حرب اليمن : أفادت مصادر إن الحكومة السودانية متورطة فيها

Quote: عثمان سيد، هو ده داير ليهو مقارنة يا المبروك؟ طيب، امرنا لله: هل حصل شفتا ليك لبناني، اسم العائلة، "الحريري" مثلا، بخمو او يشحنو من لبنان، او يفكو في السعودية، كدرع بشري، يحمي الشعب السعودي والاسرة المالكة، بالروح والدم؟ قطعا لا! طيب هل صدفة، نوعك ده تحديدا، او مش اي سوري مثلا، هو الطباخ، السفرجي، الغفير، والراعي، والان كبش الفدا المذبوح من اجل عيون ال سعود؟ هل ممكن واحدة شامية، من جبل لبنان، تموت او معاها جنينا في الاحشاء، عشان فقط ماعندهم قروش يدفعوها لي مستشفيات اغني بلد في العالم، بتروليا في العالم؟ اذن اذا نوعك ده، بضحو هم، حتي بي حياتو، في استغلال بشع للبسطاء، والمنبوذين، كاخوال اي "عبيد" للدفاع عن حياتم او بلدم هم، علي الاقل او من باب التمثيل المحض، مفروض هؤلاء يقبلو المسكينة دي بالدين بدل وأد جنينا علي هذا النحو البربري المتوحش، في ارض الحرمين افتراضا، وتحت رايات الشريعة، في دولة لا اله الا الله! عارف في بلاد الكفر زي امريكا بسوو شنو، مع انها دولة راسمالية، اي كل انسان فيها لازم ياكل عيشو بي ضراعو؟ اول شئ بتتعالج، واي مسآلة بخصوص الفاتورة قبل العلاج، للمريض، جريمة يعاقب عليها القانون، مع انو المستشفي ملكية خاصة بفرد او مجموعة بعينها مش زي السعودية، حتي مواطنيها، مملوكين كما الاساس للاسرة المالكة! نعم، بالذات لو كنت اجنبي او وافد فوق ال65، دافع الضرائب الامريكي، بيشتري ليك تامين خاص! والله مافي ابلغ اطلاقا من زي تساؤلك ده عن العلاقة، مابين مثل هذه المعاملة، كنوع من العرفان، لمثل تلك التضحية بالروح، والدم! عالم، طيور!