|
الحلقوا ليهم منو والحلاق منو وليه الحلق؟
|
زمان لمن أمريكا ضربت مصنع الشفاء وفي سوق نيالا كان في أحد التجار الذي أتوا إليها من وادي صالح, ظل اليوم كله محل ما يمشي بلقى الناس بتكلموا عن ضربوه وضرب ووو.
قام تاجر وادي صالح بسؤال أحد التجار في السوق: إنت إنت الليلة الحاصل شنو؟!!! محل ما أمشي أسمع ضربوه ضربوه, الضرب منو والضربوه شنو وضربوه بي شنو وليه؟ رد عليهو التاجر الآخر: أمريكا ضربت مصنع الشفاء في الخرطوم بي طائرات, وقالوا المصنع بصنع أسلحة كيميائية.
تاجر وادي صالح: لا إله إلا الله محمد رسول الله, أمريكا دي ما عندها شغلة ولا شنو؟ لو داير تضرب كده ما تضرب لينا مكتب الضرائب بتاع وادي صالح ده بدل ما تضرب مصنع دواء.
هسي كمان أنا من أمس كل ما أدخل المنبر ده بلاقي كمية من البوستات بتقول: حلقو ليهم, زعمطوه, بشتنوهم. طيب ممكن واحد فيكم يتبرع و يشرح لي الزعمطوه أو الحلقوه منو, والحلاق أو الزعماط منو و زعمطوا ليهم بي شنو وليه الحلق و الزعمطة دي كلها؟
|
|
|
|
|
|