يا الصادق عمك وليد ضارب ليك الراحات ووقتو كلو في سوق الناقة ضارب اللحوم عشان كدة قلنا نقتل ليهو الدوو في يدو.
الصادق كتب:
Quote: وليد جاء يكاوي في هباني بس .
Quote: انا بكاوي في وليد يا خالد ذي ما شاتر مع العمده هباني .
لكن يا الصادق حركة عمك وليد ما ظريفة منو .... ما ممكن عشان هو عندو مشاترة مع العمدة يقوم يعاقب العيال الصغار و يبخس ليهم المجهود و قراية سنين. إتخيل لو كانت نضال بت وليد وده اعلان سوتو هي, العمدة حيكون هو الفتح البوست الفخري وتبني الموضع وإتخيل وليد رسل اولادو لامريكا أو هو ذاتو جاء أمريكا، أنا متاكد العمدة هباني حيكون راجيهم في المطار وناس نضال بكملو الباقي من إكرام. الصادق كتب:
Quote: اسئلتك دي كلها من صميم عمل الدعاية و الاعلان . يعني داير وليد يوريك الشريحة المستهدفة بالاعلان و كيف تم انتقاءه .
يلا يا وليد بمناسبة اعلانات ال-WalMart هنا ليك اضافة "بس أوعدني انك ما تزعل مني": اعلانات ال-WalMart دايما موجها تجاة الطبقة الوسطي في أمريكا وهم غالببيتم من البيض واعمارم بين 40 - 60 سنة و-60% منهم ربات منازل ويتمركزو في الوسط الغربي الأمريكي وينتمو للحزب الجمهوري و في راسم دأيما إدخار إدخار إدخار و كراهية الفقراء و الأقليات، وتعليمم وسط ودون الوسط و هم أكبر طبقة شرائية في أمريكا و يمثلو 50% من الامريكان. عشان كدا طريقة اللبس والكلام و الرسالة المرسلة في الاعلان موجهة ليهم فقط. اعلان نضال يبث قبل أعياد الميلاد في أول أو آخر اسابيع وكت الواحد عايز يشتري أكبر كمية من الهدايا للاسرة والأهل. عشان كدة اللبس كلو يرمز للكرسميس في أيامو الأخيرة وقت الخواجات يتعاورو في أي شي ولاحظ حلق السيدة فيهو لمبة دي ذي اللمبات البختوها ديظاين علي شجرة الكرسميس .ولاحظ الباركينغ لوت مليتان ومافي حتا فاضية والناس دخلا ومارقة من المارت وشايلة أكياس، وده كلو عشان اليشوف الاعلان يقوم يجري يحصل الباقي قبل ما يكمل. وفعلا ناس ال-WalMart بيكون عندهم في الأيام دي منتجات منتحة للكرسميس و باسعار مغرية ليهم.
تحت ليك أمثلة لاعلانات-WalMart تانية .... ما فيها إختلاف شديد لاعلان نضال هباني
وفي جانب سيكولوجي في الكلمات المستخدمة في الاعلانات لو داير نرجع ليها في وقت تاني. كل الأحترام والتقدير Khalidkeba
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
خالد كيبا
فيس بوك
تويتر
انستقرام
يوتيوب
بنتيريست