برغم انى ما بتذكر انى قبال كده عملت زى البنات وفلتنته بجكس طوالى مفلتنه يا انا وصحباتى يا انا وناس بيتنا يا انا وكديستى غايتو التاريخ دا بيجى معاى دائما خالى الوفاض وخصوصا ان اخر الشهر بيكون عيد ميلادى وبرضو ما بتذكر عيدته وانا مجكسه دا شى يكون مقصوووووووووووووووووووود ولا صدفه ولا اكون بديت انسى وما متذكره زاتو الفكره شنو,,,, القى من الصباح ورده فى كشاشت العربيه الوســــخـــانه حقتى ولا مسج تهنئه فى موبايلى العشش فيه العنكبوت ولا دبدوب قدر الطربيزه حقتى القاه مصنقر منتظرنى فى المكتب ولا عشى فى سوليتر على اضواء الشموووع والموسيقى الهاديه وفى النهايه يفتح لى باب العربيه يقولى اوصلك بدل انا شغاله توصيل فى الماشى والحافى ولا بروبوزل كده القاه فى اليافطه حقت استوب شارع الاربعين ولا حتى لبان شكككككككككككككككككككككلت اجوضم فيها بدل الخرف دا
ود يا ايمن شنو الحشر العريس هنا انا بقول عااااااااااااااااااااايزه افالتين عرس شنو ياخى ماهو راقد زى الهم على القلب الفلتنه دى شى تانننننننننننننننننننننننننننننننننى يا عتريس وسع الجمجمه حبه ما تبقى من اصحاب العقول المسطحه
تبقى من الزمن 3 يوووووووووووووووووووووم 72 ساعه 4,320 دقيقه حسى بقى استعداداتكم له شنوووووووووو ما تخافوا ما بنحسدكم ربنا يهنى سعيد بسعيده لكن قولنا نذكركم عشان البراطيش ما تشتغل وتسودوا وشنا قدام الجكس والنساوين
02-11-2013, 10:36 AM
سليمان القرشي
سليمان القرشي
تاريخ التسجيل: 01-12-2013
مجموع المشاركات: 1491
تحياتي اختي رانيا غايتو ناخد لينا لفة نشوف راي عمنا عماد موسي حتي بعدين نقرر نحتفل ولا لا . كل عام وانتي بخير وربنا يحقق امانيك وان شاء الله فلنتاين السنه يكون غير تسلمي
شنو يا رانيه ياخ ! مالك ومال الجمجمة بتاعتي ؟!! لحسن الحظ - يوم فالنتاين بيتوافق مع عيد ميلادها !!! شوفتي كيف ؟!! نضرب عصفورين بحجر - لو اتذكرت الموضوع ده اصلاً ،
بالله انت برج الحووووووووووووووووووووووووووووت وانا اقوووووووووووووووووول شيفاك وين ياخىىىىىىىىىىى زمل وكده يعنى ما تقلقك ليك عليه بوووووووووووووووست كارب باغانيه احتفالا بمولدك ومولد الحب اليوم دا شيل شيلتك ياداب كده ضمنت برنامجى فى الفالنتاين :)))))))))))))))
بتذكر ايام كنت فى الجامعه والحمدلله درست فى الاحفاد طبعا بهناك بيكون عيد الحب كله حب فى حب واحمر فى احمر كان بجكس كان بدون جكس كنا بنبرمج انا والشله برامج جممممممممممممممممميله اها من الذكريات البتذكرها ان فى عجاجه فجئه قااااااااااااااااااااااااااااامت بلا مقدمات حوالين الجامعه وصوت بورى عررررررررررررررررررررربيه ما بيشم نفس والبنات بديت تتجارى لشمار واكتشفنا اخيرا ان دا جكس بيهنى جكسويته بعيد الحب وحب الناس كلها تتكندك معاه
02-11-2013, 11:22 AM
عزالدين عباس الفحل
عزالدين عباس الفحل
تاريخ التسجيل: 09-26-2009
مجموع المشاركات: 9029
مااااااااااااا حليتها يا عز الدين ضيعت على الامين الضحكه مالك وللحقيقه الايام كلها بقيت رتيبه حد الاستفزاز عشان كده ما بنصدق نلقى لينا برنامج بدون برنامج نبرمج بيه ونفلتين
الشفيفة رانية كل فلانتاين وانتي بالف خير وعافية وبسعادة غامرة .. غايتو نحن هنا نسينا الفلانتاين ده نهائي ونسينا طقوسه واحتفالاتو ولكن في الذاكرة بقية من فلانتاينات قداااااااااااااااااام .. وذي ما قال الفنان : بتمنى لك كل السعادة ان شاء الله تلقى الفي مرادك ..... تراررا ترا ترا ترا
Quote: شنو يا رانيه ياخ ! مالك ومال الجمجمة بتاعتي ؟!! لحسن الحظ - يوم فالنتاين بيتوافق مع عيد ميلادها !!! شوفتي كيف ؟!! نضرب عصفورين بحجر - لو اتذكرت الموضوع ده اصلاً ،
فردت رانية:
Quote: بالله انت برج الحووووووووووووووووووووووووووووت وانا اقوووووووووووووووووول شيفاك وين ياخىىىىىىىىىىى زمل وكده يعنى ما تقلقك ليك عليه بوووووووووووووووست كارب باغانيه احتفالا بمولدك ومولد الحب اليوم دا شيل شيلتك ياداب كده ضمنت برنامجى فى الفالنتاين
لكن يا تيسير ضحكتينى ضحك انا اصلا ما جبت خبر الهباب الكتبته وايمن ولا صلحنى زاطووووووووووووووو غايتو الحصل حصل نجى للفلتنته دى وهى مشتقه من الفلانتاين دى اللى يعنى بالعربى عيد الحب اللى بيدى فرصه للحبيبين يحبحبوا بعض اليوم دا وللمعرسين يتشاكلوا عشان حضرته نسى وما جاب الهديه وللمشوكشين يتذكروا الهدايا الخسروها فى الوهم ديل وللسنكل يتسنكلوا براهم اها فهمتينى كده ولا حتجيبى لى فليته فى مخى زى عز الدييييييييييين :))))
02-11-2013, 12:42 PM
تيسير عووضة
تيسير عووضة
تاريخ التسجيل: 12-20-2005
مجموع المشاركات: 7136
مفروض تجهزوا لليوم دا العتاد وعشان انا زوله طيوبه وحبوبه حساعدكم برغم ما عندى فلنتيى افلتن معاه :( اول حاجه الموسيقى اليجب الاستماع ليها خلال هذا اليوم ودى اول اغنيه ممكن نبدى بها لتسخين المشاعر المركونه ومغبره والفى حوجه للانتفاض
حب خلى الناس تحب روح لناس يا حب الحب مالينا غيرو والله ما لينا غيرو يدفينا ينسينا يمحى الحزن بينا نلقى الخير سفينه تعدى بينا ترسى بينا لبر حب
غايتو المتزوجين ولو حتى ليهم 20 سنه معرسين يحاولوا اليوم اعادة امجاد المشاعر حتى لو اعتبرك الطرف التانى مجنون لان حياتنا بتستحق المحاوله اصحى على رغبه داخليه عامره بالحب لمنكوشه الجنبك ولا المكرفس الجنبك ويكون الفطور غير العاده ومتأنقه على اجمل وجه من الصباح وعلى انغام الحب عيشيى احلى صباح بيجيكى جارى قبال الظهر عاشق ومشتاق ولو انت راجل يبقى اطلع من طورك ولو هى مطرطشه قوم اعمل الجو دا احتمال هى تخجل على دمها وتجى راجع تلقاها محضره ليك اروع احتفال
لبسى الاطفال احمر وخليهم يستقبوا ابوهم بالورود علموا الاطفال الحب وخلوا البيت منتعش بيه احتفلوا معاهم وبيهم وتأملوا جمال حبكم فيهم الحب من الدعائم البتنشىء فى اطفالك الاستقرار النفسى والسعاده والعقل السوى والكيان السليم ما حيحتاجوا يفتشوا بره ويدقسوا بما انهم متشبعين بيه من جوا البيت علموهم معنى الحب الحقيقى بالاحترام لزوج ورعايته وتقديره علموهم ان الحب ما مسخره وقلة ادب وصرمحه وتقضية وقت الحب بيقدر يعدل المايله وبيه الدواخل بتشفى وبتقوى
بيعلمنا نسامح بيخلينا نسامح بيخلينا نفكر دايما فى ايامنا الجايه لو نبعد ثوانى بيرجعنا تانى واجرى عليك يا حبيبى واقولك حقك عليه هو دا ايوه دا هو دا الحب الحقيقى
كبري الجمجمة ياخ !! ------------------------------- تيسير خربتي على الخطة ياخ ! البت دي من الكبكبة ما قدرت تركز كويس - ذكرتيني مره في واحدة معجبة وليها زمن ! اخوكي كان عامل تقيل وما شغال بيها كتير يوم مزاج ساي قلت اهجما - توووش جيت قعدت جمبها وقلت ليها: سلام اسمك منو ؟! - اسمي ... اسمي افراح - يا سلااام اسمعك حلو وده منو الفنان السماكي الاسم ده ؟! - سمتني .... سمتني (مرت ابوي) !!!!! - شنوووو ؟!!! - هي بسم الله ،،،، سمتني حبوبتي (وش محرج شديد) دحين يا تيسير البت ما تحرجيها ،،، ما صدقت لقت زول تفلتن بيهو
طبعاً انحنا الفالنيتن عندنا ليهو طقوس موغلة في الخصوصية . اول حاجة بنحجز في ارقي المطاعم للمناسبة السعيدة دي . وبنتصل على محل ورد عشان نحجز وردتين حمر فاقع لونهما يسر الناظرين سعر الوردة الواحدة لا يقل عن 300 ريال سعودي يعني 300 *1.75 قريب المائة دولار . متابعة معاي الطقوس الموغلة في الخصوصية . بنكلم الدهان يدهن جزء محدد من غرفة النوم بي الأحمر . و اليوم داك الأكل بالنسبة لي انا Sea food من مطعم القلزم لزوم اها . والهدايا دا اسكتي ساكت مفجعات من العيار الثقيل . و الولد من بدري بنودي عند ناس جدوو الا نشوفووو بكرة . شفت الفلتنه الي على اصوله .. ههههههههههههههههههههههههههههههههههههههههه كان صدقتي ابقي قابليني . Cut out انا بستمتع جداً بي كتابتك .
يا امجد تدهن الحيطه دى بالغت فيها وورده ب300 ريااااااااااااااااااااال ليه ,,,,,,,,,, عنها ما فالتنت يا شيخ باقى الحاجات ممكن تبقى مقبوله لو المطعم بقى فى البيت مافى داعى لمصاريف والهديه ما شرط بشى وشويات تشوى الزول لو مشى السينما او اتمشى على البحر مالو اااااااااااخ انا من اسكندريه الفلنتاين فيها ولا بلاااااااااااااااااااااش cut out نتمنى دوما كتابتى تنال اعجابك يديك العافيه :)))
يا سلام عليك يا توحه :)))))))))))))))))))))))))) دا الدلع ولا بلاش غايتو قول لصاحبك البتجينى فى يدى اكتر من الحساااااااااب بمراحل لكن برضو اغنيه تعال بالعندك ( وفى حالة صاحبك عندو دى زاطووووووو مافى ) وبيت ابوى بيسندك ( نحنا مأجرين وابويه متوفى الله يرحمه ) ما بتقسم معاى :))))))))))))))))))) وايمن دا له يوم بلقاه فى لفه وبرودها بمزاااااااااااااااااج
02-15-2013, 10:41 PM
فتحي عباس نقد
فتحي عباس نقد
تاريخ التسجيل: 08-21-2012
مجموع المشاركات: 629
Quote: يا سلام عليك يا توحه :)))))))))))))))))))))))))) دا الدلع ولا بلاش غايتو قول لصاحبك البتجينى فى يدى اكتر من الحساااااااااب بمراحل لكن برضو اغنيه تعال بالعندك ( وفى حالة صاحبك عندو دى زاطووووووو مافى ) وبيت ابوى بيسندك ( نحنا مأجرين وابويه متوفى الله يرحمه ) ما بتقسم معاى :))))))))))))))))))) وايمن دا له يوم بلقاه فى لفه وبرودها بمزاااااااااااااااااج
عشان (توحه) دي خلاص الفلنتاين الجاي (حأنزل ليه إجازة عديل كده) يعني من حسع (نشوف أيمن حيعمل شنو)
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة