|
Re: على جعفر عباس والفاتح جبرا التبرؤ من هذه الصفحة F.B إن كانت لا تمث (Re: محمد جلال عبدالله)
|
المقال ده مثال لأسلوب التدليس وشغل الدسوسية الذي يستخدمه القائمون على الصفحة
Quote: صباح الخيير يا ابناء الوطن ( المتفقين أنهم ما يتفقو )
قبل شوية زي زيكم - شفته صوره عبد الحي يوسف و هو بتعالج في المانيا
أي زوول علق حسب فهمو و وجهة نظرو ( معروفين اكتر شعب منظراتي )
طيب تعالو نمسكه وحده وحده - للناس الما عاجبه الكلام في عبد الحي او غيرو
تفتكرو - يعني في انسان عاقل - بفتكر أننا لما نتكلم عن الحكومة و نحاربه و نكتب عن سلبياته و السرقات و الدمار الحاصل - هل عندنا مصالح ؟؟
و لم نقول الكاروري فعل و قال - هل عندنا معاو مشاكل شخصية ؟؟
شوفو - احب ابشركم انا على قناعة - لو الحكومة اتغيرت و الحرامية اتحاكمو - ما حيجي ملاك او ربنا حيرسل ملك من السماء عادل - و نزيه - و شريف - عشان يجي يحكمنا و يعوضنا عن سنين الضياع مع الكيزان
ابدآ ده ما حيحصل - لكن نحنا بنتكلم و بنحرق دمنا عشان الناس البتسافر تتعالج في برلين و ناس اجازته في ماليزيا و ناس تركب ال( bmw )
و ناس ما لاقية تأكل - ناس اطفاله بتموت عشان حق التطعيم ما عندها ده لو في تطعيم عندهم - ناس تموت عشان حق عملية (500 جنيه ) ما عندها - و ناس تموت جعانه لي ؟؟؟
البموتو ديل ما بشر ؟
بنحرق دمنا - عشان وطنآ اتمردغنا في ترابو و بنشوف اليسوى و الما بسوى بشخطه قلم بدمر
بنحرق دمنا غيره على وطن - ناس حرامية سرقوهو بأسم الدين
و تعالو النسألكم - لي عبد الحي يتعالج في المانيا - عشان يجي في رمضان يفتي في صيام المراة الحائض و يفتي في عدم الخروج على الحاكم ( لكن الترينسوت حق اديداس عجبنا و سره بالنا - والله لو ما اللحية كان تسجل في بايرن ميونخ - و بكده عندنا نجمين في اوربا - الكاروري انيستا و عبد الحي فيلب لام )
الاطفال البموتو في ابن عوف - احتمال لو لقو اهتمام بسيط يبقى فيهم عالم و دكاتره و مهندسين - ولا العلم مخصص على نجومنا عبد الحي و الكاروري ؟؟
الحمد لله - قرينا احسن قراية و شغالين - يعني مفروض اخط ايد على ايد و ما اشغله لي نفسي - لكن مدام فينا نفس و الله الحق بنقولو ولا بنعرف شيخ ولا وزير
كسرة : اخبار عبد الحي نجم البايرن بعد الاصابه شنووو ؟ |
مقال طويل عريض في التهجم على الشيخ عبد الحي يوسف لأنه ذهب للعلاج في ألمانيا وسـخرية فجة من لبس الشيخ للترينسوت في حين أن الشيخ قد تعالج منذ أكثر من عام ورجع للسودان
وفي الأخير ختموا المقال بعبارة الفاتح جبرا الشهيرة: ( كسرة : اخبار عبد الحي نجم البايرن بعد الاصابه شنووو ؟) والناس هاك يا تعليقات وهاك يا مخاطبة للفاتح جبرا بأن هذا الأسلوب لا يليق وأنها سخرية من مريض وووو وبعضهم قال مادام استخدم لفظ كسرة فهذا يعني أن الكاتب هو الفاتح جبرا!!!
ما أريد قوله: اتفقنا مع عبد الحي أو اختلفنا .. اتفقنا مع غيره أو اختلفنا ما تمارسه هذه الصفحة عمل غير أخلاقي وتضليل وتدليس على الناس واستغلال سيء لشعبية اثنين من الكتاب المشهورين الأمانة الأخلاقية تقتضي عندما ينزل أحدهم موضوعا مستغلا أسلوب أحد الكتاب وعامل صفحة باسمه أن يكتب اسمه هو حتى يتلقى جميع ردود الأفعال مدحا أو قدحا والأمانة والأخلاق تقتضي كذلك أن يشير إلى أن كاتب الموضوع ليس هو الصحفي الشهير ولكن هو التدليس والتضليل بعينه .. وأخلاق بعض أهل النضال
رابط المقال
وهذه الصورة نزلت في الصفحة قبل المقال:
|
|
|
|
|
|
|
|
|