|
|
 عيادة سودانيز اونلاين المجانية
|
نشكر الاخ بكري الذي جمعنا من غير ميعاد
ونتمنى ان تكون لمة خير وبركة وان نستفيد من بعض في كل المجالات
وبالمناسبة عايزين من الاخوة الاطباء الموجودين في الموقع ان
يعملوا نبطشية يومية كل يوم على دكتور لكي يردوا على استفسارات
واسئلة الاعضاء من داخل المنبر او عن طريق الايميل لمن هم خارج المنتدى
كما نرجو من الاخ بكري ان تكون العيادة في المواضيع الفوق على طول
وكذلك وجود زاوية قانونية
وهندسية
وكل في مجاله يقدم مايفيد المنبر وكل القراء
|
|
 
|
|
|
|
|
|
|
|
Re: عيادة سودانيز اونلاين المجانية (Re: عادل خياري)
|
شكرا يا عادل على هذه الفكرة. في الحقيقة كانت هناك عدة بوستات شبيهه سابقا و لكنها لم تستمر.
بالمنبر اعضاء اطباء في تخصصات مختلفة و اعتقد انه يسعدهم أن يشاركوا بالرأي و المشورة.
التشخيص كما تعلم يحتاج لخطوات كثيرة تسبقه قد لا تتوفر من خلال المراسلة او الكتابة على المنتدى و لكن على الأقل يمكن
تقديم نوع من الاستشارة او التعليق او النصح.
عموما يا زول سر على بركة لها و نحن معاك.
| |
|
|
|
|
|
|
|
|
Re: عيادة سودانيز اونلاين المجانية (Re: عادل خياري)
|
دكتور اسامة صباح الخير
ياخ جيتني في محل الوجع
انا بعاني من حساسية مزمنة عديل
اي نوع من أنواع الريحه بهيجني
وهسه الفترة الاخير بدأت احس بتقل في اذناي
قربته أطرش والله هههههههه
مع العلم اني مقيمة في الإمارات
وبيقولوا الرطوبة سبب اساسي في تفاقم اذمة الحساسيات
| |
|
|
|
|
|
|
|
|
|
Re: عيادة سودانيز اونلاين المجانية (Re: مناهل عبد الله مصطفي)
|
Quote: ياخ جيتني في محل الوجع
انا بعاني من حساسية مزمنة عديل
اي نوع من أنواع الريحه بهيجني
وهسه الفترة الاخير بدأت احس بتقل في اذناي
قربته أطرش والله هههههههه
مع العلم اني مقيمة في الإمارات
وبيقولوا الرطوبة سبب اساسي في تفاقم اذمة الحساسيات |
ههههههههههههههه لا حولاااااا كل دا يا مناهل؟
غايتو يكون في زول اتمقلب ... والله صحي 
..
..
المرفقات:
_____
صورة مع التحية الى ...............
فكرة حلوة يا عادل خياري والله خصوصا ونحن ما بنقتنع الا بالاطباء السودانيين
بعدين الزولة الفوق دي شوفوا ليها علاج سريع لأنو وضعها حرج 
| |
|
|
|
|
|
|
|
|
|
Re: عيادة سودانيز اونلاين المجانية (Re: الامين موسى البشاري)
|
افيدونا افادكم الله
انا عندي سكري النوع الثاني حاليا سنة ونصف ومشيت عملتة فحص تراكمي 3/شهور
المعدل 7.9
المهم قبل فترة قليلة 15 يوم تقريبا جاني وجع في الظهر طعنات اسفل القلب وايضا اوجاع متقطعة في مكان القلب في الامام
مع العلم عندي قولون عصبي حاد هل القولون العصبي يسبب هذة الطعنات
وحاليا تقريا شهر من عملتة الفحص التراكمي كل يوم بمشي 30 دقيقة واتابع السكري بواسطة الفحص المنزلي
اكثر شي 145 بعد ساعتين من الاكل
| |
|
|
|
|
|
|
|
|
|
Re: عيادة سودانيز اونلاين المجانية (Re: عادل خياري)
|
اخونا عادل خيارى
لك التحية على الفكرة الرائعة
و التى تخدم الكثيرين من اهلنا الطيبين
انا تحت خدمتكم و بدون حق كشف
انا استشارى امراض نساء و توليد
و دى ممكن تكون فيها الكثير من الخصوصية
على العموم انا على استعداد لتلقى الاستشارات
فى كل الاوقات
فى عيادتكم
او عن طريق الايميل
لمراعاة الخصوصية
تمنياتى للجميع بالصحة و العافية
:
:
تحياتى
| |
|
|
|
|
|
|
|
|
 Re: عيادة سودانيز اونلاين المجانية (Re: Kamal Elmahi)
|
فعلا وبرغم جدية مشروعكم ونيتكم الحسنة
مابينفع
الا تعالجوا المشاكل الحتواجه العيادة الاول
المشكلة الاولى حكاية الخصوصية
حلها في نظري
ايميلات وحسابات في الاسكايب زي مادكتور مجدي عمل في العيادة النفسية
بالاضافة لتحديث البوست ورفعه في وش المنبر كل شوية
المشكلة التانية حكاية خفة دم وظرافة الاخوان زملاء المنبر
بالله حاولوا خففو منها في البوست دا تحديدا
وإتعاملوا مع الامر بالجدية اللازمة
لانك لو انت والحمدلله نصيح وسليم في غيرك محتاج
وشوية حساسة مابتضر
فـ عليك الله شوية جدية حتى لو من اجل الناس التانين
| |
|
|
|
|
|
|
|
|
|
Re: عيادة سودانيز اونلاين المجانية (Re: Rawia)
|
سلام يا اخوانا , احمد الله ما محتاج حق الكشف و اظني اكون اول من بادرت بالمافقة علي المشاركة , و بعدين رديت بعد ساعتين من السؤال لكن الرد مشي وين ما عارف .
تاني ارد :
حساسية الاغشية المخاطية للانف مرض شائع و اعراضه انسداد بالانف و جريان و عطس متكرر و حكة بلانف , الحلق , العيون او الاذن و قد يكون مصحوب باعراض اخري مثل ضيق بالتنفس و حكة بالجلد , الم و انسداد بالاذن مما يؤدي لضعف السمع للاسف مافي علاج قاطع ليه , افضل شئ تجنب المسبب ان عرف في السودان تجنب الغبار و الاشياء العالقة به صعب و برضو مفيد عمل نظافة للانف بموية ملح مرتين في اليوم علي الاقل و افضل الادوية استعمال بخاخات الانف و حبوب الحساسية ذات المفعول الطويل .
الحساب علي منو !!!!!!
| |
|
|
|
|
|
|
|
|
|
Re: عيادة سودانيز اونلاين المجانية (Re: Osama Khalid)
|
Quote: المشكلة التانية حكاية خفة دم وظرافة الاخوان زملاء المنبر
بالله حاولوا خففو منها في البوست دا تحديدا
وإتعاملوا مع الامر بالجدية اللازمة
لانك لو انت والحمدلله نصيح وسليم في غيرك محتاج |
راوية
أظن ولو ما خاني الظن أنك تعني مداخلتي الفوق دي
نحمد الله على نعمة الصحة والعافية تب
وما دام انتي قلتي كدا الله يعدلها على المرضانين جت
المرضى بامراض عضوية ونفسية ..... الخ الخ
يعني انت هسي شايفه العيانين يطاقشوا هنا
وبعدين في بورد بكري دا كل زول يكتب العايزو بدون وصاية
والله صحي 
اها الدكاترة ديل خليهم يشوفوا لينا علاج لتقلة الدم وخفة الدم بالمرة ياخ
يبقى الاحترام مرفق طي هذه المداخلة
| |
|
|
|
|
|
|
|
|
|
Re: عيادة سودانيز اونلاين المجانية (Re: عادل خياري)
|
Quote: سلام اخونا البشاري
يادخري حوبة الكمبيوتر ياخوي ماتبقي حساس اكتر من اللازم وتكون حساسيتك زايده عن اللزوم
بعدين نقوم نحجز ليك عند دكتور أسامة
تبقوا حالتين بدل واحدة
خليك ويلاكس
والله صحي |
تمام با دكتور ويديك العافية
جهد مقدر وفي ميزان حسناتكم ياخ
| |
|
|
|
|
|
|
|
|
|
Re: عيادة سودانيز اونلاين المجانية (Re: عادل خياري)
|
سلام دكاترنا الهميمين
عندنا حالة هنا لو سمحتم
Quote: افيدونا افادكم الله نتمنى الصحة والسلامة للجميع والشفاء لاخونا
انا عندي سكري النوع الثاني حاليا سنة ونصف ومشيت عملتة فحص تراكمي 3/شهور
المعدل 7.9
المهم قبل فترة قليلة 15 يوم تقريبا جاني وجع في الظهر طعنات اسفل القلب وايضا اوجاع متقطعة في مكان القلب في الامام
مع العلم عندي قولون عصبي حاد هل القولون العصبي يسبب هذة الطعنات
وحاليا تقريا شهر من عملتة الفحص التراكمي كل يوم بمشي 30 دقيقة واتابع السكري بواسطة الفحص المنزلي
اكثر شي 145 بعد ساعتين من الاكل |
| |
|
|
|
|
|
|
|
|
|
Re: عيادة سودانيز اونلاين المجانية (Re: عادل خياري)
|
سلام للجميع
الاخ عادل
تعالت بعض الاصوات مطالبتة بعيادة نفسية
و الله دا كلام عز الطلب لان العيادة النفسية مهمة جدا للجميع
و للاسف الشديد المفهوم السودانى السائد تجاه العيادات النفسية
ان كل من يقرب منها انه فالكاو و يجب التعامل معه بحذر و تفرض عليه القيود الاجتماعية
مما يزيد حالته النفسية سوءا
الصحة النفسية مهمة للكل ( و ليس بالضرورة ان يكون فالكاو)
للطالب
للموظف المتاثر بضغوط العمل
الانسان الذى يعانى من اى ضغوط و ما اكثرها هذه الايام
رغم ان العيادة النفسية ليست من مجال تخصصى الا اننى مع فتحها بشدة
تحياتى
| |
|
|
|
|
|
|
|
|
|
Re: عيادة سودانيز اونلاين المجانية (Re: عادل خياري)
|
عاوزين نادي خاص لاصحاب الانزلاق الغضروفي
طبعا في صراع بين العظام وجراحة المخ والاعصاب في الموضوع وفي النهاية الجراحات ما بتنجح كتير
نسمع منكم نصائح عامة لحين حضور اهل الاختصاص
مع فائق الشكر
| |
|
|
|
|
|
|
|
|
|
Re: عيادة سودانيز اونلاين المجانية (Re: عادل خياري)
|
سلام دكتور كمال
Quote: سلام للجميع
الاخ عادل
تعالت بعض الاصوات مطالبتة بعيادة نفسية
و الله دا كلام عز الطلب لان العيادة النفسية مهمة جدا للجميع |
يلا همتك معانا يادكتور شوف لينا واحد من معارفك او اصحابك
وبارك الله فيكم جميعا دكاترتناالستة
| |
|
|
|
|
|
|
| |
عادل خياري
سيف النصر محي الدين
د. ياسر عبد القادر
مناهل عبد الله مصطفي
الامين موسى البشاري
محمد جمعه الخير
Kamal Elmahi
Rawia
Dr.Elsadig Abdalla
الطاهر عثمان
فيس بوك
تويتر
انستقرام
يوتيوب
بنتيريست