|
ألف مرحب بالمهندس مستشار / حيدر الشيخ إدريس / السيال- شندى
|
ودالمنسي ووضاحة وعثمان موسى والفاضلابي بختكم فقد انضم اليوم بوردابي من ضهاريكم
انه المهندس مستشار حيدر الشيخ ادريس - من قرية السيال غرب شندي خريج جامعة الخرطوم 1983 م - يعني دفعتي عمل بالهيئة القومية للكهرباء بالسودان منذ تخرجه هاجر لسلطنة عمان 1994 م تحصل على درجة الماجستير 1994 م يعمل الان بوزارة الصحة العمانية بوظيفة رئيس قسم التنسيق للشؤون الهندسية بالوزارة رئيس للجالية السودانية بمنطقة شمال الباطنة بالسلطنة لاكثر من 8 دورات متواصلة
الف مرحب بيك يا باشمهندس كبوردابي بيننا فانت بلا شك ستمثل اضافة نوعية لاعمال هذا المنتدى
|
|
|
|
|
|
|
|
Re: ألف مرحب بالمهندس مستشار / حيدر الشيخ إدريس / السيال- شندى (Re: Osman Musa)
|
شكرا اخي محمد عوض السيد
عثمان موسى
Quote: يا الطيب يا أخوي أها النقولك : ود شيخ أدريس ده جدو درس الدين و العلوم في خلوة الشيخ الدوش جد شاعرنا الفخيم الدوش .. خلوة الدوش دي يا ود شيقوق قالوا عمرها ألفين سنة . أها تقول لي السيال ضهاري ؟؟؟ |
والله جبت خبرو طاب - الراجل سكن معاى في الشقة وبكري اداهو الباسويرد في نفس اليوم الجاء سكن معاى فيهو واول حاجة اكرمتو بيها هي فتح البوست دا . اها قصرت معاهو تاني ؟
ومال ما ضهاري شنو؟ لوساكا؟
| |
|
|
|
|
|
|
Re: ألف مرحب بالمهندس مستشار / حيدر الشيخ إدريس / السيال- شندى (Re: Ahmed al Qurashi)
|
Quote: ودالمنسي ووضاحة وعثمان موسى والفاضلابي بختكم فقد انضم اليوم بوردابي من ضهاريكم
انه المهندس مستشار حيدر الشيخ ادريس - من قرية السيال غرب شندي خريج جامعة الخرطوم 1983 م - يعني دفعتي عمل بالهيئة القومية للكهرباء بالسودان منذ تخرجه هاجر لسلطنة عمان 1994 م تحصل على درجة الماجستير 1994 م يعمل الان بوزارة الصحة العمانية بوظيفة رئيس قسم التنسيق للشؤون الهندسية بالوزارة رئيس للجالية السودانية بمنطقة شمال الباطنة بالسلطنة لاكثر من 8 دورات متواصلة
الف مرحب بيك يا باشمهندس كبوردابي بيننا فانت بلا شك ستمثل اضافة نوعية لاعمال هذا المنتدى |
مرحــب حبــاب العِزو ماهو لفاية أبـ ناراً تولع لي الضيوف دفاية بي ود الشيخ الإفتخار ما كفاية التابعو إن جانا نفخربّو نخدمو حفاية
في التبادي ود الشيخ حيدر من السيال الكبير ولا السيال السغير ؟ وأكيد درس في مدرسة شندي الثانوية مرحب بيك حيدر ود الشيخ ادريس بس زي ما قال ليك ود المرتضى أحذر العقارب وضنبهم زولك دا حرّم يكتلك ويمشي في جنازتك أبقى داب اهلك بالمناسبة يا ودشيقوق محمد عبدالله الأمين ( رومص ) ورومص دا لقب ابو فحل القبيلة عليه رحمة الله الزويل دا ابن عمي لزم لكن باقي لي اسم المنسي دا طرطش لي جمعة الاسم في راسو وما عرفني حباب حيدر
| |
|
|
|
|
|
|
Re: ألف مرحب بالمهندس مستشار / حيدر الشيخ إدريس / السيال- شندى (Re: الفاتح ميرغني)
|
Quote: لوووول ماشاء الله شايفك اليومين ديل بقيت صفوي خالص تشيل وتجيب في الصفوة. الف مراحب بالباشمهندس حيدر وأتمنى أن يطيب له المقام بيننا. |
انت الهسه بتتلصق فيك هلاري كلنتون دي مش جبتك انا في المنبر دا؟
يا زول حيدر جاء وسكن معاى في الشقة والان في فترة اختبار لمدة 3 شهور لا يقبل نهائيا الا بعد التأكد من الاتي :-
اولا : ما ينقر لي باب غرفتي ساعة نومتي البعد الدوام ثانيا: انا بعد اقوم من النوم بتلهم سودانيز وبتصفح البوستات كووولها عشان اشوف وضاحة كتبت وين وقالت شنو؟ ورمت دراب ولا ما رمت ؟ . اها بس في اللحظة ديك ما يجيني ويقول لي وضاحة دي منوووووووووو وبتتجاسر عليك كدا لشنوووووووو ؟
ثالثا: ما يجيهو ضيفو الخاص ويمسكو من يدو ويلهمو غرفتي ، وانا منهمك في الرد على المتداخلين في سودانيز .
رابعا: وعشان يكبر في عيني و تكبر معاهو معاني ، ما يناديني للغداء الا بعد خلاص يكونوا فرشوا الغداء في الطاولة .
خامسا: اكان كمان شد حيلو وبقى يعبي لي موبايلاتي بكروت الشحن زولك ببقى حاجة تانية لانو سودانيز ما بتديك فرصة تعبي موبايلك .
سادسا : عندما نلتقي في وجبة الغداء ما يونسني الا بسودانيز وبس اوع بس يتلهم بي ونسة الكورة والدولار عمل كم وكدا .
نواصل فترة اختبار الباشمهندس حيدر .
| |
|
|
|
|
|
|
Re: ألف مرحب بالمهندس مستشار / حيدر الشيخ إدريس / السيال- شندى (Re: الطيب شيقوق)
|
الحاج
سلام
Quote: مرحبا بالأخ الباشمهندس حيدر الشيخ و يا ناس السيال - شندي حيدر دا ناس الشعبية عندهم فيهو نص ما تخمونا ساكت ما دايرين نقول الولد ولدنا و نظلم السيال..مرحبا بيك منور الحوش و مثل حيدر تزدان به المجالس |
والله بيني وبينك حيدر ضو قبيلة وعشاء بايتات فعلا يستحق الناس تتكاتل فيهو
الزول صباح خير بس مشكلتي انا انو حيدر سكن معاى وانا لا شغال بهلال ولا مريخ وحيدر مريخابي وصديقي آخر ساكن معاى زمن هلالابي
تاني بعد دا علا ابقى حجاز بس يا الحاج اخوى .
| |
|
|
|
|
|
|
Re: ألف مرحب بالمهندس مستشار / حيدر الشيخ إدريس / السيال- شندى (Re: الطيب شيقوق)
|
Quote: بالمناسبة يا ودشيقوق محمد عبدالله الأمين ( رومص ) ورومص دا لقب ابو فحل القبيلة عليه رحمة الله الزويل دا ابن عمي لزم لكن باقي لي اسم المنسي دا طرطش لي جمعة الاسم في راسو وما عرفني |
واااااااااووو ود العم و ( العمه ) الاستاذ / خالد علي محجوب ... فعلا المنسي دي جهجهة باكاتي وقلت اتريس شوية ما أدخل شمال يطلع زولا تاني ....... سعيد جدا بيك واشكر صاحب الحوش الذي اتاح لنا لقاء ناسنا واهلنا وزمن طوووويل ما اتلاقينا .......
| |
|
|
|
|
|
|
Re: ألف مرحب بالمهندس مستشار / حيدر الشيخ إدريس / السيال- شندى (Re: محمد عبد الله الامين)
|
Quote: واااااااااووو ود العم و ( العمه ) الاستاذ / خالد علي محجوب ... فعلا المنسي دي جهجهة باكاتي وقلت اتريس شوية ما أدخل شمال يطلع زولا تاني ....... سعيد جدا بيك واشكر صاحب الحوش الذي اتاح لنا لقاء ناسنا واهلنا وزمن طوووويل ما اتلاقينا ....... |
مرحب حباب أبن الخال والعم والعمة والخالة إن صحَّ الصحيح وقبل القسمة على إتنين وبالمناسبة اعرفك القردابي ( دا عمر محمد الحسن محجوب )
حل المعضلة يا شيقوق كان بقيت شاطر ؟؟ طبعاً انت زول أدبي الريضيات كنت مصفر وقطر قايم دخل المحطو بدون تالبت شن نفس بلا صوف الكديس ههههههههههههههه بخلي عقلك يزوزو وتعقد في التراب لآمن يروح حِجابك يا مسنوح
| |
|
|
|
|
|
|
Re: ألف مرحب بالمهندس مستشار / حيدر الشيخ إدريس / السيال- شندى (Re: خالد علي محجوب المنسي)
|
Quote: طبعاً انت زول أدبي الريضيات كنت مصفر وقطر قايم دخل المحطو بدون تالبت شن نفس بلا صوف الكديس ههههههههههههههه بخلي عقلك يزوزو وتعقد في التراب لآمن يروح حِجابك يا مسنوح |
عمرك كلو يا سجم الرماد ما صدقت في كلمة انا بالجد مصفر وكمان بلاطة عديل
غايتو بختكم بقيتو فزع السودانيين ومساحين دموع احزانهم والف مبرووووووووووووك لدوري ال 16
طبعا ناس شندى ما جابوها مهارات ولا اي حاجة بيكون فرسة وحرارة قلب ساااااااااااااي
ياخ نحن معاكم ومعاكم ومعاكم سيبك من اولاد البندر البشيلوا وليداتهم في صفحتهم
| |
|
|
|
|
|
|
Re: ألف مرحب بالمهندس مستشار / حيدر الشيخ إدريس / السيال- شندى (Re: محمد عبد الله الامين)
|
نفرد الذراعين لنستقبل ود الشيخ ادريس الامام بالاحضان أخى الطيب امثال حيدر الشيخ يجب ان تذبح لهم الذبائح وتنقر لهم الطبول والنحاس سعدنا جدا بانضمام حيدر لعقد حوش بكرى عرفناه منذ سنين طويله بمنطقة شمال الباطنه فكنا نجده امامنا فى كل محفل نحاول ان نسبقه فيه لذا صار رئيسنا المنتخب لسنين عددا شيخ العرب يهدى المنبر شيخ عرب اخر شكرا ود شيقوق شكرا جزيلا الريس بكرى تحريمه : يا باشمهندس أمسك فى وصية محمد المرتضى مرة اخرى نرحب بالصفوة حيدر الشيخ
| |
|
|
|
|
|
|
|