قدامى لاعبي مانشستر أقرو بصحة الطرد قدامى لاعبي الريال أقرو بظلم الحكم

Quote: والله ووالله يا صبري انا إتوقعتها !! مع إنو ما محتاج أحلف لكن عشانك متوقعك تغالطني حتتتى فييي روحي .. بس الحابي أضيفو انا مختلف تماااماً وحاجة غريبة بعيييدة عن رأيكم هي السبب الخلاني وقتها أحس بنسبة 90% ناني سينال الحمراء.. وهي بصراحة حركة صغمبروتية فقط الإعادة بالبطئ هي البتأكدها لكن النصييحة بالعين من الوهلة الأولى صعبة .. في الإعادة بالبطئ بي زاويا بيظهر إنو ناني حركة رجلو كانت فيها دفعة بعد ما وصلت لي بطن اربيلوا ..بمعنى إنو ناني لمن رجلو لامست جمبة اللاعب الاسباني ما سحبها بي سرعة بل أداها دعسة كده أو زي ما بيقولوا عفصة ..ودي لو الحكم شافا بيكون إفترض نية ناني إيذاء اللاعب لأنو لو ناني كان حريص وغير متعمد كان حاول سحب رجلو.. السبب التاني وهو سبب نفسي أتوع إنو ناني ساهم فيهو اللي هو سقوط ناني وإدعاء الإصابة.. ده جانب لعب عليهو الحكم بي إنو ناني زايغ ليهو من عملة عملا ..مفروض يقع اربيلوا ويتأثر مش ناني ...لكن إيعاز ناني بي إنو هو المصاب أدت الحكم شعور إستهبال وخلتو يزيد الشكك لي تأكد عشان كده لما طلع الكرت الأحمر طلعو مرتاااح وكأنو ضااامن.. ده تحليلي العنقالي بعيييداً عن قوانين كرة القدم التحكيمية وده كان شوفي ..