ست الرأى وست الذوق زى باغة عسل مدفوق كيف من شوقى اهدى وانوم وانا فى نومى ليك بطرا
,.,.,. المقطع دا محتاج رقصة النقيز من الواطه ديك غايتو اكيد بلا اى شك لو كنت العروس بيلقوا الطرحه فى لحظه دى وصلت السما والسفنجات اطايرت :)) ,.,.,
لا دى العوده مليانه وفرع القامه زى بانه سمحه الجدل عجبــانا لو تأمر نطيع امرا .,., ممكن العروس فى لحظه دى تطلب من العريس يمضى تنازل عن ممتلكاته وهو طوالى قشه ما حتعتر له بالانفعال مع اللحظه:))) ,.,.,.
لو ما الخوف بقول بصراحه من الحور دى زايده سماح عاد الطيب هب وفاح تسلم لى طول عمره
rosemen تسلمى يا عسل الغنيه صراحه كسرت فينى ضلوع من شدة ما عجبتنى من اجمل الاشياء البنتميز بيها كسودانيين ان عندنا اغانى تخلى القلب يففففففففط من مكانه واسعدنى جدا انطباعك فى شخصى البسيط واتمنى اكون فعلا زى ما قولتى حبيبه الشكر ليكى على ردك اللطيف
يا حسن اصلا المفروض يسنوا قانون لمنع الحفلات المختلطه مافى اجمل من الهجيج الانفرادى كل كوم برااااااااااااااااااااااه :)))
الموضوع يا جماعه المشاركه فى اللحظات السعيده ما تشبكونى نتمنى لكى وما اظن بينا ما معرسييييييييييييييييييين يعنى مفروض يكون حسى تم الصفحه الاولى لو كل زول معرس جيه ادانا كتحه ساى من عرسه
12-27-2012, 08:30 AM
Mutwali Malik Mutwali Malik
تاريخ التسجيل: 12-08-2005
مجموع المشاركات: 2720
يا سلام عليك يا صبرى برغم اخويه عندو قناعه ان العروس نسخه غير اصليه من الزوله التم اختيارها من الأساس عندى ود اهلى عرس قريب قال واقف منتظر عروسته وهى واقفه قدامو وما عرفها ولحد ما وصل الاستديو وقف عشان يفتح الباب وجات هى وبرضو ما نقشها لحد ما بنت اهلها لكزته قالت له ياخى ماهى واقفه قدامك ياخى :))))))))))))))))))))))))
تسلم يا ماهر الشكر لتواجدكم معاى هنا غايتو الزئبق فى كل الاحوال مصيره يتشفط لكن اقلها نكون نفخناه مره مرتين 3 لو الله بيحبنا بدل طوالى هو مشفوط كده :))))) لكن حسى يعنى معقول بعد قدر دا مطرطشه يعنى مافى حاجه كده استثنائيه ولو ثانيه مع اول بايبى ومع اول بابا ومع اول مشيه ما بيحصل الزول يصحى من النوم وهو بيعاين بكل رضى لشريك حياته وبيحمد ربنا ان ربنا قسم له الانسان دا بالذات اخ انا خليتونى اعيد نظر تانى وادق رفض للورقه القدامى :)))))
مالك يا عموووووووو عادل داير تقومها فعلا نار حمرا غايتو مفتوحه مكسوره مغبونه بما ان قبالها مااااااااااااااااااااااااااااا يبقى نحنا فى السيف سايد الامنيات جميله لكن برضو حابين نصفى الذمه عشان فى عقليات جميله حتقول ليك البت دى تكون عامله البوست نظام اعلان باللفه وكده فاخير نختصر الدرب والفهم وان الموضوع فقط لمشاركه بالخبره والاستفاده والمرح وارجاع ذكريات لناس النسسسسسسسسسسسيتها ومتزوجه كده ليها ست سنين وبديت الحيطه حقتها تتشقق ولا رأيك شنو :))) انا بحاول انزل هنا كميه اغانى ليها فى نفسى سحر خاص واكيد حيكون تأثيرها نفس الشىى عندكم
كويس فكرتنى يا متوكل نرفع التجربيه الجراحيه حقتنا الرف وننزل دا بداله اخير لكن غايتو الفقراء دى مع العرس مكنتها بتزيق بالرغم الحقيقه ان العرس بيكون اجمل لمن يكون بسيط وخفيف وما مكلف بيكون بالجد متعته حقيقه وفيه رحمه لكن تقول لمنوووووووووو انا لقونى شباب رافضين فكرة العقد ساى وعايزين يقوموا ويقعوا فى الدفع فشنو الحكايه ما نسوان فقط فى رجال بتحب الفخفاخينا شدددددددددديد
01-23-2013, 01:11 PM
خضر صيام خضر صيام
تاريخ التسجيل: 01-10-2013
مجموع المشاركات: 134
اخى خضر مفروض مع مرور الزمن نكتشف ان فى لحظات اجمل بمعانى اخرى وبإحساس أخر يكفى ان فى انسانه او انسان قضى 10 سنين من حياته فى حياة الاخر هل العشره ما بتخلى التجاوز عن الخطىء والعيوب تصبح اقل مكانه ومعنى هل العشره ما بتخلى فكرة الحب بمفهوم اخر هل العشره ما بتخلى الصعوبات اقيم جمال الحياه شنو اذا كانت بدون مشاكل وعقبات بتمتحن دواخلنا ومفاهيما والطرف الاخر وتمسكنا ببعض وبحياتنا المشتركه اكيد فى لحظة صفا بعد 20 سنه وانت بتعاين لثمرة زواجك وللانسانه الشاركتك الرحله وهى بتقدم الشاى ليك ساعة المغربيه وفى عيونك نظرة امتنان ليها خساره ان اغلب المتزوجين الزمن دا بيفتشوا على المتعه السريعه السطحيه الجسديه اللى بتخليهم يهدوا بيوتهم بدل يصلحوا شأنها
Quote: طبعا انا ما معرسه :)) لكن يخخخخخخخخخخخخخخخخخخخخخيل لى ان اكيد فى لحظات بنصنع بيها حائط ندعم بيها بنيان الاسره حين تهب اعاصير المشاكل ومواسم الجفاف وبراكين الغضب ومهما يخيل لى ما حيكون زى الفعلا عرسوا وعاشوا هذه اللحظات اللى ممكن تبقى دروس مستفاده لمقدمين عشان ما تفوتهم ساى ويقولوا ياريت لو عارفين
في زماننا هذا أجمل لحظات مراحل الزواج ما قبل ليلة الزفاف والعقد الباقي كلو هم وغم وهم وغم أحمدي الله أنك بعيدة
كان جينا على زمنا دا يا خالد الحقيقه ان من الكوشه بقينا نسمع عريس طلق العروس يا تلقى العريس مركب وش كاكو يا العروس بتحدر له عايزه تقتلوا غايتو زواج الزمن دا بقى حرب كل زول عايز يقتل التانى طيب تعبين نفسهم ليه ما يطلقوا ويريحوا البشريه التعبينها دى المسئله ما معضله اصلا شيل دا من دا يرتاح دا عن دا ليه يبقى مواصله مسيره دمويه والتضحيه باطفال بينشئوا فى جو ملغم حيأثر فى نفسيتهم بطريقه سلبيه شنو البيجبر الراجل انه يستحمل زوجه لا تطاق ولا الزوجه تستحمل زوج مافيه خير ما تقولوا لى الاطفال لانهم لو فعلا خايفين على مصلحتهم كان اطلقوا عشان يوفروا ليهم جو منزلى صحى وسليم لكن نظام اقعد فطس دى بتبقى ليها نوايا اخرى عالمين بيها هم وربنا
12-27-2012, 05:56 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
Quote: الحقيقه ان من الكوشه بقينا نسمع عريس طلق العروس يا تلقى العريس مركب وش كاكو يا العروس بتحدر له عايزه تقتلوا غايتو زواج الزمن دا بقى حرب كل زول عايز يقتل التانى
ما ممكن حصلت دي ( طلاق من الكوشــــة ) نحن حد علمنا وبناءً عليه كتبنا هو أن المشاكل الزوجية تبدأ بعد الزواج من أثر الأزمة المالية التي يدخل فيها العريس خفية لتوفية مصاريف الزواج ( و 75% منها دين وقروض ) حتى يفي بألتزام الصالة الفارهة العشاء خمسة نجوم وحق فنان السجم البجي يغني 1:40 من زمن تكون البشرية مشدوها بتمليخ أرجل دجاجة قوية عمرها 2 سنة شريحة من فطيرة محشوة جزر ني .. وحق السفر وحق وحق .. عليك الله الما بمرق نفسو شنو من الزواج ؟ واين يجد اللحظة الأجمل من مراحل الزواج ومن اول يوم دخل في هموم كيف يفي هذه الديون والآن اصبح الغلاء سمة السلعة في الاسواق ؟ يعني بعد دا يا اختي لو كل حلقة من افراح افراح تبث فيها 10 زيجات الحلقة التي بعدها بكون منها 11حالة طلاق من زيجات الحلقة الفائتة .. لابد أن يعي البشر أهمية الاسرة ويسعون لمباركة الزواج بأيسر المهور واقل التكاليف وبعدها يسعى الزوجين لتكوين اسرتهم بخطوات ثابتة لفرش عُش الزوجية قشة قشة
شوفت دا الكلام البنقول فيه يا خالد مفروض العررررريس يشد حيله ويقول لجماعه دا العندى العاجبه عاجبه ما عاجبه يشوف البعدى يعنى العريس البيدقس وبيرضى الجماعه على حساب راحته وميزانيته عملها فى نفسه بنفسه لكن ما يجى كمان مقطع ويقول دى ميزانيتى اى شى بالمعقول كويس وشخصيا لقيت ناس كتيره اكتفيت بالمعقول وكانت سعيده الحاجه دى بترجع لراجل انه يثبت موقفه لا يقول لى الحرمه ولا امها ولا امه مع احترامى لكل الاطراف لكن لازم الرجل يرجع لمكانته الاصليه وهو اليحدد حياته وطريقتها بمعطياتو ما كسر رقبه الحياه وربنا زاتو ما بيرضى بكده والرجل ما يلوم الا نفسه للوضع الحاصل دا لانه هو السمح بيه وبالنسبه لكوشه حصلت قالوا عريس جيه يشرب العروس العصير ودفقه فى الفستان قامت شتمته قام طلقها :)))))))))))))))))))))))))))) ولو مافى الكوشه الطلاقات البيحصل بعد شهر العسل ما فرقت كتير فى التوقيت كله يصصصصصصصصب فى نفس البؤره
01-03-2013, 06:47 AM
هيثم التوم هيثم التوم
تاريخ التسجيل: 04-30-2010
مجموع المشاركات: 1977
قبال نرد نديكم خويله من التخيلات البحسها حتكون من اللحظات التى لا تنسى اكيد استعداد كل عريس وعروس على حده برنامج واكيد اللحظات دى فيها كم هائل من القلق والخوف والرعب ومرات التنشنه وكتير الانهيار العصبى خصوصا لعريس لمن يقولوا له هااااااااااااااات برغم امى دايما تقول هاك تنجيك من الهلاك :)))))))))))) طبعا هات عكس هاك وهاك عكس هات المهم شعور الراجل ما حقدر اوصفوا وبيقولوا سمح الكلام من خشم سيدو يجوا الرجال يحدثونا بنفسهم اخير لكن شعور المراه دا حقىىىىىىىىىىىىىىىىىى اتبرطع فيه زى ما عايزه الخوف الاكبر البحسه انى اليخيل لى دا فى الواقع يطلع فشنك عشان كده حابين نسئل ؟؟!!!؟؟؟ هل البنتخيله قبال اللحظات دى بيكون فعلا حاصل فيها ولا بنمسك مواسير عموما السعاده البتنبع من جوانا فى المرحله دى بيكون مصدرها مختلف من كائنه لكائنه يعنى مثلا على الوجه الشخصى سعادتى بتكون نابعه من الشخص الانا بخطو كل خطواتى دى كرمانه وبحس لو انا مقتنعه بيه البسيط منو حشوفوا كتير يوم ما حفكر يدينى كم ولا يجيب لى شنو ولا العرس فى ياتو صاله قطع شك انا ما حكون شاريه الزول دا لكن حكون يأست القى زولى وحشوف البند التانى من التعويضات وهو الماده لان ما ممكن تبقى موت وخراب ديار كمان مش ولا ما مش بجى راجعه ليكم تانى
امين يا فتح العليم الزواج ما شى صعب ولا العرس معضله لكن بالجد الاختيار فى زمنا دا بقى شى قاااااااااااااااااااااااااااااااااااااااااااااااااااااسى ما عرفت الخلل فينا ولا فيهم ولا فى حالنا والوصلنا له الحكايه ما ان الزول عايز فلته كده مافى زيها لان الاغلبيه فاكره كده برغم المطلوب انسان طبيعى وياها الكك زاتو فى الطبيعى دا لان بالجد الاغلبيه بقيت ما طبييييييييييييييييييييييييييعيه وبتشوف العجب منها حليل البشريه وحليلنا فى الدنيا
من خلال اندماجى فى مجتمعات مختلفه فى مراحل عمرى اكتشفت ان احساسى باى شى له نكهه سودانيه مختلف وغريب ونظرا لاندراشى فى زواج اخوانى واختى وبنات واولاد اهلى فتوغلت ولو بالقليل فى هذه المراحل وبرغم كل التعب بتكون احلى ايام وكيف بيكون البيت بيت عرس وكله ضجيجه ايقاع وفرح وابتسامه اصعب لحظه بحسها لحظة العقد ولمن تبقى فى داخل البيت ليها ايقاع ولمن تكون فى الجامع ليها ايقاع تانى لكن الصعوبه فى الاتنين واحد بحس كإن مسار حياة الشخص دا تم تغيرها للابد وانه بقى انسان جديد واتفتحت له صفحه جديده وعمر جديد ومسئوليه انتهى من مرحله الطيش ومفروض بعد دا يبقى زول قدر المكان الاتخت فيه كان زوج كان زوجه العرس ما ساهل ومسئوليته ما عاديه ولا مستحيله بتتطلب اجتهاد وعقل ومرونه ومشاعر عشان نسعد فيه مافى شى اسمه زواج ناجح ولا فاشل فى زواج سعيد او تعيش لان مقايس نجاحنا وفشلنا ما ثابته بينا ولا ليها معيار خاص انه ساكن فى بيت كيف كيف وراقب عربيه كيف كيف وبيلبس كيف كيف لان ممكن دا كله يكون نيف نيف على الفاضى اها نرجع للحظه العقد وكعادة الحريم استقبالها بالدموع والبكى زمان كنت بستغرب لكن مع اول عقد لاول اخ لى فعليا بقيت زيهم بلا شعور ولقيت دموعى جاريه شديد اتذكرته ابويه الله يرحمه وفقدته شديد فى فرحنا وانه يشوف ابنه عريس لحظات صعب تتوصف لدى الاباء والامهات وهم بيشوفوا الطفل الكان بيحبى من فتره قريبه بقى راجل بشنبات قدامهم واقف محنن فرح كل زول بيختلف من التانى على حسب المنظور الجواه فرحة العريس براها وفرحة اهله براها وفرحه اصحابه براها المهم نديكم بريك بغنيه ونرجع ليكم تانى
سمحه الخضره لمن تروق اى لون تانى محروق
سمح الخضار لونو سمح لونو وعيونو
الحته دى صراحتا ما قدرت افهمها عشان اكتبها
سمح الخضار زاهى انا بريده والله
سيدو زايد عظمه قدام الناس بيباهى سمح الخضار ذوقو حلاة الدنيا فوقو
يا رنوية ازيك.. الحمد لله قمتي بالسلامة واتحفتينا بالاغاني الجميلة دي الله يبشتن عدايلي ان قلت بعيش بدونه .. دا المقطع المافهمتيهو في الغنية يعني الله يبشتني لو فارقته او عشت من غيره انا عن نفسي كانت اجمل لحظة لما عريسي جا اخدني من الكوافير يوم العقد وفي العربية غير لي الدبلة من ايدي اليمين للشمال ربنا يديك عريس يستاهلك ويكون حنين وجميل زيك كدا
12-27-2012, 02:51 PM
البشير دفع الله البشير دفع الله
تاريخ التسجيل: 12-27-2007
مجموع المشاركات: 3014
تحياتي يا رانية وحمد لله على السلامة اجمل لحظات مراحل الزواج دي مسألة نسبية , واكيد حتختلف من زول للتاني , يعني عادي جدا ممكن يجيك واحد رومانسي يقوليك أجمل لحظات مراحل الزواج : كانت مرحلة الخطوبة لووووووووولز.
غايتو بوست موفق ليوم الخميس وبعد شوية حتبدأ افراح أفراح
فوق في واحد شايقي قاليك البوست دا ملغوم أنا غايتو جاني الاحساس دا من العنوان
الله يسلمك ويعافيك يا البشير وعلى قولك كل زول له مقياس لاجمل اللحظات شخصيا برنامج افراح افراح بيدينى دافع ان أصرف نظر عن الزواج ومش عارفه الشعب السودانى مصر يتفرج عليه ليه ويكرر نفس المأساه خميسيا ويقطعوا نفس القطيعه فى نفس التوقيت :))))
يا سلام عليكى يا رشويه تسلمى يا عسل لتوضيح المقطع اكيد لكل زول فينا لحظات بتتنحت جواه ومهما طال بيها الزمن لمن نعيد تصورها بنلقى البسمه بلا اراده طلت من الشفاه ربنا يديم عليكى اللحظات الجميله عيونى :)))
ازيك يا رنويه تعرفي أحلي مراحل الزواج بتكون متين؟......لمن الناس تعجز خلااااص ويبقي عمرها سبعين سنه وينزلو معاش ويبقي وشهم في وش بعض...لا رغبات جسد ولا قاعده عشان عيالي ..ساعتها بظهر الحب الحقيقي ....هنا عندنا تلاقيهم بي كامل اناقتهم ماشين متماسكين ويتكلمو بي صوت واطي ويبتسمو لأي زول ...يجلسو بي وقار في البارك ..يداعبو الأطفال ويتجازبو أطراف الحديث مع الكبار..وتسألهم تلقاهم مزوجين ليهم خمسين سنه . ..يعاين ليها بإعجاب وهي تتحدث كانه بشوفها لأول مره ..ولسه يدها في يده وعيونه في عيونها وتلك الابتسامة المريحة......
فعلا صدقتى يا منال لكن للصراحه رجالنا ما بيقعدوا للعمر دا بتلقى فلسع سريع :)))) يا هى فلسعت وخليته غايتو نادرا القى لى كبار صامدين سوا شكلهم بيحرصوا على فلسعت بعض :))))) فى فيلم اجنبى قبال كده حضرته لقصه حقيقه عن زوج وزوجه كانت الزوجه من طبقه استقراطيه والزوج شخص عادى جدا ونشئت بينهم قصة حب رائعه فى النهايه بعد كم من المناتلات اتزوجوا وكونوا اسره وبقوا عندهم الزوجه اصابها مرض بيخليها تفقد الذاكره وزوجها اصر يقعد معاها فى منزل المسنين عشان تلقى الرعاية الطبيبه ويقرا ليها قصة حياتهم الكتبها بنفسه عشان بتساعدها تتذكر لفتره زمنيه ما بتتعدى الدقيقه او الدقيقتين وبترجع تفقدها تانى وبيرجع يقرا ليها القصه تانى وهلم جرا بالجد الحب البيصل بينا لغاية النهايه ياهو الحب الحقيقى
بحس ان مفروض كل لحظه فى حياتنا الزوجيه تكون ليها قيمه لو الزوجين تجنبوا تجريح بعض اكيد الحياه بتستمر برونق جميل الاحترام من اهم المعطيات لسعاده والحب والثقه والعفو والتسامح عواميد بتساعد فى تثبيت البيت كلنا بشر وكلنا بنحمل من العيوب اطنان ما مفروض نستنكر الخطىء وننتقد بعض فى الفاضى والمليان الزواج ما بيعنى استاذ وطالبه ولا سى سيد وجاريه ولا دا راجل ودى ست الزواج شريك وشريكه بيكملوا بعض وبيصوبوا بعض وبيحترموا بعض وبيحبوا بعض وبيستحملوا بعض ما يفتكر الزوج ان الخلل دايما من الزوجه ولا الزوجه تفتكر ان القروش ياها البتسعد وبتريح ولا الناس الحوالينهم حيقدروا يحلوا ليهم مشاكلهم العاجزين يواجهوها براهم نحنا محتاجين معاهد لتوعيه الزوجيه ومعالجين واستشاريين للامور دى الطلاق ما حل ولا الزواج التانى حل ولا رمى الطوبه حل ولا الاستحمال صمتا حل نحنا عايزين نسسسسسسسسسسسسسسسسسسسعد ونحس بالراحه والسكينه اللى ربنا اوصانا بيها فى كتابه الكريم لان الزواج سَكييينه مش سٍكينه ولا ممممممممش؟؟؟
هل بتتذكر احساسك لمن عرفت ان زوجتك حامل وهل بتتذكر احساسك لمن قالوا ليك جابت بنت ولا ولد هل بتتذكر احساسك لمن عينك شافته ولمن يدك لمسته هل اتذكرت تعاين ليها بكل حب وتقول ليها بحبك هل اتذكرت تضمها عليك وتقول ليها انا سعيد بيكى وبطفلنا ليه لازم اجمل لحظات فى حياتنا بتمر مرور الكرااااااااااااااااااااااام حتى بدون عطسه لدى البعض ما عيب ولا حينقص من رجولتك شى ولا من انوثتك لمن تتشاركوا فى دواخلكم ناس الخجل والحياء فاهمين الخجل والحياء غللللللللللللللللللللللللللللللللط كان فى القرى كان فى المدن كان فى السما الاحمر انت راجل وهى ست انت زوجها وهى زوجتك عيشوا حياتكم صح عشان تربوا اطفال يقدسوا الحياه الزوجيه
12-28-2012, 05:25 PM
Jawahir Ibrahim Jawahir Ibrahim
تاريخ التسجيل: 08-21-2012
مجموع المشاركات: 225
جيت اسلم و اقول متابعين موضوع البطيخة -اقصد الزواج- ده :) ولو الله سهل حادلى بدلوى فيهو و حاحاول انو يكون بحيادية مع التركيز على اجمل اللحظات كما طلبتى..
اكيد كلنا كنا اطفال وشوفنا فى بيتنا كيف ابونا وامنا مع بعض واكيد جوانا ذكريات ليهم واتأثرنا بيهم على الوجه الشخصى لحسى متعلقه فى ذاكرتى مشهد ليهم وكان عمرى حوالى 8 سنين كنا سافرنا اجازه وخلينا بابا الله يرحمه براه فى الغربه ولمن جينا راجعين ومن وصولنا لباب البيت ودخلتنا قعد ابويه فى الصالون وفجئه امى جات بركت فى حجره وقعدت تبكى وهو بيطبطب عليها لحسى ما عرفت السبب كان شنو لكن لحسى روعة الحنيه الحسيتها من ابويه بتخلينى اتمنى زوج يكون حنين عليه كده يحتوينى لحظة انزعاجى وضيقى حتى بدون ما يسئلنى السبب شنو ما شرط نتكلم ممكن بلا مقدمات تلقى زوجتك قاعده وماسكه يدك عشان محتاجه تحس وتستشعر الطمئنينه من وجودك يا تجى داخل البيت تلقاها حضنتك بكل حب وشوق يا فجئه تجيها فى المطبخ وتديها بوسه فى جبينها امور ما حتستهلك من طاقتك ولا من طاقتها الكتير لكن حتدى معانى واحاسيس ليكم حتتشبعوا بيها مدى العمر فى الزواج فى حاجه اسمها الحميميه الزواج ما مشاركه جسديه لغرض الجنسى فقط الزواج مشاركه وجدانيه لروحين عايشين فى جسد واحد فقط
اكيد انا ما بنفى ان فى الزواج لحظات قااااااااااااااااااااااااااااااسيه ومؤلمه خصوصا الخيانه بكل صورها واشكالها كان من زوج ولا زوجه انا بستغرب حاليا ان فجئه وحده فى شهر العسل تدق لزول كانت مجكساه سابقا ولا تعزموا عرسها ولا زوج ليسه متزوج له شهرين وشغال يتونس فى الفاضى ومليان مع البنات ويتغزل ساى ويقول ياخى مرتى دى ما نافعه لمن نقرر نتزوج ونختار شريك حياتنا مفروض نقفل كل الابواب ونحترم الشريك الاخر فى عيون الاخرين وفى عيونا كان بنحب كان ما بنحب نحتتتتتتتتترم بعض فى الغياب قبال الحضور فى الهمسه وفى الكلمه بقى عادى بنسمع واحد بينتقد مرته علنا بعد شهر زواج ولا زوجه بتنتف فى فروة راجلها علنا وكإن الحكايه هزار دا ابدااااااااااا ما هزار دا سخف وقلة قيمه حتى لو الاطراف مختلفه وعايزه تنفصل فى شى اسمه زى ما دخلنا بالمعروف نمرق بالمعروف مالازم نقدم قائمة بالمساوىء عشان ندعم رغبتنا فى الانفصال ونعمل فيها اننا ضحايا تجربه فاشله وننشر غسيل بعض الاحترام ما شى ساهل والبيحترم نفسه سهلا جدا يحترم غيرو
ما بيحصل الزول يصحى من النوم وهو بيعاين بكل رضى لشريك حياته وبيحمد ربنا ان ربنا قسم له الانسان دا بالذات اخ انا
توينتي ايرز ( 20 سنه ) بفوتها نايمه .
قبل الزواج : تؤخذ ام دلدوم لما تتعثر لقمه لوصول مرمي المري . بعد الزواج : تؤخذ ام دلدوم في الهينه و القاسيه .
نقول البركه في البزوره ( الاولاد ) .
قصه قصيره : نحن نسكن في احدي قري ضواحي الخرطوم ، ود عمي مشي احضر العروس من الكوافير من الخرطوم ، في الطريق العربه الصالون انقلبت ، و العروس اتبشتنت ، وعشان العرس ما اطرشق دسو حكايه انقلاب العربه ، ذهبو لاحد المنازل طرف القريه و بسرعه اعادو هيكله العروس ، المهم جات العروس الي الكوشه ، و اثناء الرقيص كانت العروس بتضلع و احيانا تاخد ليها تكجوله ، واحد صاحبي كنا نجلس سويا قال ليه يا اخي انت العروس ده ما له بتعمل كده اتقول مقلوبه بيها عربيه ، عرفنا الحادث بعد شهر من الزواج . رأيك شنو في البدايه ده ، و الله ده ميسي عديل ( ميسي في لهجه الدناقله تعني العين ) .
عمك / ابن العوام
12-29-2012, 08:20 PM
بشير دفع الله بشير دفع الله
تاريخ التسجيل: 04-04-2007
مجموع المشاركات: 214
عمو الزبير لكن صعبتها عليه شديد مافى يوم بالغلط صحوا قبالك :)))))))))) لكن قبل وبعد د مااااااااااااااااااااااااا فخمتها بنوب تكونش شبه النكته حقت العروس الادردقت وهى ماشيه مع عريسها قوم ايه اول ايام كان بيسندها بكل حب ويطمن عليها ما حصل ليها عوجه ولمن قدمت وادردقت ما التفت ليها ونهرها بقول ما بتشوفى بقيتى خلااااااااااااااااااااص :))) انا محتاجه ترجمه لبتضلع دى وبتاخد ليها تكجوله ؟!؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
من اللحظات اللى بحسها مميزه وما تمتاز بيها تقاليدنا فى مراسم الزواج رقيص العروس العروس تستمتع بكونها ملكة الحفل والعريس امبراطور هذا الجمع وخصوصا فى الصبحيه بيبقى ولا هارون الرشيد مع الكم الهائل من النسوان المحاطين بيه وهو متفرد بوجوده بينهم دقت الدلوكه وسحرها الذى يطرب الاحشاء ويجعلنا نقشعر من جمال هذه اللحظه من لا يتمنى ان يقف مكانها ويكون مكانه وان تستمر هذه اللحظه دهر بلا انقطاع الجدله وكانها تاج يزين رأسها بجمال برغم فى زمنا دا للاسف بدأوا فى استبدال هذا التقليد بجديد لا يحمل نفس المعنى حتى المعنى الحقيقى من الرقيص بدأ فى الانقراض فلم يعد مجرد عاده جميله نفتخر بها ولكنها استعراض جسدى لانثى تتلحف بالقليل من الستر لتتباهى بما تملك للجميع ليتهم تركوا لنا اصالة هذه العاده ولم يشوهوها بالتصوير المسروق على صفحات النت التى اديت لرفض الكثير فى اتمام هذه المراسم خوفا على شرفهم وسمعتهم من اقرب المقربين والاصدقاء لم نعد نستطيع ان نثق بأن من حولنا سوف يصون فرحتنا وعرضنا ليتنا نستطيع استعادت جمال معانى حياتنا من انياب التطور والنت والحضاره الزائفه لنستمتع بوين وين وين تلقوا زى دا
سؤال لا ينتظر اجابه هل بيننا من يستطيع استرجاع هذه اللحظات بعد 20 سنه زواج ويجعل زوجته تعيد هذه الرقصات حتى لو زادت 40 كيلو وهو بقى غير قادر على حمل السيف والتبشير دوما نصر على تكرار هذه المقوله ...راحت علينا,,, ولكن الحقيقه نحن اللى سمحنا لها بمفارقتنا بلا عوده
الحب ما مجرد انجذاب لشكل خارجى ولا الاختيار لشريك حياتنا مجرد مقاييس وبنود مفروض نلتزم بيها الحب والاختيار والعقل بيكون ضلوع حياتنا الزوجيه يا بيها أسسناه صح يا بيه انهار من ابسط اصتطدام ما مشكله الوقت البيأخذوا ايجاده لا العمر هو مشكلتنا ولا نظر الناس حتحلنا لان مافى زول حيفيدنا لمن نكتشف ان اختيارنا كان اسوء قرارتنا ولا حنحس بجمال الزواج وسحره ما معنى اننا نختار يبقى المفروض اختيارنا يكون مبهر لجميع ويرضى عنه الجميع يكفى ان اختار من يبهر مشاعرى ويرضى قناعتى ويشجعنى لاحيا الغد بحب معه
من اكتر المواقف الفكاهيه القابلتنى فى الاعراس الحضرتها وشاركت فيها كان فى عرس اختى ,.,.,., اخويه عندو عربيه مرسيدس زى حقت السفارات اها زينها ليها وجهزها ومشينا الكوافير جبناها ووديناها التصوير وفى طريقنا للصاله انا كنت راكبه فى عربيه صاحب العريس واخويه فى عربيته العروس والعريس وصحبتها وفى عربيه اخويه التانيه بنات اهلى فجعتا عربيه الزفه تقيف قبال كبرى امدرمان القديم وتحلف ما تشتغل جبوها يمين شمال بجنبه بسنده اصلوا ما اديتنا حتى دخان بالغلط اها عاينوا يمين شمال لقوا البديل عربيه اخويه التانى وهى عكككككككككككككس بكل المقاييس لعربيه اخويه الاول برغم الاتنين مرسيدس لكن مرسيدس عن مرسيدس بيفرق لانها هكر ساى وعجاجتها قايمه وعلى مضض وحسره العروس نزلت وركبتها ودايره تفجرنا من الزعل لانها بتهتم جدا بالبرستيج شديد غايتو نحنا الضحك شرطنا من منظرها وابيت نوقفها قدام باب الصاله نزلوها بعيد حبه ومشيت برجولها عشان ما تتصور وهى نازله منها وداخله الصاله داقه بوووووووز عجيب لمن اخويه بدى يشوح ليها تفكها ما اظن دى كانت اسعد لحظاتها :)))) اهى العربيه الكانت مشروع زفتها الغريبه انها اشتغلت براها واخويه قال ربنا يستر سقف الصاله ما يقع فينا لان اختى كانت مشتهره بالمصايب فى مناسباتها فى مره اتفجر ديوان فى الكويت يوم عيد ميلادها :)))))))))))))))))))))))
تنفع لبداية الحفل ويكون ليسه العروق بتسخن لهجيج ونفسيات متأهبه للجبجبه برغم ان الاختلاط غير مقبول دينيا لكن الغريب انه مستحب اجتماعيا واحساسنا ان اقرب الحوالينا والبنحبه بيشاركونا اجمل لحظاتنا وافراحنا بيكون فى حوارات بالعيون جميله وانت بترقص مع القدامك وكيف بتحس انهم انفعلوا وطلعوا من طورهم وبيجاملوك بهز الاكتاف خصوصا لو زول فى طبعه الهدوء وفجعتا تلقاه بينكز :)))))) غايتو انا بفقد اعصابى عديلللللللللللل فى الربات عشان كده محظوره من حضور اى حفل عام حرصا على سمعة العائله هههههههههههههههههه
اول ما تلقاها شايله الصينيه حقت شاى الصباح شيلها منها وختها فى الطربيزه بيد وخلى يدك التانيه ماسكه ايديها وتكون مشغل الاغنيه دى على اعلى صووووووووووت وشدها لحضنك وارقصوا وثق يومكم حيكون اجمل حتى لو مشيت الشغل ولقيت جواب رفدك فى الطربيزه :)))))))))))))))))))))))))))))))
الخميس وما ادراك ما الخميس من صغرى بحبه شدددددددددددددددددددددددددددديد ومن اصحى بكون سعيده ان اليوم الخميس بيكون فيه اخف المواد الدراسيه واليوم المدرسى قصير له سحر عجيب الخميس عندى خالى فى قروبنا العائلى السرى الفى الفيسبوك داااااااااااااااااااايما يخت لينا الصوره دى بحس لو كنت متزوجه كان حيكون له طابع جميل وكل خميس له ايقاع براه مفروض الزوجه تخلى خميس زوجها متميز ويكون متلهف يجى متين ليه بنخلى مشاكلنا وخلافاتنا تبعدنا قدر دا من بعض ونخلى الايام تمر علينا بدون احساس بجمالها وقيمتها ليه بنحس بقيمة العندنا الا بعد نفقده ونبدى نقول يا ريت كنت عملت وكنت سويت انت او انتى اليوم الخميس ,., شوفى حبيبك وزوجك وين وصالحيه حتى لو غلطان ,., شوف زوجتك ونور عيونك وين وفاجئها بورده حمره حتى لو هى ريحتها بصل ,,... عليكم الله رجعوا للزواج روحوووووووا بحبكم وتعاطفكم وعفوكم وتسامحكم واحترامكم لبعض مافى انسان ما بيخطىء مافى انسان ما بيتمنى يكون كويس وسعيد ساعدوا بعض عشان نكون كيان متميز نسعد بتأسيسه ويفخر بيه اطفالنا ويسعد بانه جزء منه ويتمنى يحقق زيه
أول مشاركه جاتنى فى الايميل من شخصيه سكره ممتنه ليها جدا تكون اول المرسلين وانها شاركنا لحظتها الجميله
نص رسالتها:-
أجمل لحظه كانت وما بنساها ولا صاحباتي بنسوها لمن كنت في الكوافير وهو جا داخل أنا تاني ما شفت زول وهو برضوا قال ما شاف ولا زول من الناس الحوالينا مسكني حضني وأنا انعنكشت في رقبته وما وعينا إلا وااكوافير كل صفافير تصفيق وبنات الكوافير اعجبوك بي التعليقات ومن اليوم داك صحباتي حلف تاني ما يباروا ليهم عروس وأنا بعد داك اتكسفت ولي يوم أليله أنا ما عارفه سويت كده قدام الناس لي لأكن كانت أجمل لحظه وما بتتنسى
ليسه منتظرين يا متزوجين يعنى معقول اقعد اتخيل ليكم وانتو متوفرين بكثره على الاقل قولوا لينا تخيلاتنا فعلا بتحصل ولا الواقع بيكون مختلف فى مرة صاحب ود خالتى متزوج من سنين قال لى ولصحبتى الخيالات الحسى فى راسكم بتكون ابعد ما يكون من الواقع البيتعاش وحتى الاهتمامات والنقاط البترتكزوا عليها بتكون بعدين هامشيه وغير مذكوره عشان كده ما تتعبوا نفسيكم فيها وتضيعوا زمنكم فى البحث عنها
غايتو الطبيعه البشريه للانسان معضله لمن يزعل بينسى اجمل حاجات فى حياته ودى من اكتر الصفات البتمنى اتخلص منها لانها بتخلينا نسيىء لحياتنا ونستنكر نعم ربنا علينا السعاده احساس جمممممممممممممممممممممممممميل ومريح للبال والرضى مصدر للسعاده الدائمه عشان كده دايما الصباح بدعى ربنا وبقول اللهم راضينى بما قضيت لى وعافينى فينا ابقيت حتى لا احب تعجيل ما اخرت ولا تاخير ما عجلت
01-22-2013, 11:19 AM
حسين ديقول حسين ديقول
تاريخ التسجيل: 01-17-2013
مجموع المشاركات: 962
دى ياها الحركات البتجلط يا حسين فى شعبنا الحبيب فكرتنى على ذكراها بالنكته دى قال ليك زول مغترب جيه يعرس وكالعاده بيصل يوم حنته ويكون اهله اختاروا له وعقدوا له ويجى هو تمامت خير وهجج ما خلا والعرس تم وقعد 15 يوم وخلاص الشتات هو فى المطار وعروسه تشيل وتبكى فى الاول بدى يطبط عليها معليش ما حتتاخرى حجهز ليكى الورق سريع وهى تشيل وتتمخط وهو يحنس فيها كفاكى العيون ورمت وهى تجوعر اكتر ولمن خلاص فاض بيه قال ليها ياخى هى عرفففففففففففففت متين زاطووووووو :)))))))))))))))))))))))))))))))))))
اللحظات الجميلة بين أى زوجين تبقى محفورة فى الذاكرة و على كثرتها ألا هنالك مواقف تبقى عالقة فى الذهن ... قررنا أن تكون وجهتنا مدينة كسلا لقضاء شهر العسل و أخترنا فندق الصفا بمدينة كسلا و للصدفة الغريبة بعد مرور يومين من وصولنا كان الفندق ذو ال 36 غرفة مشغول بنسبة 100% و كلهم عرسان ... يعنى 36 عريس و 36 عروس ... و كانت الفة و تعارف بين العرسان و العرائس بصورة سريعة و مذهلة و أدارة الفندق قالوا دى أول مرة تحصل منذ تأسيس الفندق و بهذه المناسبة تبرعت أدارة الفندق بعمل رحلة فى السواقى الجنوبية لكل العرسان على نفقة الفندق ... و كانت من أجمل الرحلات التى أشتركت فيها....
منور يا ابو احمد وشرفتنا بطلتك ومشاركتك الحلوه لاجمل لحظه وذكرى هل فى اعتقادك ان الزوج والزوج لو رجعوا تانى لنفس المكان القضوا فيه شهر العسل حينعش مشاعرهم ويجددها حتى بعد 20 سنه وحيزيد عمق البينهم وقوته؟؟؟؟؟؟؟؟؟؟؟؟؟؟؟؟؟؟؟؟؟؟
01-23-2013, 11:57 AM
ادم شحوتاي ادم شحوتاي
تاريخ التسجيل: 02-25-2008
مجموع المشاركات: 2377
Quote: منور يا ابو احمد وشرفتنا بطلتك ومشاركتك الحلوه لاجمل لحظه وذكرى هل فى اعتقادك ان الزوج والزوج لو رجعوا تانى لنفس المكان القضوا فيه شهر العسل حينعش مشاعرهم ويجددها حتى بعد 20 سنه وحيزيد عمق البينهم وقوته؟؟؟؟؟؟؟؟؟؟؟؟؟؟؟؟؟؟؟؟؟؟
تسلمى رانية و زدنا شرف بوجودك و أمثالك من الأخوة و الأخوات اللذين تعرفنا بهم فى هذا الفضاء العريض و كانوا لنا نعم الأخوة و نعم الصداقة ... الرجوع لنفس المكان بأذن الله مهما طال الزمن سنعاود الكرة لذات المكان و تعرفنا على أسر من مدينة كسلا رغم مرور السنوات لكن أستمرت علاقتنا الأسرية بهم حتى يومنا هذا فى الرحلة فى السواقى الجنوبية و هذه الطرفة ذكرتنى لها زوجتى قبل ثلاث أيام ... العرائس نظمن مسابقة فيما بينهن أ لمجموعتين كل مجموعة تتكون من 5 عرائس يختاروا من كل مجموعة عروس و كل واحدة لديها 3 فرص ويرموا بشئ بعيداً مثل علبة صلصة أو حجر أو و يطلبوا من العروستين السباق لجلب الشئ المطلوب العروس اللى تسبق و تحضر الشئ يحسب نقطة لفريقها و الفريق الذى يجمع أكبر نقاط هو الفائز بدأت اللعبة و كانت أم أحمد فائزة فى الثلاث مرات بعد أن أنتهت اللعبة جاءت و جلست بالقرب منى و قلت لها غايتوا كدا الواحد أطمئن قالت فى شنو ..؟؟ قلت لها لو حصلت مجاعة فى مستقبل الأيام بتقدرى تخطفى لينا كويس ..
غايتو يا على بالغت معاها مجاعه عديل وحتنتظرها تحت الشجره تجيب ليك هى العضه هههههههههههههههههههههههههههههه حسى الزول بعد العيال يبقوا فى الجامعه وكبار ليه ما يفكر فجئه يحجز تذاكر وياخد مرته كده اسبوع استجمام فى اى مكان حتى لو فى نفس البلد تغير ساى اكيد بيكون له تاثير ايجابى
01-23-2013, 01:03 PM
محمد حيدر المشرف محمد حيدر المشرف
تاريخ التسجيل: 06-20-2007
مجموع المشاركات: 20359
البوست المنعول دا ... قدر ما قلت اتجنّبو غلبني ...
القلوب مواعين يا رانية ... وانتي قلبك كبير واستعدادك للحب اكبر ... ذكرتيني لامن اتأكدنا انا وعشة طيور انها حامل بى احمد ولدنا ... ولامن اتجرتقنا ... وحاجات ما بتتحكي ظاطو .... يا رانية يقال ان ماء زمزم لما شُرِب له ... انتي بيّضي النية وان شاء الله تكون حياتك كلها حب وسعادة ....
اخى تبارك النيه عالم بيها الله واحمدالله حياتى القاسمها لى ربى بترضينى حتى لو الغير شايف غير كده ربنا مرات ما بيقسم العرس لناس ولا حتى الاطفال ما معنى كده انهم منبوذين ولا فيهم خلل لكل انسان موازنه فى حياته وربنا ما ظلم اى عبد من عباده والسعاده ما مرهونه بشى معين بنتمنى وبنعمل العلينا والربنا بيقسمه بنرضى بيه ... نرجع للحظات الحلوه الما بتتحكى :)))) اكيد فى لحظات يكفينا استرجاعها فى دواخلنا والاستمتاع بيها ربنا يديمها عليكم وعلى جميع عباده وياها دى البتتدى لحياه ساس وتقوى جذوره وبتغذيها
03-18-2013, 01:32 PM
الزبير بشير الزبير بشير
تاريخ التسجيل: 08-11-2009
مجموع المشاركات: 1770
بابا الزبير خاتم بوبار دا شنو انا لصراحه ماعندى اىىىىىىىىىىىىىىىىى انترست فى الدهب ابو ضجوم دا جيب لى لابتوب يا دبدوب ريييييييييييييييييحه كده من ابو كديس :)))))))))))))))) لكن الاول خلى يجى وبعد دا نديك عنوان الدى اتش ال يا تجى بالدرب تحضر الربه ان شاء الله
03-18-2013, 03:31 PM
مجاهد محمد الهادي مجاهد محمد الهادي
تاريخ التسجيل: 01-14-2013
مجموع المشاركات: 1665
اخى مجاهد ليست ذكر التجربه معناه الاقتداء بها لكل انسان تجربته الخاصه ونجاحه فيها لا يعنى نجاح غيره اذا اتبع المنظور العام هنا التشارك باجمل اللحظات ولاحظ برغم مراسم الزواج الثابته لكل شخص كان لحظه مميزه عن الاخر او حتى لنفس الحدث احساس مختلف ودا الغرض من الموضوع واصلا اوقات شده ياها البتحتاج اللحظات دى عشان يتم تجاوزها يديك العافيه وتسلم على المشاركه
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Shawgi Sulaiman
طارق جبريل
rosemen osman
Mutwali Malik
عادل سهل
فتح العليم محمد أبوالقاسم
خالد علي محجوب المنسي
هيثم التوم
رشا سالم
البشير دفع الله
Jawahir Ibrahim
الزبير بشير
بشير دفع الله
حسين ديقول
على عبدالله بشير
ادم شحوتاي
محمد حيدر المشرف
تبارك شيخ الدين جبريل
مجاهد محمد الهادي
فيس بوك
تويتر
انستقرام
يوتيوب
بنتيريست