|
مهرجان القدوم الأول!
|
في إعلان صغير منزوي أسفل صفحة (مال وأعمال) بصحيفة (السوداني) الصادرة اليوم 13 فبراير 2013 جاء التالي نصاً .. وهو مزين بصورة للشيخ الصافي جعفر احتلت ثلث مساحة الإعلان:
مهرجان القدوم المبارك الأول بتشريف الأخ مساعد رئيس الجمهورية ورعاية الأستاذ الفاتح تاج السر وزير الإرشاد والأوقاف/ رئيس المجلس القومي للذكر والذاكرين، يدعوكم المهندس الصافي جعفر الصافي الأمين العام للمجلس القومي للذكر والذاكرين مهرجان القدوم المبارك الأول الزمان: السبت and#1633;and#1638; فبراير and#1634;and#1632;and#1633;and#1635;م الساعة الثانية عشرة والنصف صباحاً المكان: حدائق الاسكلا شارع النيل الخرطوم يشتمل الاحتفال على محاضرات (تقابة - مدائح ومعرض للتراث الصوفي).
|
|
|
|
|
|
|
|
Re: مهرجان القدوم الأول! (Re: Hussein Mallasi)
|
مهرجان قدوم مبارك أول .. ماهو القدوم المبارك .. لا يهم! مساعد رئيس الجمهورية .. من هو .. لا يهم! المهندس الصافي جعفر وليس الشيخ .. لا يهم! المهم هو المهرجان قائم .. إذاً الصافي جعفر - ومجلسه - موجود!
| |
|
|
|
|
|
|
Re: مهرجان القدوم الأول! (Re: Rawia)
|
تعرفي ياراوية اوائل التسعينات جنازة خرجت من زقاق شايلنها 4 اشخاص بس كلما يمشوا شوية العدد يكبر ويتبادل الناس في شيل العنقريب لحدي ما وصلوا المقابر ، اول ما إنتهوا من الحفر نادوا على اقارب المتوفي كي ينزلوا في القبر مالقوا ليهو قريب ولا حتى الجماعة الكانوا شايلنو في الاول اتضح انها جنازة شخص مقتول والجماعة كبوا الزوغة
- ملاسي جاب الجنازة وضقلقها يكركب
| |
|
|
|
|
|
|
Re: مهرجان القدوم الأول! (Re: Rawia)
|
حمداً لله أن مهرجان القدوم المبارك الأول يوم سبت؛ وإلا لخمخموا لمهندس مجلس الذكر والذاكرين شفع المدارس - كيوم صلاة الوحدة ذاك - ببصات الوالي .. ليوهموا بالكثرة!
| |
|
|
|
|
|
|
Re: القدوم المبارك (Re: توفيق عيسى مكي)
|
يا حسـين برضو كان عرفت القدوم المبارك دا ورينا وينوبك ثوابك.. يعني يا راوية بسؤالك عن التقابة معناتا عارفة القدوم المبارك يعني شنو؟ غايتو من قمنا بنسمع بعيد الضحية وعيد المولد وعيد الميلاد وعيد القيامة الخ، لكن القدوم دا ولأنو الأول فما أدونا ليه.. لكن التقابة دي النار البوقدوها في المسيد بالليل ويتحلق حولها الحيران ليحفظوا ألواحهم..
| |
|
|
|
|
|
|
Re: القدوم المبارك (Re: Isa)
|
أهلا ياعيسى شكرا للمجهود والشرح المميز فكرتي كانت لو لقينا معنى للتقابة عشان نفهم القدوم ومن شرحك هسة باين تماما إنه ماعندو علاقة بالاحتفال الذي ينشده دكتور المشرف خصارة والله
_____ يارجال هوي جيبوا ليكم طوبة خاوني بيها في البوست دا مايروح في حق الله
| |
|
|
|
|
|
|
Re: القدوم المبارك (Re: Isa)
|
وردتني عدة اتصالات هاتفية ورسائل تشكك وتطالب بدليل على حديثي أعلاه؛ ما اضطرني لالتقاط الصورة - سيئة الوضوح - أدناه:
| |
|
|
|
|
|
|
Re: القدوم المبارك (Re: Hussein Mallasi)
|
جاء الزبير وصلى معنا وانا قلت بعد الصلاة (ما تتغدى معانا) فقال لي (نان مالو) فأسقط على يدي وكان نائبا اولا لرئيس الجمهورية وايامها كان انقلاب البعثيين والصورة صعبة في البلد وقطعت( راس جداد كان عندي في البيت لأنى ماعندي حق خروف وقتها )وجاري شافنى مهموم جاب التحلية وعندها انا رسلت الى امى لتأتى وتسلم على الزبير وكان ان دخلت الصالون وقالت: الزبير ده وينو؟!وسلمت عليه وقالت ليه والله كل شئ (سويتو سمح ولكن في كلام ناس الصافى ديل بداهنوكم ومابكلموكم بيه -عباد الله ديل ما تجوعوهم
| |
|
|
|
|
|
|
Re: القدوم المبارك (Re: أيمن محمود)
|
معليش يا حسين بالمرة لو سمحت بعد القدوم بالمرة شوفنا لي معاك يعني شنو (عناصر سالبة؟): ناس الحكومة ديل دايرين يجننونا لسه بلغتهم الغريبة بعد ما قلنا خلاص دي بقت حركة قديمة إنتهت مع نهاية التأصيل والمشروع الحضاري بعد ما تفرغوا (وتفرقوا) لتأصيل الفساد..
Quote: وجه الجيش بالتعامل الحاسم والفوري لعناصر سالبة قال إنها تسللت من دولة الجنوب عبر أفريقيا الوسطى الى دارفور، وابان أن هذه العناصر تعتبر قوى سالبة تتبنى أعمالاً عدائية تستهدف السودان وسيتم التعامل معها بالحسم الفوري. وقال المتحدث باسم الجيش، العقيد الصوارمي خالد سعد إن هذه الجهات لا علاقة لها بما يثيره متمردو حركات دارفور من أن منتمين لجماعة أنصار الدين المالية قد تسربوا للسودان. وأكد أن الجهات الأمنية تمتلك معلومات كافية عن أماكن ونوايا هذه العناصر.وأشار إلى أن العناصر تسللت إلى ولاية جنوب دارفور من دولة الجنوب عبر أفريقيا الوسطى وسيتم التعامل معها بالحسم الفوري. |
المصدر: جريدة الصحافة اليوم: الصحافة 14 فبراير
| |
|
|
|
|
|
|
|