كتب الكاتب الفاتح جبرا المتوفرة بمعرض الدوحة
|
|
 التلفزيون التفاعلي الذكي ...
|
امس سقت المدام ومشيت محل الكترونيات تم افتتاحو حديثا ...... وانا زول بطبعي بحب القشرات التكنولوجية وقبض الجو بالمعلومات عن المنتجات الجديدة .... وهكذا دخلنا المحل .... ولقيت ضمن ما لقيت في المحل تلفزيون ثمانين بوصة لفتني ليهو كبر شاشتو وسعرو ...... فسعرو ما يعادل التمانية وعشرين الف دولار يعني بالسوداني بالميت كدا ميتين مليون جنية ..... يعادل راتب سمراء حتى نزولها للمعاش ....طبعا الشمار اكلني ومشيت استفسر عنو واعمل فيها قندف .... المهم الهندي ود اللذينا عاين لي كدا من فوق لتحت وفوووو مشى وطنشني زي التقول ما بسألو ...... فزعلتني جدا القصة دي والحيت اني اسك لي هندي تاني يشرح لي واعرف فيهو شنو ... فبعداك عرفت انو دا جيل جديد من التلفزيونات اسمو التلفزيون التفاعلي الذكي .... يعني يتفاعل وينفعل معاك واذكى منك ومن كل البعرفوك .... وقال لي ان بيتعرف عليك وعلى وجاهتك وعلى جميع افراد العيلة ..... دا لو ما اتقدم وخطب بتك او اختك .... وانو بشتغل بالاشارة ولو غمزت ليهو يمكن يفصل كهرباء ... وممكن تتكلم معاهو وينفذ رغباتك واوامرك ..... وانو ممكن الشفع يلعبوا معاه .... وانو وانو .... وقفت اتامل الشاشة الكبيرة دي وحزنت اني ضيعت عمري مع ناس الواحد وعشرين بوصة ..... اتخيلت نفسي قاعد قدام المصيبة دا وفاتح قناة النيل الازرق وبتفاعل مع المذيعات العاجباتني .... واووو على قول الخواجات اسيكون تفاعلا مميزا ..... وينتشلني من هذا البورد والونسة والتفاعل مع ضكور البط الساكنين هنا ..... وفي نفس الوقت دار ببالي .... انا التلفزيون دا بشوفوا في المساء بس لما اجي من الشغل ... والمدام اليوم كلو مصاقراهو .... هو ما دام ذكي وفقري قدر دا ويتفاعل مع الوجوه وبتعرف على افراد العيلة وعندو كمرا ... طيب البمنع شنو بعد يومين الاقيهو بيتفاعل مع المدام .... وتكون قاعدة تتفرج في مسلسل مثلا يكون بصور فيها ويتبادل هذه الصور مع اصحابو الصعاليك من التلفزيونات الذكية التانية ... ودا معاناتو اني لازم الزمها بارتداء الحجاب عند الجلوس لمشاهدة المسلسل او المرور امام التلفزيون ..... وحتى تتضح الامور من ناحية شرعية في التعامل مع هذه التلفزيونات قررت عدم شراء التلفزيون والاكتفاء بالفرجة بتلفزيونا ابو صلب كما تسميه الحبوبات لتميزه عن التلفزيون المسطح .... وصراحة التكنولوجيا دي حيرتنا عديل كدا وعرفت ليه ناس هناي زمان بحرمو التلفزيون
من أروع تجليات الزميل TheBigBoss
|
|
  
|
|
|
|
|
| العنوان |
الكاتب |
Date |
| التلفزيون التفاعلي الذكي ... | جمال محمود | 02-04-13, 06:57 PM |
 Re: التلفزيون التفاعلي الذكي ... | سامى عبد المطلب | 02-04-13, 08:28 PM |
| Re: التلفزيون التفاعلي الذكي ... | جمال محمود | 02-05-13, 04:42 AM |
| Re: التلفزيون التفاعلي الذكي ... | الطاهر عثمان | 02-05-13, 07:40 AM |
| Re: التلفزيون التفاعلي الذكي ... | ناصر المحسى | 02-05-13, 08:04 AM |
| Re: التلفزيون التفاعلي الذكي ... | Mohammed Abuzaid | 02-05-13, 08:01 AM |
| Re: التلفزيون التفاعلي الذكي ... | Hatim Alhwary | 02-05-13, 08:16 AM |
| Re: التلفزيون التفاعلي الذكي ... | ناصر حسين محمد | 02-05-13, 08:23 AM |
| Re: التلفزيون التفاعلي الذكي ... | جمال محمود | 02-05-13, 08:28 AM |
| Re: التلفزيون التفاعلي الذكي ... | Hani Arabi Mohamed | 02-05-13, 11:42 AM |
|
| |
جمال محمود
فيس بوك
تويتر
انستقرام
يوتيوب
بنتيريست