|
|
 لماذا نتبول فى الشوارع والطرقات العامة
|
كنت احسب ان التبول على جدران الحائط، وارصفة الشوارع مقصور على السودانيين فقط ، حتى تجولت فى العديد من المدن فوجدت ان هذا المسلك القير حضارى يوجد فى كل المدن، ولكن آحد اصدقائى كان فى زيارة للسودان وعند مجيئه سألته عن السودان، فأول شئ زكره لي التبول فى الشوارع ،وبالتحديد امام سنما كلزيوم فقال لي انها رائحة نتنة جدآ وتدعوللاشمئزاز، وازكر فى صيف 96 كنت مع ثلة من الاصدقاء فى زيارة لمدينة امستردام، حيث كنا نتسكع فى حانتها الليلية وبالتحديد فى المنطقة الحمراء و تُعتبر الضاحية التي تسمى بالهولندية "وولين" واحدة من أقدم الأحياء في المدينة وأكثرها تميزا من حيث النسق المعماري، حيث يزيد عمرها عن 700 عام.
وتعرض عاهرات أمستردام بضاعتهن في البيوت ذات النوافذ الزجاجية المطلة على المنطقة الحمراء، والتي طالما كانت مباذلها جزءا من المشاهدات الجاذبة للسائحين في العاصمة الهولندية. فما كان من صديقنا السودانى ، بعد ان اكثر من شرب البيرة الباردة حيث لم تسع حويصلاته الكم الكبير من القوارير التى احتساها فما كان من مفر غير ان يفتح سستته ويتبول فى قارعة الطريق وقد ظللنا ننتظر لوقت ليس بالقليل حتى افرق ما به من نبيز، ولم تمر لحظات الا وجدنا البوليس الهولندى يستوقفنا وقام بتحرير غرامة مالية لذلك الشخص، فلذلك اتسأل لماذا هذه الظاهرة منتشرة بهذه الصورة وبالتحديد عندنا فى السودان، فلا بد ان تقوم سلطات المدن بعمل حمامات للاستعمال العام بجوار مرافق المواصلات العامة والحدائق وما شابه ذلك حتى تنتفى هذه الظاهرة القير حضارية ولابد من معالجة هذه الظاهرة.
|
|
 
|
|
|
|
|
|
|
|
Re: لماذا نتبول فى الشوارع والطرقات العامة (Re: Saifeldin Gibreel)
|
سيف جبرين (بالنون)
يمكن نحن شعب لا يستطيع السيطرة على عضلاته الارادية ؟؟ فبفك اخره في الشارع.
يا سيدي اعزي هذه الظاهرة القبيحة الي سببين:
عدم توفر المرافق العامة(الحمامات) وهذه مسؤلية الدولة
و قلة التوعية بمثل هذه السلوكيات الغير حضارية
ولكن والحق يقال لي الان 7 سنوات بأمريكا لم تقابلني هذه الظاهرة ابدا الا تكون under cover .
مودات
| |
|
|
|
|
|
|
|
|
|
Re: لماذا نتبول فى الشوارع والطرقات العامة (Re: حيدر حسن ميرغني)
|
| Quote: ولكن والحق يقال لي الان 7 سنوات بأمريكا لم تقابلني هذه الظاهرة ابدا الا تكون under cover |
ياحمادة اسكريم... ما قلنا ليك انتو عزابة تعبانين... انتو فاضين من قيام الليل... دى دايرة ناس بدخلوا سكناتهم اخر الليل... انشاءالله تكون فهمتها...
| |
|
|
|
|
|
|
|
|
|
Re: لماذا نتبول فى الشوارع والطرقات العامة (Re: Saifeldin Gibreel)
|
| Quote: احمادة اسكريم... ما قلنا ليك انتو عزابة تعبانين... انتو فاضين من قيام الليل... دى دايرة ناس بدخلوا سكناتهم اخر الليل... انشاءالله تكون فهمتها |
والله مع شيخ عثمان الناس دييل عندهم قيام القيلولة
ومحمد ده قلنا ليهو جيب زوجتك وإتخلص من الرسك ده لكن باين يا سيف هو لسع فى عشق مع الآيسكريم
| |
|
|
|
|
|
|
|
|
|
Re: لماذا نتبول فى الشوارع والطرقات العامة (Re: سامي عبد الوهاب إدريس)
|
كبير الحناكيش اخر الليل زي الساعة 9 مساءً مثلاً؟؟
| Quote: والله مع شيخ عثمان الناس دييل عندهم قيام القيلولة |
والله يا ترهاقا بالغت في قيام قيلولة دي والله ضحكتني ضحك..انا شخصيا انت عارفني متمرد على الصلوات الجماعية دي (طابور قلق) والله اجيب المدام عشان ناس شيخ عثمان ديل اشوفونا رهاب رهاب.
| |
|
|
|
|
|
|
|
|
|
Re: لماذا نتبول فى الشوارع والطرقات العامة (Re: سامي عبد الوهاب إدريس)
|
| Quote: دي واحدة من الحاجات المقرفة جدا.. وتعرف دي عايزة ليها عقوبة فورية في نفس المكان (كان جلد كان غرامة) إمكن الفاعل يتعظ.. |
ياخي الاعرابي الجا مسجد الرسول صلي الله عليه وسلم ودخل والرسول جالس وقام بال داخل المسجد وهم به الصحابة الرسول منعهم من ان يلمسوه الا لمن يكمل .. وبعد داك فهموه بالحسني تجي انت تقول عقوبة فورية؟؟ جلد وما عارف شنو؟
ياخي في زول بيبول في الشارع كان ما مجبور؟؟
امكن عنده سكري او عنده حصوة او كلي او اي ظرف ياخي
اطلب من السلطات توفر الحمامات العامة بصورة كافية ومريحة وبعد داك طالب بالعقوبات
ورمضان كريم
| |
|
|
|
|
|
|
|
|
|
Re: لماذا نتبول فى الشوارع والطرقات العامة (Re: Saifeldin Gibreel)
|
الاخ سيف الدين
رمضان كريم
| Quote: اتسأل لماذا هذه الظاهرة منتشرة بهذه الصورة وبالتحديد عندنا فى السودان |
لأنو ما عندنا خيارات تانية !!
و ناس اوروبا و كل العالم عندهم (خيارات لا تنتهى) .. إلا نحنا ..
أما حكاية سينما كلوزيوم .. و ما جاورها .. فدى يسألو فيها السادة محافظين الخرطوم من أول واحد فيهم و لحدى الوالى الحالى !!
ثم إنو حكاية (البتاع العشوائى ده) لا يمكن أن تفصلها عن ظواهر النزوح العشوائى و السكن العشوائى و الشغل العشوائى و بإختصار ..
ما قام على عشوائى فهو عشوائى .. و لك الود
| |
|
|
|
|
|
|
|
|
|
Re: لماذا نتبول فى الشوارع والطرقات العامة (Re: إدريس البدري)
|
نعم لابد من توفير المراحيض "النظيفه" في الأماكن العامه..توفير مراحيض كثيره لا يكفي..بل لابد من
تواجد خدمات تنظيف مستمره
الدخول لمنطقة السوق العربي شيء متعب للغايه فحتي سور الجامع الكبير تثير الروائح الكريهه المنبعثه من جدرانه الغثيان..
ما آلمني ايضا هو الرائحه الفظيعه المنبعثه من مراحيض مقابر حمدالنيل..تجعلك غير قادر علي اكمال الزياره مع من تود زيارتهم أو البقاء هناك لقراءة القرآن علي أرواحهم..
أتمني أن ينتبه أهل مقابر حمد النيل لهذا..
أما السلطات الرسميه فالواجبات عليها كثيره وباقيه سنين دون محاوله جاده للتعامل معها..
كل عام وانتم بخير.ز
| |
|
|
|
|
|
|
| |
Saifeldin Gibreel
ترهاقا
Nader Abu Kadouk
mohmed khalail
حيدر حسن ميرغني
سامي عبد الوهاب إدريس
اساسي
اسعد الريفى
وليد محمد المبارك
إدريس البدري
Muna Khugali
Saber Abdelhadi
فيس بوك
تويتر
انستقرام
يوتيوب
بنتيريست