سوق سودانيز اون لاين ...... الوسطاء يمتنعون

Quote: nazar hussien العندو طوب أوحديد أوأسمنت أوبوهية أوسيراميك أو حتي خرسانة ومكان التسليم,,,بالخرطوم- جبرة... ممكن نبدلهم ليه بي قروش...جنيهات أو دولارات أو استرليني زاتو المرة دي قلبي أبي ناس المغالق عديل كدي... فالجماعة ديل مشيت ليهم شهر تمانية عشان أشتري منهم مقابض الابواب الكسرن المستأجر بي مدق وشرد... (مضرة ساكت) يعلم الله ما ضريتو في شي ولا مقابض أبوابي دي...سارقن) أها مشيت السجانة...الجماعة أسياد المغالق الواحد تلو الآخر شابكني ليك...120 - لا ما عندنا والله...135 ...أمش لي مغلق ألف صنف دااااك أتفضل يا اخونا...أيوا عندنا.. بي 130...لما مشيت المغلق العاشر ولقيتهم ماسكين في نفس الRate قلت ليه ياخ نعمل معاك Deal أنا بجيبن ليك هنا دا بي 40 ...إنت بيع بي البتبيع بيه واديني علي كل واحد عشرة أو عشرين...تصدقوا رفض رفضا باتا...مع اني حلفت ليه بأني جادي جدا...وبوصل ليه المقابض دي في خلال اسبوعين ...(أها الكلام دا كان السنة الفاتت...ولا زال العرض ساري....البوردابي العندو مغلق اليجي يقول قبلت) شفت ليه يا عبدالله أنا عايز أشتري من غمار الناس (حلوة غمار الناس دي مش)