|
|
|
 Re: يا كافي البلا! (Re: Hussein Mallasi)
|
يا ملاسي
سلام
ياخي أنا من الناس الجابني اللوري حسدي (الآن )
فبالله وريني الضرر الحايصيب المنبر شنو ؟
أهو ليهو سنوات ، ودورو كلنا عارفنو و ما في واحد بزايد عليهو إلا مكابر
لكن وجود عناصر جديدة ، مع كترتا مش ممكن ، بقول ممكن تكون فيها إضافة جديدة ؟
أدو الناس فرصة و مافي داعي للتبرم و السخرية
أكتبو و خلو الآخرين يكتبو و المستفيد الأخير هو القارئ
- تصدق بعد بوست دينا خالد اتوقعتك شخصياً تكتب ، و بالله ما تقول لي :
يحسبني كمال سالم ، فتأمل
و في رواية لاساسي قيقراوي
لو فطيتني عادي ، و كمان لو قلت فتأمل برضو عادي
| |
 
|
|
|
|
|
|
|
|
Re: يا كافي البلا! (Re: kamal omer)
|
معقولة أسي يا (أستاذ) حسين دا ال(كوركو) ليك ليهو
خلاص محتاجين خطة بديلة عشان الناس ما (إتكبا) في الخرطوم دي ونرجع (نتكبً) في إقليم (الفيسبوك)
ما يا هو ما محرومين من حاجة (أقلاها بنتابع أخبار الفنانين والفنانات) و(نتأمل) في (وطن من لا وطن له) دا
| |
|
|
|
|
|
|
|
|
|
Re: يا كافي البلا! (Re: Dr. Ahmed Amin)
|
المشكلة العاملين سناير وكاتبين عضوية سودانيزاونلاين في السي في ديل ، متخيلين انفسهم باقدميتهم المزعومة انهم وارثين شرعيين لمنبر بكري مع العلم بانه علي قيد الحياه ، فتأمل !!!!!!!
| |
|
|
|
|
|
|
|
|
|
Re: يا كافي البلا! (Re: Mohammed Sedeq)
|
Quote:
الدنيا اتغيرت يا سحس ياخى ..
والله العظيم فرحت لمن لقيت ليك بوست فى الزحمه الفوقنا دى !!!
دنيا !! |
ترى العين كل شئ ألا ذاتها
فتملمــــــــــــــــــــــــــــــــل
| |
|
|
|
|
|
|
|
|
Re: يا كافي البلا! (Re: على ابراهيم رفاى حمد)
|
Quote: سلام
اول حاجة الخرطوم دى ما حقتك انت!!!!كويس
ثانى حاجة المنبر دا انت ما أسسوا مع صاحبو!!
ثالث شى لمن نجيك فى بيتك اطردنا
------------------------------------الموضوع
لو سطرينك البتكتبن هنا دا قايل الناس بتغلبهم تكون زول ساى ول بى سطرينك ديل يمين المنبر مفروض ناس الابتدائي يكتبوا فيهو
باش حنك عاضى معاك |
ياخ المفروض من ردك ده و البوست يحذفوه طوالي ما خليت ليه جنبة يرقد عليها ياااخ
| |
|
|
|
|
|
|
|
|
|
|
Re: يا كافي البلا! (Re: Mustafa Elawad)
|
مع كامل الاحترام لملاسي الا انه عبر عن واقع النخبة السودانية التي تجلس في أبراجها الرملية وليس العاجية وتريد ان تتطلع اليها الأنظار فهو مستمتع فيما مضي بصعوبة الحصول علي عضوية المنبر وبهذه الدفعة من العضوية يشعر بانه من عامة الناس وانه في منتدي (تنكب ) فيه العضوية
| |
|
|
|
|
|
|
|
|
|
Re: يا كافي البلا! (Re: كمال سالم)
|
يحكي صديق من بلدياتنا حيث الهامش من الذين درسوا في جامعة الخرطوم زمن مجانية التعليم
وقال زاره في الداخلية يوم بن عمه كان في زيارة للخرطوم وهو شخص امي لم يحظى بتعليم
وقال وقت الغداء سقناه معنا للسفرة
لكن لسوء الحظ الحرس منعه من دخول السفرة وقال هو ليس طالب حكم عليه من شكله ولبسه البلدي فقط ..
أما هو قال جملة واحدة لم يزيدها وهو ينصرف
( ما كنت بتخيل في مكان في السودان ينطرد فيه الضيف ابدا )
وذهب .......تأثر الحارس جدا بكلامه وجرى خلفه يترجى فيه للرجوع نادما على تصرفه ..
لكن هو كانت عزة نفسه اقوى حتى من قبول الاعتذار
يا حليلك يا سودان
| |
|
|
|
|
|
|
|
|
|
Re: يا كافي البلا! (Re: درديري كباشي)
|
نحن زاتنا كنا كده يا حسين
جينا في 2004 كوم كبير زي ده
بعد شوية الغرابيل الشادة بترخي وبفضل الزول العنده حاجة
هسع الشباب ديل فيهم اخوان ممتازين واشراقات عديل كده
وفيهم ناس دراو اخير منهم محمد عادل
اديها 6 شهور
حديد بلاقي حديد وبنبرش الطرور .. ويبقى ما ينفع الناس .. كان انت ام هم
| |
|
|
|
|
|
|
|
|
|
Re: يا كافي البلا! (Re: مرتضى احمد عبد القادر)
|
Quote: نحن زاتنا كنا كده يا حسين
جينا في 2004 كوم كبير زي ده
بعد شوية الغرابيل الشادة بترخي وبفضل الزول العنده حاجة
هسع الشباب ديل فيهم اخوان ممتازين واشراقات عديل كده
وفيهم ناس دراو اخير منهم محمد عادل
اديها 6 شهور
حديد بلاقي حديد وبنبرش الطرور .. ويبقى ما ينفع الناس .. كان انت ام هم |
يعني الجينا لقينا دا كله حديد ؟
نديها 10 شهور
| |
|
|
|
|
|
|
|
|
|
Re: يا كافي البلا! (Re: زياد جعفر عبدالله)
|
يا زياد برلوم وقايم سداري زي احبابنا البرالمة ديل
يازول المنبر ده عنده هيبتو
ديل مقبقبين ملاسي
انا قبقبت بكري ابوبكر زاتو لمن رشاني ليك ايقاف سنة
هاهاهاهاهاهاهاهاهاهاهاهاهاهاها
واخوانا البرالمة ديل ما يعملوا ليك فيها ما فرحانين .. والله عاوزين يطيروا عديل كده
كلنا فرحنا الفرحة ديل وشالتنا هاشمية
يا زول انا السنة الاولى كنتا مباري ليك النت كافيز لمن اصحابها بزهجوا ليك مني
حبة حبة الامور بتروق
والخلاطة تفعل فعلها
ويرجع تاني سودانيز اون لاين خليط متناسق القوام
ادو الناس فرصة ياخ
| |
|
|
|
|
|
|
|
|
|
Re: يا كافي البلا! (Re: محمد جبره)
|
Quote: يعني الجينا لقينا دا كله حديد ؟
نديها 10 شهور |
ده الموجود
لو صبرت علينا شوية
ممكن نخلط ليك تلاته اربعة في بعض عشان يعجبوا سيادتك ويصلوا لمستواك
| |
|
|
|
|
|
|
|
|
|
Re: يا كافي البلا! (Re: وليد محمد المبارك)
|
Quote: هاهاهاهاهاهاهاهاهاهاها
ياخ ما تلحسو لو لحستو
يا ود البشرى نحن اخدنا كفايتنا في المنبر ... مفروض نتقاعد بعد ده ويستلم المنبر ناس جداد
دي طبيعة الحياة .. ونواميسها
لا بتتغير ولا بتتبدل
طبعا هسع البرالمة عاملين تكتل ... ده بحصل
ولو ركبت قطر سافرت بيه مسافة .. بتلقى الكلام ده بحصل
وكت تركب القطر اول حاجة بحصل فيه تكتل بالقبايل او المناطق السكنية
وكل ناس يمشوا على البشبهوهم .. والانتماء في اللحظة ديك بكون في حدو الادني
بعد القطر ما يمشي ليه كم محطة
يعاد التشكيل بحسب الشبه الحقيقي
الناس اللذاذ مع بعض
ناس الشربة مع بعض
ناس القطيعة مع بعض
ناس الغنا مع بعض
وبنسوا ليك انتمائهم الاولى والفطري داك
هسع الانتماء هنا
داك برلوم .. معناتا بشبهني
بعد شوية بتدور المواضيع الحقيقية وبتظهر اختلافات الناس اوتشابهم
وتبدا الناس تنفرز وتنسحب وتدخل في مجموعات مشكلة اساسا
والبرالمة المتكتلين ديل ... بعد شوية بحتو قرض مع بعض .. ونحن حا نبقى حجازين ... وناس باركوها |
يأخ والله إتـــــا زول منقه ......
وضري عيشكـ ياشفت ..
ويمين إتـــا أكتر زول إستفاد من تكويحة ملاسي دي ..
وكما البرالمة ..
الاستفادوا بتطريق العدة ....
ولا عزاء لكل داقس ....
وهكذا تكون الشفتنه.........
| |
|
|
|
|
|
|
|
|
 Re: يا كافي البلا! (Re: محمد البشرى الخضر)
|
اخوى الاستاذ ملاسى
كيف حالك ومليون مرحب بعد الغياب بحسب مافهمت من بوست (دينا خالد)
تعرف ياملاسى يا اخوى (يا كافى البلا)دى دعاء لطلب وقف البلاء (الابتلاء) عليك الله غيرو وبتقدر تغيرو لانو دى ميزة جديدة من اداره المنبر للاعضاء لتغيير (عنوان البوست)
ويا برالمه (2013م) معليش ختو الكووووره دى فى الواااطه وطولوا بالكم مع اخونا ملاسى يمكن زى ماقال احدهم دى طريقتو فى استقبال الضيوف.
واكيد زى ما قال الاخ الاستاذ وليد البقاء سيكون للاصلح وللمفيد من المواضيع.
تقديرى ومودتى اخوى ملاسى ومرحب ومليون مرحب
د.محمد الهادى
| |
|
|
|
|
|
|
|
|
|
Re: يا كافي البلا! (Re: محمد الهادى عبد الرحيم)
|
| Quote: زى ماقال احدهم دى طريقتو فى استقبال الضيوف. |
والله يا د. محمد الهادي أحدهم ده (اللي هو انا) ما عاوزكم تزعلوا من حبيبنا ملاسي كأعضاء جدد
الرجل قصدو شريف جدا وحبوب ولايجامل في اي شيئ، له اسلوبه الخاص في الذم والمدح و(الاغاظة) كمان
اكيد كلكم متابعين المنبر قبل دخولكم ومطلعين على مساهمات الاعضاء العندهم حضور وسطوة في المنبر .. وهم كثر
اتمنى ليكم اقامة طيبة
ومرحب بيكم كلكم تاني وتاني
| |
|
|
|
|
|
|
|
|
|
Re: يا كافي البلا! (Re: usama Babiker)
|
يا أسامة قلتوا ده فرصة تصححو القديم والجديد !!!!
عموما نحن نستعين برد الدكتور المشرف وهو عضو ( قديم ) فى هذا البوست رغم فجيعتنا فيه فى بوست ( الترمس ) :-
اللهم لا تمحنا ولا تبلينا..
عموماً
حضرنا ولم نجد الخبر !
ونضيف على أصحاب ( البلاء) إن يكتروا من (البليلة)
مع التقدير ،،
| |
|
|
|
|
|
|
|
|
 Re: يا كافي البلا! (Re: وليد محمد المبارك)
|
بوست الماجد حسين ملاسي ... يتجدع فيهو الشفت الوليد محمد المبارك ... فتأمل
(طبعًا معافرات الشفت في المنبر تنقل خيالي لمعافرات الحيوان المنوي الذي يفوز بالبويضة)
غايتو يا البرالمة ... يقع في يدكم قاسم المهداوي ... وفي رواية طراجي
... المهم ....
| |
|
|
|
|
|
|
|
|
|
Re: يا كافي البلا! (Re: Hussein Mallasi)
|
| Quote: المنبر بقى زي الخرطوم؛ السودان كلو (إتكبا) فيهو! |
طيب ..
وإنت الحارق رزك شنو ؟؟ .....
وحارقو فوق كم ؟؟ ....
وحارقكـ وين ؟؟ ...
نصيحة ليك ياملاسي ..
سوي ليك موقع ..
وأمنع أي زول يكتب معاك ..
وبكده بتكون لبيت رغباتك ..
وغاية طموحكـ ...
عالم عجيبة والله ..
أهلنا زمان قالوا ..
أكال مابدور أكال .. عيب سيد البيت راضي ..
وهو بكري ده ذاتو كان ما أفقو واسع ..
كان سوى ليهو موقع زي سودانيز ده ...
والماعارف الخرطوم بقول عليها زحمة ..
ولاعزاء لبرالمة الخرطوم ..
وفيلكـ في منديلكـ ياخرطوم ..
هو كان منديل الخرطوم شال الفيل ..
البحمي منبر بكري ده يشيل البرالمة الجداد شنو ؟؟ ....
جداد بضم الجيم ...
ياملاسي
وخرطوم بالخاء ..
ونجيكـ في السمح يأخ ..
| |
|
|
|
|
|
|
|
|
|
Re: يا كافي البلا! (Re: جمال ود القوز)
|
Quote: كت تركب القطر اول حاجة بحصل فيه تكتل بالقبايل او المناطق السكنية
وكل ناس يمشوا على البشبهوهم .. والانتماء في اللحظة ديك بكون في حدو الادني
بعد القطر ما يمشي ليه كم محطة
يعاد التشكيل بحسب الشبه الحقيقي
الناس اللذاذ مع بعض
ناس الشربة مع بعض
ناس القطيعة مع بعض
ناس الغنا مع بعض
وبنسوا ليك انتمائهم الاولى والفطري داك
هسع الانتماء هنا
داك برلوم .. معناتا بشبهني
بعد شوية بتدور المواضيع الحقيقية وبتظهر اختلافات الناس اوتشابهم
وتبدا الناس تنفرز وتنسحب وتدخل في مجموعات مشكلة اساسا
والبرالمة المتكتلين ديل ... بعد شوية بحتو قرض مع بعض .. ونحن حا نبقى حجازين ... وناس باركوها |
إصطباحه جميله .
والله ياودالمبارك انت زول مبدع ياخ.
| |
|
|
|
|
|
|
|
|
|
Re: يا كافي البلا! (Re: usama Babiker)
|
| Quote: مافي شي غطس حجر التعليم العالي غير ثورة التعليم العالي. |
هذا قدرهم الذى لم يكن بأختيارهم بل بأختيار المتعلمين و المتنورين اللذين سبقوهم
عن نفسى أتحدث
كنت واحد من أول دفعة درسنا الأبتدائى 6 سنوات مع بداية ثورة مايو
و أيضاً واحد من اللذين تخرجـوا قبل 6 سنوات من قيام الثورة التى أتت
بثورة التعليم العالى ... وكانت ثورة التعليم العالى من نصيب الأبناء
و هذه أو تلك لا تنتقص من أى شخص تعلم و لكل مجتهد نصيب
فتملمــــــــــــــــــــــــــــــــــــــــــــــــــــــــــــــــــــــــــــــــل ...
| |
|
|
|
|
|
|
|
|
|
Re: يا كافي البلا! (Re: على عبدالله بشير)
|
Quote: هاهاهاهاهاهاهاهاهاهاها
ياخ ما تلحسو لو لحستو
يا ود البشرى نحن اخدنا كفايتنا في المنبر ... مفروض نتقاعد بعد ده ويستلم المنبر ناس جداد
دي طبيعة الحياة .. ونواميسها
لا بتتغير ولا بتتبدل
طبعا هسع البرالمة عاملين تكتل ... ده بحصل
ولو ركبت قطر سافرت بيه مسافة .. بتلقى الكلام ده بحصل
وكت تركب القطر اول حاجة بحصل فيه تكتل بالقبايل او المناطق السكنية
وكل ناس يمشوا على البشبهوهم .. والانتماء في اللحظة ديك بكون في حدو الادني
بعد القطر ما يمشي ليه كم محطة
يعاد التشكيل بحسب الشبه الحقيقي
الناس اللذاذ مع بعض
ناس الشربة مع بعض
ناس القطيعة مع بعض
ناس الغنا مع بعض
وبنسوا ليك انتمائهم الاولى والفطري داك
هسع الانتماء هنا
داك برلوم .. معناتا بشبهني
بعد شوية بتدور المواضيع الحقيقية وبتظهر اختلافات الناس اوتشابهم
وتبدا الناس تنفرز وتنسحب وتدخل في مجموعات مشكلة اساسا
والبرالمة المتكتلين ديل ... بعد شوية بحتو قرض مع بعض .. ونحن حا نبقى حجازين ... وناس باركوها
|
ههههههههههههههههههههه
يديك العافية ياخى
كلام درر
| |
|
|
|
|
|
|
|
|
|
Re: يا كافي البلا! (Re: Mohamed Mekki)
|
ياشـــباب إقتراح
طالما أن الإحساس بالضيق .. والكتمةغالبا مايكون حالة( نفسية )
قبل أن تكون مساحة لإستيعاب الأخر وفهم ماعنده
وحتى لا نظلم أحد
نقترح تحويل البوست ( للعيادة المجانية) لسودانيز أون لاين
وبعد الإفادة الطبية من المختصين ينظر ويفاد
إمكن إتسرعنافى فهمنا !!!!
| |
|
|
|
|
|
|
|
|
|
Re: يا كافي البلا! (Re: وليد محمد المبارك)
|
يا وليد
سلام
ياخي أنا قريت تفسيرك و تبريرك لي كلام أخونا ملاسي ، وبي حسن نية قبلتو
لكن ما وقع لي ناس كتيرين
ملاسي ( أبو سطرين ) زي ما الجماعة شابكنو ، ( سطرينو) ديل ممكن يكونو مبلوعين في حتات تانية ، و كان ممكن يرحب بالناس بي طريقة أحلى من كده ياخ
أحياناً بتكيف جداً لي ( سطرينو ) ديل لكن هنا جلاها ، يا خي ما ممكن واحد يرحب بالـ ( بلا )
| |
|
|
|
|
|
|
|
|
|
Re: يا كافي البلا! (Re: kamal omer)
|
فعلا هو جلاها
وما عنده حق
كان قاصد او غير قاصد
لكن يا كمال عمر ... اهلنا زمان علمونا ما نسك الناس الا الزول الحقار .. يعني البغلط اهرشو واديه فرقة يجري بييها
وملاسي ما زول حقار انا بعرفو بصورة شخصية
لكن من ناحية قلشها ..دي ما دايرة ليها اتنين تلاته
ويمكن يكون قاصدها الدنيا دي ما صعبة وبتغير الناس
وملاسي زول مشهور .. كان شهرة سلبية او شهرة ايجابية
وزول متميز بي سطرينو ديل شاء الناس ام ابو
فاحتمال الشهرة دي غرتو
البوست ده كويس لانو بديه راسو
انت الظاهر عليك اتحسست من ردي لاخونا الواعي الفوق ده
حقيقي يا امير الزول ده تعامل مع ملاسي بمبدا العفو عند المقدر
وما ركب موجة التور كان وقع
انا اعشم انك تكون حليم .. وتفرض النية الحسنة لحد ما تتاكد من سوء النية التام
لو كان كان طريقة ترحيبه ما مقبولة فرسالتكم وصلت وفاتت اضنيه بغادي
ولو كانت غلطة منو وسرقتو السكينة فاكيد راسو بكون جا
اما لو تاكد ليكم قدام انو قاصد وشايف نفسو احسن منكم
ولا تسكوه انتو
نحن ديل بنسكوا ليكم زي ناس قبليه كانوا شايفين انفسهم انصاف اله ومصرين عليها
ودرشناهم هنا لم امنو
فهدو اللعب شوية
بعد كده الامر بتحسب سلبا عليكم صدقني
| |
|
|
|
|
|
|
|
|
|
Re: يا كافي البلا! (Re: وليد محمد المبارك)
|
| Quote: ولو كانت غلطة منو وسرقتو السكينة فاكيد راسو بكون جا |
سبع البرمبة وحامي الحمى لا تسرقه ( السكينة ) ولكنه توقظه (الكوراكة) يا شفت
ــــــــــــــــــــــــــــــــــــــــــــــــــــــــــــــــــ------
( )
| |
|
|
|
|
|
|
|
|
|
Re: يا كافي البلا! (Re: HAIDER ALZAIN)
|
ياملاسي والله ماعجبتني ليك.هكذا زعمطة هههههههههه وعشان كده كخبير اكشن سابق اقترح انك ترش البرالمة ديل عدد واحد فالج والج او اي كان اسمها....فرمالتك الشهيرة ديك وتخلص الماتش ده باقل الخساير لووووول
وو،..،، كورة وااتا يا شباب وتيك ات ايزي لاين
| |
|
|
|
|
|
|
|
|
|
Re: يا كافي البلا! (Re: عبدالكريم الامين احمد)
|
ملاسي كاتب القصة القصيرة وهو من البداية اتاريه بتاع وجبات سريعة
حكاية المرضي ود ستنا
Quote: المرضي ود ستنا كان زول شاطر خلاص, بس كان بيحب السفاهة زي عيونو ...
و كان طالب معانا في الجامعة ... و كانت امكانياتو المادية محدودة زيو و زي باقي الطلبة المعانا ... بس دايما كان بيربط اللهو بالجد و دا الكان بيميزو ....
تصدقو كان بيعمل شنو ... كان لمن تكون معاهو طرادة هي المبلغ المقطوع الكافي – حينذاك - لقضاء ليلة سمر لطيفة علي حسب ما كان يسمي هذه الاشياء, كان بيفتح أي مرجع من المراجع البيذاكر منها و يقوم بوضع الطرادة في نهاية الجزء الذي يود قراءته او مذاكرته ثم يبدأ القراية من بداية هذا الجزء و يمني النفس بسرعة الوصول لصفحة الطرادة و يستمر في الكسر بالمعدل الذي يمكنه من الوصول للطرادة باقصي سرعة ...
و عندما يصل للطرادة يكون قد انتهي بالتالي من ما اراد قراءته و استذكاره فينهض من فوره مهما كانت الساعة و ينطلق الي حيث مصارف المال ...
غادر المرضي ود ستنا البركس وركب البرنسة حتي وصل لغايته ... و هناك راي منزلا معلقة علي بابه لافتة مكتوب عليها بخط غير جميل الا انه واضح " منزل احرار " .... خيل للمرضي و علي حسب هواءه الباطني ان احرار هذه تعني ان يفعل سكان هذا المنزل ما يحلو لهم, يعني زي ما يقول ليك الواحد انا حر اعمل الدايرو انت مالك .... و لم يعلم المسكين ان احرار هذة تعني نفس المعني الوارد في المقولة المشهورة بان تجوع الحرة و لا تأكل ب .... الي اخره .....
اها اخونا المرضي لقي الباب متاكى ... قام دفرو و دخل ....... لقي الجماعة راقدين في الحوش ... فقال لهم بلهجة الواثق من نفسه و هو يتحسس جيبه حيث ترقد الطرادة في اطمئنان:
- الراقدين ليها شنو ... انا جيت
انزعجت علوية و سحبت الطرحة لتغطي بها راسها و صرخت بصوت منحبس سجمي بينما رفع صباح الخير راسه من العنقريب نصف رفعة و نظر الي المرضي بعين شبه مغمضة و قال ليهو:
- مرحب .... تعال .... ابقي داخل
ارتسمت ابتسامة انتصار علي الطرف الشمال لفم المرضي ..... و دخل ...
تاني يوم صحو الجماعة الصباح في الداخلية لقو اخونا المرضي نايم و مغطي راسو ببشكير علي غير العادة ... صحوهو ... قال ليهم:
- انا صاحي
- طيب لو صاحي ما تقوم راقد مالك
رد من وراء بشكيره
- امشو انتو انا ما ماشي
- الامتحان يا المرضي
- ما مشكلة بجيب لي ميديكال ريبورت
- يا زول صلي علي النبي و قوم
- انتو مالكم انا داير املحق ... في زول فيكم عندو عندي حاجة ... يلا طشو من هنا
- يا اخينا ما تشيل البشكير دا و تتكلم معانا زي الناس
لكين ما في فايدة لا المرضي داير يقوم و لا داير يشيل البشكير من وشو .... خلوهو جماعتو في الغرفة و هم في اشد حالات الاستغراب ....
ما ان خف وقع اقدامهم و تاكد المرضي من ابتعادهم حتي نهض و رفع البشكير من وجهه و جاب مرايتو المشقوقة و نظر فيها متحسرا و تحسس مكان شنبه الذي فقده الليلة الماضية.... و ردد بصوت حسير ...
انا كان مالي و مال الاحرار
|
والاظرف شئ تعليق ظريف من كاتبي المفضل وهبة علي هذه النقطة
| Quote: ارتسمت ابتسامة انتصار علي الطرف الشمال لفم المرضي |
ياربي الطرف الشمال دي يكون قاصد بيها موسى الزومة ؟
| |
|
|
|
|
|
|
|
|
|
Re: يا كافي البلا! (Re: البدري عبد الله)
|
كتب عبد المنعم الطيب حسن:
Quote: الخرطوم حقتنا كلنا، نحن السودانيين الغبش ديل ،
والماعاجبو انكبابنا فيها يمكنه الهجرة الى استمبول او انقرة ،
وبالمرة ياخد معاهو غازي صلاح الدين ، وعبد الرحيم حمدي ،،،،
|
أدين ما جاء في المقتبس أعلاه وكل ما فيه من إشارات غير كريمة بحق ملاسي وكل السودانيين المذكورين فيه، اتفقت أو اختلفت معهم.
ويا عبد المنعم طالما الخرطوم حقتنا كلنا -على قولك- السودان الكبير برضو حقنا كلنا، دون تصنيف عرقي أو جهوي أو... وكله يصب في جهة العنصرية المدمرة.
ولو إنت يا عبد المنعم، زي ما ظاهر من مشاركاتك، تعادي الإنقاذ وتعمل على زوالها فلماذا تكيل بمكيالها القبيح؟
،
لو عايز نصيحتي امشي امسح الكلام ده من مداخلتك، واعتذر عنو، فهو مما يسيء لك، ودي ما برضاها ليك كل العندهم عشم فيك وأولم أنا.
،
،
هذا مع كامل تضامني مع البرالمة،
وبالله ملاسي ده ما ترفعوا منو كلو كلو..
خلوهو يتململ لامن يآمن..
،
،
| |
|
|
|
|
|
|
|
|
|
Re: يا كافي البلا! (Re: عبدالكريم الامين احمد)
|
| Quote: كورة وااتا يا شباب وتيك ات ايزي لاين |
متوقعه من ملاسي حتي على السناير شاااااااايف نفسو
ولاكن لا اتوقعها من المشرف ابدا ابدا
يا كيكي ياحبيبنا وااتا وين ياعمك ملاسي راشينا من طرف
| |
|
|
|
|
|
|
|
|
|
Re: يا كافي البلا! (Re: محمد عبد الله الامين)
|
Quote: انا قبقبت بكري ابوبكر زاتو لمن رشاني ليك ايقاف سنة
|
غايتو يا وليد بوست " حريقه تحرقك يا بكري او نحو ذلك" ما سبقك عليهو زول
والله لو واحد اجنهد جاب رابط البوست يكون ما قصر
ومرحبا بالعضويه الجديده في الخرطوم
او كما قال ملاسي
| |
|
|
|
|
|
|
|
|
|
Re: يا كافي البلا! (Re: Omar Bob)
|
Quote:
المنبر بقى زي الخرطوم؛ السودان كلو (إتكبا) فيهو! |
*هذه وجهة نظر يجب احترامها .
*وجه الشبه الزحام والزحمة فيها الرحمة .
*أري لاداعي للعنف اللفظي وشخصنة الأمور.
*مرحباً بالإخوة الأعضاء الجدد وأنا منهم .
*يجب أن نكون إضافة لهذا الصرح الشامخ لا خصم عليه.
| |
|
|
|
|
|
|
|
|
|
Re: يا كافي البلا! (Re: بدر الدين مهدي)
|
Quote: *هذه وجهة نظر يجب احترامها .
*وجه الشبه الزحام والزحمة فيها الرحمة .
*أري لاداعي للعنف اللفظي وشخصنة الأمور.
*مرحباً بالإخوة الأعضاء الجدد وأنا منهم .
*يجب أن نكون إضافة لهذا الصرح الشامخ لا خصم عليه. |
كلام عقل يابدر
وتحية لملاسي فاكهة المنبر وفاقع مرارة الحاسدين
ماصدقنا يرجع لينا البروف أمين بعد أجاويد وكواريك
يقوم يشرد مننا حسين كمان
ليكم القومة كلكم ولحسين عويد بخور تعويذة من حاجات كثيرة
--
ده منبرنا كلنا
االمدافرة فيهو لازم تكون بمحبة
| |
|
|
|
|
|
|
|
|
 Re: يا كافي البلا! (Re: حيدر حسن ميرغني)
|
البرالمة كولهم متلمين هنا، ودي فرصة الوآحد يرحب
بيهم ترحيب جماعي، وبالمرّة يشمت في ملاسي.
والله صحي.
حبابكم ألف. إتوهطوا تب، واردموهوا، ربي
يخدّر ضرعاتكم لآ حدكُم...
| |
|
|
|
|
|
|
|
|
|
Re: يا كافي البلا! (Re: معاوية المدير)
|
مقارنة بسيطة بين قصة الاديب د/ بشري الفاضل حكاية البنت التى طارت عصافيرها وقصة الاديب الاريب ملاسي حكاية المرضي ود ستنا ...
Quote: بشرى الفاضل
كنت مدية وسط حشد غريب من البشر ، لا تجمعهم سلطة خضروات شحاذين وجزارين
وحرامية ، قافزين ومادحين وجنود غلاظ رائحين وغادين ، مترهلين وعجاف ،
باعة
متجولين ومتشردينوسبابه ، منتظرى مواصلات وجلابه ، متانقين ومتاففين .
ومن بين
كل هؤلاء ممثلون منتخبون يطاردون النساء بالعيون والايدى والاجساد، ومن
لم
تسعفه الحركة يطارد بالاستجابة المباشرة الحسية او حلم اليقظة
كنت مدية حادة السنان تشق طريقها وسط الزحام فتجدث الما مفاجئا في كتف
هذا
مشفوعا(بمعليش) وجرحا في قدم هذه متبوعا(بسوري) ولكمة في وجه تلك موصولة
بمتاسف) وكنت من فرط سرحاني لا انتظر ردا علي اعتذاري….
كان النهار اخضر لا كعادة الصيف ،كنت ملتويا بالبهجة كعمامة اعرابي يزور
المدينة للمرة الثانية،لا العاملات سعيدات مثلي ولا ربات البيوت -اانا
ابن
المحطة الوسطي العنكبوتي الجيب المشرئب عنقا لحادث حركة او مظاهرة نشال،
المستيقظ منزولا، التضور جوعا ، الباحث في خشم البقرة عن عمل .. شغبي
مكتوم
ومظلوم ابن مظلوم ومع ذلك سعيد
هل ينتزع الاوغاد سعادتي ؟؟..هيهات ..وهكذا كنت لا انوي التجول فتجولت
والناس
مكدسة بطيخ بشري . كل ينتظر وسيلة مواصلات دنوت من احد الاكوام واخرجت
ادوات
انتظاري ..اخرحت كوعي اولا ثم راحة يدي فعاونا رجلي في حمل الجسد
المستهلك
يوميا والمتعب علي مدار العام.ومن بعد اخرجت عيني ثم طفقت انظر..انظر في
الاتجاهات جميعها واختزن..
رايت اولا رجلا اعمي ، كأنه وهو ينظر امامه يقرأ من لوح محفوظ..ومضي
الرحل
لحاله لكن نقودي تناقصت .رأيت ثانيا امراة بدينة لدرجة انها حين تنادي
وليدها
يا هشام ) تحس بحرف الهاء يطن في اذنيك مليئا بالشحم ، رأيت رجلا عبوسا
وطفلا
تغازل رجلاه علبة صلصة فارغة .رأيت اصواتا وسمعت روائح لا حصر لها وفجأة
وسط
هذا كله رأيتها
قفز الدرويش مكان قلبي .ورأيتها فارعة الطول من غير ان تتأرجح ..قمحية لا
كالقمح الذي نعرفه .ولكن كالقمح حين يكون قمحيا مثلها،اخذت من الضباط
اجمل ما
فيهم مشيتهم.ومن الناس اخذت البابهم .تراها فلا تشبع قلت لنفسي: هذه بنت
طا
رت عصافيرها كان وجهها مستديرا ويبدو هكذا:
وكان انفها كالخضر الطازج ولها عين:ياالله ! وعنق فرعوني ذو وترين
مشدودين
انيقين لا يبدوان الا اذا التفتت. واذا التفتت هربت جميع البائعات بفولهن
المدمس وتساليهن الملوح .وهربت الشوارع من حفرها والروائح النتنة من
اماكن بيع
اللحوم،وهربت ذاكرتي الي مستقبل اتمناه ،اذا صببت ماء في هامت البنت التي
طارت
عصافيرها ،انحدر ناحية الجبهة .وكان جسمها اذ تمشي يتماوج، كأنه بريمة
تنداح
دوائرها في قطعة حشب تنوي ثقبه
اقبلت نحوي فنظرت لحالي واصلحتها، واقتربت اكثر فرايتها تمسك بطفلة صغيرة
تشبهها الا من بدانة في الطفلة كانت يداهما تتشابكان كأنهما مصممتان
خصيصا
لذلك، وكأن كلا منهما تمسك بشرودها. وكانتا تعقدان الحواجب بلا دهش بين
كل
دقيقة واخري بحيث يبدو ما يحدث لعينيهما مثل برق يغسل عن وجهيهما نطرات
>الآخرين الجائعة.قلت هذه فتاة طارت عصافيرها ،ثم التفت لاختها فقلت: هذه
تميمة
ولا بد جاءت بها لتقيها من شر الآخرين .هذه تميمة طارت راحتها.
>
ورأيتهما كثيرا جدا حتي تخيات نفسي بالمقابل بشعا، فأجفلت ولكنهما
مااجفلتا
ونظرت للتميمة .ان فمها دقيق طأنه لا يأكل اللايوق الذي اتلوث به.والتفت
الي
الناس ثم اليهما مرة اخري ونظرت ثم نظرت،نظرت.. نظرت! حتي انقذ الموقف
عربة
اجرة دلفت علي حين مباغتة فأفسح الناس للتميمة والبنت التي طارت
عصافيرها.علي
غير عادتهم مع النساء الاخريات ،فركبتا ومن خلال غبار المنافسة وجدت نفسي
ايضا
>داخل العربة.
تحركنا وكانت العربة معطوبة ناشفة في سيرها .كان جاري يدخن وجاره محشو
بالبصل
ولولا ان النهار كان اخضر،ولولا البنت وتميمتها وما شذ من جمالها
اخبارهامما
ذكرت لنزلت من تلك العربة التعيسة غير اسف
وعلي كل تصرمت خمس دقائق حين جأر الذي هو بصيل بالبصل-عندك هنا يامعلم.ثم
نزل
وضرب الباب كأنه يسقط عليه شجارا بائتا جبن من خوضه في حينه،فأختزنه.
تحسس
السائق خده الايمن كأن صفعة الباب كانت به.ثم تمتم لنفسه_ناس ما فيها
رحمة.ترنح الرجل البصلي وعاد ادراجه ورمق السائق بعين حمراء ثم فجر
قنبلته.
ايه قلت شنو؟
صحت فيه امشي يالله يا ابن العم الحكاية يسيطة.
تدحرجت العربة واختلط هدير موتورها بسباب الرجل البصلي ولعناته .وكأن
السائق
كان يعنينا بمواصلة الحديث الذي يشبه المنولوج حين قال :ناس ذي
الحيوانات.
ثم سحب الحال علي البشر كلهم وما لبث يذم ويتنرفز حتي وقعت العربه في
حفرة
الشارع الرئيسية ثم وثبت كما تثب ضفدعة .ونقت فداس عليها سائقنا فرضخت
وسارت
قدما مزمجرة.
كأن ظهري من فرط قسوة العربة قد بدأ يؤلمني نظرت امامي حيث البنت التي
طارت
عصافيرها وتميمتها فاحرزت انهما اتخذتاشكل المقعد.لا تشعران بالوجع ولا
ينزلق
غضروفهما.واخيرا وصلنا. نزلت البنت وتميمتها ونزلت انا ثانية فلم اسمع
صوت
ارجلهما بيد ان وقع حوافري كان مسموعا للجميع. واوشكت ان اتحسس اذني هل
طالتا؟! سارتا فسرت خلفهما،لا كعادة السودانين ،وكنت من انصار السير
بالتوازي
قبل رؤيتهما ولكن مشيتهماكانت ايقاع خواطري .قلت لابد ان ينبثق الايقاع
اولا.سارتا امامي موسيقي بالغة العذوبة وسرت لشدة اضطرابي اشترا.
وفجاة التفتتا جميلاً جدا ناحيتى وكان ثمة غضب ملون منقوش على نبيل
وجهيهما
قالت الكبري
مالك مبارينا ؟؟ -
:قلت مقللا من وتائر فزعهما
لا يا ابنة العم ، عندى مثلك . ولا اطارد الجمال بالبنادق فى الشوارع
>:قالت
>!! قديمة -
>: قلت
لا صدقينى . وكدت أن اقول ( عندى مثلك احبها وتحبنى ويحب ناقتها بعيرى
الف مرة
اجيئها غاضباً واخرج من عندها هاشا باشا كان لديها مصنع للفرح ، خرجت فى
ذات
يوم من لدنها مليئاً بها حتى غازلنى الناس فى الشوارع ).
أنسابت من حنجرة البنت التى طارت عصافيرها أنغام صافية مكان الضحك . ثم
سكتت
وسكتُ
دار خاطرى فى ذكرى حبيبتى يا لها من عفريت .
تلك فتاة شديدة الاعتداد بنفسها . شديدة الوثوق بها . قالت : والصيف على
اشده
ونحن نرجع من حفلة موسيقية
جدتى كان يغنى عليها السرور -
قلت : اولئك مطربون اوقعهم شعراء المرحلة فى التهلكة فصاروا يتأوهون
ويتأرجحون
بانتظام طرباً بمفعول لحن وكلمات هابطة قالت : كيف ؟؟
قلت : - شعرائهم كانهم قصابون ، يبيعون المرأة جزءا جزءا اذ يدنو الرجل
من
متجر فيه حنجرة تغنى وتصيح : نهد ،، نهد ،، وجنة .. وجنة
فيقلب الرجل فى اجزاء المرأة ما طاب وتنبهه الحنجرة لجمال بعض الاجزاء
الغائبة
عليه ويخرج الرجل بعد ان يكون قد اشترى نهداً بالبصل أو خصراً بالجرجير
ومن
كان عنده ضيوف يشترى كفلاً
قالت حبيبتى : يخصنى ذلك كلام منك قبيح احشر لسانك خلف اسنانك ، هل نسيت
ان
بينهم خليل فرح ؟ فالقمتنى حجراً
ولابد ان حالة سرحانى عاودتنى اذ ما ان التفت حتى لم اجد البنت التى طارت
عصافيرها ولا لشقيقتها اثرً
صنعت من حواسي مختبراً للتجسس على البنت وتميمتها الاذنان مايكروفونان
والعينان كاميرتان والانف معمل كيميائى واللسان نشرة اخبار
>وكان المختبر يعمل بكامل طاقته لا كمصانع هذه الايام ، ثم ترصدت مثل فأر
يترصد
حركات عدوه التقليدى ، فيتفاداها
ثم ان رادار البنت التقطنى
قالت :- وهى تركض خلفى وانا اوسع من خطواتى خوف ان تشتمنى
- عذبتنى ،، انت داير منى شنوياخ !؟؟
قلت : لاشئ سوى ان اراك .. اغنيك .. احلم بك ، لا دخل للاذى فى علاقتنا ،
انه
انجذاب وحيد الجانب فانا يعجبنى من هو مثلك ولكننى اشعر امامه بالدونية .
ضحكت مرة اخرى فسقط قلبي فى ثلج الرضا والفرح
سألت : شاعر ؟؟
قلت : يقولون .. ومن اخبرك بامرى؟؟
قالت : سمعنا
قلت : ومن معك حتى تخاطبين نفسك بضمير التعظيم؟؟ الا ان وجهك نور ، وصوتك
نور
، وانت مرايا معلقة فى دموعى تضئ وابكى
قالت جميل كنت أسيئ فهمك الان حصحص الحق انت تعرف شباب هذة الايام ########ون
و######ون
قلت : بل اعرفهم ،، أنبشى تجدين نفيس المعادن ، المعادن لا توجد على
السطح
اصحابي اكثر من النمل ، غالبيتهم يَتفهمون ويَفهمون ويُفهمون
ركضت البنت بفرح امامى ،، وكان قوامها يتماوج حتى اختفت ، ورن فى أذنى
صليل
جرسه العذب . وما انفكت صورة عينيها تضئ وتظلم فى دماغى ، وما برح وجهها
يغذى
ذاكرتى بالفرح طارت عصافيرها
طارت
طارت
طارت
وهكذا اصبحنا صديقين لشهر كامل استمرت مقابلتي ليها في الشارع العام نركض
،نضحك ونتحاور فلم اصل غورها وخفت ان تكون قد لامست سطحي.وذات ا
ربعاء سألتها- من تلك التي في يمينك ؟
- اختي اتوكأ عليها وتساعدني علي السير في الاسواق وتحفظني من شرور
العربات .
قلت :تميمة؟
قالت: ماذا؟
قلت: رقية. تحفظك من شر العيون ،
ثم قلت لنفسي: (واذا المنية انشبت اظافرها الفيت كل تميمة لا تنفع).
وحدقت في وجه الجميلتين مليا،الصغري ذَبُلت وخارت قواها كما تخور قوي
ثورالساقية لابد ان المشاوير قد اشاختها قبل الطفولة ركبت معهما كانت
العيون
فد بدأت تتطاير من اركان الحافلة كلها وهطلت في افخاذ ووجهي وعيون وجسدي
البنتين وغمرتهما العيون التي تشبه المناشير الزجاجية
التفت ورائي وامامي الجميع محاجرهم كالملاحات الفارغة .طارت العيون عن
الوجوه
واصبحت في كل وجه حفرتان . ومنعت نظارتي الطبية عيني من الاقلاع والطيران
وبما
انني منحت حب استطلاع غامر ومتعة احصاء فذ، فقد وجدت ان بجسديها تسعة
وتسعين
عينا مستديرة وعجبت اول الامر للرقم الفردي والتفت ورائي فوجدت ان احدهم
كان
اعورٍَِا. عدت للبيت غاضبا ونبشت اوراقي فوجدت ضالتي وصممت علي الرجوع في
الحين. كان النهار قد انتصف. الشمس قائظة وانا مغتاظ ووجدت باب حافلة
مفتوحا
ككرش مرتش فدخات وكانت تلك الحافلة كمركب نوح. بها كل الوجوه. اشتات
مجتمعات.
فيها يسهل السهو والسرحان. وما ان جلست حتي اطلقت خيولي قوية السنابك من
>اصطبلاتها فرتعت في حقول خيالي وخيدعي.
كأن صوتي ضاع مني. كأنه سقط. تكالبت علي الهموم فلا عيني ولا عيون غيري
ايقظتني.ِ اه مني القدح ابن الكرم، يملآونني بالشجن مكان الدخن واللبن
واملآهم
بالفرح مكان الحزن والبؤس فبئس مصيري، وبخ بخ لمصيرهم كأنني مصنوع
لاستمرارهم
وكأنهم مستمرون لشقائي. واه مني انا ابن النوم.ابن الانتظارات والمواعيد
الكذوبات.
لي حبيبة في الذاكرة والمني فقط. مثلي يتمني مثلها. ومثلها لا يرضي بمثل
من هو
مثلي. فمثل من انا؟ يا بقرة_ قلت لنفسي يا وحشا. يا رجلا محشوا بالامراض،
بالجراثيم، بالصعود، الهبوط. وبالتحولات والاهتزازات، تحيط به الباحثات
عن
سعادة فيسومهن سوط عذاب والباحثات عن صديق فيعاديهن، وتحيط به الائي طارت
عصافيرهن ولا يحيط بشيء ومع ذلك فهو كما يدعي من قبيل يفهم، يعي، يشاكس،
يتمرد.
رجعت لحال بؤسي وانا مازلت في تلك الحافلة اللعينة فوجدت الناس من حولي
تناطح.
لا يترك رجل لامرأة من مقعد ولا تترك امرأة لرجل من لعنة قي قاموس فكان
لابد
من ان انزل قبل ان اصل للمحطة بغيتي فنزلت ورأيت قدامي قطارا من
البشر،دفع به
الفضول نحو المستشفي وام يكن فضولي اقل كما ولا نوعا اطلاقا ولكنني كنت
مكابرا. ركبن موجة الزحام بعد ان افرغت كل عبارات وتأوهات العجب…
في شنو يا جماعة ؟
وتاهت عباراتي السؤالية في لجة عبارات مشابهة وجائتني تفسيرات شتي كل
تفسير
مستقل عن غيره ملم ببعض التفاصيل متجاهل لبعضها فما ذادتني اجابات المارة
الا
اندفاعا شديدا نحو الي الامام نجو مبعث حب الاستطلاع ثم كان ان انجرفت
بفعل
تلاطم الناس نحو الشيمة اكثر فاكثر حتي صرخت: دم! كأن موس حادة قطعت
الاشعة عن
عيني كأنني مت. مضرجة. مضرجة. خضابها الدماء الصدمة وخضاب تميمتها الدماء
والفزع. وخضاب مثيلاتها الحناء. دم في ايديهما كقاتلتين وفي ارجلهما
كمقتولتين. وفي مختلف انحائهما بحيث لا تعرف من اين ينبثق، قلت
>لنفسي حادث حركة ولابد.
صرخ رجل ذو وجه مستدير منفعل:- لا قلت صامتا ماذا اذن ثم استدرت مع جملة
المبحلقين قبالة وحه شاب هادئ الصوت حين قال:- مانتا في الشاطئ. منكفئتان
هكذا
وفاقدتا للوعي وجدهما رجل بدين ذهب الان لقسم الشرطة
قلت صامتا: حادث حركة لابد. صرخ جاري الذي تصادف ان كان ضمن دائرة
المشاهدين:-
يا راجل انت مجنون؟ حادث حركة في الشاطئ يعني صدمتهن مركب؟ واللا نطت
سمكة من
البحر ضربنتهن؟ قلت لنفسي حادث حركة ولابد. ثم استدرت نحو الشارع العريض
مؤذنا
صارخا ضاحكا وخطيبا_لا لا لا لا طارت عصافيرها طارت عصافيرها طارت
عصافير_هاطارت عصافير هاطارت عصافيرها طارت طارت.
تلفت بعض السابلة وهزوا رؤوسهم ثم تلفتوا من باب التأميد علي كون اني
مجنون
ومضوا في حال سبيلهم…
طارت …طارت …طارت ..
اوقف رجل عربته. كان ممتلئ الاوداج بالضحك وسألني: طارت ماذا؟
>فقلت: عصافيرها…
ضحك حتي ارتج الاسفلت وحتي انبعجت العربة واطلقت ريحا ثم اداؤ المحرك
واختفي…_
>طارت …طارت …طارت ..
_ هل؟ لابد ان قوة ما ذهبت بهما الي ذلك المكان.. لابد ان حيلة ما. ارأيت
الفزع والخوف علي وجهيهما؟ فزع التميمة وصدمة البنت التي طارت عصافيرها.
لا- لا_ حطت.. حطت.. حطت..
رأيت قدامي جمهرة وخلفت ورائي جمهرة كلهم ينظرون الي كأنني مرتكب الحادث
كدت
اصرخ فيهم طارت! ولكنني وجدت السفلت ممتدا امامي فمشيت ومشيت ومشيت
ومشيت، ذلك
الظهر الكئيب. لا منبع حلمي وصلت ولا دارنا، النهر اقرب وعيون الحبيبات
اكثر
امنا،فلا اذهب لهذا عسي ان اغتسل ولتلك عسي ان اتوسد سوادها وانام في متن
بياضها ملء جفوني وليسهر الخلق وليختصم ما شاء له طالما ان عصافير برية
بريئة
حصبوها بالحجارة والرغبات المتمركزة حول ذاتها فحطت بمكان قبيح، قسرا في
بقعة
مليئة بالقسر والاكراه.
|
Quote: المرضي ود ستنا كان زول شاطر خلاص, بس كان بيحب السفاهة زي عيونو ...
و كان طالب معانا في الجامعة ... و كانت امكانياتو المادية محدودة زيو و زي باقي الطلبة المعانا ... بس دايما كان بيربط اللهو بالجد و دا الكان بيميزو ....
تصدقو كان بيعمل شنو ... كان لمن تكون معاهو طرادة هي المبلغ المقطوع الكافي – حينذاك - لقضاء ليلة سمر لطيفة علي حسب ما كان يسمي هذه الاشياء, كان بيفتح أي مرجع من المراجع البيذاكر منها و يقوم بوضع الطرادة في نهاية الجزء الذي يود قراءته او مذاكرته ثم يبدأ القراية من بداية هذا الجزء و يمني النفس بسرعة الوصول لصفحة الطرادة و يستمر في الكسر بالمعدل الذي يمكنه من الوصول للطرادة باقصي سرعة ...
و عندما يصل للطرادة يكون قد انتهي بالتالي من ما اراد قراءته و استذكاره فينهض من فوره مهما كانت الساعة و ينطلق الي حيث مصارف المال ...
غادر المرضي ود ستنا البركس وركب البرنسة حتي وصل لغايته ... و هناك راي منزلا معلقة علي بابه لافتة مكتوب عليها بخط غير جميل الا انه واضح " منزل احرار " .... خيل للمرضي و علي حسب هواءه الباطني ان احرار هذه تعني ان يفعل سكان هذا المنزل ما يحلو لهم, يعني زي ما يقول ليك الواحد انا حر اعمل الدايرو انت مالك .... و لم يعلم المسكين ان احرار هذة تعني نفس المعني الوارد في المقولة المشهورة بان تجوع الحرة و لا تأكل ب .... الي اخره .....
اها اخونا المرضي لقي الباب متاكى ... قام دفرو و دخل ....... لقي الجماعة راقدين في الحوش ... فقال لهم بلهجة الواثق من نفسه و هو يتحسس جيبه حيث ترقد الطرادة في اطمئنان:
- الراقدين ليها شنو ... انا جيت
انزعجت علوية و سحبت الطرحة لتغطي بها راسها و صرخت بصوت منحبس سجمي بينما رفع صباح الخير راسه من العنقريب نصف رفعة و نظر الي المرضي بعين شبه مغمضة و قال ليهو:
- مرحب .... تعال .... ابقي داخل
ارتسمت ابتسامة انتصار علي الطرف الشمال لفم المرضي ..... و دخل ...
تاني يوم صحو الجماعة الصباح في الداخلية لقو اخونا المرضي نايم و مغطي راسو ببشكير علي غير العادة ... صحوهو ... قال ليهم:
- انا صاحي
- طيب لو صاحي ما تقوم راقد مالك
رد من وراء بشكيره
- امشو انتو انا ما ماشي
- الامتحان يا المرضي
- ما مشكلة بجيب لي ميديكال ريبورت
- يا زول صلي علي النبي و قوم
- انتو مالكم انا داير املحق ... في زول فيكم عندو عندي حاجة ... يلا طشو من هنا
- يا اخينا ما تشيل البشكير دا و تتكلم معانا زي الناس
لكين ما في فايدة لا المرضي داير يقوم و لا داير يشيل البشكير من وشو .... خلوهو جماعتو في الغرفة و هم في اشد حالات الاستغراب ....
ما ان خف وقع اقدامهم و تاكد المرضي من ابتعادهم حتي نهض و رفع البشكير من وجهه و جاب مرايتو المشقوقة و نظر فيها متحسرا و تحسس مكان شنبه الذي فقده الليلة الماضية.... و ردد بصوت حسير ...
انا كان مالي و مال الاحرار |
غايتو قصة ملاسي ذكرتني حصة الانشاء هاهاهاها .. فتأمل ..
| |
|
|
|
|
|
|
|
|
|
Re: يا كافي البلا! (Re: معاوية المدير)
|
ملاسي
سلام واحترام
إتكبينا 
كمان جابت ليها .. كب ؟؟
الحمد لله إتكبينا .. وما ادفقنا
اصلو اليومين دي الدفيق .. راقد هبطرش وبدون مسعولية كمان 
ملاسي
ما قصرت معانا ياخ
وشرفتنا ونورتنا
اتكبينا ... ادفقنا ... اتكشحنا
يانا قاعديييييييييين ... حا نمشي وين يعني ونسيبكم .
معاكم معاكم
والنفوس لو اطايبت .. الكرسي بشيل مليون
بس انت باركها
مودتي
ـــــــــــــــــــــــ
المنبر ده لو بقي ضيق بالاعضاء الجدد ممكن يتعمل ليهو توسعة فيها شنو يعني ... ما ياهو ام درمان وصلت شندي في زول قال اتكبوا
| |
|
|
|
|
|
|
|
|
|
Re: يا كافي البلا! (Re: طارق حرسي)
|
Quote: انا لما كنت في الصف السابع اساس بعرف اكتب قصة احسن من دي
قلت لي هواءه الباطني
الزول ده عنده هبوب ولا نفاخ في بطنه مثلا انصحو بالسنمكة والحلبة مفيدة للحالات دي كااااااااااااااك |
متعة والله ما بعدها متعة
Quote: كمان جابت ليها .. كب ؟؟
الحمد لله إتكبينا .. وما ادفقنا
اصلو اليومين دي الدفيق .. راقد هبطرش وبدون مسعولية كمان
|
طارق حرسي يا صفوة
ادفقوا..
ماتكونوا رقراق..
ابقوا ياضل ياشموس..
غطوا المساحات بالوضوح..
استنهضوا الشوق الجلوس...
| |
|
|
|
|
|
|
|
|
|
Re: يا كافي البلا! (Re: الامين موسى البشاري)
|
فتح السيد حسين ملاسي بوست بلغة عدائية ضد البرالمة
و...خرج وقفاه يقمّر عيش *
ـــــ
* للأمانة الأدبية ... كما قال هيمسيلف ذات بوست
__
بي الله ويآمين مسكت نفسي من أرشو بــ مثل سري
لأنو الدنيا دوّارة ..و..تحوطيّا" ولأنو إسمي أمير محي الدين محمد
فيهو حلاوة أيا" كان إسمه ...
ـــــــ
يابكري الله يرضى عليك مارسلنا ليك النك نيم ..زي بتاع تمبس القالوا
عليه ح أحملك إي مسئولية ..لأيا" كان إسمو المتوقعة
| |
|
|
|
|
|
|
|
|
|
Re: يا كافي البلا! (Re: أمير محي الدين محمد)
|
Quote: ماتكونوا رقراق..
ابقوا ياضل ياشموس..
غطوا المساحات بالوضوح..
استنهضوا الشوق الجلوس... |
إدفقي فيضان عمار
إتربعى وفجي الوجع
دمع الألم ما يهددك ما خاب غناك
فارسك رجع ..
إتوهجي إنت الشمس إتلهجي
نورك سطع نور بوادينا الفساح
من اجمل الكلام الذي قرأته يابشاري .والله .
وجمال ده زول فنان ......
غايتو برالمة 2013 ديل حيكونوا حدث والأيام جاية والناس حتشوف ...
والبقت على ملاسي ماتبقى على حبيب ..
يأخ ديل نكتوا ليهو دفاترو القديمة جت عليها ..
وحتى أخطاءه الإملائية بي ضبانتها ..
اللهم لا شماته ..
آناس هوي مافي زول يودي الزول ده الضل ..
أو كما قال احد البرالمة ......
كاااااااااااااكـ ..........
ما قلنا الناس ديل لياقتهم لا جدال عليها ..
فقد تم توديكهم وعركهم في أصعب ملاعب الليق ...
الفيها الدفسيبة التقيلة ..
على وزن البيت الحلمنتيشي ..
( ونخلط بعضنا خلطاً شديداً .. وأنسى جوه جزمتها شرابي ) ..
يمين بكري شال نوارة كل المنتديات السودانية وبكافة اطيافها وضروبها ..
وكباهم ليكم هنا .. أو كما قال تعيس الحظ حسين ملاسي ..
الذي تمت زعمطته زعمطة على الأصول ..
وقالوا ليهو تاني تجي السوق .....
| |
|
|
|
|
|
|
|
|
|
Re: يا كافي البلا! (Re: امجد الجميعابى)
|
| Quote: المنبر بقى زي الخرطوم؛ السودان كلو (إتكبا) فيهو! |
يعني المنبر لو ...............
كنا بنسمع كلمة لحس الكوع
وسلام مربع لشارع الجيش بالاسكنرية
| |
|
|
|
|
|
|
|
|
|
Re: يا كافي البلا! (Re: حافظ انقابو)
|
Quote:
te: المنبر بقى زي الخرطوم؛ السودان كلو (إتكبا) فيهو! |
(ذي الخرطوم استخفاف) بالخرطوم يعني والله ايه وانشاءالله تكون من سكانها ما اتكبيت فيها
| |
|
|
|
|
|
|
|
Hussein Mallasi
kamal omer
محمد حامد
حيدر حسن ميرغني
وضاح عبدالرحمن جابر
سامى عبد المطلب
انعام حيمورة
محمد حيدر المشرف
بدرالدين الطائف
usama Babiker
Mohammed Sedeq
على عبدالله بشير
عبدالمنعم الطيب حسن
HAIDER ALZAIN
Elhadi
سامى عبدالله
حاتم محمد حاج المهدي
Muna Khugali
كمال سالم
وليد محمد المبارك
مرتضى احمد عبد القادر
محمد جبره
زياد جعفر عبدالله
محمد البشرى الخضر
جمال ود القوز
محمد الهادى عبد الرحيم
Jamal Mustafa
أمير محمد ادريس
Farahat Sayed
تبارك شيخ الدين جبريل
محمد علي شقدي
المسافر
Mohamed Mekki
Zain Alaabideen Alkhairy
الجنيد حمد
عبدالكريم الامين احمد
البدري عبد الله
امجد الجميعابى
Omar Bob
بدر الدين مهدي
معاوية المدير
طارق حرسي
الامين موسى البشاري
عصام علي أحمد
حافظ انقابو
فيس بوك
تويتر
انستقرام
يوتيوب
بنتيريست