|
Re: يا بويا كيف حالك (Re: عادل خياري)
|
Quote: مكتوبك الجانى شاغلنى يابه عليك وشاغلانى حال الناس المابتسر البال صِح يابا انتو هناك الحاله تعبانه صِح يابا من تصبِح خلق الله زهجانه فِشان رغيفة العيش تتجارى حفيانه والناس دى قالوا عموم يايابه فلسانه من الحكومة الشوم بالمغسه شبعانه يابه الحكومة تطير انكان كرامتنا هدروها بسم الدين |
اقرا واصفق شكرن
| |
|
|
|
|
|
|
Re: يا بويا كيف حالك (Re: عادل خياري)
|
Quote: مكتوبك الجانى شاغلنى يابه عليك وشاغلانى حال الناس المابتسر البال صِح يابا انتو هناك الحاله تعبانه صِح يابا من تصبِح خلق الله زهجانه فِشان رغيفة العيش تتجارى حفيانه والناس دى قالوا عموم يايابه فلسانه من الحكومة الشوم بالمغسه شبعانه يابه الحكومة تطير انكان كرامتنا هدروها بسم الدين |
اقرا واصفق شكرن
| |
|
|
|
|
|
|
Re: يا بويا كيف حالك (Re: الصادق عثمان محمد)
|
سلام اخ الصادق ياخي القصيدة جميلة لدرجة تفوق حد الوصف وليس لانها صادفت معانٍ تلامس شئ مني ولكن قطعا تحكي قصة واقع معاش ياريت تكتب لينا اسم الناضم للنضمي السمح ده عشان لما تحكي عن روعة تلك القصيدة قدام الناس نحكي صاح نقول للصادق عثمان محمد او لشاعر اخر حتى نرد الحقوق لاصحابها ولانظلم احدا تشكر على الحرف المعبر
| |
|
|
|
|
|
|
Re: يا بويا كيف حالك (Re: عادل خياري)
|
Quote: سلام اخ الصادق ياخي القصيدة جميلة لدرجة تفوق حد الوصف وليس لانها صادفت معانٍ تلامس شئ مني ولكن قطعا تحكي قصة واقع معاش ياريت تكتب لينا اسم الناضم للنضمي السمح ده عشان لما تحكي عن روعة تلك القصيدة قدام الناس نحكي صاح نقول للصادق عثمان محمد او لشاعر اخر حتى نرد الحقوق لاصحابها ولانظلم احدا تشكر على الحرف المعبر |
الحبيب عادل خيارى .. قواسيب من الود أولا أشكرك يا عزيزى على أطراءك الجميل وسعيد انا بروعة حروفك التى أعطت القصيدة القا جميلا هذه الحروف المتواضعة أنا الصادق عثمان محمد من قام بنظمها وان كانت لشخص أخر كنت سأشير اليه فهى من بنات أفكارى ... شكرا أخى خيارى لمرورك من هنا ودمت عزيزا ... فدانين من الاحترام
| |
|
|
|
|
|
|
Re: يا بويا كيف حالك (Re: عادل خياري)
|
Quote: وتسلم بنات افكارك وبنات جيرانكم زاتو ماشاءالله موعودين بشاعر كبير |
الحبيب عادل تسلم يا عزيزى .. ده من زوقك بس شاعر كبير دى ما أظن فأنا يا عزيزى عادل لازلت طفلا يحبو على بلاط الكتابه .. شكرا على مرورك يا حبيب
| |
|
|
|
|
|
|
Re: يا بويا كيف حالك (Re: الصادق عثمان محمد)
|
Quote: كيف النِمِتِّى هناك قالولنا قارضِى الناس ان شاء الله ميكون زول فى البيت صبح محموم مكتوبك الجانى شاغلنى يابه عليك وشاغلانى حال الناس المابتسر البال صِح يابا انتو هناك الحاله تعبانه صِح يابا من تصبِح خلق الله زهجانه فِشان رغيفة العيش تتجارى حفيانه والناس دى قالوا عموم يايابه فلسانه من الحكومة الشوم بالمغسه شبعانه يابه الحكومة تطير انكان كرامتنا هدروها بسم الدين عشرين سنه ويابوى فى الرابعة فلسانين نمرض نموت بالهم وان عشنا مهضومين مستوصفات بالكوم اصحابا ناس الدين شركات عمارات صف اصحابا ناس الدين ومُحمد المسكين تعبان وعرقو يخر وقميصو مليان دين والشافع المسكين طاردنو من درسو ما عندو حق حصصو ومدرس الغفله قال ليهو لازم ابوك يدفع بدون تقسيط إن ينقطع نَفَسو أو تمشى شارع الله ما المدرسة الشارع استاذا عطف الناس أسوارا كل انسان مسكون هو بالاحساس والشافع المسكين رضيان بشارع الله ومبسوط بشرع الله لكنو ما رضيان أبدن بشرع الغاب
|
>>>>>>>>>>>>>>>>>>>>>>>>>>>>>>>>>>>>>>>>>>>>> انت رائع يا الصادق وليك قواسيب من الود والبركاوي والله يديك العافية
| |
|
|
|
|
|
|
Re: يا بويا كيف حالك (Re: اميرة السيد)
|
Quote: انت رائع يا الصادق وليك قواسيب من الود والبركاوي والله يديك العافية |
العزيزة أميرة السيد... قواسيب من الود سعيد أنا بمرورك من ههنا .. ومحبور أنا بقواسيب ودك ... ابادلك قواسيبك باطنان منها وبركاويكى بمطاميرا من القنديل وأبو التمودة مع فدانين من الاحترام شكرا لانك كنت هنا ومن هنا يأتيكى امتنانى الى هناك حيث انتى
| |
|
|
|
|
|
|
Re: يا بويا كيف حالك (Re: الصادق عثمان محمد)
|
Quote: عشرين سنه ويابوى فى الرابعة فلسانين نمرض نموت بالهم وان عشنا مهضومين مستوصفات بالكوم اصحابا ناس الدين شركات عمارات صف اصحابا ناس الدين ومُحمد المسكين تعبان وعرقو يخر وقميصو مليان دين والشافع المسكين طاردنو من درسو ما عندو حق حصصو |
وصف بليغ يا الصادق.
باين عليك برلوم بشنباتك! أوع مع فدادينك و قواسيبك دى تقوم تحلق لينا الشنب ده!!!
| |
|
|
|
|
|
|
Re: يا بويا كيف حالك (Re: الصادق الزين)
|
Quote: وصف بليغ يا الصادق.
باين عليك برلوم بشنباتك! أوع مع فدادينك و قواسيبك دى تقوم تحلق لينا الشنب ده!!! |
اووو الحبيب ود الزين قواسيب من الود والشوق كيمان كيمان ياخى بمناسبة الشنب ده عندنا قريبنا كان بقرا فى الابتدائى معانا وهو اظنو ربت فى المدرسة الابتدائية قرابة الاطناشر سنه .. جينا لقيناهو فى رابعة كبير بى شنباتو .. قام عمل مشكلة مع طالب صغير الاستاذ قال ليهو جيب ولى امرك .. مشى جاب عمو .. حكمة الله عمو قصيرونى وادروج لا دقن لا شنب .. الاستاذعاين لى عمو شديد وقال ليهو .. ياخى ما تعمل فينا خير وتجى تقرا هنا بدل ولدكم ده .. ده كرهنا التدريس زاتو .. سعيد جدا بى طلتك البهية ومنور الديار .. فدانين من الاحترام .. اقول ليك انت زول خيرك واصل خليهم فدانين ونص .. اها لقيتنى كيف ...؟
| |
|
|
|
|
|
|
Re: يا بويا كيف حالك (Re: Balla Musa)
|
Quote: يابويا كيف حالك إن شاء الله إتْ طيِّب الوالدة والجنيات والحلة ناسا عموم بقراتنا حالنِ كيف ما ولَّدَنْ لليوم تمراتنا فوق القيف ما جاهِن الهدّام ودحُمّدْاحمد كيف ما علموهو العوم شافعو المطرطش داك ما عرّسولو خدوم ناس حاج سعيد زارعين أم هاجروا الخرتوم شافع نفيسه سعيد فى سجنو داك محكوم اصلن هو ايدو خفيفة وما خاتى من اللّوم كيف النِمِتِّى هناك قالولنا قارضِى الناس ان شاء الله ميكون زول فى البيت صبح محموم مكتوبك الجانى شاغلنى يابه عليك وشاغلانى حال الناس المابتسر البال صِح يابا انتو هناك الحاله تعبانه صِح يابا من تصبِح خلق الله زهجانه فِشان رغيفة العيش تتجارى حفيانه والناس دى قالوا عموم يايابه فلسانه من الحكومة الشوم بالمغسه شبعانه يابه الحكومة تطير انكان كرامتنا هدروها بسم الدين عشرين سنه ويابوى فى الرابعة فلسانين نمرض نموت بالهم وان عشنا مهضومين مستوصفات بالكوم اصحابا ناس الدين شركات عمارات صف اصحابا ناس الدين ومُحمد المسكين تعبان وعرقو يخر وقميصو مليان دين والشافع المسكين طاردنو من درسو ما عندو حق حصصو ومدرس الغفله قال ليهو لازم ابوك يدفع بدون تقسيط إن ينقطع نَفَسو أو تمشى شارع الله ما المدرسة الشارع استاذا عطف الناس أسوارا كل انسان مسكون هو بالاحساس والشافع المسكين رضيان بشارع الله ومبسوط بشرع الله لكنو ما رضيان أبدن بشرع الغاب ليه تبقوا إنتو الناس وتدوسوا فوق راسنا ونوطى مجبورين وتتهان كرامتنا ونصبح ولاد ال ك ل ب وتقعدوا فرّاجا يا الله شايف الحال وحكمك رضيناهو لكنو هادا الظلم ما ظن بترضاهو نؤمن بانك عدل ومهما يجور إنسان قدام بيلقاهو اليوم طريت حبوبة كانت تلولينى يالدخرى جمل الشيل تكبر تشد الحيل تبقالنا شُعّابه وكتين شمشنا تميل يادوب فهمت غناك جانا الظلم مطبوق لكنو وينو الحيل يابوى كلامى كتير أرجوكا سامحنى أنا بالزعل مليان نضمك بريّحنى الدم ده فار جواى يايابه زحزحنى أنا زى مكتف وحر يا يابه أرضى على وارجوك افهمنى سامعك تنادى تعال وعارف غيابى نا طال وحدك تجابد الريح وحدك تقيف متكى وتعدل حويل حالك وجميع ماّسى الناس تنكبّ فى بالك ولاحول لا قوة من ظلمة الدوله وعرقك يبل الارض همك تصون العرض ما أروعك تربال لو فى الشغل مزنوق والله مزنوقين لو الحمل اتقل والله محمولين لو الكتابة تمل والله زهجانين لكن نسوى شنو الغربة زى النار قاعدين ومجبورين دايرين سترة الحال نخدم نسد الدين الفوقنا يوت مردوم سيد اللبن داير سيد الخضار داير سيد اللحم طاير والجامعة والبكيات والزنقة وردية عاد ان رجعنا هناك نبقى الحرامية او تضرب اللارتيق او تبقى زول ضلله كشتينه او ضمنة سفه وسجاره الخوف تتبالى بالعرقى والكومر المعروف مليان هو بالبوليس وفى السجن عنقاله يرموكا جوه الجب خلق الله مظلومة مردومه جوه الجب بس كومر البوليس يوماتى يمشى يكب تنكبّ جوه الجب ان درت موية زير تشرب من الجردل ان جعت داير عيش يدوك من الحنضل قاضى السجم جاييك بى سوطو يتقدل والناس تعاين فيك تدقا تتبهدل والحاجة والشفع قاعدين تلات شهور لا كهربا لاغاز يمكن يفكوهم قاعدين تلاته شهور ما ولوعو البتوجاز ما شالو يوم السوق او جابو لحمة راس راجين تلاتة شهور يمكن يخلّوهم والحالة تعبانه والناس دى هلكانه بس راضية بالواقع تجرى وتعيش بالدين وتتضرع المولى طال ما النفس طالع |
ربنا يحفظ ليك الغالى من كل شر ويطمن قلبك عليهو وعلى كل المعاهو بغادى وتسلم انت ويسلم حرفك يارب ...
| |
|
|
|
|
|
|
Re: يا بويا كيف حالك (Re: ماجدة عوض خوجلى)
|
Quote: ربنا يحفظ ليك الغالى من كل شر ويطمن قلبك عليهو وعلى كل المعاهو بغادى وتسلم انت ويسلم حرفك يارب ... |
العزيزة الغالية ماجده خوجلى قواسيب من الود. ويحفظك ويحفظ جميع بنات خوجلى واسرهم وأهل السودان من كل بلاء ... سعيد انا بهذا المرور الجميل الذى ازدان به المكان .. فدانين من الاحترام
| |
|
|
|
|
|
|
Re: يا بويا كيف حالك (Re: Balla Musa)
|
Quote: يا الصادق عثمان يازول سلام
يازول يمين بالله كنت قايل القصيدة دى ألت حميد ياخى انت اتاريك زول خطير بالحيل
شغل والله والقومة ليك ياوطنى. |
الدكتور الاديب الشاعر بله موسى .. قواسيب من الود حميد عديل كده ... والله أتمنى أصل لمستواه .. لكن يا دكتور دى أنا أعتبرها شهادة منك انت بالذات ما ساهله وبرضو محتاج ليك لآنى دايما بقول انا طفل يحبو على بلاط الكتابه فيادكتور أكيد بكون محتاجك وعارفك مابتقصر .... فدادين من الود
| |
|
|
|
|
|
|
Re: يا بويا كيف حالك (Re: الصادق سيكا)
|
Ibrahim Kashif كلمات جميلة يا الصادق، ومقعدة في مكانها
أحباءنا بالفيس بوك .. ابراهيم كاشف .. قواسيب من الود
شكرا لك يا اخى على كلماتك الطيبات ولك ولاهل الفيس الرائعين كل الحب
| |
|
|
|
|
|
|
Re: يا بويا كيف حالك (Re: الصادق سيكا)
|
Quote: 1
Anwar Mohammed Gism Alah · متابعة · Project Engineer في مكتب فضاء للاستشارات الهندسية ياخ معبرة جدا تلات مليار لاييييييييييييييييك |
احبائى بالفيس بوك الباشمهندس انور محمد قاسم .. قواسيب من الود وشكرا لهذه اللايكات التى اسعدتنى ولكن مرورك هو مكمن السعادة شكرا لانك كنت هنا
| |
|
|
|
|
|
|
Re: يا بويا كيف حالك (Re: الصادق سيكا)
|
Quote: Bedour Elamin · Cairo university khartoum branch تسلم يارائع علي هذا الكلام الجميل وكل مانقول خلاص كفانا غربة ونرجع نتلم مع اهلنا جنس الكلام ده يطير رحمن القلب غايته ربك يعدل المايل ويرفع ما خت في البلد |
ومن شباك الفيس بوك ايضا ً .. العزيزة ]Bedour Elamin قواسيب من الود .. شكرا لحضورك البهى ومعك أدعو الله أن يصلح حال البلاد والعباد .. واتمنى أن يرد الله غربتك يا أختاه وكل الطيور المهاجر
| |
|
|
|
|
|
|
|