودانية ( في السودان )
هندي أو باكستاني افضل من ما ( تحمل ) بالحرام !!!
هي القصة ( جنس ) ولا شنو يا اشرف ؟
انا بتكلم عن زواج السودانيات ( داخل السودان ) من جنسيات أخري
لم يكن هذا متداولا ... علي الأقل في زمننا ...
| |
|
|
|
|
|
|
|
|
|
Re: استخارت ... وعرّسَتْ باكستاني ( حدث في السودان ) ... عشنا و شفنا (Re: يحي قباني)
|
منذ مئات السنين اختلط السودانيون بالقادمين من اليمن و تشاد و اثيوبيا و اريتيريا و لكن لبعد باكستان و عدم تواجد باكستانيين من قبل و حضورهم في فترة ظهور البترول ظهر لك أن هذا الزواج يستوجب الحسرة!!
طالما كان هذا الزواج على سنة الله و رسوله و يستر مسلمة يجب أن نقابله بالترحيب..السودانيون هاجروا لجميع انحاء العالم و تزوجوا من كل الشعوب فلماذا الحسرة على زواج السودانية؟ و اذا لم تجد سوداني يتزوجها فلماذا لا تتزوج باكستاني؟
| |
|
|
|
|
|
|
|
|
|
Re: استخارت ... وعرّسَتْ باكستاني ( حدث في السودان ) ... عشنا و شفنا (Re: يحي قباني)
|
ما شاء الله
راجل مجتهد .. هاجر من بلدو طلبا للرزق
استقر وشغال بعرق جبينو
اتزوج وعمل اسرة واولاد
كفاح يشبه كفاح كتير من السودانييين .. الضربو اصقاع الدنيا بحثا عن الرزق والاستقرار
فاتزوجو من كل الجنسيات تقريبا .. ةمن الاوروبيات .. من الامريكيات .. من الاثيوبيات ... من المغربيات .. وووو الخ
بعرف واحد سوداني .. متزوج باكستانية
اتزوجها لما كان بقرأ فى باكستان .. واشتغل بعدها فى باكستان
والان فى الخليج ..
| |
|
|
|
|
|
|
|
|
|
Re: استخارت ... وعرّسَتْ باكستاني ( حدث في السودان ) ... عشنا و شفنا (Re: Mohamed E. Seliaman)
|
سلام أخي يحيى ...
تعرف نسبة العنوسية في كثير من الدول العربية متفاقمة لحد بعيد والسبب أنهم يرغبون في الزواج لابن البلد المؤصل ... فالييبيون مثلا يقولوا ليك أنا عايزه ليبي ابن بلاد مؤصل ... وتزداد عندهم جرائم الجنس والملاجئ مليئة بنساء فتيات ارتكبن الخطيئة هربن من أهلهن لأن مصيرهن القتل ... وستتفاقم الأزمة في الدول العربية بالذات لللمفاهيم العنصرية تجاه غيرهم من البشر وحتى الليبي الأمة مصرية أو من المغرب العربي ينعت بصاد شين (من الأم المصرية) ولا يلاقي ترحيب في المجتمع بل قد لا يتم تزويجه ... في اليمن والسعودية يسمون المولدون ...
السودان كعادته التنوع بذر فيه بذرة قبول الآخر والأمر عاد عند المجتمع ... الأمر صعب فيما يخص العنوسة قد وصل نسبة الـ 50% في بعض الدول العربية وسيرتفع أكثر ... واليك بعض النسب المذكورة أدناه
النسب المذكورة فيهم البنات والشباب سنهم تعدى الثلاثين
السعودية 4ملايين ..... السعودية : نسبة الطلاق 33%
الجزائر 9ملايين
مصر 11مليون
السودان 20 في المئة عوانس
الاردن 40 في المئة تقريبا نصف السكان هذي كارثة
ليبيا 30 في المئة
في المغرب ستة ملايين فتاة و4ملايين شاب
في سوريا 26 بالمئةمن اجمالي السكان
في لبنان
قطر : نسبة الطلاق 38% ونسبة العنوسة 15%
الكويت : نسبة الطلاق 35% نسبة العنوسة 18% وعدد العوانس 70.000
البحرين : نسبة الطلاق 34% نسبة العنوسة 20% وعدد العوانس 50.000
الامارات : نسبة الطلاق 40% ونسبة العنوسة 60% وعدد العوانس 175.000
المغرب : نسبة الطلاق 40% ونسبة العنوسة 60% وعدد العوانس 7 مليون
الجزائر : نسبة الطلاق 37% العنوسة 38% عدد العوانس 11 مليون
فلسطين : نسبة العنوسة 1%
سوريا : نسبة العنوسة 55%
العراق : نسبة العنوسة 85%
لبنان : نسبة العنوسة 90%
تونس : نسبة العنوسة 81%
المصدر: مؤسسة بشر ومركز أبحاث ميسود اند سليوشن للدراسات والأبحاث ...
ياخي مالو لو تزوجت باكستاني ولا غيره ...
فمن اتاكم من ترضون دينه وخلقه فزوجوه ...
| |
|
|
|
|
|
|
|
|
|
Re: استخارت ... وعرّسَتْ باكستاني ( حدث في السودان ) ... عشنا و شفنا (Re: جمال الباقر)
|
يعني طلعت انا الغلطان ؟
الظاهر انا طولت من السودان و في أشياء كتيره اتغيرت
وكمان الشباب بقي يرضي بأشياء زمان ما كنا بنرضي بيها
غالبا كنا كفار زمان ما بنعرف سنة الله و رسوله
خصوصا أني ذكرت ( استخارت ) و طالما ( استخارت ) قضي الأمر ؟!
زى العمل استخارة انو يسرق خزنة الوزارة ....
الرسالة الدائر أوصلها :
الرجال ( عدموا ) في السودان لمن يمشن يتزوجن الباكستانيين؟؟
أو أي أجنبي آخر ؟؟؟
____________________________________
باكستاني معليش لو كان من قبيلة من قبائل السودان كانت تكون مشكله
| |
|
|
|
|
|
|
|
|
|
Re: استخارت ... وعرّسَتْ باكستاني ( حدث في السودان ) ... عشنا و شفنا (Re: يحي قباني)
|
| Quote: القعاد مع الأعراب .. مضر .. خاصة أعراب الخليج .. فينتابنا لأول وهلة شعور بغرابة الحدث .. |
اعراب الخليج لا يزوجون " مواطنة " من " اجنبي " الا وفق تصريح من جهات مسئولة توافق على الزواج بعد الاقتناع بحيثيات هذا الزواج ..
وهم يرون ان لهم خصوصية مجتمعية تسمو فوق بقية الاجناس..
بقترح عشان برضو " خصوصيتنا " نحن وناس الزمن الفلاني الفي زمنهم ما كان في كدة يُفعل قانون تستلم منه كل بنت وفتاة وامراة سواء كانت ثيب او بكر
نسخة يوضح انه لا يسمح لها بالزواج الا بعد الرجوع لصاحب البوست ومراجعة قانونية هذا الزواج اذا كان ينتهك اعراف ذلك الزمن ام لا..
وبعد ان يوافق بذلك تحمل الموافقة للماذون ليصدر الشهادة .. وإلا بقي كبيرة من الكبائر التي انحدر وانحط فيها السودان في ظل غياب يحي قباني عن البلد..
Quote: الرجال ( عدموا ) في السودان لمن يمشن يتزوجن الباكستانيين؟؟
أو أي أجنبي آخر ؟؟؟ |
آآآآآآآر يو سيييريص ؟!
ومالهم الباكستانيين في زمنكم ما عادي بتعرسوا للمصريين والاتراك والمغاربة والمورتانيين وهلمجرا ..
فعلاً التواجد مع ارعاب الخليج بيجعل نظرتهم التنميطية للاجناس بتنعكس حتى على الاجانب..
يقول احد اصدقائي دائماً .. من شابه كفيله فما ظلم ..
ـــــــــــــــــ
الله يرجعك يا الزمن الفلاني اريحنا يآخ ..
| |
|
|
|
|
|
|
|
|
|
Re: استخارت ... وعرّسَتْ باكستاني ( حدث في السودان ) ... عشنا و شفنا (Re: يحي قباني)
|
يا أستاذ يحي سلامات
بجد أنا ما شايفه المشكله وين؟؟؟
شفت الفديو
الزول زول كويس
إستقر في السودان وعجبتو عادات أهلها فقرر الزواج منهم
الزول ده صديق أخوها ..يعني ما جابتو من الشارع
أخوها لو ما واثق فيهو ما كان بعرفو علي أختو
زوله مؤمنه.....وحسب إيمانها سألت ربها التوفيق...
والخير في ما أختاره الله....
حكاية سوداني والماني وباكستاني ما عارفه المشكله فيها وين؟؟
ما أهو الرجال بعرسو الصباح الصباح!!!
في زول قال ليهم تلت التلاته كم؟؟؟
العرس موده ورحمه والفه..
والزول ده باين عليهو أليف وودود
بطبخ في بيتو ...ياخي إستنا لحدي رمضان عشان يعمل الأكله المشتهيها...
بناتو ظريفات يبدو إنهم مربيات كويس
مسأله الزنا دي الجابها هنا شنو ؟؟؟
وكمان جابت ليها أطفال مايقوما....
بالجد أنا ما عارفه...
العرس ما لإرضاء الشهوات الجنسيه.... وإن كانت جزء منه
| |
|
|
|
|
|
|
|
|
|
Re: استخارت ... وعرّسَتْ باكستاني ( حدث في السودان ) ... عشنا و شفنا (Re: يحي قباني)
|
الاخ قباني
تحيه
افهم اسغرابك للأمر باعتبار هذه الظاهره غريبه شويه علي مجتمعنا لكن ده واقع الحياه الآن
وفعلا زمان ما كنا بنستورد لاعبين ولا عرسان ولا تسالي
وقد يأتي يوم تستورد فيه صمغ عربي
ويمكن العريس السوداني برضو يكون مصنع في الخارج من مواد خام سودانيه
بس اهم حاجه انو نفهم الخيار كان نتيجة شنو
قد يكون لعدم عنصرية الحب
وقد يكون لعدم توافر المنتج المحلي
وقد يكون وقد يكون
لكن انا بتفكر انو السوق المحلي بضاعته ما زالت بخير وممكن تنافس عالميا
| |
|
|
|
|
|
|
|
|
|
Re: استخارت ... وعرّسَتْ باكستاني ( حدث في السودان ) ... عشنا و شفنا (Re: HAIDER ALZAIN)
|
المشكلة مش الزواج من الاجانب
المشكلة ثقالة ده مقدمي البرامج..
بتحاول تخفف دمها في برنامج،
مفروض تكون خلفه دراسات اجتماعية شاملة، تقوم بها مراكز ابحاث عن عزوف الشباب، والزواج من اجنبيات ، وتخرج بملخصات للظاهرة،
يعني تعاملت مع المسألة كأنها (عيديه)
..
..
كنت قبل سنوات في مناسبة ، وجاء ضابط من ناس جوازات الاجانب والهجرة، وحكي عن امرأة من الحاج يوسف، وقالت انها متزوجه من بنغالي، والراجل غايب، وقالت عايزه تفتح بلاغ، قاموا سالوها عن اسمو : ذكرت الأسم، لمن سالوها عن اسم ابوهو..قالت ماعارفه..
ضابط الهجر ه قال ليها وكت انت ماعرفه اسمو ابوهو.. حنجيبو ليك كيف؟
تخيل
يحدث هذا في الخرطوم
أم طرقا عراض...
| |
|
|
|
|
|
|
|
|
|
Re: استخارت ... وعرّسَتْ باكستاني ( حدث في السودان ) ... عشنا و شفنا (Re: يحي قباني)
|
Quote: يا أستاذ يحي سلامات
بجد أنا ما شايفه المشكله وين؟؟؟
شفت الفديو
الزول زول كويس
إستقر في السودان وعجبتو عادات أهلها فقرر الزواج منهم
الزول ده صديق أخوها ..يعني ما جابتو من الشارع
أخوها لو ما واثق فيهو ما كان بعرفو علي أختو
زوله مؤمنه.....وحسب إيمانها سألت ربها التوفيق...
والخير في ما أختاره الله....
حكاية سوداني والماني وباكستاني ما عارفه المشكله فيها وين؟؟
ما أهو الرجال بعرسو الصباح الصباح!!!
في زول قال ليهم تلت التلاته كم؟؟؟
العرس موده ورحمه والفه..
والزول ده باين عليهو أليف وودود
بطبخ في بيتو ...ياخي إستنا لحدي رمضان عشان يعمل الأكله المشتهيها...
بناتو ظريفات يبدو إنهم مربيات كويس
|
اختنا الفاضلة بت المرضي ...
والله لو قريتي كلامي من الأول ...
انا مستغرب ليس الا .... لأنو دي ما كانت من عاداتنا ...
لكن شايفها بقت عادي حكاية الاستيراد دي طالما كل الناس دي اتفقت ...
الزواج سترة مافي كلام ... وطالما هي مالقت من اولاد بلدها ... تتزوج من اي مكان ...
عموما انا مرقت من السودان سنة 88 ... وما حضرت ناس البشير ديل لاني ما رجعت ولا يوم واحد ..
فغالبا اشياء كتيرة فايتاني ... فما تاخذوني ... اعتبروني ( دقّه قديمة ) ...
Quote: مسأله الزنا دي الجابها هنا شنو ؟؟؟
وكمان جابت ليها أطفال مايقوما....
بالجد أنا ما عارفه...
العرس ما لإرضاء الشهوات الجنسيه.... وإن كانت جزء منه |
دي بقي احتار فوقها الفقهاء يا استاذة اقبال ...
| |
|
|
|
|
|
|
|
|
|
Re: استخارت ... وعرّسَتْ باكستاني ( حدث في السودان ) ... عشنا و شفنا (Re: يحي قباني)
|
سلام يا أهلنا ...
ويا يحي أنا ما مستغرب لإستغرابك ... لكني شايف في حاجة أهم من زواج الراجل ده بالسودانية.
شوف لما الكاميرا مشت معاهو البيت ... قبل ما يدخلوا، كان في مجموعة من الباكستانيين (5 أو 6)، قال ليها ديل جايين جداد.
مع خبرتي مع الباكستانيين في الخليج ..... حكاية (جايين جداد) دي ما حتتوقف أبداً ..... ودايما حيكون في ناس (جايين جداد)
يعني بعد كام سنة ... ممكن الكلاكلة دي ما تشوف فيها واحد من أهلنا المحس والحلفاويين.
الكلام ده خطير ... وخطير شديد، لأنو الناس ديل - رغم الخير الفي بلادهم - أراضيهم ضاقت عليهم شديد ومسألة الهجرة ما عندهم فيها مشكلة. إضافة لي إنو الزواج ده ممكن يكون عشان يكون عندو ذريعة للبقاء بشكل رسمي.
مؤكد زواج إنسان كويس من بنت - أي بنت - ما فيهو حاجة من وجهة النظر الشرعية .... لكن فعلاً ملفت إختلاف نظرة المجتمع من ناحية .. ومن ناحية تانية الخطورة الديموغرافية.
| |
|
|
|
|
|
|
|
|
|
Re: استخارت ... وعرّسَتْ باكستاني ( حدث في السودان ) ... عشنا و شفنا (Re: يحي قباني)
|
غايتو سودانيزاونلاين ده فيه عالم غريبه جدا يا استاذ قباني كلامك صحيح ميه المية وعداك العيب .... والعالم الردت دي كلها بتتكلم بالشخصية السايبيرية واي واحد فيهم لو جاء لي اخته باكستاني برجع للشخصية التقليدية واطردو شر طردة ... ياناس مع احترامنا للشعب الباكستاني لكن الزواج ده شئ اخر لازم تتطابق فيه حاجات كتيرة .. والباكستان عادات وتقاليد واعراف ما بشبهونا كيف نزوجهم ونتعايش معاهم ؟؟؟؟ ...
| |
|
|
|
|
|
|
|
|
|
Re: استخارت ... وعرّسَتْ باكستاني ( حدث في السودان ) ... عشنا و شفنا (Re: يحي قباني)
|
Quote: سلام يا أهلنا ...
ويا يحي أنا ما مستغرب لإستغرابك ... لكني شايف في حاجة أهم من زواج الراجل ده بالسودانية.
شوف لما الكاميرا مشت معاهو البيت ... قبل ما يدخلوا، كان في مجموعة من الباكستانيين (5 أو 6)، قال ليها ديل جايين جداد.
مع خبرتي مع الباكستانيين في الخليج ..... حكاية (جايين جداد) دي ما حتتوقف أبداً ..... ودايما حيكون في ناس (جايين جداد)
يعني بعد كام سنة ... ممكن الكلاكلة دي ما تشوف فيها واحد من أهلنا المحس والحلفاويين.
الكلام ده خطير ... وخطير شديد، لأنو الناس ديل - رغم الخير الفي بلادهم - أراضيهم ضاقت عليهم شديد ومسألة الهجرة ما عندهم فيها مشكلة. إضافة لي إنو الزواج ده ممكن يكون عشان يكون عندو ذريعة للبقاء بشكل رسمي.
مؤكد زواج إنسان كويس من بنت - أي بنت - ما فيهو حاجة من وجهة النظر الشرعية .... لكن فعلاً ملفت إختلاف نظرة المجتمع من ناحية .. ومن ناحية تانية الخطورة الديموغرافية. |
لكن يابو الريش هم ادونا فرقه نحلل الفيديو في عضمو ؟؟؟
بس قالوا ده عاااادي .... و ادوني محاضرات في الرجعية ...
والغريبة انو كل من عاش في الدنيا دي ...بيعرف انو الباكستانيين ومن جاورهم
لو ختوا كراعهم في محله ... يحلنا الحله بله بعد داك ...
والجديد الجاهم كمان عرفه بانو مهندس ....
تعال احكي ليك قصة ( المهندس ) الباكستاني
كنت زمان شغال في السعودية ...وكان في حارس لاحدي البوابات حقة القصر الأميري
اسمه ( كوثر ) ...بواب في البوابة دي 12 سنة ...
يصلي 24 ساعة .... وماسك سبحته ...
قبضوهو بيزور إمضاء الامير ... سفروهوا الباكستان ...
بعد سنة قابلتو في شارع العليا العام في الرياض ...
قلت ليهو يا ( كوثر ) الجابك تاني شنو ...
قام قرب علي و قال لي ..:
مهندس يحي ...انا الحين مافي ( كوثر ) ...انا في مهندس ( محمد أشرف ) ...
وراني جواز السفر ... جاي مهندس الكترونيات ... ومغير اسمه لمحمد أشرف وعامل تأشيره لأمريكا و ماشي ...
_______________________________________________________________________
| |
|
|
|
|
|
|
|
|
|
Re: استخارت ... وعرّسَتْ باكستاني ( حدث في السودان ) ... عشنا و شفنا (Re: usama Babiker)
|
Quote: غايتو سودانيزاونلاين ده فيه عالم غريبه جدا يا استاذ قباني كلامك صحيح ميه المية وعداك العيب .... والعالم الردت دي كلها بتتكلم بالشخصية السايبيرية واي واحد فيهم لو جاء لي اخته باكستاني برجع للشخصية التقليدية واطردو شر طردة ... ياناس مع احترامنا للشعب الباكستاني لكن الزواج ده شئ اخر لازم تتطابق فيه حاجات كتيرة .. والباكستان عادات وتقاليد واعراف ما بشبهونا كيف نزوجهم ونتعايش معاهم ؟؟؟؟ ...
|
هههههههههههه
والله يا اسامة انت الكلامك غريب
قالو ليييييييك البت دى جا اخوها كلمها بالزول ده ووافقت
اخوها
اخوها
يعنى ... زول زيو زى كل الناس الفى سودانيز
فرقو الوحيد انو ما عندو باسووورد
فكيف تقول اطردو شر طرده
| |
|
|
|
|
|
|
|
|
|
Re: استخارت ... وعرّسَتْ باكستاني ( حدث في السودان ) ... عشنا و شفنا (Re: وضاح عبدالرحمن جابر)
|
سلام : يحي قباني ولضيوفك الكرام
النجيضة :
الباكستانيون شعب منطو على نفسه ولا يداخل الأغراب كثيراً ، اللهم إلا إذا كانوا (أعراباً )
وعادةً يرسمون كل خطوة في حياتهم وفقاً على النتائج المادية التي يتحصلون عليها – 90% أو
أكثر من هذا الشعب بهذا الشكل - لا يختلف في هذه النقطة البنجابي عن البتاني أو المهاجر
أو السندي أو البلوشي أو الهزاروي .........إلخ .
قصة التزاوج بين الباكستانيين والسودانيين يعود تاريخها إلى منتصف التسعينات تقريباً ، وقبلها
لم نسمع بسوداني متزوج من باكستانية ، أو باكستاني متزوج من سودانية .
بالنسبة لزواج السودانيين من باكستانيات توجد طاشر حالة- أكاد أعرفهم جميعاً - والحمد لله جميعهم
يعيشون حياة مستقرة .
أما زواج الباكستانيين من سودانيات فأعرف أربع حالات قديمة بتفاصيلها أما الحالة الخامسة فهي
حالتكم هذه والتي سمعت بها من خلال هذا البوست . أما الأربعة الأخرى فواحدة تعيش حياة هادئة
ومستقرة مع زوجها ولكن في بريطانيا وهي حالة خاصة جداً لأن والد العروس وزير سابق . أما
فيما يتعلق بالحالة الثانية والثالثة فهما فتاتان من بحري تزوجن من باكستانيين والنتيجة
الآن هي العيش على أطراف مدينة كراتشي حياة بائسة وكئيبة واضطهاد وإذلال من أهالي الأزواج
بصورة عجيبة .
أما الحالة الرابعة فانتهت نهاية مأساوية حيث قام الزوج الباكستاني بقتل زوجته السودانية
التي كانت تعيش معه في إحدى قرى البنجاب وذلك بعد أن استولى على جميع أموالها – القصة معروفة
والملف موجود في السفارة السودانية بإسلام أباد .
صحيح الشعب الباكستاني شعب مسلم ولكن زواج بناتنا منهم فيه مجازفة خاصةً إذا كان خيار العيش
والسكن (باكستان ) لأن هذه التجربة فشلت مع كل الجنسيات تقريباً .
| |
|
|
|
|
|
|
|
|
|
Re: استخارت ... وعرّسَتْ باكستاني ( حدث في السودان ) ... عشنا و شفنا (Re: وضاحة)
|
البوست دا يكون منطقي لو كتبتو واحدة باكستانية
الراجل وجيه وكسيب وضحي من نمرة 2 سكن الكلاكة وفوق دا مسلم مطهر
كتير من الاسر السودانية ناسبت وافدين من مئات السنين وكثير من الهنود إستقروا وتزوجوا في السودان وأسرة الشريف الهندي المعروفة خير مثال وحتي ملامحهم واضحة (شوف صورة حسين الهندي)
كثير من المشاهير في السودان نتاج لتزاوج السودانيات مع أجانب
عبدالكريم الكابلي والده أفغاني قدم للسودان وأستقر في سواكن وإسم الكابلي كان لقب لأنه جاء من مدينة كابل في أفغانستان
عثمان اليمني والده يمني استقر بديار الشوايقة وتزوج منهم
وسمعت أن الفنان عثمان مصطفي والده صومالي استقر في القضارف
وكتير جدا من الامثلة لا حصر لها
| |
|
|
|
|
|
|
|
|
|
Re: استخارت ... وعرّسَتْ باكستاني ( حدث في السودان ) ... عشنا و شفنا (Re: Abdullah Idrees)
|
اخى عبدالله انا لست مع زواج السودانيه من عربى لاننى اعرف نظرتهم لنا الدونيه والشكليه اكثر من انفسهم ويعتبرون السودانيه سوداء ولو كانت صفراء فاقع لونها فنجن لسنا بهذه السذاجه نرقص لكل من طبل لنا ولكن هنالك حالات شاذه يجب ان نقر بها وهذا الشيخ المورتانى وقصيدته التى مجد فيها ام بادر اجود من اجود ما قيل فى دار ام بادر يا حليله ولا تنسى الرجل منذ الحرب العالميه ولازال قلبه بنبض شوقا وحنينا للسودان
| |
|
|
|
|
|
|
|
|
|
Re: استخارت ... وعرّسَتْ باكستاني ( حدث في السودان ) ... عشنا و شفنا (Re: Abdullah Idrees)
|
| Quote: وانا اعلم تماما مدى الاضطهاد الذي تتعرض له الباكستانية في بلدها ناهيك عن السودانية ، ولذا عندما تعيش المتزوجة من اجنبي من مثل هذه الدول في السودان مع زوجها يكون وضعها مستقرا ولا خوف عليها ، لكن من يضمن استقرارها عندما تسافر لتعيش في بلد زوجها ؟ الشيء الثاني وبغض النظر عن الزيجة موضوع البوست ، بالنسبة للزواج من رجل غربي فهذا لا مشكلة فيه ، تفقد المرأة سند عائلتها عندما تغادر بلدها الى بلد زوجها لكنها تكسب سند القوانين الصارمة في الغرب ومؤسسات الرعاية والمساندة .. |
سلمت يداك يا رجل ....
| |
|
|
|
|
|
|
|
|
|
Re: استخارت ... وعرّسَتْ باكستاني ( حدث في السودان ) ... عشنا و شفنا (Re: رحمه فضل المولى عجك)
|
Quote: كتير من الاسر السودانية ناسبت وافدين من مئات السنين وكثير من الهنود إستقروا وتزوجوا في السودان وأسرة الشريف الهندي المعروفة خير مثال وحتي ملامحهم واضحة (شوف صورة حسين الهندي)
كثير من المشاهير في السودان نتاج لتزاوج السودانيات مع أجانب عبدالكريم الكابلي والده أفغاني قدم للسودان وأستقر في سواكن وإسم الكابلي كان لقب لأنه جاء من مدينة كابل في أفغانستان عثمان اليمني والده يمني استقر بديار الشوايقة وتزوج منهم وسمعت أن الفنان عثمان مصطفي والده صومالي استقر في القضارف |
أخي يحي قباني
لك الود والتحايا الطيبات
ما اقتبسته من كلمات الأخ أسامة البلال هو بالضبط ما أعرفه وأردت قوله
وأكثر من ذلك فتجربة زواج الباكستانيين من السودانيات ليست وليدة اليوم
فهناك العديد من الأسر آباءهم باكستانيين وأمهاتهم سودانيات بنات قبائل
زي مابقولوا ولعل أشهر أسرة جدهم منذ أربعينيات القرن الماضي باكستاني
من البنجاب كمان باكستاني "ود قبايل" هي أسرة آل غلام - فمنهم رجال مجتمع
ومنهم موظفين "كبار" أيام الزمن الزين .. وهناك العديد من الأسر مثلها ..
التجربة ياصديقي ليست جديدة بالنسبة للباكستاني .. أما الجنسيات الأخرى فحدث
ولا حرح وأكبر نسبة من "الخلاسيين والخلاسيات" ذوي الجمال الهجين حظيت
بها اليمن .... لك ودي وتقديري ....
| |
|
|
|
|
|
|
|
|
|
Re: استخارت ... وعرّسَتْ باكستاني ( حدث في السودان ) ... عشنا و شفنا (Re: saidahmed shami)
|
Quote:
أخي يحي قباني
لك الود والتحايا الطيبات
ما اقتبسته من كلمات الأخ أسامة البلال هو بالضبط ما أعرفه وأردت قوله
وأكثر من ذلك فتجربة زواج الباكستانيين من السودانيات ليست وليدة اليوم
فهناك العديد من الأسر آباءهم باكستانيين وأمهاتهم سودانيات بنات قبائل
زي مابقولوا ولعل أشهر أسرة جدهم منذ أربعينيات القرن الماضي باكستاني
من البنجاب كمان باكستاني "ود قبايل" هي أسرة آل غلام - فمنهم رجال مجتمع
ومنهم موظفين "كبار" أيام الزمن الزين .. وهناك العديد من الأسر مثلها ..
التجربة ياصديقي ليست جديدة بالنسبة للباكستاني .. أما الجنسيات الأخرى فحدث
ولا حرح وأكبر نسبة من "الخلاسيين والخلاسيات" ذوي الجمال الهجين حظيت
بها اليمن .... لك ودي وتقديري .... |
حكاية إنو فلان داك أصوله هندية .. وعلاّن داك أصوله أثيوبية ..... ممكن تلاقي أمثلة كتيرة.
لكن الحالات دي متفرقة .... يعني خلال الـ 100 سنة الفاتو حصلت كم حالة؟
بالمقارنة ... خلال الـ 5 سنوات الفاتت، شخصياً سمعت بزواج سودانيات من مصريين وهنود وباكستانيين وبنغال.
مافي زول قال نحن دماءنا زرقاء ويجب عدم الإختلاط. لكن لما تبقى (ظاهرة) حقو الناس تلتفت ليها.
| |
|
|
|
|
|
|
|
|
|
Re: استخارت ... وعرّسَتْ باكستاني ( حدث في السودان ) ... عشنا و شفنا (Re: أسامة البلال)
|
| Quote: كتير من الاسر السودانية ناسبت وافدين من مئات السنين وكثير من الهنود إستقروا وتزوجوا في السودان وأسرة الشريف الهندي المعروفة خير مثال وحتي ملامحهم واضحة (شوف صورة حسين الهندي) |
اخونا اسامة البلال ...
اختلف معك في ان العائلات التي اتت وافده وهي من الهند بالتحديد منذ عشرات السنين ...
اتت للسودان كعائلات و استقرت و عملت بالتجارة ...
و تسودنت عبر السنين ولاغم ذلك حافظوا علي هويتهم ... الي ان وصلوا مؤخرا لمرحلة المصاهرة
المحدودة جدا مع بقية السودانيين ... منهم عائلات ميرزا و لاليت ...
اما الحالة اعلاه فهي حالة تثير القلق ... فهذا الرجل لو قرر الاختفاء ... ضاعت هذه الاسرة ... لانه فرد واحد لا عائلة له هنا ولا احد يعرف مكانه لو عاد الي بلاده ...
في حين ان العائلات المستوطنة منذ عشرات السنين باتت سودانية ...
| |
|
|
|
|
|
|
|
|
|
Re: استخارت ... وعرّسَتْ باكستاني ( حدث في السودان ) ... عشنا و شفنا (Re: usama Babiker)
|
Quote:
غايتو سودانيزاونلاين ده فيه عالم غريبه جدا يا استاذ قباني كلامك صحيح ميه المية وعداك العيب .... والعالم الردت دي كلها بتتكلم بالشخصية السايبيرية واي واحد فيهم لو جاء لي اخته باكستاني برجع للشخصية التقليدية واطردو شر طردة ... ياناس مع احترامنا للشعب الباكستاني لكن الزواج ده شئ اخر لازم تتطابق فيه حاجات كتيرة .. والباكستان عادات وتقاليد واعراف ما بشبهونا كيف نزوجهم ونتعايش معاهم ؟؟؟؟ ...
|
تحياتي ... من حقّك أن تتكلم عن نفسك ، وليس لك أن تتكلم نيابة عن آخرين ....
وبعدين لماذا تفترض أن البورداب ذوي وجهين ؟ وشخصيتين ؟ !!!!
الحكاية نسبية وفردية وتعود لكل شخص أن يحدد ما يراه مناسباً له :) فرجاء ما تغلط على الناس
| |
|
|
|
|
|
|
|
|
|
Re: استخارت ... وعرّسَتْ باكستاني ( حدث في السودان ) ... عشنا و شفنا (Re: يحي قباني)
|
لسسسسسه ح نلت ونعجن في الموضوع ده؟
سلامات يا قباني
:-)
Quote: اما الحالة اعلاه فهي حالة تثير القلق ... فهذا الرجل لو قرر الاختفاء ...
ضاعت هذه الاسرة ... لانه فرد واحد لا عائلة له هنا ولا احد يعرف مكانه لو عاد الي بلاده ... |
هو الاختفاء ده الا الواحد كده physically يكون غير موجود..
بس فلاحتكم في الباكستاني ده
في رجال سودانيين من بطن بلدنا المتعوجبين بيها دي ذاتها فنانيين جدا ومبتكرين لنماذج جديدة من الإختفاء
الواحد عارفينه منو وبيت اهله وين وكل شيء، قااااعد بس موجود اسم فقط لا غير
لا بشيل صغير ولا بوّجه كبير.. لا بيدرس الأولاد .. لا بساهر مع مريض ولا بودي الدكتور، لا بجامل ولا بطيب خاتر زول
الزوجة جارية يمين وشمال.. تحاحي وتدبّر.. حتى الصرف مابصرف عايزها تغطي كل شيء من ماهيتها هي..
ده ليييييه لا يثير القلق؟
ولماذا لا يعتبر اختفاء وتنصل من المسؤوليات كمان بى عين قوية وسن ملوية..
____
من الذي يكتب بباسوورد يحيى قباني؟؟
| |
|
|
|
|
|
|
|
|
|
Re: استخارت ... وعرّسَتْ باكستاني ( حدث في السودان ) ... عشنا و شفنا (Re: Hussein Mallasi)
|
Quote:
لسسسسسه ح نلت ونعجن في الموضوع ده؟
سلامات يا قباني
:-)
Quote:
هو الاختفاء ده الا الواحد كده physically يكون غير موجود..
بس فلاحتكم في الباكستاني ده
في رجال سودانيين من بطن بلدنا المتعوجبين بيها دي ذاتها فنانيين جدا ومبتكرين لنماذج جديدة من الإختفاء
الواحد عارفينه منو وبيت اهله وين وكل شيء، قااااعد بس موجود اسم فقط لا غير
لا بشيل صغير ولا بوّجه كبير.. لا بيدرس الأولاد .. لا بساهر مع مريض ولا بودي الدكتور، لا بجامل ولا بطيب خاتر زول
الزوجة جارية يمين وشمال.. تحاحي وتدبّر.. حتى الصرف مابصرف عايزها تغطي كل شيء من ماهيتها هي..
ده ليييييه لا يثير القلق؟
ولماذا لا يعتبر اختفاء وتنصل من المسؤوليات كمان بى عين قوية وسن ملوية..
____
من الذي يكتب بباسوورد يحيى قباني؟؟ |
و الله لو اعرف ... كنت جبت الفيديو و كتبت نفس الكلام
كان ده البجيبك لينا يا ست نجوان ...
حمد الله علي السلامة ... ده أولا ...
تانيا انتي بتتكلمي عن حالة تانية مختلفة تماماً
بتتكلمي عن أزمة أخلاق في زمن ملامحه كلها معكرة ...
انا بفتكر ظاهرة موضوع ( الكلاكلة كراتشي ) ده الناس لازم تكون
أكثر وعيا و تشوف سلبياته ممكن تعمل شنو مستقبلاً
قباني
| |
|
|
|
|
|
|
|
|
|
Re: استخارت ... وعرّسَتْ باكستاني ( حدث في السودان ) ... عشنا و شفنا (Re: يحي قباني)
|
سلامات يا قباني وكل المتفقين والمعارضين...
خيمة المولد دا مدقوقة من متين ؟ والله اول مرة اشوفها :)
نعم يا قباني هذه ظاهرة حديثة لم تكن منتشرة في السودان
طبعا الزواج عموما من اجناس اخرى ما فيهو مشكلة...
لكن زواج الاجانب من سودانيات داخل السودان مسالة قد تكون
خطرة جدا باتباع اعرافنا السودانية بتاعت الزول دا بصلي اذا هو ممتاز امسك اعقد الخ..
بالذات من الاجناس المعروف عنها عدم التزاوج مع جنسيات اخرى زي الباكستانين..
ليه ؟
دا موضوع طويل عندي مشوار للمطار وبجيكم راجع ان شاء الله
تحياتي........
| |
|
|
|
|
|
|
|
|
|
Re: استخارت ... وعرّسَتْ باكستاني ( حدث في السودان ) ... عشنا و شفنا (Re: رحمه فضل المولى عجك)
|
Quote: لكن زواج الاجانب من سودانيات داخل السودان مسالة قد تكون
خطرة جدا باتباع اعرافنا السودانية بتاعت الزول دا بصلي اذا هو ممتاز امسك اعقد الخ..
بالذات من الاجناس المعروف عنها عدم التزاوج مع جنسيات اخرى زي الباكستانين..
ليه ؟
دا موضوع طويل عندي مشوار للمطار وبجيكم راجع ان شاء الله
|
الله يفتح عليك يا نوباتيا ...
من امس وانا بقول ( حدث في السودان ) ... و( في السودان ) ...
اكيد الناس العايشة بالذات في الدول الاوربية و الامريكتين الكلام ده ما بيشملهم ...
لانو الظروف الاتختوا فيها الشباب الجبناهم صغار هنا بتحكمهم ... و الخيارات تكاد تكون معدومة ...
ما عندنا اعتراض ...
لكن برجع بقول الظاهرة دي داخل السودان لازم الناس تعرف مغبتها ...
في انتظار دلوك يا جميل ...
| |
|
|
|
|
|
|
|
|
|
Re: استخارت ... وعرّسَتْ باكستاني ( حدث في السودان ) ... عشنا و شفنا (Re: يحي قباني)
|
| Quote: والله يا جماعه كلما اسمع هنالك سودانيه تزوجت من اجنبى اتذكر المثل اللبنانى من تزوجت من غير ملتها ماتت بى علتها والله يا اخوان نحن ملتنا هم الافارقه يشبهونا فى كل شى فى اللبس والاكل وحتى الاشكال مثل بعضها |
يا رحمه ...
يبقي السؤال ...
نفس الاخت الاتزوجت باكستاني في السودان دي ...
لو اتقدم لاختها شخص مؤهل من اي دوله افريقية ( افريقية ) ...
هل ستستخير من الاساس ...
وهل كان الافضل الزواج من الشخص الباكستاني الاتي للسودان طلبا للرزق ...
ام ... ربما ...كان الافضل الزواج من شخص سوداني كزوجة ثانية ...؟؟
اسألة... تبحث عن إجابه ...
| |
|
|
|
|
|
|
|
|
|
Re: استخارت ... وعرّسَتْ باكستاني ( حدث في السودان ) ... عشنا و شفنا (Re: يحي قباني)
|
| Quote: وطالما هي مالقت من اولاد بلدها ... تتزوج من اي مكان |
عمنا يحيى قباني .. سلام واحترام
في رأيي المتواضع ليس بالضرورة أن تتزوج أجنبي لأنها ما لقت من بلدها
الزواج خيار ذاتي وحرية شخصية، ووقتما توفرت مقوماته وشروطه فليس فيه حرج
أما تجربة زواج السودانيات بأجانب فقديمة وبالذات الباكستانيين
أذكر في منتصف الثمانينات بعد انتفاضة أبريل اشتريت إحدى الصحف السودانية
(وكنا ذلك الوقت أطفالا في الابتدائي ونشتري الصحف السياسية - تخيل - بسبب الزخم السياسي العام)
المهم في تلك الصحيفة لقيتهم جايبين لقاء مع باكستاني متزوج سودانية
درس في جامعة الخرطوم واسمه مقبول، وتكلم عن عادات الزواج في باكستان والسودان
بعرف أحد أصدقائي سوداني درس بباكستان ومتزوج 3 باكستانيات حتة واحدة..تخيل!!
أها الناس ديل بدونا بناتهم ولم يعرسوا بناتنا نقول ليه؟ ^___^
| |
|
|
|
|
|
|
| |
يحي قباني
فرحات عباس
Hani Arabi Mohamed
الحاج حمد الحاج
وضاح عبدالرحمن جابر
محجوب البيلي
نايف محمد حامد
Mohamed E. Seliaman
aosman
سيف اليزل سعد عمر
othman mohmmadien
وضاحة
الامين موسى البشاري
جمال الباقر
HAIDER ALZAIN
Egbal Elmardi
محمد حسن محمد ادم
mustafa bashar
محمد عوض السيد
محمد أبوالعزائم أبوالريش
usama Babiker
Rihab Khalifa
Hatim Alhwary
محمد البشرى الخضر
د.يوسف محمد طاهر
أسامة البلال
رحمه فضل المولى عجك
Abdullah Idrees
بابكر قدور
saidahmed shami
Mubarak kunna
نجوان
Hussein Mallasi
حسين نوباتيا
محمد جلال عبدالله
فيس بوك
تويتر
انستقرام
يوتيوب
بنتيريست