|
|
|
 Re: يا طارق جبريل وعموم الشايقية بتبالغوا ياخ (Re: عاطف عمر)
|
مرحب يا عاطف
Quote: كانت في واحدة يا حمد في برنامج نجوم الغد الدورة الماضية
بتغني بالسلم الشايقي كأبدع ما يكون
وأظنها كانت في الفائزين الأوائل |
أنا أمس سمعت واحد بتغني بالسلم الشايقي بس دا كلو تقليد
بيئة زي دي مفروض يكون في فنانات مميزات
لكن أعمامك السناجك ديل ببكوا ويتنخجوا براهم ما مخليين فرصة للنسوان يبكن معاهم
| |
 
|
|
|
|
|
|
|
|
Re: يا طارق جبريل وعموم الشايقية بتبالغوا ياخ (Re: حمد عبد الغفار عمر)
|
ولا فنانة واحدة تغني بالسلم الشايقي ؟
الأخ حمد عبدالغفار سلام
ما عارف بتقصد شنو بالسلم الشايقى ؟؟؟
إن كنت تقصد الطمبور ؟؟
فقد غنت بالطمبور حنان النيل و سمية حسن و ختمة مروى و نسرين عوض و أحلام مساوى واكرام بت العز
والكثيرات و اللاتى لم تسعفنى الذاكرة بذكرهن .
وإن كنت تقصد غير ذلك فالمعذرة
| |
|
|
|
|
|
|
|
|
|
Re: يا طارق جبريل وعموم الشايقية بتبالغوا ياخ (Re: طارق جبريل)
|
أهلين يا طارق
هند كفنانة لا بأس لكن ما ببتفق معاي إنو غناها بيفتقد للحنية الموجودة في غناء الشايقية
أنا أكد ليك دي ولدوها في الخرطوم وإمكن تكون ما مشت أبعد من الجيلي شمالا
ياخ اسمع صديق أحمد
خليييك منو اسمع النصري الصغير دا بس شوف مستوى أثر البيئة في غناهم والحنية الدفاقة
انا لما سمعت البت دي في الأول قلت أجي اغالطك أقول ليك دي ما شايقية فرق كبير
أنا عارف أسباب لوعتك
| |
|
|
|
|
|
|
|
|
|
Re: يا طارق جبريل وعموم الشايقية بتبالغوا ياخ (Re: محمد الرفاعى)
|
مرحب محمد رفاعي ومشكور ياخ على الأريحية
طبعا بقصد غناء الطمبور ولأنو الشايقية ليهم باع كبير فيهو أنا سميتو السلم الشايقي
Quote: فقد غنت بالطمبور حنان النيل و سمية حسن و ختمة مروى و نسرين عوض و أحلام مساوى واكرام بت العز
والكثيرات و اللاتى لم تسعفنى الذاكرة بذكرهن . |
يا محمد ديل مجرد مؤديات أنا بقصد فنانة ليها تميز واضح ومنتهجة لخط غناء الطمبور ومتميزة فيهو
واللفت انتباهي للمسألة دي الثراء الواضح لمنطقة الشايقية في مجال الشعر والغناء وتعصبهم لغناهم
| |
|
|
|
|
|
|
|
|
|
Re: يا طارق جبريل وعموم الشايقية بتبالغوا ياخ (Re: حمد عبد الغفار عمر)
|
مرحب عبد المنعم سيد أحمد
مشكور على الفيديو
النماذج الاتنين الجبتهم أخيرا فيهم نبرة الشايقية والصوت واضح تماما
بس يا جماعة منطقة الشايقية دي مفروض تطلع منها فنانات بمستوى الفنانين وبكامل الإستقلالية لأنهم محصورين خالص في غناهم
تعرف مرة جمعتنا جلسة بصديق أرقي في وادي الدواسر ، صديق كان مرهق من السفر ما غنى كتير الجماعة قالوا لي غني مع الزول دا ساعدو
كنت عايز أبدأ بأغنية نعمة (نورا) بتاعة حميد قلت عشان يكون في طرب مشترك بين الشايقية وغيرهم
معانا واحد اسمو علي برسي قال لي ستين يمين ما تغنيها دا غنا شايقية بس شوف غناكم وين
عشان كدا أنا قلت ليكم
| |
|
|
|
|
|
|
|
|
 Re: يا طارق جبريل وعموم الشايقية بتبالغوا ياخ (Re: حمد عبد الغفار عمر)
|
هلا يا بشاري
Quote: غايتو يا طارق حمد دا الا تشوفوا ليهو شايقية
عشان يقتنع ... والله صحي
|
تعرف يا بشاري أنا الشايقية ديل كنت مكجنم عديل كدا وبدون سبب
لكن الظروف جمعتني بشايقي مكمل الضكرنة غير لي مفهومي تماما للعكس موش كدا وبس من لحظتها أنا ابتعدت تماما من التقييم الإنطباعي والسمعي للناس
أما قصة عرس دي يا خوي ما بقدر
أنا عندي زوجة من الأيد للخشم النوع التقول ليها أديك قروش تقول ليك أعمل بيهم شنو؟
عايزني أعرس لي شايقية تقلع قروشي وتنجضني باقي عمري دا ؟
| |
|
|
|
|
|
|
| |
حمد عبد الغفار عمر
عاطف عمر
محمد عبد الماجد الصايم
محمد الرفاعى
طارق جبريل
عبد المنعم سيد احمد
الامين موسى البشاري
حيدر حسن ميرغني
فيس بوك
تويتر
انستقرام
يوتيوب
بنتيريست