|
أغنية أمل!!
|
أغنية أمل
قوقى قوقى ياقمارى واصدحى ويامروج سودانا بالخير فتحى يازمن لو كنت هسه مستحى خلى بكره يقول لايامنا افرحى
ياقمارى ركى فى الابنوس وقوقى وبلغى ميرى السلام واغريها شوقى فى ضريح جون انحنى وصنى وروقى وابكى بالدم ياقمارى من عروقى
قولى لى واو السماح فى ما عملنا وقولى لى جوبا لسه خاتين فيك املنا قولى لدموعنا استفيضى بما حملنا وقولى للناس لسه مااكتملت جملنا
يابنيه من الشرق برزن ضلوعك عيبه لو مازلنا جوعك بكره حين تخضر فروعك يبقى فى الكون مافى نوعك
بكره راجين يوم جديدك يوم يتم فرحك وعيدك لو نسيب خاين يبيدك تانى ماتدينا ايدك
يا عواصم يارزينه وانتى يا امدر الحنينة ياضواحى ويا مدينه كيف بتنتحب الجنينة
انت يادارفور عريقه وزينة الدنيا وبريقا شوفى كيف حوا وفريقا فيهن اشتعلت حريقه
نغنى فى امدرمان ونهنا و الجبال بتقاسى محنه يبدو اتغيرنا نحنا وصرنا مابنحس جرحنا
النحس غلب الغلابا أو نزيل ألم التعابا النسوى الحب سحابه تسقى بى فرحه ورحابه
بكره فى وقت العصارى نغنى وتقوقى القمارى ويفرح الطير الخدارى وتقلد المدن الحوارى
بكره قولة خير وشيله من جروف مروى ونخيلا لى تلودى عروس جميله نغنى بالزين والعديله
بكره يتعالج ازانا فى الجنوب او فى البطانه الكلام عربى ورطانه والسلام يصبح غنانا
بكره طنبور فى نيالا يغنى لى كسلا وعيالا وبكره فى بلد الأصاله يرقص المردوم شمالا
بكره تكتمل المسيره وينفتح سجن الأسيره القيود تصبح حريره والنفوس صافيه السريره
بلة موسى 2/2/2013
|
|
|
|
|
|
|
العنوان |
الكاتب |
Date |
أغنية أمل!! | Balla Musa | 02-02-13, 09:04 AM |
Re: أغنية أمل!! | Balla Musa | 02-02-13, 05:31 PM |
Re: أغنية أمل!! | الامين موسى البشاري | 02-02-13, 05:43 PM |
Re: أغنية أمل!! | على ابراهيم رفاى حمد | 02-02-13, 05:46 PM |
Re: أغنية أمل!! | الامين موسى البشاري | 02-02-13, 05:55 PM |
Re: أغنية أمل!! | Balla Musa | 02-02-13, 06:22 PM |
Re: أغنية أمل!! | Balla Musa | 02-02-13, 07:16 PM |
Re: أغنية أمل!! | طه إبراهيم عبد الله | 02-02-13, 08:39 PM |
Re: أغنية أمل!! | Balla Musa | 02-03-13, 06:49 AM |
Re: أغنية أمل!! | Balla Musa | 02-03-13, 08:40 AM |
Re: أغنية أمل!! | Balla Musa | 02-03-13, 06:13 PM |
Re: أغنية أمل!! | Balla Musa | 02-04-13, 03:30 AM |
Re: أغنية أمل!! | عزالدين عباس الفحل | 02-04-13, 05:12 AM |
Re: أغنية أمل!! | Balla Musa | 02-04-13, 07:01 AM |
|
|
|