نحن .. السودانيين .. لماذا نحن هكذا ؟؟؟؟؟؟؟؟؟؟؟؟

Quote: ولا نتعامل مع الاشياء بنفس بارد نفسنا حار .. هل هي خصلة جيدة . اسع واحد يجي يقول ليك دي رجالة وفراسة .

Quote: عجيب الزول ...... وتقبل مرورى يا زول سمح ...

Quote: والله يا هيثم تعبانين تعب الموت نظرت للمراة غريبة يتقشعر لها البدن حاولت اساعد ناس كده فى عمل خير نطى لى واحد قال لى عاوز اتزوجك علشان اخد فيك الاجر اتخيل هههههههههههههههه زى دا بقولوا عليه شنو النبى

Quote: مثلا يلاقيك موظف مبتسم و يخدمك بدون تكشيرة تستغرب ليه الزول ده كده و كأنه الشئ الطبيعى هو التكشيرة

Quote: حاولت اساعد ناس كده فى عمل خير نطى لى واحد قال لى عاوز اتزوجك علشان اخد فيك الاجر اتخيل هههههههههههههههه زى دا بقولوا عليه شنو النبى

Quote: سلام بوست جدير بالمتابعة يزعل منك من أجل سبب بسيط لا يستدعي الأمر أي زعل و######## جداً ولا يخبرك لماذا هو غضبان منك ثم يتركك لحالك ويخاصمك دون أن تعلم سبب ذلك ..

Quote: وأضيف ليها المشية ذاتها، والله أنا لمن أشوف لي شاب ماشي في الشارع من على بعد 500 ومتر ممكن أعرف إنو دا سوداني ماشي زي التقول رجولو بتتلصق بصمغ في الواطة يرفعها يا الله اللله وتلقاهو مجدع يدينو وكاتل حيلو تقول كان مكتف وفكونه يا دوب

Quote: و بخصوص الابتسامة ... حدث و لا حرج الواحد ممكن يديك قروش مساعدة و يكون وشو صاري زي كأنو بنعتبرهم منصة او مذلة او اهانة !!

Quote: سلام : هيثم وضيوفك الكرام الكمال لله النقائص التي تكلمت عنها يشترك معنا فيها كثير من الشعوب . بس في عيب واحد إذا تخلصنا منه نكون قد عالجنا معضلة كبيرة ظلت تلازمنا ، وهي عدم تقديرنا لرموزنا في كل الأحوال ، فأول ما تجد أخوك في منصب كبير لا تفكر إلا البحث والتنقيب عن عيوبه . فكر في كلامي ده كويس ونسأل الله تعالى أن يرزقك منصب حتى ترى أقرب الناس إليك قد ينقلب ضدك ، وتفسر كل تصرفاتك وحركاتك بسوء ظن .

Quote: شكرا لصاحب البوست واوافق على كل متا ذكر وازيد. انعكاس مجمل هذا السلوك الجمعى السلبى على الاقتصاد والادارة بشكل عام ودولاب العمل بشكل خاص له نتائج كارثيه على مجمل عمليه التطور. لا نحتاج لمثال لنؤكد ان الصراع داخل المؤسسات والشركات (داخل وخارج السودان) هو المدخل الشخصى وثقافه احب هذا واكرة داك ولازم أأدبو ...الخ. الوزير يترك المنصب ومعه طاقمه التنفيذى الخاص و الوزير الجديد يبدأ فى صياغه وزارته من منظورةالخاص .فتضيع المؤسسه كانت وزارة او مركز صحى او مدرسه او محليه صغيرة. يتردد كثيرا انو السودانى فى العمل هو خصمك الاول ..المدير لا يريد الموظف ..الموظف يكرة المدير ويلعن ابو خاشو. بالرجوع للثقافه الشعبيه نجد اكثر من حكايه تؤسس لهذا السبوك.حارس بوابه يثبت خطاء رئيس الجمهوريه ويضحك الناس كثيرا...طالب اثبت جهل استاذة.. الولد الشاطر من يفلت من عقاب استاذة او عمه ويكون مقرم ومفتح..الخ الموضوع له جذور عميقه ويحتاج لدراسه وبحث علمى بدونه لن نصل لاى شى. بعد اذن صاحب البوست نحول الموضوع لوزارة البحث العملى ولدارسى الماجستير والدكتوراة علنا نجد موطن الخلل ونسعى للعلاج.