كتب الكاتب الفاتح جبرا المتوفرة بمعرض الدوحة
|
Re: كيف يؤثر السر الخليفة في الناس ديل؟ (Re: سيف النصر محي الدين)
|
http://youtu.be/GTyUesXcZAI رغم قسوة الطبيعة و رقة الحال ما أن يسمع اهلنا هؤلاء نقرشة الطمبور و ايقاع الدلوكة الا و تعتريهم موجة عارمة من الفرح و السرور و الثقة بالنفس و المحبة للناس و الاشياء من حولهم، فتراهم يتقافزون فرحا و يتحمل احدهم جلد السياط و هو يبتسم، فكيف يحدث كل ذلك. الاجابة تتلخص في كلمتين : السيروتنين Serotonin و الاندورفين Endorphin مادة السيروتونين مادة طبيعية تفرزها خلايا متخصصة في الجهاز العصبي و تؤثر في عدد كبير من خلايا المخ. انخفاض هذه المادة يسبب الاكتئاب و القلق و التوتر و ارتفاعها يعمل العكس فهو يزيد من الاحساس بالراحة و يبعث على السرور و الفرح و التفاؤل. اما الاندورفين فهي مواد تشبه في طبيعتها فعل المخدرات الا انها مواد طبيعية يفرزها الجهاز العصبي ، من وظائفها تحمل التخفيف من الشعور بالالم كما انها تعمل على تسريع وتائر التئام الخلايا التي تتعرض بشكل دائم للتلف و العطب بفعل النشاط البشري العادي. لولا هذه المواد لصار المشي مثلا عملية في غاية الألم و الصعوبة. الموسيقى التي يفضل الانسان سماعها و يطرب لها تعمل على زيادة افراز هذه المواد لتخلق هذه الحالة التي تراها في هذا المقطع. ناس رغم انهم بتلاقوا كل يوم و يعيشون مع بعضهم البعض بشكل دائم إلا انهم تحت تأثير هذا السحر تراهم يبتسمون و يحيون بعضهم البعض بفرح غامر و تمتلئ قلوبهم بالمحبة للجميع. يا سلام يا السر الخليفة ياخ.
| |
|
|
|
|
|
|
Re: كيف يؤثر السر الخليفة في الناس ديل؟ (Re: سيف النصر محي الدين)
|
بالغت يا سيف النصر .. كشفت سرنا نحن الجعليين ديل بي كلامك العلمي دا !!!
يعني بي ضربة كيبورد طلعت البطان بتاعنا كلو عبارة عن أدري أوفلتين وحاجات تانية ما عشان تحمل لي ضربات الصوت وشجاعة وفروسية !!
طيب دا كلو راضنبو :
يا خي لزومو شنو تدخل لينا طمبور الشوايقة دا في المسعلة دي !!
| |
|
|
|
|
|
|
Re: كيف يؤثر السر الخليفة في الناس ديل؟ (Re: ناذر محمد الخليفة)
|
سلامات يا ناذر اوفلتين بتاع الساعة كم يا زول ، انتو كان عندكم وزل مغترب في ليبيا وللا شنو ؟ ههههه
Quote: يا خي لزومو شنو تدخل لينا طمبور الشوايقة دا في المسعلة دي !! |
ناس الباوقة و لي غادي مع دلوكة الجعليين من زمان مدخلين الطمبور ، انت ما سمعت بود الحوري؟ بعدين لاحظ انو المنطقة ديك فيها تداخل بين الجعليين و المناصير و الرباطاب و الانقرياب و عيييك و يمكن ده سبب في اتخاذ الغناء هناك شكلا مميزا.
| |
|
|
|
|
|
|
Re: كيف يؤثر السر الخليفة في الناس ديل؟ (Re: سيف النصر محي الدين)
|
Quote: الاجابة تتلخص في كلمتين : السيروتنين Serotonin و الاندورفين Endorphin |
أها ياهو ده سر اللعبه يا دكتور سيف ... عليك أمان الله بعد ده اخوك لما سمع الفيديو رجع ل ( عرقو ! ) ! و بقى ( إصوقر ! ) ... ........ الجماعه ( تتباطن ! ) و ( تهوش ! ) و ما عارفه السر ! على قول بروفيسر كمال الدين حسين أستاذ علم الفارماكولوجى بجامعة الخرطوم وقتها فى إحدى محاضراته لنا زمان و نحن طلبة له و قال لينا بالحرف الواحد ( إحتمال تكون تلك المواد( ENKEPHALIN + ENDORPHINS + DYNORPHINS( THE ENDOGENOUS OPOID PEPTIDES لاسباب وراثيه هى السائده عند أهلنا الجعليين ! ) الزمن داك كان لا فى حساسيات و المجتمع كان معافى من مسالب الشعور بالسادية أو الدونية أو العرقية و أخدنا الموضوع بحسن نيه WE TOOK IT EASY بالرغم من أننا كنا ننتمى ( كما حدثنا أهلنا ) لتلك المجموعة الإثنية التى ذكرها البروف ... العلم نور يا دكتور ... عبدالماجد
| |
|
|
|
|
|
|
Re: كيف يؤثر السر الخليفة في الناس ديل؟ (Re: ABDELMAGID ABDELMAGID)
|
سلامات يا دكتور عبد الماجد و شكرا على المداخلة الجميلة
Quote: و قال لينا بالحرف الواحد ( إحتمال تكون تلك المواد( ENKEPHALIN + ENDORPHINS + DYNORPHINS( THE ENDOGENOUS OPOID PEPTIDES لاسباب وراثيه هى السائده عند أهلنا |
لو كان في مقدار خردلة من البحث العلمي في السودان مش كان الناس العظماء ديل زي البروف كمال الدين حسين، مش كان عملوا على بحث فرضياتهم تلك و اثباتها او نفيها و الفائدة طبعا حتكون كبيرة للجميع.
| |
|
|
|
|
|
|
|