زوج ماشي علي فراش النوم عامل فيها ظريف بهاظر مع مرتو ... قال ليها: تصبحي علي خير يا عجوز أم كرش الجابت خمسة ولدات !!!!!! ردت ليهو: انت من اهلو يا ولا ابو واحده من الخمسة ولدات........ احيانا تلقي نفسك في وضع بايخ مع زول لتيخ المشكله ليس في اللتاخه في العباطه واللياقه كما صرح احد الحساسين..... كان بفتش منزعج علي الجوال بتاعو في البيت وبتكلم مع زول لتيخ ودمو ثقيل وخاتيهو في اضانو!!!!! المصيبه ما في ثقالة الموضوع البتكلم فيهو مع الزول اللتيخ بالجوال. المشكله كان بقول ليهو: خلينا من جوالك بعد ننتهي من الموضوع فتشو كويس بتلقاهو في البيت مرمي. ايام العزوبية وما أحلي تلك الايام كان لينا علاقات ونسة مع ميزات اخري من ضمنها ميز الزراعيين كان عندهم واحد اكاديمي مرة... نادرا ما يتداخل في الونسة الغير اكاديميه جيب ليهو سيرة الافات والحشرات انفتح ليك بمحاضرة ما احلك منها غير تقول ((يا جماعة عن اذنكم داخل الحمام)). برضو ما بحلك منو بكون الراجل فتحت ليهو باب اخر في المحاضرة عن الصراصير وابوالجندي وتاثيرها علي البئة واماكن تواجدها في غير موسمها وما علاقة الادبخانات بها. الراجل تخصص اكاديميات غيرها ما بعرف اتونس ومن المصائب الاخري تكون قاعد معاهم وطب عليك الغذاء او الفطور يوم الجمعه اكرهك الاكل. مرة في صينية الاكل زول بالغلط قال السلطه غسلتوها كويس ؟؟؟؟؟ اخونا ما صدق مسك ليك في السلطة قطعه قطعة اشيل قطعة طماطم بي يدو اليمين احولا للشمال عشان استمر في الاكل ويقوم بالتحدث عن افات الطماطم وبعدها العجور وزولنا ماشي لي باقي السلطه ....... أها هنا مافي طريقة تقول ماشي الحمام لازم تسمع !!!!! الاكل انتهي والناس قامت والبشرب شاي كملو والراجل كانش يدو ما غسلها وبتكلم عن الافات الغريبه ناس زي ديل لو حاولت توقفو بي موضوع عن الشاي تلقي الاجابة حاضرة انا ما بتناول أي نوع من المكيفات تلقي لا ساعوط لا سجاير. الراجل مستمر في المحاضرة الناس ملت منو باقي ليها تقطع شعرا وبنظرة عطف للممجوعه وعشان الناس تشوف باقي البرنامج قلتا اطلع الجلسه من جو المحاضره الكئيب طلعته علبة البرنجي وختيت سجارة في الخشم وقلت ليهو: يا فلان ما عندك كبيرت و ل ولاعة ؟؟؟؟؟ عاين لي بي حدره وتنططت عيون زول شر . رد علي: اسمع انت عارف انا ما بدخن ومافي داعي لي طلب سخيف مافي محلو واحترم الناس القاعده: عامل فيها الود ظريف خلاس طلعت الناس من مود المحاضره ... يا فلان ما تزعل ياخ أنا كنت قايل بلقي معاك كبريت. رد علي: انت شايف علي شنو عشان تقول لي ما عندك كبريت و ل ولاعة ؟؟؟؟؟ قلت ليهو يا خ مفروض انت طوالي اكون معاك كبريت او ولاعة لانو ممكن يوم تفكر تنتحر !!!!!!! ايام والله ..لو ما الناس المعانا لا كنت عضو بسودانيز اون لاين ولا كنت موجود في الحياة.
03-12-2013, 10:37 AM
اسماء الجنيد اسماء الجنيد
تاريخ التسجيل: 03-31-2010
مجموع المشاركات: 4731
لووووووووووووووووووولز سلام الأخ عباس مرحب بيك ما أظن إتقابلنا في زقاقت حوش اب صلعة ده اضحك الله سنك ياخ ,, ضحكتني في سقطا يكشكش السنون كلمة لتاخة دي بالذات مافي ناس كتار بتداولوها , والعجب كلمتي التلافة والجلافة ههههههههههه يقول ليك فلان ده تليفة وجلف + لتاخة مباااالغة والله التليفه الجد الزول القال لي مرتو تصبحي على خير ,, فقع لي مرارتي يا ود امي مبااااااااالغة ده بوست بتاع تنيح بس لكن بفرم المرارة حماك الله
03-12-2013, 10:45 AM
جمال عبد الناصر محمد جمال عبد الناصر محمد
تاريخ التسجيل: 01-10-2013
مجموع المشاركات: 310
ههههههههههههه محن والله يا عباس .... دي فيها شلاقة كمان .. ماشي سرير النوم وينبذ ولو كان ماشي الحرب كان بيسوي شنو ذكرتني واحد صاحبنا ما بيعرف يتونس عندو 5 نكات مكرهنا بيهم حكاها لينا زي 600 مرة كدة يوم جانا قريبنا من السودان واحتفلنا بيه في الجمعية وتونسنا قالم الزول الجديد دة حكي ليه نكتة حلوة ضحكنا وقمنا للصلاة مشينا المسجد وصلينا ورجعنا الزول الجديد والزول ابو 9خمسة نكات جو راجعين من المسجد بسرعة نحن جينا متأخرين شوية لقينا ليك الزول ابو 5 سنكات قاعد يحكي للزول الجديد نكتتو زاتا الحكاها لينا قبل الصلاة هههههههههههههههههههه قنا ليه يا زول بركة نكاتك بقو 6 الزول دا ما حكاها ليك قبل الصلاة انت نسيت ولا شنو ؟؟؟؟ تحياتي عباس الحبيب
Quote: سلام الأخ عباس مرحب بيك ما أظن إتقابلنا في زقاقت حوش اب صلعة ده
ما بتعرفي عباس يا سوما؟ نص عمرك ضايع ... والله صحي أها الزول دا من جماعتنا تب ناس ود المدير وعبد الله ود البوش ... الخ وبعدين جنو حكاوي ..وحكاي بشكل ما عادي ياخ .. ..
سوما وعبس ازيكم
03-12-2013, 11:00 AM
اسماء الجنيد اسماء الجنيد
تاريخ التسجيل: 03-31-2010
مجموع المشاركات: 4731
لوووووووووووولز والله البوست ده ذكرني البوست الليلي حق يوم طردوني من بيت البكا مرتين ,, والله صحي
الأخ جمال عبد الناصر , قلت لي حكا النكتة زاتها ؟ ههههههههههه ياخ ده صحي شليق وخفيف ولفيف معنى الكلام ده النوعية دي مكرر في كم حتة في الدنيا دي, لكن في السودان بي كترة ههههههههه حكمتو بالغة في ناس من شدة نسيانهم يكرروا الحاجة لما تقول عليهم مقولة اخونا عباس الفوق دي (( لتيخيين )) زي الزول الحكى النكتة لي نفس الزول , مع إنه ما بنسا حكاويه الشغال يبرى بيها خلق الله ليل نهار ههههههههه
يا ود البشاري والله حوش بكري بقى مستف ضيوف ما شاء الله, رحبنا بي كتار ولاقينا كتاار في الملفات , لكن ما ظنيتني لاقيت اخونا عبس على قولك
لكن مدام ياهو زولنا زي ود المدير و ود البوش , تبقى إتلومت إن ما عزمتو على النيماية المطرفة ديييييك , (( نيمتنا الزمان ))
غايتو البوست ده من إتجمعوا ليك فيهم ناس والله صحي ,, اعلن الجهاد المنبري فورا .. فتكم بي عافية
03-12-2013, 11:17 AM
جمال عبد الناصر محمد جمال عبد الناصر محمد
تاريخ التسجيل: 01-10-2013
مجموع المشاركات: 310
Quote: الأخ جمال عبد الناصر , قلت لي حكا النكتة زاتها ؟ ههههههههههه ياخ ده صحي شليق وخفيف ولفيف معنى الكلام ده النوعية دي مكرر في كم حتة في الدنيا دي, لكن في السودان بي كترة ههههههههه
ههههه أسماء بنت الجنيد .. سلام عليك يا عزيزة الزول دة من شدة ما مكرهنا احكي ليك حاجة عنو نحن في الجمعية زمان عزابة كل خميس بنقوم نعمل قراريص التركينج وعينك ما تديك الدرب يوقم الزول دا يضرب معنا التركيج ويحكي ليه نكته انو عزم واحد أجنبي لاكلة تركينج والأجنبي شم ريحة التركينج وقام جاري برة البيت اها يوم كدا تعشينا وضربنا التركيج وما حكي النكتة وكان علينا انا وواحد صحبي نغسل العدة لمينا العدة ومشينا المطبخ الراجل صاحبي قال لي الحق صاحبك ما حكي النكتة اليلة امشي زكروا جيت جاري في الصالون لقيتو قاعد يحكيها .....
03-12-2013, 11:35 AM
اسماء الجنيد اسماء الجنيد
تاريخ التسجيل: 03-31-2010
مجموع المشاركات: 4731
Quote: الراجل صاحبي قال لي الحق صاحبك ما حكي النكتة اليلة امشي زكروا جيت جاري في الصالون لقيتو قاعد يحكيها .....
حبابك يا جمال ,, إستلمنا البوست الليلة ,, هههههههههه عارف ذكرتني قصة بالضبط زي قصة زولكم ده لكن الزول هنا بختلف,, عندي صاحبتي زولة حكاية شديييد , أظنها جبدتني ,, والله صحي المهم عندهم صاحب زوجها راجل كبير في السن عمك ده كل ما يمشوا ليه ولا هو يجيهم بحكي قصة واحدة وطويلة , لكن المضحك فيها التمثيل,, عمك بحكي ويمثل الأدوار براه المضحك في واحد من ادواره في قصته المتكررة, إنه في زول بعتذر ليه, لما تجي لحظة الإعتذار الراجل بسلم عليه في رأسه اها عمك ده بقوم يسلم على صاحبنا في رأسه وبقيف مسااافة ويرجع يقعد في محلو ههههههههههه يوم صاحبتي قالت لي يا سوما عم فلان اتصل قالوا جايننا وزوجي قال لي انا ما مكرهني شيء إلا لحظة يقوم يمسك رأسي بي يدينه الإتنين ويسلم علي ههههههههه قالت قلت ليه ما معقول نحن قريبة ده مشينا ليه وقلت حكاها ليك, خلاص الليلة ما اظن يحكي نفس القصة قال ليها تشارطي ؟؟ لووووولز المغربية عمك جاء لي الجماعة,, والله حلفت صاحبتي قالت لي خليتهم في الصالة ومشيت اعمل ليهم عصير قالت لي قلت بالمرة اجهز الشاي عشان ما اجي راجعة تاني المطبخ, يعني اخدت ليها زي نص ساعة في المطبخ تخيل لما طلعت شايلة العصير ودايرة تنادي زوجها يشيلوا منها,, لقت عمك مكنكش بي يدينه الإتنين في رأس زوجها زبسلم عليه هههههههههههههههههه قالت لي والله يا سوما فجأة ضحكت والعصير انكشح , قالت لي جري ختيت الكباية ومشيت لما الضيف عمك مشا زوجها جاء قال ليها اها تشارطي تاني ؟؟ قالت ليه انا خجلت لما العصير إتكشح مني ما يكون لاحظ عمك ده !! قال ليها ولا بكون جاب خبرك ، ولو قعدتي ومسحتى العصير الكشحتى ده عمك ما برفع راسو إن ما تم السلام ,, والله صحي
03-12-2013, 11:46 AM
جمال عبد الناصر محمد جمال عبد الناصر محمد
تاريخ التسجيل: 01-10-2013
مجموع المشاركات: 310
Quote: قال ليها ولا بكون جاب خبرك ، ولو قعدتي ومسحتى العصير الكشحتى ده عمك ما برفع راسو إن ما تم السلام ,,
هههههههههههههههههههه استلمنا البوست ساكت عباس دا اصلو أليلنا ما في مشكلة اها جماعتك ديل الا يقابلوا الزول دة بعد دة بدون روسين أنا خايف يقوم يكنكش في التربيزة لمن ما يلقي راس واحد يتبرع ويذكروا يقول ليه سمعناها دي المرة الفاتت بغض النظر عن المرات العديدة السابقة هههههههههههههه
03-12-2013, 11:58 AM
عباس الدسيس عباس الدسيس
تاريخ التسجيل: 10-11-2012
مجموع المشاركات: 3403
Quote: مبااااااااالغة ده بوست بتاع تنيح بس لكن بفرم المرارة حماك الله
الاستاذة اسماء سلام وتحية تنيح بس اسمعي الحكي ده. في ناس تلقي فيهم الصفتين البياخه واللتاخه. زول زميل عمل نقلو لينا في منطقة من مناطق غرب السودان ودائما الجديد الناس بتكون حذره في التعامل معاهو الراجل عشان تنتزع منو البسمة خلي الضحكه تحتاج مجهود كبير عندو مشكله تانية اسمع الطرفه او النكته ما اضحك الي بعد ما الناس تنتهي بي فترة ياخذ ليك ضحكه بعدها اعيد النكته البتكون انتهت وبعدها جاء كم حدث. المسألة خلقت مسافة بينا وبينو حسي بيها وحاول اعالج المشكله عشان اندمج مع البقية الاسوء اختار طريقة معالجة ما بتتناسب مع مشكلتو قرر اكون هو ذاتو ظريف القعدات !!!!!!! في منطقتين في الغرب واحده اسمها شق والتانية شقوق معانا معلم صديق نقلو من شق لي شقوق الراجل وجد ضالتو في نكته قال ليهو: اسمع يا فلان نقلوك من شق لي شقوق انت ضب !!!!!!!!!!!!! اها طوالي كل ما اقعد ليهو مع ناس اقول ليهم: كان في معلم نقلو من حته اسمها شق الي محل تاني اسمو شقوق قال ليهم انا ضب..... والناس تموت من الضحك والراجل متكيف 24 قيراط بقي ظريف القعدات. الغريبه الناس بتضحك لانو لما اقول النكته ويصل محل ضب بتف في الزول الجمبو عندو مشكله مع الباء والضحكه بتكون علي الزول البقعد جمبو وما عارف النكته البطلع معها تفاف في اخرها ................ حكاية عجيبه بعد فترة غير لي نكته تانية: اثنين مساطيل قاعدين في استاد كوره الاول قال لي التناي تقدر تلف الاستاد مرة واحد. الثاني قال ليهو لا يا اخوي الي بي كرتين....... اها مسألة التفاف وضحت اكثر في كرتين وحرف التاء. لما فارقت الراجل غير الاثنين ديل ما عندو اللهم الي اكون بعد ما فارقتو جاهو الوحي.
03-12-2013, 12:57 PM
عباس الدسيس عباس الدسيس
تاريخ التسجيل: 10-11-2012
مجموع المشاركات: 3403
Quote: ,, والله حلفت صاحبتي قالت لي خليتهم في الصالة ومشيت اعمل ليهم عصير قالت لي قلت بالمرة اجهز الشاي
شربات وشاي !!! يا بت الجنيد عمنا دا ليهو الحق يكنكش في روسين الناس. والله صحي.
Quote: اها جماعتك ديل الا يقابلوا الزول دة بعد دة بدون روسين أنا خايف يقوم يكنكش في التربيزة لمن ما يلقي راس
جيبو ليهو راس نِيّفة يا جمال، وشوفو تاني كان يقبّل علي راس زول.
شربا وشاي دي بتبقي الزول حلآق عدييييل كدي.
سلآم وتحايا للدسيس وزملاءه ثمّ ضيوفه.
عندنا قريبنا يا عباس كان لما يسكر بيقلد الزول الجنبو ويقعد يجعُر. دا بدل يتُف فوقو. أها عارف، كانت عندنا مناسبة وجونا ضيوف من الخرتوم. الجماعة قاعدين يسكروا، وزولنا دا اواااات سكر حضن ليك أقرب ضيف جنبو وقعد يتنخج. ياااااااااا الله الجماعة خارجو الضيف مِنوا. أها، الصباح لاقيت الضيف. قُتلوا: البارح الزول قلدك ؟؟؟ قال لي: بلا ياااخدوا، قريبك التقول شارب زردية !!!
مودتي...
03-12-2013, 04:12 PM
الامين موسى البشاري الامين موسى البشاري
تاريخ التسجيل: 08-09-2009
مجموع المشاركات: 15391
Quote: قال لي: بلا ياااخدوا، قريبك التقول شارب زردية !!!
كويس والله يعني باقي ليكم ود البوش بس يجي
عارف يا ود المدير في واحد لينا خلو سااي اليومداك البليه ضربت معاو صاح واشتغل ليهو شغلانه وقبضوه عدادها وقتي اها يا زول عمكـ من دربو داااك ودقش السوق عشان يشتري المزه المهم عمكـ دبج كيسو تمام ومشى على البيت قال للمرا هاك القروش دي الليلة اشتغلت لي شغلانه تمام ... المرة ما صدقت ومن دربها داك على زريبة الحطب اشترت ليها طلح نمرة 1 وجات راجعة قبل المغربية لبيتها .. وبعد المغرب زولنا دور في كاساتو والمرة دورت في الشية والدخاخين المهم بعد ساعة كدي المعلم دا السكرة ربطت 1000 في رأسو ومع السكرة مسك راســو وقعد يجوعر في نص الحوش جوعير لامن بنخيجو بعد شويتين الحلة اتلمت في بيتو من شدة البكي .. يا زول الجماعة ناس الحلة لقوا الناس في خير وامان وسلام لامن خجلوا من فزعتهم دي اها العمدة سأل صاحبنا: يا زول مالك بتجوعر لميت فينا الحله كلها صاحبنا : والله يا عمده النعمة دي أنا ما بحملها ياخ كدي شوف الخير الفيهو أنا اها دي قزازتي التانية هندي مليانه وريحة الشية ضاربه الحوش والمره دي بهناك مولعة حفرتها .. اها في ذمتك النعمة بتنحمل يا عمده؟!
03-13-2013, 05:50 AM
عباس الدسيس عباس الدسيس
تاريخ التسجيل: 10-11-2012
مجموع المشاركات: 3403
Quote: ما بتعرفي عباس يا سوما؟ نص عمرك ضايع ... والله صحي أها الزول دا من جماعتنا تب ناس ود المدير وعبد الله ود البوش ... الخ وبعدين جنو حكاوي ..وحكاي بشكل ما عادي ياخ .. ..
سوما وعبس ازيكم
سلام يا باش اخبارك والاسرة الكريمة كلو من زوقك يا جميل. اقولو ليك يا امين في زول طاشم وفي زول مسطول والناس متجاوزة حاجة مهمه في ناس بتتعب عشان خاطرنا وضحي بي حياتا وفيها سجن و ل غرامة وممكن اعدام واحنا ما جايبين ليهم خبر . . . . . . . . . . . . . . . .عندك ستات العرقي وتجار المخدرات
03-13-2013, 06:41 AM
عباس الدسيس عباس الدسيس
تاريخ التسجيل: 10-11-2012
مجموع المشاركات: 3403
Quote: والله ابداع اخي عباس ياخي دي حكاوي جميلة متعك الله
حمزه سلام يا وجيه شكرا ليك للمتابعة ونيابة عن المداخلين الذين ساهمو في ان يكون المفترع متابع وعايش ما لحق القلبه بي هناك انت لسع ما جاك ود البوش الظاهر لسع ما لمه في الدرب ومشكل غياب لظروف العمل تحياتي وتقديري
03-13-2013, 04:04 PM
عبدالله ود البوش عبدالله ود البوش
تاريخ التسجيل: 08-12-2009
مجموع المشاركات: 6700
ربة جد بجاي وانا زرة كلــب في طاحونة . . غايتو نحضر آخر الحفلة دي . . عاين جاي يا الدسيس اتا ماك صغير ولا بحدوسك ولا بوروك زمان الحلة كلها ما شاء الله بتحضر ليلة الدخلة والله جد أها . . كانت في واحدة في سقط جد وفي شفع صغار لابدين في الطوب المجنذر من شدة السقط ومنتظرين قولة جاك عشان اجرو علي الطاقات هههههههههه والله صحي وللضمن انا من ضمن الحضور والله جد اها الشفع ديل شالتن نومة وبعد خلاص العريس قضا وطرو مشينا علي بيوتنا في واحد فجخ واحد من الشفع النائمين كان تسمعو ليك اكورك لاصحابو النائمين جنبو وسط الطوب المجنذر قومو قومو دورت . . اها تاني نادوا اللطرش وحكاية اللطرش دي ذاتا أظرط من الفوق كان لقيت فرقة بجي بحكيها الكبر دخل ولازمه الخرف الشين قال ود البوش قال اها خم وصر
03-13-2013, 06:11 PM
عباس الدسيس عباس الدسيس
تاريخ التسجيل: 10-11-2012
مجموع المشاركات: 3403
معاوية المدير حبابك ومليون تحية سعيد جدا بمقابلتك وسعادتي اكثر بمشاركتك معنا هنا...... ما دام ود البوش ظهر وجاب سيرة ليلة الدخلة يا حبيبنا معاوية سجن سجن غرامة غرامة اقول ليك دي: زوله سمحة سماحة شرط من شدة ما سمحه ما بتقدر تتني فيها النظرة مشكلتها الوحيدة كل ما اجي زول اخطبها بعد شوية ازوغ منها. اصلو امها خاته شرط للزواج !!!!! الشرط البتزوج البت ما ارحلها منهم ولا بتفارق البيت شبر..... وبيتم فيهو اوضة واااااااااحده بت امها وابوها. جاء واحد شاف البت حباها حب جد وبقي ما بشوف غيرها. اتقدم ليها قالو ليهو الاولو شرط اخرو نور البت امها قالت ما تترحل من البيت. قال ليهم يا جماعة انتو عندكم اوضة واحدة اسكن وين ما بتشيلنا . امها زوله قطيمة بصورة صعبة قالت ليهو تتصرف و ل تنكشح مننا تشوف ليك مرأة تانية. الراجل اتوكل وعرس البت وفصل الاوضة بي خشب بسونايت. اول يوم بعد الزواج الراجل عايز امارس حقو الطبيعي في ليلة الدخله حصلت الملاوه والنقه !!!!! امو البت بي الجهة التانية نهرت ليك العريس يا راجل نوم نومك شنو حميتنا النوم والبت تعبانه من العرس ... صاحبنا إعصر ضنبو اجر المخدة وانوم. ثاني يوم مع بداية الفلم ام العروس تنط للعريس حميتنا النوم يا راجل يعني بعد قسمنا ليك الاوضة عايز تطردنا منها. ثالث يوم نفس الفلم ام البت تطلع ليها بحجة وتكورك في العريس وصاحبنا كالعادة انوم........ المسألة اخدت وقت والزول ما قادر يمارس حياتو الطبيعيه ويتهني بي شهر العسل. يوم قاعد في شق البيت حقو سمع ليك بنات من الحلة جو لي ام البت قالو ليها والله فلانه عازماك دق رحيت بتها الليلة بالليل. العريس ما صدق راخي اضانو وقت سمع ام البت قالت ليهم سمح بجي نطه لي فوق من الفرحه. انتظر ام البت بالليل لما طلعت واستعد لي ليلة الدخله زولك قام عافر وناتل. وتسمع جاك وتسمع واك بعد خلص تب . رفع كراعو فوق في خشبة البوسنايت وطوووووووووووووووط زرط. ابوها بي هناك قال ليهو الليلة امها مافي اخرا فيها.
03-13-2013, 06:45 PM
عباس الدسيس عباس الدسيس
تاريخ التسجيل: 10-11-2012
مجموع المشاركات: 3403
عباس وضيوفه الكرام هاكم دى واحده زوجها فى ليبيا 10 سنوات ويومه الجاء اتدخنت واتتجهزت تب لكن فجاءة العصر مات عم الزوج وكان الفراش 3 يوم اها بعد الفراش ما انتهى استعدت تانى وفجاءة الولد وقع من الحيطة كسر يده واضطرت ترقد معاه مستشفى 3 يوم لحدى ما جبرو يدو وخف الالم اها باختصار كده بعد 10 يوم لمت فيه ولم فيها وما قصر معاها تب اها اقليك بعد ما نزل من السرير مباشرة قامت فى نص الحوش غزت كوعها وبيدها التانيه فكتهاليك زغريدة اييييييييويه 3 مرات اها ناس الحلة اتلمو فيها وسالوها سبب الزغريد شنو قالت ليهم ابو ولادى جاء من ليبيا قالو ليها ابو ولادك ده ما جاء ليه 10 يوم يا مره انتى جنيتى ولا شنو قالت ليهم يعمينى ماشفتو الا الليله دى
03-14-2013, 06:27 PM
عباس الدسيس عباس الدسيس
تاريخ التسجيل: 10-11-2012
مجموع المشاركات: 3403
ونيماية ود المدير الفيها تنقا العوقة الجاب تلج المشرحة للحريم في الإستبالية يشربن بيه الموية ههههههه النيمة دي في الباوقة
وفي نيمة ود البشاري في طرف حلتهم ,, ومن تجي داخل يلاقنك صواني الغديات ما تديك الدرب
وفي بيت البكاء الطردوني انا منو مرتين يوم جيت من السفر, أها نجيب ليك ياتو لمة من ديل ؟؟
استاذه اسماء سلام جهجهتي باكاتي خليتين اعمل في البحث اليوم كلو ود المدير والبشاري وانتي عشان نوحد الجهود اقترح نعمل لينا نيمة مرحلة تمشي مع كل ربع نسميها اي اسم مثلا ((نيمة ضرب الهم بالفاقة)) ونكون ليها منتخب فيهو ود البوش وود جبريل بالاضافة للدخلو هنا وبقية العقد الفريد اعتقد بتريحنا نفسيا وقت نكون ذهجانيين ......... رايك شنو
03-15-2013, 11:31 AM
عباس الدسيس عباس الدسيس
تاريخ التسجيل: 10-11-2012
مجموع المشاركات: 3403
Quote: وحكاية اللطرش دي ذاتا أظرط من الفوق كان لقيت فرقة بجي بحكيها الكبر دخل ولازمه الخرف الشين قال ود البوش قال اها خم وصر
شيخ العرب ود البوش سلام وتحايا لك وللاسرة الكريمة يا الحبيب جيتك بالدنيا وغشوتك لينا رحمة وقت شوفنا كيبورتك جينا جارين كبرت كراعنا من الفرح نص في الرض نص في النعال عارفنك مشغول .... طلبناك بالنبي كان ما رجعته وقلته بتاعت الاطرش
03-15-2013, 12:14 PM
الامين موسى البشاري الامين موسى البشاري
تاريخ التسجيل: 08-09-2009
مجموع المشاركات: 15391
امير سلامات اخبارك ابقي زورنا طوالي يا الحبيب احنا رافعين شعار الضحك والبهجة وصلنا لي قناعة لو طوالي مشينا في درب المناقرة في الصاح والغلط والمواضيع البترفع الضغط اجلنا بكون قصير لا يضير ان يكون هنالك جو فرفشة تحياتي وتقديري
03-16-2013, 08:12 AM
عباس الدسيس عباس الدسيس
تاريخ التسجيل: 10-11-2012
مجموع المشاركات: 3403
الحكاوي الحقيقية: الانتقال من مرحلة العذوبية للزواج احيانا تكون صعبة لو الزول عمرو مشي وفات الاربعين بكون عايز ليهو دفرة عشان يتزوج. اتنين اخوانا بياطرة اولاد عم فات فيهم الفوات من تربيزة كوتشينه لي تربيزة ومن قعده لي حفلة خاصة شايلين العود العمر مشي. في عيد من الاعياد نزلو للاهل بالقرية بالعيد فوجئنا الجماعة راجعين بعد العيد في ايدهم الحنة. شنو يا جماع ما كلمتونا عشان نجامل الحاصل شنو ؟؟؟؟؟؟؟ والله المسألة كانت لينا مفاجأة الاهل اصرو علي تزويجنا من الحلة وما لقينا أي فرقة نزوغ والوقت كان ضيق يلا أهو ربنا اراد. ...... اختلف برنامج اولاد العم كانو سادين لينا الحيرة في المساسقة علي الميزات لو لفيت علي الاصدقاء والجو ما عجبك ترجع للفرمالة ميز البياطرة من الخميس لي الجمعة الكشاتين مدوره والعايزو بتلقاهو كان الجن الاحمر بعد الزواج البيت اتقفل يوم الخميس. لم تمضي فترة حتي وصلنا اشعار الجماعه بقو امشو خميس ويفطو خميس قلنا خير وبركة.... بعد كم خميس الجماعة بقو إفطو خميسين وثلاثة حتي اعتقدنا هنالك امر مخفي علينا ...محرج جدا تسألهم عن التغيير الاخير والناس متشوقة علي معرفة الحاصل. في جمعه من الجمعات وتربيزة الكتشينه مدوره وهم دائما بلعبو زملاء اتغلبو كثير واحد من اولاد العم دنقر علي اضان التاني وقال ليهو. يا خوي والله لو حظنا طوالي نايم كده اخير لينا يوم الخميس نهج علي النسوان ديل في الحلة. التاني رد ليهو براحة: يا خوي انت جنيت الحلة من البلدات بره تقهمك ريحة الدخاخين يا زول أنا ما كنت قايل اداء الواجب بالليل صعب للدرجة دي اخير لينا غلب الكتشينه ......
03-16-2013, 01:01 PM
عبدالكريم أحمد الامين عبدالكريم أحمد الامين
تاريخ التسجيل: 08-04-2008
مجموع المشاركات: 6343
Quote: عباس وضيوفه الكرام هاكم دى واحده زوجها فى ليبيا 10 سنوات ويومه الجاء اتدخنت واتتجهزت تب لكن فجاءة العصر مات عم الزوج وكان الفراش 3 يوم اها بعد الفراش ما انتهى استعدت تانى وفجاءة الولد وقع من الحيطة كسر يده واضطرت ترقد معاه مستشفى 3 يوم
** عباس وضيوفه .. ** سلام ومساءكم خير .. ## دى واحده قريبه من بتاعت عادل الفوق دى ..
## قال ليك الراجل مُغترب فى ابوظبى وليهو تلاته سنين قاعد فى المعسكر مانزل إجازه .. ## قرر ينزل إجازه والمدام بدأت فى التجهيزات والدخاخين .. ## عمك وصل من اول يوم بدأ بالأعذار والله الرطوبه كسرت كرعينا والواحد من شدة الرطوبه ماعاليه لو رفع أصبعو فى النور مايشوفو.. ## المهم عمك راقد سلطه وفشِل تجهيزات الحاجه ,, قامت عندها باقى عده غسلتا وختتا فى السرير جا ديك ناطى فى العده كسرا ,, شبكتو ليك أريتك برطوبه ابوظبى أتكسر رجليك تلحقك أبو ............ (ودام الود بين الجميع) (ابو محمد فؤاد) - الماكيكى..
03-16-2013, 01:18 PM
عبد الله فقير عبد الله فقير
تاريخ التسجيل: 01-31-2013
مجموع المشاركات: 453
تعرف يا ود الدسيس انا شويفع مشيت البركل عندي حبوبة قطيمة جدا اسمها نفيسي اها انا قاعد جنبها جات مرت عمي تولع في الطلح بي جريد التمر في واحدة من القرية دايما فاطة سطر جات دخلة وسلمت علينا وقالن لي مرت عمي: دايرة تدخني يا نورة حبوبتي ردت عليها وقالت ليها: لا عايزة تشوي الشرموط
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
عباس الدسيس
اسماء الجنيد
جمال عبد الناصر محمد
الامين موسى البشاري
معاوية المدير
عبدالله ود البوش
بدرالدين الطائف
عادل عبدالعزيز عبد الرحيم
عبدالكريم أحمد الامين
عبد الله فقير
طارق جبريل
فيس بوك
تويتر
انستقرام
يوتيوب
بنتيريست