المصفوفة دي إذا بس في اليومين الفاتوا سِمعتها ما أقل من عشرة ألف مرة المصفوفة ..المصفوفة.. الله يقلع نشرة عشرة ونشرة الشروق على نشرة روسيا اليوم على إسكاي نيوز الماقادر إتفك منهم ديل المصفوفة ..يعلّم الله ذادت لي كثافتي الأصلا" زائدة المصفوفة سمعتها من إدريس وقلت ماشي ياأدريس جوووه الكيس المصفوفة سمعتها من باقان قلت ماشي ياباقان الله يسّهل الحال التعبان المصفوفة حاولت أهون على نفسي من سماعها والحنها بــ فريع البانة المصفوفة.. المنقسمة.. يتمايل حالها المصفوفة لمن جاتني طالعة بي ريالتها من هناي طوالي فريع البانة إتحولت لا شعوريا" لـــ: غلبني كتر عليّ ماااساهل مااا شوية __ الماتريكس دي لو في واحد عارف مطرتها كابة وين ينورنا ينوبوا ثواب ولو كمان نزل لينا واحدة من الغنيتين يكون ماااا قصر تب وياريت لو غلبني كِتر عليّ
03-16-2013, 09:39 AM
tmbis
tmbis
تاريخ التسجيل: 10-19-2002
مجموع المشاركات: 24862
يا امير مصفوفتك دي والله بتلاقيها ووين كتيرة كدا ما عاارف .. لكــن بقى فريع البانـة دي بجيهه ليك لانو من اكتر الاغاني بتاعت البروف بستمع ليها الله يديهو الجنـة يااارب ..
لاقتني ..لاقتني ..يا تمبس ########ّت فيها خميسي * وقربت تضيّع لي جِمعتي كمان يااخي تآمن بالله لدرجة إني قريت بوست صبري طه كلوا لقيت ليك قصّة الماتركيس كلها عبارة عن محاولة صعود في إطار هابط وعلى قول البروف ووووووووك ـــ و...ما عِدمناك في التجيهة دي البروف الراجل الفاضل التقيّ ربّنا يسّمع منك ويديهو الجنة ــ * ندمت وقلت أنا مالي ومال كدا يااااريت لو خليت خميسى على بوست فيصل نوبي
03-16-2013, 10:09 AM
tmbis
tmbis
تاريخ التسجيل: 10-19-2002
مجموع المشاركات: 24862
أها بعد ما كنت ناوي إتكلم كلام سياسة كبّار.. كبًاااار...وأنكد على نفسي وأملاها فقر مشيت بحبحت لـ كتر عليّ ماساهل كان لقيت ليك الماعندهم خبر للمصفوفة ديل قلت أنا حااارق رزي فوق كم فـ أحسن أرعى بقيدي وإتصفا معاهم وأجبجب مع إنصاف....وقطعّت ليك المصفوفة بي حرّياتها الأربع في حشايّ وهاااك يااااكتر عليّ وماساهل ماشوية... المصفوفة ملحوقة وأصلا"هي مشفوطة..مشفوطة
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة