|
Re: شفنا تخريج الدكاترة، لكن تخريج المهندسين حنس هندسة --فيديو-- (Re: ابراهيم عبدالناصر)
|
تسلم علي مرورك اخي ابراهيم جيل التغيير اقصد التخريج دا شهانا كلنا التخريج
انا المحيرني الشباب ديل قروهم هندسة في جامعة التقانة دي ولي رقيص ديل مافي رقيص في الدنيا دي ما سووه رقيص راب رقيص عروس رقيص ظار رقيص حبش رقيص الما بعرف شنو الخ.........
دي دراسة محترمة جدا والله نتمني لهؤلاء المهندسين القدرة علي بناء وطن افضل يلم كل الثقافات دي ويلمنا معاهم كمان
| |
|
|
|
|
|
|
Re: شفنا تخريج الدكاترة، لكن تخريج المهندسين حنس هندسة --فيديو-- (Re: حسين نوباتيا)
|
العرفته يا حسين من شباب في سنهم شغالين معاي انه الخريجين ديل بقوموا بالشغلانية دي لوحدهم المرطبين منهم اهلهم بدفعوا ليهم (حتي حق حنة الخريج) لكن التعبانين شوية بيقوموا يشحدوا قروش بخطابات ويلموا شيرنج . ويجوا كلهم يحجزوا الصالة الخاصة البختاروها بمزاجهم وصالات التخرج خشم بيوت ذى صالات الاعراس . واهم حاجة الفنان البرب ليهم الحفلة. الشباب ديل بقوموا بطباعة تذاكر الدعوة وشهادات تشابه شهادات تخرجهم عشان الاساتذة الاجلاء يدوها ليهم بعد الانتهاء من رقيص العروس اقصد الخريح والترترا لورا ......
وبعد المراسم التقليدية دي تتم تبدا الحفلة
نحيا ونشوف يا حسين ومبروك لملهم
| |
|
|
|
|
|
|
Re: شفنا تخريج الدكاترة، لكن تخريج المهندسين حنس هندسة --فيديو-- (Re: أحمد التجانى حمودى)
|
موضوعنا هيبة الجامعة ويوم التخريج ومراسيمه المحترمة جدا ..... والمفهومة غلط
يوم التخريج في الجامعة في ايرلندا ممنوع تستعمل الكاميرا او تصور حتي داخل القاعة صمت وهدؤ واحترام للمناسبة وهيئة التدريس والجامعة
اطلع برا يقطعوا ليك رحطك يحلقوا ليك شعرك ترقص تمشي انفكو دا شيء خاص بيك ومن حقك في حياتك الخاصة تعمل الدايرو وسط ناسك واهلك واصحابك ونحن نحترم هذه الخصوصيات ......
لكن تجيب هيئة الجامعة والتدريس في صالة عامة وتجيب قسمة وتتفنس وتسوي في ترترة العروس بالشكل دا وتنزلوها لينا كمان في اليوتيوب دا ما شي عادي
طيب كان الشباب بيترتر بصلبه بالصورة دي وين الشباب من اجل التغيير ومستشفي الخرطوم بهدوا فيها بالكراكات
| |
|
|
|
|
|
|
|