|
Re: السيد مهدي داؤود : الأخ صديق يوسف كان ممثلا للحزب الشيوعي (فيديو) (Re: Kostawi)
|
اللجلجة فوق كم? "لما مرق" دي اصلا ما معناها "لمن وقع" قال:" اول ناس وقعوا ناس حزب الامة, و بعدهم ناس المؤتمر الشعبي, و بعد داك ناس الاجماع الوطني." هل قال و وقع الحزب الشيوعي? الزميل صديق يوسف دايما و في اي مكان, سيكون شيوعي و قيادي شيوعي معروف بالحصافة و بعد النظر, لكن ليوقع باسم الحزب الشيوعي لازم يكون مخول من الحزب بالتوقيع. لو قيادة الحزب وافقت على الوثيقة, كان دا ممكن يكون قبول بالامر الواقع. لكن الخطأ اساسا كان في انه ما كان يجب ان تطرح مسألة التوقيع النهائي على الوثيقة اصلا و انما يتم عرضها على كل قوى المعارضة السودانية, و اخذ تحفظاتهم في الاعتبار, و اعادة صياغة وثيقة جديدة على ضوء ذلك تعرض ايضا للنقاش و التوقيع بالاحرف الاولي, و تسوية التحفظات و تعدل للتوقيع النهائي هذا هو بروتكول التوقيع على اي وثيقة متفاوض عليها يا جماعة, اسألوا ناس القانون! مافي زول جادي بكتب ليهو وثيقة مفروض تضم عشرات الاحزاب و الفصائل المسلحة و يطرحها للتوقيع النهائي دون ان تتم اجازتها من الاجهزة القيادية في الاحزاب المختلفة و التنظيمات, الا اذا كان يعتبر نفسه الذكي الوحيد في الغرفة و باقي الناس مجرد امعات! ياخ انتو السياسة دي قايلنها شنو? سلفقة?
---- السماعات كيف يا اخينا?
| |
|
|
|
|
|
|
Re: السيد مهدي داؤود : الأخ صديق يوسف كان ممثلا للحزب الشيوعي (فيديو) (Re: Kostawi)
|
"Quote: الكتلة أخبارها شنو? نزلت منك ولا لسع?" |
هههههههههه ياخ, هسع خليتني اقعد افكر الكتلة دي شنو (بفتح الكاف), اتاريك قاصد الكتلة بضم الكاف ياخ خليك "عميغ" ياخ, ديك جات سهوا يا اخوي ما انا البكون ما عارف الكتلة.
دا ما المهم, المهم انه الحزب لم يفوض الزميل القيادي صديق يوسف للتوقيع على الوثيقة, و دا كلام ما فيهو اتنين تلاتة. ناس الاجماع الوطني فوضوه عنهم, دي مختلفة. لكن, برضو تفويض وفد الاجماع الوطني كان في حدود مناقشة ناس الحركات المسلحة و اي حاجة يصلوا ليها مفروض ترجع للاجهزة القيادية في احزاب قوى الاجماع الوطني لمراجعتها و اتخاذ قرار فيها, و الحكاية دي ما حصلت, و بالتالي لا يمكن اخذ توقيعهم باكثر من انه توقيع بالاحرف الاولي في اكثر تقدير, و في اي مفاوضات كل المتفق عليه يخضع للتقيم و الاجازة النهائية من الاجهزة المخولة بالتوقيع النهائي. فيا جماعة افهموا اصول التفاوض ياخ.
| |
|
|
|
|
|
|
Re: السيد مهدي داؤود : الأخ صديق يوسف كان ممثلا للحزب الشيوعي (فيديو) (Re: Kostawi)
|
الأخ كوستاوي.
هذا هي المرة الثالة التي أسمع فيها هذه المعلومة، ولقد سمعتها من أشخاص كانو حاضرين كل مناقشات التوقيع. يا بدر الدين أحمد موسى. القصة ليس هي مجرد توقيع أو عدم توقيع، بل كانت هنالك أتصالات جارية مع قيادات الحزب الشيوعي بالداخل قبل التوقيع. واضح أن الحزب الشيوعي يمر بأزمة حقيقية.
شكرا لك يا كوستاوي وشكرا للسيد مهدي داؤود الخليفة لتوضيحه هذا الأمر علنا.
| |
|
|
|
|
|
|
Re: السيد مهدي داؤود : الأخ صديق يوسف كان ممثلا للحزب الشيوعي (فيديو) (Re: Deng)
|
يا كوسـتاوي ســلام
مهدي ذكر ان حزب الامة والشـعبي بالاســم وقعـا ثم قال ( وقع صديق يوسـف عن قوى الاجماع الوطني ) و لم يقل انه وقع عن حزبه و ايضا حق وقعت باسـمها ( رجالة كدا )
شــنو البخلي / بمنع الحزب الشــيوعي ما يوقع باســمو ؟
و انت تصـر ان صديق وقع عن الحزب الشــيوعي , طيب ورونا لو الحزب الشـيوعي غير اســمو لـ ( قوى الاجماع الوطني )
| |
|
|
|
|
|
|
|