|
|
 شكرا مازدا شكرا ابطالنا الاشاوس ....
|
ابدا لم تقصروا ودا حسب امكانياتنا
وما حدث نتاج سلسله من الفشل طوال السنين السابقة
مع جميع الحكومات التي مرت بالسودان
الصحه .. صفر
التعليم .. صفر
الاداره .. صفرين
الاقتصاد ... صفر كبير
بالله الناس كانت متوقعه شنو في ظل هذه الظروف انتو فاكرين الكوره شنو ما زي الطفل الصغير اذا رعيتو وعلمتو بتخرج ليك دكتور ولا مهندس
اقلالها بيطلع انسان صالح للمجتمع
ياخي الواحد يمشي اجازة السودان يلاقي كل الميادين تحولت الى عمارات وغابات اسمنتيه ...
ربنا يصلح الحال وهؤلا الابطال لم يقصروا ابدا رغم الهزيمه
من اليوم لم الوم الفريق القومي ولا لاعبي هلال مريخ في كل المحافل الخارجية ...
|
|
 
|
|
|
|
|
|
|
|
Re: شكرا مازدا شكرا ابطالنا الاشاوس .... (Re: وليد عبد اللطيف)
|
وليد سلام
ياخ شكراً علي شنو - يازول والله انت ماعارف الحاصل علينا من جراء الهزائم المتكررة هذه خصوصاً هزائم الفريق القومي
هلال مريخ اندية ولكن هذا الفريق يمثل السودان ويلعب باسم كل سوداني وسودانية , طفل كان أم رجلاً أو إمرأةً كانت أم طفلة
لا شكراً ولا عفواً وليذهبوا كلهم إلى منازلهم وينومواً وياكلو ويضحكوا ويفرحوا
خلاص كاس العالم 2014 بابح وكاس أمم أفريقيا برضو بابح - تاني راجين اللضا
قال شكراً قال
| |
|
|
|
|
|
|
|
|
|
Re: شكرا مازدا شكرا ابطالنا الاشاوس .... (Re: الصادق صديق سلمان)
|
صباح الخيرات يا كابتن وليد ..
أتفق معاك في حتة الأصفار بتاعت القطاعات التانية دي إقتصاد، سياسة، الخ .. وأبصم بالعشرة
إنها أقل من الصفر ذاتو ..
لكن كمان يا وليد دا ما معناتو انو القطاع الرياضي ينوم على كدا .. لانو ياما في دول فقيرة
من كل شىء وكورتا في أمان الله بل إنها (أي الكورة) في هذه الدول أسهمت في تطور ونهضة بلادها.
الأزمة زي ما عارف يا كابتن هي أزمة داخلية في قطاع الكورة ذاتو بسبب عقليات القرون الوسطي
التى يفكر بها الوسط الرياضي .
الحل في حل جميع الادارات بلا استثناء وتسريح جميع اللاعبين بلا إستثناء برضو، وإيقاف جميع
الصحف الرياضية بلا إستثناء أيضا.. ومن ثم هدم بيت القش القديم وحفر أساس جديد يتم تدعيمه
بالخرصان والأسمنت المسلح لبناء بيت جديد قادر على الصمود في وجه مختلف العواصف والأنواء والظروف.
| |
|
|
|
|
|
|
|
|
|
Re: شكرا مازدا شكرا ابطالنا الاشاوس .... (Re: طلحة عبدالله)
|
يا طلحة
Quote: لكن كمان يا وليد دا ما معناتو انو القطاع الرياضي ينوم على كدا .. لانو ياما في دول فقيرة
من كل شىء وكورتا في أمان الله بل إنها (أي الكورة) في هذه الدول أسهمت في تطور ونهضة بلادها.
الأزمة زي ما عارف يا كابتن هي أزمة داخلية في قطاع الكورة ذاتو بسبب عقليات القرون الوسطي
التى يفكر بها الوسط الرياضي .الحل في حل جميع الادارات بلا استثناء وتسريح جميع اللاعبين بلا إستثناء برضو، وإيقاف جميع
الصحف الرياضية بلا إستثناء أيضا.. ومن ثم هدم بيت القش القديم وحفر أساس جديد يتم تدعيمه
بالخرصان والأسمنت المسلح لبناء بيت جديد قادر على الصمود في وجه مختلف العواصف والأنواء والظروف. |
الله ينصر ديـــــــــــــــنك وديـــــــــن أبــــــوك زاتو يا طلحة ياخ
المشكلة في الناس والمشكلة في العقليات التي تدير الكورة ياخ
| |
|
|
|
|
|
|
|
|
|
Re: شكرا مازدا شكرا ابطالنا الاشاوس .... (Re: طلحة عبدالله)
|
الصادق ياحبوب
Quote:
وليد سلام
ياخ شكراً علي شنو - يازول والله انت ماعارف الحاصل علينا من جراء الهزائم المتكررة هذه خصوصاً هزائم الفريق القومي
هلال مريخ اندية ولكن هذا الفريق يمثل السودان ويلعب باسم كل سوداني وسودانية , طفل كان أم رجلاً أو إمرأةً كانت أم طفلة
لا شكراً ولا عفواً وليذهبوا كلهم إلى منازلهم وينومواً وياكلو ويضحكوا ويفرحوا
خلاص كاس العالم 2014 بابح وكاس أمم أفريقيا برضو بابح - تاني راجين اللضا
قال شكراً قال |
الصادق ياخوي والله كلامك دا كيفني لان به نوع من الغيره ولكن لازم برضو ننظر ليه نظره فنية وعلمية في نفس الوقت
نمسكها واحده واحده ونسال نفسنا
1- غياب المدارس السنية
2- الاعتماد على الاعب المحترف يضيق فرص الاعب السوداني في اكتساب الخبرات
3- سوء الادارة والتخطيط ( الناس دي في يوم فقدت نقاط عن طريق الجهل بالنظام واظنك كنت متابع )
4- عدم الثقافة الكروية للاعب ومحدودية الطموح
والعلل كثيره يا الصادق ياخوي ولا حصر لها والله انا كنت بزعل زيك واكتر وياما كتبنا هنا وزعلنا عشان نفطفط ونعبر عن راينا
بس انا عايز كل الناس هنا ياريت لو تتفق بان توحد المجهود ويكون في زول يدير لنا الشغله بتاعت الرياضة والكتابه عنها
موش ناس الهلال فاتحين عشرومية بوست وناس المريخ مليون بوست لازم نتفق على بوست واحد واي زول يكب وجهة نظره
عشان تقدر نوصل فكرتنا ونشوف ونساهم كيف نخرج من هذا الظلام الكروي ولازم نبدا من الصفر لان حتى اجيالنا لها سبب في عدم تطور الرياضة ولاننكرها
يالصادق ياخ في يوم جانا هنا الفريق القومي في جده السعودية ولم يمتلك شعار لكي يؤدي المنافسة ربك رب الخير من هنا من هنا الناس جمعت قروش
واشترت شعار للفريق (تأمل ) على قول ملاسي
وحاليا التحت دا افضل حل
Quote: الحل في حل جميع الادارات بلا استثناء وتسريح جميع اللاعبين بلا إستثناء برضو، وإيقاف جميع
الصحف الرياضية بلا إستثناء أيضا.. |
| |
|
|
|
|
|
|
|
|
|
Re: شكرا مازدا شكرا ابطالنا الاشاوس .... (Re: وليد عبد اللطيف)
|
وليد حبيبي
انا متفق معاك تماماً في كل اسباب التدهور الكروي في السودان
ولو ما الجماعة ديل زحوا نهائي من الكورة ناس مجدي شمس الدين ومحمد سيداحمد أس البلوة وابن عمه رئيس الاتحاد معتصم جعفر وكل الناس دي مافي حاجة بتتصلح في الكورة دي ونحن خلااااااااااص فاض بينا ياخ والقولون قتلنا زاتو ياخ
| |
|
|
|
|
|
|
|
|
|
Re: شكرا مازدا شكرا ابطالنا الاشاوس .... (Re: طلحة عبدالله)
|
استاذ طلحه
قبل كل شي خلينا نشكرك هنا في هذا المكان ودائما ما نجدك تقدم روشتات علاجية لكرتنا السودانية
التي ارهقتنا اين ما كنا واين ما ذهبنا ياريت لو معاك كم واحد هنا من النفر الكريم نوقف الهرجله البنعمل فيها دي ونفتح مليون بوست
على قول اهلنا (ريش في مافيش ) نحدد كم بوست لرياضة فقط ويديروا الحوار ناس معينه حتى نستطيع نوصل الرساله الى الجهات المختصه
مرات بشوف منبر بكري ابوبكر دا هو سبب ضياع الكره السودانية كثيرا عملت على اضافة بعض لاعبي كرة القدم القدامى القريبين الى هذا المنشط
امثال منتصر الزاكي وجعفر عبد الرازق ...
Quote: لكن كمان يا وليد دا ما معناتو انو القطاع الرياضي ينوم على كدا .. لانو ياما في دول فقيرة
من كل شىء وكورتا في أمان الله بل إنها (أي الكورة) في هذه الدول أسهمت في تطور ونهضة بلادها.
الأزمة زي ما عارف يا كابتن هي أزمة داخلية في قطاع الكورة ذاتو بسبب عقليات القرون الوسطي |
كلامك حلو ياطلحه فوق لكن ماتنسى الدول دي عندها لاعبين محترفين خارجيا منذ سنين طويله وعندهم كشيفين
استفادة هذه الدول تربية الابناء على انها الاحتراف خارجيا يدر لهم الاموال الطائله وماتنسى دي كمان ثقافة لازم تزرعها في الاجيال
كمان نحنا حقو نحترف ماعندنا القوه الداخليه التي تتمتع بها هذه الدول في لاعبيها
طلحه ياحبيي لو تذكر زمان انت فتحت بوست ورشحت فريق اسبانيا هو من يحصل على كاس العالم صاح ولا غلط يعني انت بنيت الفكره دي على شنو بالله
طبعا انا رغم اني ماشاركت في هذا البوست لكن عرفت انك زول شفت بتاع كوره وليك نظره لان اسبانيا معروفة من زمان من افضل الدول التي تعد المنتخبات السنية رغم انها تفشل في حصد الكؤوس
الناس دي اول حاجه عملتها وجهت كل الانظار الى اسبانيا مع جلب افضل لاعبي كرة القدم في العالم وفعلا الناس دي حصدت كاس اوربا وبعده كاس العالم
في لقاء تلفزيوني قبل كدا عجبني جدا كلام اقزافي لاعب برشلونه قال ماتقدمه برشلونه دا شغل بتاع 15 سنة
حتى في افريقيا تجد غانا وبعض الدول الاخرى تعد منتخبات سنية بطريقة مثاليه ...
Quote: ومن ثم هدم بيت القش القديم وحفر أساس جديد يتم تدعيمه
بالخرصان والأسمنت المسلح لبناء بيت جديد قادر على الصمود في وجه مختلف العواصف والأنواء والظروف. |
ماتنسى حديد المدينه الرياضة الرياضية عايم الان في الاسواق كيف الكلام دا حصل عشان تعرف مستوى الاخلاق وعدم الضمير
وعدم المتابعه ...
انا غايتو عندي حل بشوفو هو الافضل اننا في حالة التمثيل خارجيا حقو نستفيد من اولادنا الموزعين في كل انحاء العالم وبالاخص دول الخليج
عارف عندنا اولاد هنا في الحواري يحيروك لمن تستغرب ليه ما يلبعوا في هلال مريخ او يمثلوا الفريق القومي
مره في دوره هنا سألت ليه الاولاد ديل ما تستعين بهم اندية هلال مريخ قالو لي نحنا ارسلنا الاعب الفلاني عشان يلتحق بهذه الانديه وقالوا
ما عندهم الامكانية لاعاشتهم ..
.
.
بالجنبه ..
ياطلحه ياريت نشوف قصة البوستات الموحده لمحاربة الهرج والمرج هنا بالاول من غير اي تعصب لاهلال لامريخ
| |
|
|
|
|
|
|
|
|
|
Re: شكرا مازدا شكرا ابطالنا الاشاوس .... (Re: وليد عبد اللطيف)
|
الصادق ياحبيب
Quote: وليد حبيبي
انا متفق معاك تماماً في كل اسباب التدهور الكروي في السودان
ولو ما الجماعة ديل زحوا نهائي من الكورة ناس مجدي شمس الدين ومحمد سيداحمد أس البلوة وابن عمه رئيس الاتحاد معتصم جعفر وكل الناس دي مافي حاجة بتتصلح في الكورة دي ونحن خلااااااااااص فاض بينا ياخ والقولون قتلنا زاتو ياخ |
الناس دي طبعا ما بتزح بي اخوي واخوك لابد من ثوره رياضية وتنطلق من هنا
الناس دي طبعا عملت ترهل في الاتحادات وكل يوم اتحاد جديد عشان التصويت والترشيح وتعرف كيف تصل الى هذه المناصب
عشان كدا مفروض اي اقليم يكون له فريق واحد اضافة الى فرق هلال مريخ حتى المورده الان لاتملك ادنى مقومات الرياضة
| |
|
|
|
|
|
|
|
|
|
Re: شكرا مازدا شكرا ابطالنا الاشاوس .... (Re: خالد درق)
|
الاخ وليد سلام
المشكلة فى الكنكشة يا وليد
كل واحد داير يكنكش فى وظيفته دى
يعنى لو فى اى دولة فى العالم و ما فيها امكانيات لفريق القومى و انهزم بالاربعة المدرب اول حاجة يعملها انه يستقيل
لكن دى ثقافة معدومة عندنا و مش لو اتغلبنا اربعة لو الهزيمة كانت دستة من الاهداف برضو الاتحاد فى محله و المدرب فى محله
من وين ينصلح الحال و نحن همنا فى الماديات و كيف نملا الجيوب ان شاء الله على حساب المدينة الرياضية الباعوها فى وضح النهار
| |
|
|
|
|
|
|
|
|
|
Re: شكرا مازدا شكرا ابطالنا الاشاوس .... (Re: حيدر بشير)
|
الصادق صديق شكرا للإطراء ياخ والكلام دا قاعد أقول فيهو هنا وفي حتات تانية
من فترة طويلة والله .. لكن معتبرنو كلام طير في باقير الله يسامحم ياخ ..
يا كابتن وليد فعلا البداية الصحيحة حتما ستؤدي لنهاية صحيحة جدا .. مشكلتنا
إن الكورة السودانية عبارة عن فصول لمحو الأمية .. اللاعبين والاداريين
والاعلام قاعدين يادوب يتعلموا مع إنو الحاجة المفروض تبدأ ومن هم صغار لكن
هذه الفوضي وهذه العشوائية وهذا ولدكم القبيح الإسمو الفشل .
| |
|
|
|
|
|
|
|
|
|
Re: شكرا مازدا شكرا ابطالنا الاشاوس .... (Re: طلحة عبدالله)
|
Quote: كابتن وليد تحياتي ..
يا خي اثيوبيا بقت اخطر من فريقنا دي ملطشه لكرة السودانية طوالي اربعات شينه
ما عرفين الحاصل شنو ... |
كابتن خالد دروكبا
ياخي اثيوبيا الان تمشي في الطريق السليم في كرة القدم
الان كانت مسيطره عاليما على العاب القوى والان تنهج نهج سليم في الحركة الرياضية
الا نحنا بس راجعين لي وراء حتى الدوله لاتقدم اي شي للرياضة باعتبارها ليس لا اي دور
وحتى الذي يقدم من قبل الدوله يلموا ليك فيهو ناس يصرفوهو صرف غير سليم وفي غير مكانه
| |
|
|
|
|
|
|
|
|
|
Re: شكرا مازدا شكرا ابطالنا الاشاوس .... (Re: نادر الفضلى)
|
بوست مهم جدا يا وليد ..
والقطاع الرياضى مرآة حقيقيه للحال العام فى السودان ..
كلام طلحة محتاج انو الناس تركز فيهو كويس ..
وأعنى مسألة تطور المستوى الرياضى فى دول فقيرة او شديدة الفقر ..
الا أنى أتفق مع وليد أن مرد ذلك للاحتراف الذى يمنح الفضل للدول الاروبيه بمؤسساتها الرياضية الراسخة فى انتاج لاعبين من طراز رفيع ..
نحن لا نملك حتى المؤسسات التعليمية او من خلال المدارس او المدارس الرياضية التى قد تؤهل الموهوبين للاحتراف ؟!!
ولا نملك -فى إعتقادى- تلك المواهب الاستثنائية التى قد تتغلب موهبتها على هذه العقبة الأساسية ..
ظللنا لعقود طويلة نتحدث عن موهبة اللاعب السودانى ..
واللاعب السودانى موهوب ويحتاج لمناخ رياضى معافى ليصقل هذه الموهبه ..
الا أن المواهب الاستثنائية قليلة جدا فى السودان ..
خلاصة القول أن الانحطاط العام فى كل أوجه الحياة إنسحب بدوره على الرياضه بشكل طبيعى جدا ..
وإن كنت قد لا أصل لمرحلة شكر مازدا واللاعبين على الهزائم ..
غاية ما يمكن فعله هو عدم تحميلهم المسؤالية الحصرية ..
مودتى يا وليد ..
وتحياتى للجميع
| |
|
|
|
|
|
|
|
|
Re: شكرا مازدا شكرا ابطالنا الاشاوس .... (Re: محمد حيدر المشرف)
|
دكتور المشرف ...سلامات
ممكن نستعرض الروشته بتاعتك دي واحده واحده ونشوف ماذا قدمت لنا من من المضاادت الحيوية التي تعافي الرياضة من مرضها الخطير
Quote: بوست مهم جدا يا وليد ..
والقطاع الرياضى مرآة حقيقيه للحال العام فى السودان .. |
كم تفضلت يادكتور الرياضه مراه حقيقة للحال في السودان يعني ات كناشي وعايز تلعب دافوري في الحله عشان تطلع لاعب كوره
ما بتقدر اول حاجه زمان كان بفكونا ليك في الشارع تلعب وترجع البيت تستحمى وتاني تطلع تلعب وتاني ترجع
وانت سليم ومعافى ولم تتعرض لي اي تحرشات من قبل الاكبر منك سنا كل الحي انت بالنمسبة لهم طفلهم
هسه تعال شوف ما بتقدر تترك طفلك في الشارع حتى ولو لحظة لكي يتعلم ابسط وابجديات لعبة كرة القدم وهي الاشياء التي يكتسبها من الممارسة للعبه
حال البلد في اي شي اصبح سالب الان حتى ولدك في المدرسة وانت غير متطمن عليه تاني شنو بالله يادكتور شوف وصلنا لمرحلة شنو
Quote: كلام طلحة محتاج انو الناس تركز فيهو كويس ..
وأعنى مسألة تطور المستوى الرياضى فى دول فقيرة او شديدة الفقر .. |
مثل ناس طلحه ديل كنا نريدهم على راس المسئو لية رغم اني متاكد سوف يعاني كثيرا لان الرياضة لاتخلو من السياسه والضرب تحت الحزام
هل تصدق يادكتور كلام طلحه ممكن تطلع بحاجه كبيره جدا لان الرياضة ممكن تصرف فيها القليل وتجني الكثير لكن في حالة شنو التخطيط السليم
ووضع دراسة بعيده المدى ياخي ناس الكوره ديل كمان عندهم لحس على تقيل في مره متباع برامج في التلفزيون قال شنو الهلال ليس له مستندات ودفاتر للحسابات
وصلاح ادريس عايز 13 مليار من الهلال هههههه والله صراحه حاجه تضحك
Quote: نحن لا نملك حتى المؤسسات التعليمية او من خلال المدارس او المدارس الرياضية التى قد تؤهل الموهوبين للاحتراف ؟!!
ولا نملك -فى إعتقادى- تلك المواهب الاستثنائية التى قد تتغلب موهبتها على هذه العقبة الأساسية .. |
الموهب يادكتور اولا بتخرج من حوش البيت كيف دا يكون و الان توجيهاتهم اصبحت نحو البلاي استيشن وسكن الشقق
وغير ذلك مثل ماذكرت فوق اصبحت حتى كل ميادين الاحياء عباره عن غابات اسمنتية
Quote:
ظللنا لعقود طويلة نتحدث عن موهبة اللاعب السودانى ..
واللاعب السودانى موهوب ويحتاج لمناخ رياضى معافى ليصقل هذه الموهبه ..
الا أن المواهب الاستثنائية قليلة جدا فى السودان .. |
مره يادكتور في اجازة قصيرة معانا هنا كان الكابتن الريح كاريكا فادما من السودان وماشي امريكا
قلت ليهو ياخي والله الحاصل في السودان اصبح محزن شديد بالاخص في الهلال والرياضة عامة
قال حتى لو اللاعب قديم في النادي لم يجد الترحاب لكي يقدم ما عنده بل يجد المحاربة ناس الجلالايب والعمم ديل خطر على الرياضة صراحه يادكتور
Quote:
خلاصة القول أن الانحطاط العام فى كل أوجه الحياة إنسحب بدوره على الرياضه بشكل طبيعى جدا ..
وإن كنت قد لا أصل لمرحلة شكر مازدا واللاعبين على الهزائم ..
غاية ما يمكن فعله هو عدم تحميلهم المسؤالية الحصرية ..
|
على قول ود الصايم هنا يادكتور جبت النجيضة وفعلا حال البلد والانحطات العام كان مؤثر في جميع المؤوسسات حتى الرياضية
ونحنا نعيش في سلسله من الفشل ياخي زي ماقلت ليك في كل الحكومات لم ينصلح حال الرياضة شوف دي كم سنة
والله زمان كنت بلوم مازدا وكنت بلوم اللاعبين وهم لاحول لهم ولا قوة
يادكتور تشكر على الروشتات وفعلا كلامك كلام دكاترة وتشكر على المرور الانيق
| |
|
|
|
|
|
|
|
|
|
Re: شكرا مازدا شكرا ابطالنا الاشاوس .... (Re: Hisham Osman)
|
Quote:
الاخ وليد سلام
المشكلة فى الكنكشة يا وليد
كل واحد داير يكنكش فى وظيفته دى
يعنى لو فى اى دولة فى العالم و ما فيها امكانيات لفريق القومى و انهزم بالاربعة المدرب اول حاجة يعملها انه يستقيل
لكن دى ثقافة معدومة عندنا و مش لو اتغلبنا اربعة لو الهزيمة كانت دستة من الاهداف برضو الاتحاد فى محله و المدرب فى محله
من وين ينصلح الحال و نحن همنا فى الماديات و كيف نملا الجيوب ان شاء الله على حساب المدينة الرياضية الباعوها فى وضح النهار |
انت بجدك ولا شنو يا حيدر منو يسيب مكانه
ياخي شهره وجديع وطلعات ونزلات ولحس تاني منو البخلي مكان رطب زي دا
اقول ليك المدينة الرياضية الناس شافت الحديد في السوق تقولي شنو
| |
|
|
|
|
|
|
| |
وليد عبد اللطيف
الصادق صديق سلمان
طلحة عبدالله
نادر الفضلى
محمد حيدر المشرف
حسن طه محمد
Hisham Osman
فيس بوك
تويتر
انستقرام
يوتيوب
بنتيريست