|
Re: زواج باكستاني من سودانية وفق الطقوس الباكستانية .. والله صحي (Re: عمر التوم)
|
أووووووووووو حبيبنا عمر التوم
كيف حالك يا حبيب ياخ
Quote: انصهار..تمازج ....اتساق...واستغراااااق عديل كدة على قول بدر النجمة |
ما شاء الله تبارك الله ياخ متفاهمين لدرجة كبيرة
Quote: ياااخي انا بتفرج وفرحان التقول انا العريس ....... |
اقسم بالله نفس الشعور يا عمر ديل شهونا العرس عدييييييييييل كدا لووووووووووووب وبتنا ما قالت كلام تب .. ربنا يسعدها ويوفقها لكن صاحبي عادل الباهي كان شاف الكلام بمووووووت بالمغص
اها منتظرين دينا خالد لبكرة الصباح لأنو شكلها نايمة
| |
|
|
|
|
|
|
Re: زواج باكستاني من سودانية وفق الطقوس الباكستانية .. والله صحي (Re: الامين موسى البشاري)
|
عارف اصلو فى السودان عادى الناس بتتعاور وبعملوا عرسهم على طقوس دول تانية سااااى كدا وبلا سبب ... يعنى تلقى العريس لابس باكستانى او لابس لبس اقليم البنجاب وهو من اقليم الجزيرة اولابس هندى والعروس عاملة هنديه بى نقطة حمرا وبطنها برا ... وهى من البطانة .. والعروس من ديم القراى والزفة لبنانى او مصرى .... وبشتنة شديدة دا لو طبعا ما عبروا الاطلنطى ورقصوا اسلووو على دقات المزيكا الغربية او الغانغام استايل ....
اها جاكم الغانغام استايل من اموو ... طقوس جدجد وعريس باكستانى جدجد ... دا الكلام .... اححححححححى العروس ياخ التى لم تكتف بالاحلام وجابتو باكستانى صااااحى ...
ـــــــــــــــــــــــــ من هسه مافى زول يجى يسالنى يقول لى عملتى طقوس ما سودانية ليه !! .. رشاد دا ما سودانى .. سمح ؟؟
| |
|
|
|
|
|
|
Re: زواج باكستاني من سودانية وفق الطقوس الباكستانية .. والله صحي (Re: Dr Salah Al Bander)
|
حليل زمن الطقوس الجد عربي تقدم لخطبة سودانية أهلها من الذين يمارسون البطان في اعراسهم على التعترو حضر حفلة لاهل الفتاة بعد الخطوبة مباشرة وشاف الشباب المتحمس للبطان يتدافعون نحو الدائرة وظهورهم مكشوفة طلب منه احد الظرفاء ان يمسك بالسوط ويجلد قال الناس ديل ذنبهم شنو اجلدهم قالوا ليهو انت برضك حاتدق صدرك يوم وتتجلد في عرسهم الدنيا عندنا مجاملات يا رعاك الله قال ليهم بتكم دي ده طرفي منها - لاجالد لامجلود
| |
|
|
|
|
|
|
Re: زواج باكستاني من سودانية وفق الطقوس الباكستانية .. والله صحي (Re: دينا خالد)
|
Quote: اصلو فى السودان عادى الناس بتتعاور وبعملوا عرسهم على طقوس دول تانية سااااى كدا وبلا سبب ... يعنى تلقى العريس لابس باكستانى او لابس لبس اقليم البنجاب وهو من اقليم الجزيرة اولابس هندى والعروس عاملة هنديه بى نقطة حمرا وبطنها برا ... وهى من البطانة .. والعروس من ديم القراى والزفة لبنانى او مصرى .... وبشتنة شديدة دا لو طبعا ما عبروا الاطلنطى ورقصوا اسلووو على دقات المزيكا الغربية او الغانغام استايل .... |
دندون ... أزيك
ههههههههههههههه يعني عرس استايل وكده غايتو يا حليلنا الما عرسنا عرس زي دا ... والله صحي كان عملت ليك فيها اني عريس من البنجاب والعروس من السند والمأذون التقول قالوا ليهو أهل العروس بنطوا من العرس دا كررها ليهم 3 مرات وبكلمات مختلفة كمان
أها ما قلتي لينا رأيك في الجرتق ياخ!
| |
|
|
|
|
|
|
Re: زواج باكستاني من سودانية وفق الطقوس الباكستانية .. والله صحي (Re: امير عبدالدائم)
|
Quote: غايتوا انا الضرسنى المأزون |
تصدق يا امير ديل ناس تحفة شديد قبل 10 سنوات بالتحديد زميلة عمل آسيوية مسلمة جابت حلاوة للزملاء في المكتب بمناسبة سماية مولودة اختها في لندن سالناها عن إسم المولودة قالت اختها مشت لشيخ باكستاني في المركز الاسلامي واختار لها اسم Zanya قلنا ليها هل تعرف اختك معنى هذا الاسم قالت لا .. هل هناك مشكلة لما شرحنا لها المعنى سارعت بالاتصال بأختها والحمد لله تم تغيير الاسم بعد ان ارسلنا لها اكثر من 10 اسماء بمعانيها Muslim girl names and meanings بحكم عملي ومعايشتي لمسلمي جنوب اسيا بالتحديد ، معنى الاسماء لا إهمية لها ، بل المهم عندهم ان يكو للاسم جرس ، مثلا دانية او دانيا - ممكن يغيروا الحرف الاول بحرف له جرس - لدرجة تصل لما حدث لبنت اخت صاحبتنا دي كذلك الحال عند الرجال حتى لو بحث في القوقل ستجد اسماء الاطفال المسلمين ومعانيها تختلف من بلد لبلد
| |
|
|
|
|
|
|
Re: زواج باكستاني من سودانية وفق الطقوس الباكستانية .. والله صحي (Re: جمال ود القوز)
|
Quote: مشيت لى بوست وضاحه و(مرقت) لى منو بى نيمه (بقرض) فيها من الزمن داك ، وجيت شايل (عقابا) جايه من (العقاب ) يعنى بالعربى الباقى اها يازول مبروووك عليهم وربنا يسعدهم
النيمه لسا فيها باقى |
هههههه محمد بابكر الله يفتحه عليك ، بضحك ذي المجنونة لحدي ضقته طعم النيم في خشمي .... ود البشاري مبروك للبنية الخلت ريحة البوست نيم نيم لوووول.
| |
|
|
|
|
|
|
Re: زواج باكستاني من سودانية وفق الطقوس الباكستانية .. والله صحي (Re: محمد البشرى الخضر)
|
ناصر احمد الامين
تحياتي ،،
Quote: ياخي عرس سمح شديد و الله و اهم شي ... ما فيهو (نحل) لووووووووول |
بالفعل العرس جميل ويبدو الاتفاق التام بينهم
___
Quote: الله يديم المحبة بيناتهم..
و الف مبروك و بيت مال و عيال |
آميييييين ياخ
_____
Quote: هل هناك فرق بين هذا البوست وبوست وضاحة بتاع اكلتوا نيم؟؟؟ |
تصدق ما شفت بوست وضاحة
___
Quote: الزول دة متضايق من شنو ؟؟؟؟ |
أسألني تاني عليك الله
____
Quote: الحاجة الوحيدة العكرت علي العرس دا فستان الزفاف المفتوح من فوق!! |
ابو الزمل ازيك يا حبيب وانت الوداك تشوف قدر دا شنو ياخ
____
Quote: الحبيب الامين موسى ( صديق البرالمه ) سلامات مشيت لى بوست وضاحه و(مرقت) لى منو بى نيمه (بقرض) فيها من الزمن داك ، وجيت شايل (عقابا) جايه من (العقاب ) يعنى بالعربى الباقى اها يازول مبروووك عليهم وربنا يسعدهم
النيمه لسا فيها باقى |
ههههههههههههه محمد بابكر خليك ماسك في نيمتك دي وايه الحياة غير نيمة
___
Quote: ود البشاري أنت كنت غاطس وين
الموضوع دا الناس ردحت وسرحت ومرحت فيه من زمن مع وضاحة
|
حبيبنا ود البصير البوست داك ما شفته قبل كده ... والله صحي ولي العذر بالطبع
___
Quote: غايتوا انا الضرسنى المأزون انكحها ونكحتها ياخى ده كلام بايخ ياخ |
أمير مشتاغووووووووون ياخ المأذون زي ما قلته فوق التقول قالوا ليهو أهل العروس ح ينطوا من العرس دا
_____
Quote: معليش يا محمد عمر الفكي دي حاجات ما بتفهم فيها يا عربي يا مقطع ما تحرج نفسكـ وتجي تسأل |
ابو محمد يا عزيز الغريبة البطحاني دا ما جا مضهب بجاي
__
Quote: عرس مابقوم فيهو غبار وجلاليب وضهب .... والناس كلها واقفة في نص الحلبة وتفجخ في بعض وناس في الكوشة لاسمح لاحاجة !!!!!!!!!!!!!!!!!!!!! |
انا متفق معاك في دي غايتو
___
جمال ود القوز
Quote: كان بقبلوا بي سكند هاند .. والناس الخبره ... قدمنا للوتري |
بس ما تكون سكند هاند استعمال السعودية
| |
|
|
|
|
|
|
Re: زواج باكستاني من سودانية وفق الطقوس الباكستانية .. والله صحي (Re: الامين موسى البشاري)
|
Quote: ود البشاري يا حبيب لي رؤية مختلفة شوية تتعلق بالخصوصية اي نعم الفيديو في اليوتيوب لكن برضو فيه نوع من الخصوصية أو المناسبة تعتبر خاصة بتنزيلو واعادة رفعو على قناة صحيفة شبكة سودانيات ارى فيها نوع من انتهاك الخصوصية هذا و الله اعلم |
ود البشـــرى
تحياتي يا حبيب .. غايتو يا ود البشرى عندك حاجات كده تعرفها براك الصحيفة لم تتطفل على العرس بتصويره كما إنها ليست الوحيدة التي نشرت الخبر الخبر منتشر في النت وخرج من مرحلة الخصوصية التي تتحدث عنها الفيديوهات المنشورة في اليوتيوب أصلاً نشرت لكي يتشاركها اصحابها مع الناس ولا شنو؟ ولو في زول نشر ليهو فيديو وهو ما راضي ممكن يكتب لناس اليوتيوب وسوف يتم حذفه لأنو أي زول ممكن يقاضي الموقع ويكسب ملايين من وراء الشكوى الحاجة التانية أنا لم انشر الفيديو في سودانيات ودوري فيها يقتصر على النواحي التقنية فقط
كن بخير
| |
|
|
|
|
|
|
Re: زواج باكستاني من سودانية وفق الطقوس الباكستانية .. والله صحي (Re: الامين موسى البشاري)
|
الخصوصية القصدتها يا ود البشاري هي خصوصية المناسبة الفيديو الأصلي مرفوع بواسطة أهل الشأن او من هو على صلة بهم وبه تعليقات سخيفة عن لبس العروس و زجاجة الشمبانيا- الطلعت عصير تفاح بالمناسبة - فتصوّر لو اهل الشأن رأوا سحب الفيديو؟ ح يسكّو ناس القنوات قناة قناة !! و بالنسبة للحاجة التانية أنا ما قلت ليك نشرت الفيديو في سودانيات انا قلت الآتي Quote: بتنزيلو واعادة رفعو على قناة صحيفة شبكة سودانيات |
واعني قناة الصحيفة على اليوتيوب لا الموقع نفسه الفيديو موجود على اليوتيوب ما الحكمة من حفظه ثم اعادة رفعه على قناة اخرى
| |
|
|
|
|
|
|
Re: زواج باكستاني من سودانية وفق الطقوس الباكستانية .. والله صحي (Re: محمد البشرى الخضر)
|
ود البشـــرى ....... حبابك تاني رغم إنك في المرتين ما سلمته ياخ ما علينا نرجع لعدم موضوعك يا ود البشــرى كتبت ما يلي :
Quote: الخصوصية القصدتها يا ود البشاري هي خصوصية المناسبة |
ياتو خصوصية يا ود البشـــرى والمقتبس ادناه ينفي وجود الخصوصية التي تتحدث عنها
Quote: الفيديو الأصلي مرفوع بواسطة أهل الشأن او من هو على صلة بهم |
طيب هو منشور بواسطتهم ومختوت في الصقيعة ومعظم المواقع تناولت الموضوع كخبر الحاجة التانية يا ود البشرى ممكن تنشر فيديو في اليوتيوب وتجعله خاص وتمنع التعليقات عليه او حتى بامكانك منع التعليقات ودي كلها ما عملوها ناس الفيديو فانطبق عليك المثل ناس البكا غفروا والجيران كفروا
Quote: واعني قناة الصحيفة على اليوتيوب لا الموقع نفسه الفيديو موجود على اليوتيوب ما الحكمة من حفظه ثم اعادة رفعه على قناة اخرى |
في الصحيفة عندنا يا ود البشــرى أي صورة أو فيديو نحتفظ به كأرشيف زي ما بكري بحفظ كل الكلام البتكتب هنا كأرشفه وزي ما كل المواقع بتعمل كده كأرشفه الكترونية ضد مخاطر التهكير وبعدين كويس إنك بتقرأ صحيفة شبكة سودانيات ومع ذلك لم يلفت انتباهك فيها الا هذا الفيديو ... والله صحي :) شفته كيف يعني هذا الفيديو ليس استثناء من البقية اها ودي دعوة أي فيديو نشرناه نحن في الجريدة وما لقيتو في اليوتيوب تعال لينا نزودك بنسخة منو قناة صحيفة شبكة سودانيات على اليوتيوب
| |
|
|
|
|
|
|
Re: زواج باكستاني من سودانية وفق الطقوس الباكستانية .. والله صحي (Re: د.يوسف محمد طاهر)
|
الف مبروك وربنا يجمع بينهم بخير
Quote: معليش يا محمد عمر الفكي دي حاجات ما بتفهم فيها يا عربي يا مقطع ما تحرج نفسكـ وتجي تسأل |
واحدة ضربت لامها قالت ليها راجلي قال لي داير منك رومانسية الليلة، الرومانسية دي يعني شنو؟ قالت لها والله ما عارفة لكن احتياطاً امرقي ليك نص جدادة من التلاجة غالب الظن الغانغ ستايل دا ياهو نص الجدادة الباقي في التلاجة البشاري ازيك ياخ
| |
|
|
|
|
|
|
|