|
|
 سودانيزاونلاين .. نقطة ساخنة ... واللقاء دوما يتجدد ..
|
واحد الكرمك احتلوها وتاني قيسان القوات الحكومية هربت منها (عذبتنا)
واحد تاني زوجة مدير مكتب الوالي دقست وادت القروش لبتاع ركشة (حيرتينا )
واحد تالت السودان ح يصنع قطارات قريييب نان وينا السكة حديد البتمشي فيها القطارات دي بعد ما يصنعوها ( احلام ظلوط)
اما ناس مشاكل عابرات القارات ديل كوم براهم بيرمنغهام اليومين ديل بقت اسبانيا مصارعة تيران لحدي هسي ما شوفنا لينا تور واحد (جننتونا)
واحد بغادي معلق الي الان المك نمر المك نمر (روق روق خلاص المك ما شرد)
واحد رابع ميثاق الفجر الجديد سيري النور قريبا (يعني لحدي هسي هو مضلم)
واحد كل يوم ماسك عنصرية عنصرية (شكلو كده زهج بقي يخت ليهو نقطة عشان يرفع البوست حقو للصفحة الاولي وزول هببو ليهو مافي)
ده كلو كوم واخونا طارق جبريل وقصتو مع الموبايل جهجهتنا وداير يقبل الاي باد صاج يعوس فيهو الفطير
نتابع اخر المواضيع ونفيدكم
خليكم قريبين
|
|
 
|
|
|
|
|
|
|
 Re: سودانيزاونلاين .. نقطة ساخنة ... واللقاء دوما يتجدد .. (Re: Mohammed Maher)
|
محمد ماهر
تحية طيبة ,,,
Quote: ( لحدي هسي محتار العلاقة شنو بين البامبرز والفئران الميتة والسفنجات)
|
زمأأأأأأأأأن سألته والدي الله يرحمو عن السعوط ( التمباك )
أداني وصفة لحدي ماكبرته مؤمن بيها ومصدقه ........ وبتسأل في سري بالله الناس ديل الجابرهم على القرف ده شنو
النتيجة أني لحدي الليلة ما حصل ختيت سفة في خشمي ....
--------------
*إحتمال زي الوصفة دي تخلي كتار يعيدو نظر في حتت العرقي
تحياتي
| |
|
|
|
|
|
|
|
|
|
Re: سودانيزاونلاين .. نقطة ساخنة ... واللقاء دوما يتجدد .. (Re: Mohammed Maher)
|
اتصل علي صديق قال لي في ختمة بتاعت قرأن لزول شقيقتو متوفية في مسجد الاكراد في بيرمنغهام تعال نمشي نسوي الواجب قتلو خييييير تب
استحميت ولبست هدومي دورت عربيتي ومشينا دخلنا المسجد اذا بالوجوه كلها تلتفت نحونا نحن الاربعة رجال.
واحد من الشباب اتفضلو اتفضلو يا رجالة ارفعو الفاتحة مع صاحب الختمة
نظرت الي صاحب الختمة وقد اتسعت عيناي واتلفت الي صديقي اذ هو يبتسم ابتسامة خفيفة .قال لي بصوت منخفض هذا الاخ مالك نورين الامين العام (لحركة العدل والمساواة) في المملكة المتحدة
تعجبت كثيرا وقلت لنفسي كهذا هم السودانييون تفرقهم السياسة ويجمعهم الواجب وتذكرت مقولة الترابي والصادق المهدي مهما اختلفنا فبيننا (وصال)
*
*
*
*
*
*
*
حاجة بالجنبة:
ونحن طالعين من المسجد لاقانا واحد مما شافنا بالله تقول شاف عفريت وشو جاب 500 لون صحبي قال لي ده سيف خوخلي قلت ليهو سيف خوجلي ده منو؟ قال سيف مساعد ياخ .. اهااااااااااا بالله هو ده سيف كلوش) حمدا لله علي السلامة ) شكلو جابتو الفتة ام رز لانو جا متاخر بعد الناس ما قرت الختمة وصلت العصر والغريبة هو قال انا جيت من الصباح شكلو كده الزول ده جابتو بطنو ساي
| |
|
|
|
|
|
|
|
|
|
Re: سودانيزاونلاين .. نقطة ساخنة ... واللقاء دوما يتجدد .. (Re: Mohammed Maher)
|
السلام عليكم ورحمة الله تعالى وبركاته
الاخ حافظ كمال
اولا نحن قمنا بهذا العمل لوجه الله تعالى وخدمة نقدمها لافراد الجاليه السودانية بالمدينة لا نريد من وراءه لا جزاءا ولا شكورا
ولكن هذا لا يقلل من شكر كل من ساهم معنا فى نجاح هذ الحفل الذى بالتاكيد ساهم مساهمه فعاله فى خدمة الجاليه السودانية
وقد نجح هذا الحفل فى تحقيق مكاسب اخرى غير الخدمة القنصليه التى قدمت للجاليه
وانما كان بمثابة تحدى لافراد الجاليه السودانية بمدينة بيرمتجهام الذى عانوا ما عانوا من تسلط وارهاب فئه معينه ظلت ترهب وتروع وتهاجم افراد الجاليه السودانية بالفعل والقول
والشواهد كثيرة على ما اقول اولها المساهمة فى خراب
) البيت السودانى (عام 2004
وليس احداث الاعتداء على الشاعر التجانى حاج موسى فى عام 2008 فى احتفاليه) المركز السودانى للتطوير(
كما ان الاعتداء والشروع فى الغاء الاحتفال فى العام 2009 ايضا ببعيد
وكما ان الاعتداء الآثم على افراد الجاليه فى العام السابق فى احتفاليه عيد الاستقلال بالسواطير والاسلحة البضاء ببعيد وهو خير شاهد ودليل على ان تلك الفئه لا تريد الخير للجاليه ولا تضمر لها غير الشر .
وعليه كانت تنبع اهمية اقامة هذا الحفل باى شكل من الاشكال حتى نكون او لا نكون
وحتى تتعافى وتنهض الجاليه السودانية فى المدينة على رجولها وتنفض عنها هذا الغبار وتلك الغشاوة التى ظلت تلازمها منذ اعوام والخوف الذى ظل ملازم لابناء الجاليه من اقامة اى عمل احتفالى
يستهدف منة تلك الفئه المعينه
على العموم اود ان اشير ان هذا العمل تم بجهد خاص لبعض الافراد المنضمين تحت لوء هذا الجاليه وهم من الخيرين الذين ساهموا ماديا فى فى اقامة هذا الحفل و وايضا تكفلت القنصليه بأيجار الصاله التى تعتبر جزء من عملها القنصلى الذى تقدمه لجميع الجاليات فى كافة المدن هذا فى ما يختص بالناحيه الماليه
ام التنظيمة فالحفل نظمه ابناء الجاليه السودانية وهنا لا بد ان نشرح كلمة جاليه التى ظلت محور خلاف لجميع السودانين فى الغربه كلمة جاليه فى اللغة العربية هى ((والجَالِيَةُ جماعةٌ مِن النَّاس تعيش في وَطَنٍ جديدٍ غير وطنهم الأَصليّ)) اى ان اى مجموعة سودانية تسطيع ان تسمى نفسها جاليه
وهذا ما لزم توضيحة اى نحن جاليه سودانية موجوده فى مدينة بيرمنجهام البريطانية
وعليه نحن مجموعة ضمت ما يفوق الخمسة وعشرين شخص قمنا بهذ العمل التى من ثمرته قطفت انت
التاشيرة التى جنبتك عناء السفر الى لندن
ام عن دستورنا فهو خدمة الجاليه السودانية فى المدينة اجتماعيا ( وضع تحت اجتماعيا هذه خطين )
ومصادرها الماليه هى الخيرين من ابناء الجاليه السودانين الموجودين فى المدينة وهم كثر لا نريد ان نذكر اسماءهم لكى لا يضيع الاجر .
ونؤكد ونشدد على التاكيد على انه لا تؤجد لدينا اى عداءيات مع اى من السودانين الموجودين فى المدينة ونحن ايديناء بيضاء لكل سودانى حريص على مصلحة السودانين المجودين فى المدينة
ولكن هذا لا ينفى ان نسعى وراء حققوقنا وراء كل من اعتداء علينا فى العام السابق ولن نفرض فى هذا الحق ابدا
اتمنى اخى حافظ ان اكون قد اوضحت لك بما يكفيك ويكفى الجميع
| |
|
|
|
|
|
|
| |
Mohammed Maher
محمد نور عودو
جمال الباقر
محمد حبيب الله
فيس بوك
تويتر
انستقرام
يوتيوب
بنتيريست