|
|
 Re: الفضل في عودة تمبس وود الصايم للمنبر يعود .... (Re: محمد إبراهيم علي)
|
| Quote: ود البشرى احي شجاعتك |
تعرف يا ود ابراهيم انا من قبل الكورة متشائم شديد وابدا ما متفائل
من شدة ما متشائم بقول حتى لو صعدنا بعواليقنا ديل ماشين وين اخير لينا النطير قبل ما نلاقي ناس ترجي و اهلي الماعندهم يمّا ارحميني
اها بدت الكورة القون بتاع سيوي الحسبو الحكم أوف ما اشتغلت بيه قلت عادي اصلنا طايرين
لكن شوية شوية مع الأداء السمح و الجدية و الرجالة انفعلت وبديت اتفاءل شوية شوية
مع قون بشة قمت فوووووووق اديتها نطة وزغريدة وزووويطة صغيرة كدا
القون سمح ياخ و جرية كاريكا بالباك تعجب, جرية صبي راضع لبن امه وانا عندي قناعة انو كاريكا ما بعرف يعكس ابدا فا خذلني و عكسها صاح :)
الغريبة عكساته الصاح دايما لبشة زي كورة الإتحاد الليي الهناك, ما علينا نرجع للموضوع
اها جاني يقين انو القون التالت جاي جاي وفعلا ما خذلونا الشباب رغم انو صنعه ايكانغا العربي الما بريدو دا لكن في النهاية ياهو قون
اها يا مؤمن اخوك خلاص دخل في حالة بتاعة متأهل وكدا وبديت انظّر في السطاشر نلاقي منو و أخير نطير ننزل الكونفيدرالية و إييييييك سرحت بغنم ابليس
بلا يا قريبك حصل الحصل في الدقيقة مافي
اها الهجمة الدخلتني اسكت خليها ساي, و كان ما اخاف المبالغة اظني أغمن علي عديل كداوحسيت ليك بي حيلي برد واطرافي ديل مافيشات نهائي وقصة غايتو اسكت خلها بس
بعد زي عشرة دقائق كدا نزلت علي سكينة عجيبة حسين بي راحة و اطمئنان مبالغ فيه ما عارف ليه ولا مصدرو شنو
راحة البسّلم أمرو لربه و يؤمن بقضاؤه وما قدّر له
وجرت على لساني وقلبي عبارات على شاكلة المؤمن امره كلّه خير و المؤمن مبتلى وعسى أن تكرهوا شيئا وهو خير لكم
اها مع الحالة النورانية الجاتني ليك وانا بين واعي وما واعي إذا بي أرى فيما يرى النائم الوصيفاب لاحقننا وطايرين معانا
بل رأيت التيم الأنقولي تقدم بالقون الأول و المريخ عادل و انتهت المباراة على كدا
فكنت تاني يوم عندي إيمان لدرجة أقل قليلا من اليقين انو المريخ طاير طاير
ونازعتني نفسي ان اكتب بوست بالمعنى دا - لكن الله ينعل ابليس قال اها ولو ما حصل ما ح تشرب زيت فلاوز بي
لكن مع القون الأول عرفتها و كتبت البوست و زوووووّطت ما شاء لي الله فيه
حتى لما درن المريخ كنت مطمئن بس النصيحة ليك يا الله فاجأني قون الأنغولاب التاني
مع يقيني انو الكورة ح تنتهي واحد واحد أظنو فاجأني أكتر من اكرم زاتو 
__________________________________________
بالمناسبة عشان ما تقول دا حنك مني عندي سابقة في رؤية كورة المريخ ومازمبي قبل كدا لحدي اسم الجاب قون المريخ
رايت فيما يرى النائم .. الكورة لم تكتمل..
إلى تنظيرمع التحية ...
|
|
  
|
|
|
|
|
| العنوان |
الكاتب |
Date |
 الفضل في عودة تمبس وود الصايم للمنبر يعود .... | محمد إبراهيم علي | 04-07-13, 09:12 AM |
| Re: الفضل في عودة تمبس وود الصايم للمنبر يعود .... | محمد إبراهيم علي | 04-07-13, 09:13 AM |
| Re: الفضل في عودة تمبس وود الصايم للمنبر يعود .... | محمد إبراهيم علي | 04-07-13, 09:14 AM |
| Re: الفضل في عودة تمبس وود الصايم للمنبر يعود .... | محمد عبد الماجد الصايم | 04-07-13, 09:26 AM |
| Re: الفضل في عودة تمبس وود الصايم للمنبر يعود .... | tmbis | 04-07-13, 09:29 AM |
| Re: الفضل في عودة تمبس وود الصايم للمنبر يعود .... | محمد إبراهيم علي | 04-07-13, 09:38 AM |
| Re: الفضل في عودة تمبس وود الصايم للمنبر يعود .... | محمد البشرى الخضر | 04-07-13, 12:15 PM |
| Re: الفضل في عودة تمبس وود الصايم للمنبر يعود .... | محمد عبد الماجد الصايم | 04-07-13, 12:23 PM |
| Re: الفضل في عودة تمبس وود الصايم للمنبر يعود .... | محمد البشرى الخضر | 04-07-13, 12:36 PM |
| Re: الفضل في عودة تمبس وود الصايم للمنبر يعود .... | محمد عبد الماجد الصايم | 04-07-13, 12:44 PM |
|
| |
محمد البشرى الخضر
فيس بوك
تويتر
انستقرام
يوتيوب
بنتيريست