|
|
 Re: وفاة الكاتب النيجيرى تشينوا اتشيبى - أحد اعظم كتاب أفريقيا (Re: سيف الدين عوض)
|
سلام دكتورة ندى
هذه ترجمة قديمة ترجمتها ونشرتها في أحد المنتديات باللهجة السودانية للأحجية الواردة في Things Fall A part - جربندية ساكت - إن شاء الله الناس تتوفق في قرائتها بالصورة الصحيحة ) التي تحكي قصة الطيور مع السلحفاء عندما تمت دعوتهم في السماء. آمل أن تنال رضائكم
كان يا ما كان في قديم الزمان كل الطير كان مَعَزوم في مهرجان في السماء ، وكان فرحانين شديد وبَدو يجهزوا في نفسهم لليوم داكَ، قاموا صبّغوا جِسيماتُم بالألوان والبودرة ونقشوا عليها الأشكال .
في الوكِت داك أبو القدح شايف كل الاستعدادات وعرف الحاصل لأنو ما في حاجة بتحصل في عالم الحيوان بتًمُر وما يعرفوها، وبعد داك دخل المُكر أبو القدح عرف وبدا يتلهف لمعرفة الخَبار في كل مرة يفكر فيها.
وفي الوكت داك يا ويليداتي وبنياتي كان في مجاعة شديدة وأبو القدح ما ضاقلو أكلة سمحة لشهرين عشان كدة جسمو كان زي العود الناشف في قدحو الفاضي ، وطوالي بدا يخطط كيف يمشي السماء مع الطير.
البنيات قالن لكن هو ما عندو جٍنحات يا حبوبة
اصبروا جاي عليكم
جايكم أصبروا
ردت الحبوبة
أيي أبو القدح ما عندو جٍنحات ، لكنو قام راح للطير وقال ليهم خلوني أمشي معاكم.
قام الطير قالو نِحنَ بعرفَك كويس يا ابو القدح انت زول مكار وبعدين أنت مْكروه وما في زول بيدوركْ، وكان خليناك تمشي معانا طوّالي بتقوم تعمل لينا حركاتك دِيكَ.
قام أبو القدح قال ليهم أنتو ما عارفين أنا اتغيرت واتعَلمتَ إنو الزول البيعمل مشاكل للناس برضو بيجيب المشاكل لي نفسو.
وبعد شوية وبي لسانو الحلو داك أقنع كل الطير انو بقى زول تاني وقام طوالي كل واحد منهم اداهو ريشة سوا بيها جِنحات.
ولمان جاَ يوم الروحَة كان ابو القدح اول زول يصل ، ولما اكتمل عدد الطير قامو كلهم عملوا شكل واحد وطاروا، وأبو القدح كان فرحان شديد وكان بيهظر مع الطير وهم طايرين، وعشان لسانو الحلو قام الطير اختارو عشان يتكلم بدْلهم..
قام طوالي أبو القدح استغل الوضع دا ، وقال للطير انتو يجب أن تعرفوا لمان الناس يكونوا معزومين لمناسبة ذي دي لا بد من يكون أي زول يغير اسمو ويسوي اسم جديد، عشان الناس العازميننا في السماء يتوقعوا انو نحنا لا هسع متمسكين بالعادة القديمة دي.
ولا واحد من الطير سمع بالكلام دا من قبل ولكن عشان كانوا عارفين أنو أبو القدح كثير السفر فهو يعرِف كثيرا عن عادات الناس. وقام كل واحد ادى نفسو اسم جديد وبعد ما كلهم خلّصو قام أبو القدح سمى نفسو أبو الكل.
ولمان وصلو مكان الاحتفال كان الناس العازمينهم فرحانين شديد ، وقام أبو القدح بي ريشو الملون وشكر ناس العزومة على دعوتهم وكان كلامو سمح تب وعجب الطير كلو ولطير فِرح إنو جاب أبو القدح معاهو وكانوا بيهزو راسهم في كل كلمة يقولها ، عشان كده ناس السماء افتكروا ان أبو القدح ملك الطير خصوصاً انه ما بيشبهم.
وبعد الجماعة ما أكلوا حبوب الكولا والفول والتسالي قامو جماعة السماء بوضع الأكل الطيب للضيوف وفيها أكلات أبو القدح عمرو ما شافها ولا ضاقها ولا حلم بيها، جابوا الشوربة الحارة في المواعين ملايانة سمك ولحم.
ويا بنياتي قام أبو القدح بدا يبلع في ريقه ويتمطق وبعدين جابوا العصيدة والشِربوت، وبعد ما كل حاجة خلاص جِهزت وختْوها قِدام الضيوف جُو ناس السماء وضاقوا من من المواعين وقالوا للضيوف اتفضلوا. فجأة قام أبو القدح وقال ليهم " الأكل دا كلوا لمنو قاموا قالوا ليهو للكل ( أبو الكل ).
قام أبو القدح إتلفت للجماعة المعاهو وقال ليهم " اتذكروا إنو اسمي كلكم ( أبو الكل) والعادة هنا أن يكرم المتكلم أولاً والبقية بعدين وحا يقدموا ليكم بعد ما آكل أنا ، وبدأ ياكل والجماعة ينقنقوا زعلانين، وناس السماء شافين الحاصل لكن إفتكروا أنها عادة ناس الأرض أن يُخلّوا الأكل لملكهم عشان كدا أبو القدح أكلْ الأكل السمح كُلو وشِرب زيرين من الشِربوت لامِن كرشوا مرقت من قدحو وداير يطق من شدة الشبع.
هي أصحوا ما تنوموا
بعد داك قام الطير اتلمَ حول الفضلة وبدوا يخرتوا في اللحم من العضام المجدعة في الواطة، وفي واحدين من الزعل حردو الاكل وقرروا يرجع بلدهم جعانين ولكن قُبَال ما يمشوا قام كل واحد شال الريشية الكان اداها لأبو القدح قبيّل ،، تذكروها ،، وبي كدة خَلَوه واقف بدون جنحات عشان ما يقدر يرجع لي بلدوا ، وبعدين قام أبو القدح قال للطير خلاص النديكم وصية لمرتي، لكنهم أبْو تَبْ وفي الأخير قام الببغاء الكان أكتر واحد زعلان غير رايو ووافق يشيل الوصية.
قام أبو القدح قال ليهو كلّم مرتي وقول ليها تَخُتْ كل الحاجات الطريّة والناعمة برة في الحوش وتغطيهم عشان ان حَا أنط من السماء واصل وعايز أصل سالم.، الببغاء وعد ليكم أبو القدح وقال إنو حَا يوصِل الوصية وطار مع الجماعة ولكن ما وِصْل بيت أبو القدح كلّم مرت
ابو القدح وقال ليها تَخُتْ كل الحاجات القوية والناشفة مع المراكيب والكوانين والبندقية والحربات وحتى المدفع في الحوش وتغطيهم، ومن السماء أبو القدح كان بعاين وشايف مرتو بتَخُتْ في الحاجات في الحوش ولمان شاف كل حاجة جَهزتْ خلاص قام تَلَبْ من السماء وبقى ينزل وينزل لامِنْ خاف إنو ما حا يصل الأرض ...........وبعد تسمع طاخ طراخ صوت حاجات بتتكسر .
البنيات والوليدات سألوا
مات يا حبوبة
الحبوبة
لا ما مات يا وليداني ، بس كسر قدحو وبقى ذي الساسوي ، وكان هناك في الحلة بصير شديد بلحيل قامت مرت أبو القدح رسلت ليهو قام البصير جاء وبدأ يلّقط في قطع القدح المشتتة هنا وهناك ولصقها مع بعض ومن الوكت داك بقى أبو القدح عندوا قدح محفّر ومشقق.
|
|
 
|
|
|
|
|
| العنوان |
الكاتب |
Date |
| وفاة الكاتب النيجيرى تشينوا اتشيبى - أحد اعظم كتاب أفريقيا | nada ali | 03-22-13, 09:06 PM |
| Re: وفاة الكاتب النيجيرى تشينوا اتشيبى - أحد اعظم كتاب أفريقيا | nada ali | 03-22-13, 09:12 PM |
| Re: وفاة الكاتب النيجيرى تشينوا اتشيبى - أحد اعظم كتاب أفريقيا | Zakaria Joseph | 03-22-13, 09:15 PM |
| Re: وفاة الكاتب النيجيرى تشينوا اتشيبى - أحد اعظم كتاب أفريقيا | nada ali | 03-22-13, 09:17 PM |
| Re: وفاة الكاتب النيجيرى تشينوا اتشيبى - أحد اعظم كتاب أفريقيا | nada ali | 03-22-13, 09:19 PM |
| Re: وفاة الكاتب النيجيرى تشينوا اتشيبى - أحد اعظم كتاب أفريقيا | nada ali | 03-22-13, 09:21 PM |
| Re: وفاة الكاتب النيجيرى تشينوا اتشيبى - أحد اعظم كتاب أفريقيا | nada ali | 03-22-13, 09:24 PM |
| Re: وفاة الكاتب النيجيرى تشينوا اتشيبى - أحد اعظم كتاب أفريقيا | كمال عباس | 03-22-13, 09:52 PM |
| Re: وفاة الكاتب النيجيرى تشينوا اتشيبى - أحد اعظم كتاب أفريقيا | عبدالمجيد صالح | 03-22-13, 10:12 PM |
| Re: وفاة الكاتب النيجيرى تشينوا اتشيبى - أحد اعظم كتاب أفريقيا | Abdulgadir Dongos | 03-22-13, 10:25 PM |
| Re: وفاة الكاتب النيجيرى تشينوا اتشيبى - أحد اعظم كتاب أفريقيا | Elsiddig A. Ahmed | 03-23-13, 02:05 AM |
| Re: وفاة الكاتب النيجيرى تشينوا اتشيبى - أحد اعظم كتاب أفريقيا | حبيب نورة | 03-23-13, 02:14 AM |
| Re: وفاة الكاتب النيجيرى تشينوا اتشيبى - أحد اعظم كتاب أفريقيا | الزاكى عبد الحميد | 03-23-13, 06:45 AM |
| Re: وفاة الكاتب النيجيرى تشينوا اتشيبى - أحد اعظم كتاب أفريقيا | Bushra Elfadil | 03-23-13, 08:26 AM |
| Re: وفاة الكاتب النيجيرى تشينوا اتشيبى - أحد اعظم كتاب أفريقيا | حسين ديقول | 03-23-13, 08:35 AM |
 Re: وفاة الكاتب النيجيرى تشينوا اتشيبى - أحد اعظم كتاب أفريقيا | عبدالله الشقليني | 03-23-13, 08:38 AM |
| Re: وفاة الكاتب النيجيرى تشينوا اتشيبى - أحد اعظم كتاب أفريقيا | الصادق عبدالله الحسن | 03-23-13, 09:20 AM |
| Re: وفاة الكاتب النيجيرى تشينوا اتشيبى - أحد اعظم كتاب أفريقيا | Abdlaziz Eisa | 03-23-13, 10:22 AM |
| Re: وفاة الكاتب النيجيرى تشينوا اتشيبى - أحد اعظم كتاب أفريقيا | GAAFER ALI | 03-23-13, 10:25 AM |
| Re: وفاة الكاتب النيجيرى تشينوا اتشيبى - أحد اعظم كتاب أفريقيا | nada ali | 03-23-13, 10:32 AM |
| Re: وفاة الكاتب النيجيرى تشينوا اتشيبى - أحد اعظم كتاب أفريقيا | nada ali | 03-23-13, 10:40 AM |
| Re: وفاة الكاتب النيجيرى تشينوا اتشيبى - أحد اعظم كتاب أفريقيا | nada ali | 03-23-13, 10:52 AM |
| Re: وفاة الكاتب النيجيرى تشينوا اتشيبى - أحد اعظم كتاب أفريقيا | nada ali | 03-23-13, 11:00 AM |
| Re: وفاة الكاتب النيجيرى تشينوا اتشيبى - أحد اعظم كتاب أفريقيا | Abutalib Elgorashi | 03-23-13, 10:52 AM |
| Re: وفاة الكاتب النيجيرى تشينوا اتشيبى - أحد اعظم كتاب أفريقيا | nada ali | 03-23-13, 11:03 AM |
| Re: وفاة الكاتب النيجيرى تشينوا اتشيبى - أحد اعظم كتاب أفريقيا | nada ali | 03-23-13, 11:05 AM |
| Re: وفاة الكاتب النيجيرى تشينوا اتشيبى - أحد اعظم كتاب أفريقيا | جعفر محي الدين | 03-23-13, 11:22 AM |
| Re: وفاة الكاتب النيجيرى تشينوا اتشيبى - أحد اعظم كتاب أفريقيا | nada ali | 03-23-13, 11:28 AM |
| Re: وفاة الكاتب النيجيرى تشينوا اتشيبى - أحد اعظم كتاب أفريقيا | nada ali | 03-23-13, 11:36 AM |
| Re: وفاة الكاتب النيجيرى تشينوا اتشيبى - أحد اعظم كتاب أفريقيا | nada ali | 03-23-13, 11:45 AM |
| Re: وفاة الكاتب النيجيرى تشينوا اتشيبى - أحد اعظم كتاب أفريقيا | عبدالله علقم | 03-23-13, 12:12 PM |
| Re: وفاة الكاتب النيجيرى تشينوا اتشيبى - أحد اعظم كتاب أفريقيا | nada ali | 03-23-13, 12:14 PM |
| Re: وفاة الكاتب النيجيرى تشينوا اتشيبى - أحد اعظم كتاب أفريقيا | سيف الدين عوض | 03-23-13, 12:56 PM |
| Re: وفاة الكاتب النيجيرى تشينوا اتشيبى - أحد اعظم كتاب أفريقيا | حسين ديقول | 03-23-13, 01:05 PM |
| Re: وفاة الكاتب النيجيرى تشينوا اتشيبى - أحد اعظم كتاب أفريقيا | nada ali | 03-23-13, 03:01 PM |
| Re: وفاة الكاتب النيجيرى تشينوا اتشيبى - أحد اعظم كتاب أفريقيا | nada ali | 03-23-13, 03:12 PM |
| Re: وفاة الكاتب النيجيرى تشينوا اتشيبى - أحد اعظم كتاب أفريقيا | كمال عباس | 03-23-13, 03:11 PM |
| Re: وفاة الكاتب النيجيرى تشينوا اتشيبى - أحد اعظم كتاب أفريقيا | nada ali | 03-23-13, 03:18 PM |
| Re: وفاة الكاتب النيجيرى تشينوا اتشيبى - أحد اعظم كتاب أفريقيا | nada ali | 03-24-13, 11:38 AM |
| Re: وفاة الكاتب النيجيرى تشينوا اتشيبى - أحد اعظم كتاب أفريقيا | nada ali | 03-24-13, 11:40 AM |
| Re: وفاة الكاتب النيجيرى تشينوا اتشيبى - أحد اعظم كتاب أفريقيا | سيف الدين عوض | 03-24-13, 12:35 PM |
|
| |
حسين ديقول
فيس بوك
تويتر
انستقرام
يوتيوب
بنتيريست