|
|
 ما بين الفرة والحنيبر
|
الفرة كما هي بذات الأحرف نستخدمها في السودان ونسمي بها نوع من أنواع الطيور
ولكنمعناها الغوي الصحيح هو:
يقال هي حسنة الفِرّة : أي جميلة الابتسامةِ
شوفوا الفرق كبير بين إستخدامنا ليها والمعنى الصحيح
أما حنيبر فنحن نقول حمبرة
وربما هي كلمة غير موجودة في اللغة أصلاً
لذلك إستدعيت أقرب كلمة لها نطقاً وهي الحنيبر
فما هي الحنيبر:
حنيبر هي قبيلة يمنية
ونظراً لهجرات اليمن إلى السودان وتواجدهم حتى التاريخ القريب وما زال بعضهم موجود
ومنهم من أصبحوا سودانيين اصليين
فقد يكون تناقل أولئك المهاجرون اليمن فيما بينهم هذه الكلمة
والكل يعرف أن اليمنيين يحبون التعرف بالقبيلة
وقد يكون بعض أهل حضرموت وقبائل اليمن الأخرى في محاولة للتفريق بينهم وبين قبيلة حنيبر
كانت تطلق هذا الإسم
وتناقلته الناس بالسماع
فصار البعض يصف به البعض الآخر قائلاً: أنت حنيبر
والله لآعلم
___________________
يعني الواحد كان قال ليك يا فرة = غبتسامتك جميلة
ولو قال ليك يا حنبرة بتعني إنك من قبيلة حنبرة
شايفين يعني عادي ما فيها شتيمة وشوفوا كم واحد إتشاكل هنا مع التاني ونفسه قام بسبب الكلمتين ديل
|
|
 
|
|
|
|
|
|
|
 Re: ما بين الفرة والحنيبر (Re: Asim Fageary)
|
شكرا استاذنا فقيري
نحو في بوادي الغرب نقول " الفِرَّة " الفاء مكسورة والراء مشدودة وهي طائر
اكبر من القمري والحمام وأصغر من دجاج الوادي قليلا يرك ويبيض علي الأرض فقط
لا يحطُّ علي الأغصان ابدا ويطير فجأة وبصورة مخيفة وقوية مما يسبب "جفيل" نفور او شموس
للدواب حتي تتطيح براكبها او الذي يمتطيها
"المنخلع طارتلو طيرة الفِرَّة
والفَرَّة الفاء مفتوحة والراء مشدّدة ومفتوحة تعني البسمة
:والله كان فرّة وبسم
شرطا تقول ترميلها دم"
محبتي
| |
|
|
|
|
|
|
|
|
|
Re: ما بين الفرة والحنيبر (Re: عبيد الطيب)
|
Quote:
نحو في بوادي الغرب نقول " الفِرَّة " الفاء مكسورة والراء مشدودة وهي طائر
اكبر من القمري والحمام وأصغر من دجاج الوادي قليلا يرك ويبيض علي الأرض فقط
لا يحطُّ علي الأغصان ابدا ويطير فجأة وبصورة مخيفة وقوية مما يسبب "جفيل" نفور او شموس
للدواب حتي تتطيح براكبها او الذي يمتطيها
"المنخلع طارتلو طيرة الفِرَّة
والفَرَّة الفاء مفتوحة والراء مشدّدة ومفتوحة تعني البسمة
:والله كان فرّة وبسم
شرطا تقول ترميلها دم"
محبتي |
يا سلام عليك يا استاذ / عبيد الطيب
أها أنا قاصد الفرة بفتح الفاء اللي هي الإبتسامة
ودي موجودة في قواميس اللغة بذات المعنى
شكراً مرة أخرى على المداخلة الوافية والضافية
| |
|
|
|
|
|
|
|
|
|
Re: ما بين الفرة والحنيبر (Re: فايزودالقاضي)
|
Quote:
لذلك ختيت فره دي حاجة في الجسد هههه
|
غايتو يا ود القاضي
إنت شغلانيتك ملها عندها علاقة بالجسد والصور ثلاثية الأبعاد
أقترح عليك إنت ومعاك الصادق سيكا والأمين بشاري و واحدين تانيين من محبي الصور
تعملوا رابطة البوردابية أبين صور
عشان بوستاتكم كلها تكون بالصور وما تدخلوا في اي بوست بدون صورة
غنشاء الله تكون صورة تونسية أو صورة تخيلية
| |
|
|
|
|
|
|
|
|
|
Re: ما بين الفرة والحنيبر (Re: فايزودالقاضي)
|
Quote: الفرة كما هي بذات الأحرف نستخدمها في السودان ونسمي بها نوع من أنواع الطيور
ولكنمعناها الغوي الصحيح هو:
يقال هي حسنة الفِرّة : أي جميلة الابتسامةِ
شوفوا الفرق كبير بين إستخدامنا ليها والمعنى الصحيح
|
العزيز / عاصم اسعد الله صباحك
(الفرة الّتنا بتجيب الفرة ألّتم )
| |
|
|
|
|
|
|
|
|
|
Re: ما بين الفرة والحنيبر (Re: الجنيد حمد)
|
Quote:
(الفرة الّتنا بتجيب الفرة ألّتم ) |
أخي / الجنيدحمد
خلينا نترجم كلامك دا للناس الما بتعرف لغة
الترجمة:
الفرة حقتنا بتجيب الفرة حقتم
إذا في خطأ في الترجمة أرجو التصويب
تسلم على المرور
| |
|
|
|
|
|
|
|
|
|
Re: ما بين الفرة والحنيبر (Re: Asim Fageary)
|
الشم خوخت بردن ليالي الحره
والبراق برق من مناً جاب القرة
شوف عيني الصقير بي جناحو كفت الفرا
تلقاها أم خدود الليله مرقت بره
الفرا طائر صغير مهاجر بظهر مع فصل الخريف من اجمل الطيور .
علي فكرة الفرا طائر من اوربا في فصل الخريف يهاجر الي افريقيا
اسم الفرا نتيجة هذا الطائر بعد رحلته الطويله في الهجرة تجده في وقت راحة غالبية وقته وعندما يهجم عليه عدو تجده يفر جريا وسط المزارع والجنائن.
في السعودية قابلني في اسواق بنده والعثيم بقولو ليهو السمان .
ذكر في القران صورة البقرة : [وَظَلَّلْنَا عَلَيْكُمُ الغَمَامَوَأَنْزَلْنَا عَلَيْكُمُ المَنَّوَالسَّلْوَى كُلُوا مِن طَيِّبَاتِ مَا رَزَقْنَاكُمْوَمَا ظَلَمُونَاوَلَكِن كَانُوا أَنْفُسَهُمْ يَظْلِمُونَ]. السمان (السلوى) ...
عاصم بالله جربو بدل الدجاج في الاكل .
| |
|
|
|
|
|
|
|
|
|
Re: ما بين الفرة والحنيبر (Re: عباس الدسيس)
|
يا عباس ياخي والله معلومة مية المية
تعرف أنا بعرف السمان وبنشتريه بالطبق البكون فيهو حبات داك بنجيبوا بالكمية وبنحشيهو بالفريك
موبالغة لكن اصلوا ما خطر ببالي إنه هو نفسه طائر الفرا البكون في السودان في موسم الخريف
طبعاً الأن أنا موقف أكله عشان قالوا فيهو كلوسترول عالي
لكن طبعاً هو لحمه طاعم جداً أفضل من الحمام والجداد
بس الدكاترة ديل غير ياذونا بأوامرهم ما عنهدم شغلة
شكراً مرة أخرى عباس
_______________
أها برضو كان الزول قالوا ليهو فرا بمعنى إسم الطائر هذا بقت ما شتيمة ......... ولا كيف !
| |
|
|
|
|
|
|
|
|
|
Re: ما بين الفرة والحنيبر (Re: Asim Fageary)
|
| Quote: أها برضو كان الزول قالوا ليهو فرا بمعنى إسم الطائر هذا بقت ما شتيمة ......... ولا كيف ! |
الشتيمة يا حبيبنا عاصم جاية من هذا الطائر في فصل الخريف يهاجر من اوربا واسيا الي افريقيا في رحلة شاقة ثم بعد قرب انتهاء الخريف يعاود الرجوع وله امكانية تحمل عاليه المشكله بتاعتو سهل الصيد ولا يجيد الدفاع عن نفسه بي حكاية لو هجم عليهو عدو بتلقاهو جاري بي كرعينو داخل المزارع لا يستخدم امكانياته في الطيران ودرجة تحمله العالية لذلك جاتنا نبذة الزول ده فرا ثم مع استحداث الالفاظ للجيل الحالي بقي اقول ليك بدلا عنها ((زول داقس)) والداقس هو الذي ينسي ان يستخدم امكانياته.
| |
|
|
|
|
|
|
|
|
|
Re: ما بين الفرة والحنيبر (Re: Asim Fageary)
|
| Quote: الشتيمة يا حبيبنا عاصم جاية من هذا الطائر |
انا كرهتو بى الله واحد يا عباس .. جايب لينا النبيشة بلا سبب ..
يا فقيرى بوستيك جميل علا ما مدعّم بالصور كما ينبغى ..
| |
|
|
|
|
|
|
|
|
Re: ما بين الفرة والحنيبر (Re: الصادق سيكا)
|
يا الصدق ياخي الصور ما ياها ديك جابا ليك عباس الدسيس
وقال ليك الفرا دي ياها ذاتها طائر السمان
يعني يجيب ليك صورة غادة السمان ولا شنو ؟
بعدين إنت الصور دي جهز ليها الفاليوم بعدين أطلبها بنرسلها ليك بالليل
بمواعيدنا نحنا
لكن نحنا بصراحة حكومتنا قوية ما بنقدر نتحايل عليها
| |
|
|
|
|
|
|
|
|
|
Re: ما بين الفرة والحنيبر (Re: Asim Fageary)
|
Quote:
نحو في بوادي الغرب نقول " الفِرَّة " الفاء مكسورة والراء مشدودة وهي طائر
اكبر من القمري والحمام وأصغر من دجاج الوادي قليلا يرك ويبيض علي الأرض فقط
لا يحطُّ علي الأغصان ابدا ويطير فجأة وبصورة مخيفة وقوية مما يسبب "جفيل" نفور او شموس
للدواب حتي تتطيح براكبها او الذي يمتطيها
"المنخلع طارتلو طيرة الفِرَّة |
الفرة والحمبرة من الطيور
وأذكر ونحن صغار نتسامى
الروس الروس مرحب التروس
من الدفسه والقطع نفسه ويأتي آخران يقولان الروس الروس مرحب التروس من الفِرّة والحنمبرة
والله أعلم وطبعاً هذه المسميات في العامية السودانية تختلف من منطقة إلى منطقة وأحياناً كلمة حمبرة ترد كمسبة أو إساءة يقول ليك ده زول حمبرة ساي
| |
|
|
|
|
|
|
|
|
|
Re: ما بين الفرة والحنيبر (Re: بدر الدين مهدي)
|
Quote: انا كرهتو بى الله واحد يا عباس .. جايب لينا النبيشة بلا سبب ..
يا فقيرى بوستيك جميل علا ما مدعّم بالصور كما ينبغى .. |
سيكا يا وجيه سلام وتحية
يا خوي انا متابعك بي هناك معاك الامين البشاري ساكين الراجل في الصورة والراجل دقسكم يعني عمل ليكم فراري جايه من فرا اها شوفتا لاحقاك وين الكرهتها
الصورة اكثر من عادية البتكلم عنها .
عن اذنك يا فقيري ما دام الكلام جاب الكلام ... يلا يا سيكا طلع الفرا منو في الصورة المرفقة:
| |
|
|
|
|
|
|
|
|
|
Re: ما بين الفرة والحنيبر (Re: عباس الدسيس)
|
يا الصادق سيكا الليلة سجم خشمك
ياكا البايت في الشارع أو شوف ليك جامع لو عنكم جوامع قريبة
عباس جاب ليك الصورة بالنهار الأحمر
______________
قلت لي عادية يا عباس ؟
غايتو أنا والصادق دي بالنسبة لينا ما عادية لأننا لسه شباب
ونارنا في الطبلون
إنت بتكون لحقت الجماعة (القواعد من الرجال) والصادق بدل ما يحضر فاليوم بس يجيب ليك الحبوب التانية ديك
| |
|
|
|
|
|
|
|
|
|
Re: ما بين الفرة والحنيبر (Re: Asim Fageary)
|
Quote: قلت لي عادية يا عباس ؟
غايتو أنا والصادق دي بالنسبة لينا ما عادية لأننا لسه شباب
ونارنا في الطبلون
إنت بتكون لحقت الجماعة (القواعد من الرجال) والصادق بدل ما يحضر فاليوم بس يجيب ليك الحبوب التانية ديك |
فقيري الحكاية ما حكاية قواعد من الرجال ... إحنا شوفنا كثير
مرة سافرنا لبنان دورة تدريبيه مع شركة امريكيه كان عاي مهندس مصري صعيدي من ضمن التيم الراجل مربي دقن لي صرتو اثناء ما كنا في الطيارة والتعارف الونسة كانت عن لبنان والحريات بها والموضع جره لي ونسة تانية انت عارف ابناء النيل ما بقصرو في ونسات الليل الراجل سمع بي لبنان وكانت اول سفره ليهو لدولة تانية بعد السعودية.
وصلنا لبنان اول ما دخلنا صالة المطار وش لاقينا قزاز الويسكي والبيرة وما يتبعهما الراجل إستعاذ بالله وماشين لي قدام ظهر لينا صف المنتظرين واول الصف كانت واقفة واحده لابسة رداء وفنيلة مفتوحه من فوق المصري من كثرة البحلقه قدامنا عتبة ما انتبه ليه طااااااااااااااااخ ضرب الدلجة .
رفعتو من يدو قلت ليهو انشاءالله سليمة
قال لي يا ابن النيل الظاهر بدينا التوقع من اولا انت مش شايف الحاصل الله استر علينا واحنا طالعين وإحافظ علي ركبينا ارجعن سليمات لام محمد....
قلت ليهو يا ابن النيل مين ام محمد...
قال لي انت الظاهر عليك مغيب وما بتشوف بقي لما ترجع روح لطبيب العيون اراجع ليك النظارات أم محمد يا ابن النيل المدام الله اطراها بالخير بقي عشان نخش الجو العالمي بتاع لبنان عايزة كورس الواحد اجيبها هنا عشان لما ادخل البيت واعاين ليها اعاين بنفس يا بيه أو كل سنة انا اعمل مامورية لبنان لوحدي.
| |
|
|
|
|
|
|
|
|
|
Re: ما بين الفرة والحنيبر (Re: عباس الدسيس)
|
والله يا عباس ياخوي نحنا ذاتنا شوفنا كتير وما بتوصف
لكن لسه ما بنقول عليهو عادي
قصة الأردية والفنايل الحمالات والبـوس على السلالم المتحركة في المولات
والبـوس في الأسنسيرات
وكمان الحاجات البتحصل في القطارات بالليل ياخي الكراسي فاضية بيقيفوا على حيلهم مخصوص
عشان يمارسوا الحب (طبعاً أكيد ممارسة غير مكتملة الأركان)
لكن الناس المؤدبين الزينا ديل يعاينوا بطرف العين وزي الما شايفين
أها بعد داك الواحد بيكون وصل مرحلة المنطقة الوسطى بتاعة نزار قباني
| |
|
|
|
|
|
|
| |
Asim Fageary
محمد احمد القاضي
عبيد الطيب
فايزودالقاضي
الجنيد حمد
عباس الدسيس
الصادق سيكا
بدر الدين مهدي
فيس بوك
تويتر
انستقرام
يوتيوب
بنتيريست