|
للجادين: منزل في امبدة للبيع
|
بعد اذنك يا بكري ============ امبدة الحارة الرابعة يفتح على شارع مدني مقابل مدارس الرابعة المساحة 800 م م ارضي فقط مقسم الى 4 اجزاء، كلها حاليا مؤجرة
لمزيد من المعلومات، الاتصال على:00249115100062
|
|
|
|
|
|
|
|
Re: للجادين: منزل في امبدة للبيع (Re: Mohamed E. Seliaman)
|
والله يا جماعة البيت دا ما بتفوت أنا لو ما عندي إلتزامات بالجمبة كدا كنت دخلت فيهو بقلب جامد
وبعدين يا الشفيع المساحة هي 850 متر مربع وليس 800 متر مربع
وبعدين يا شباب سعر البيت 700 مليون بالقديم
فهو سعر مناسب
وشكراً يا الشفيع
| |
|
|
|
|
|
|
Re: للجادين: منزل في امبدة للبيع (Re: وضاحة)
|
اهو اخونا النذير اداكم النجيضة
شكرا للتصحيح والتحديث يا النذير
وضاحة الوضاحة البيت حقنا مافيهو كلام ناصية فاتح على الظلط الرئيسي مساحته 850 مبني جاااهز مقسم لي اربعة سكنات وفيهو دكاكين على الشارع بيفتح على مدرسة الرابعة وبسط الامن مؤجر جاهز
يعني سكن واستثمار مع بعض (يقرأ:الجمع بين الحسنيين)
"يقرأ" دي لطشتها من قيقا، للمعلومية
| |
|
|
|
|
|
|
Re: للجادين: منزل في امبدة للبيع (Re: الزنجي)
|
الشفيع سلامات.. وينك يارجل؟ لا أسكت الله لك حساً.. بقيت سمسار أراضى ولاّ شنو! قلت كدى أخير!!! بينى وبينك أخير ليك من سياسة الانقاذ الماجايبة تمنها دى.. بلا سائحين بلا منشقين بلا قوشيين بلا لمة.. خاصة وانها لمتكم دى بقت على الهاوية أحسن تتخارج أصلك ما شبه الخرمجة دى حسب تقييمى.. تحياتى
| |
|
|
|
|
|
|
Re: للجادين: منزل في امبدة للبيع (Re: الشفيع وراق عبد الرحمن)
|
اخونا الطيب، ابو عبد الرحمن
للاسف الناس ديل دايرين كاش
اختنا احسان
Quote: وينك يارجل؟ لا أسكت الله لك حساً.. بقيت سمسار أراضى ولاّ شنو! |
موجودين، حايمين في حتات ما قاعدة تدخليها الموضوع بخص اصحاب واحباب
شكرا ليك
مرحب تسنيم ما متأكد من الايجار لكن البيت بس ممكن يجيب 2000 جنيه، حوالي 300 دولار، ده غير الدكاكين سعره 700 الف حوالي 100 الف دولار
| |
|
|
|
|
|
|
Re: للجادين: منزل في امبدة للبيع (Re: الشفيع وراق عبد الرحمن)
|
Quote: وضاحة الوضاحة البيت حقنا مافيهو كلام ناصية فاتح على الظلط الرئيسي مساحته 850 مبني جاااهز مقسم لي اربعة سكنات وفيهو دكاكين على الشارع بيفتح على مدرسة الرابعة وبسط الامن مؤجر جاهز |
غايتو يالشفيع بالغت مع وضاحة
ياخى وضاحة مشت امبدة مره واحده ومخلوعة حتى اللحظة
بالمناسبةالبيت ده معاهو العاب نارية ولا بدون ؟
قال امبده قال ههههههههه
| |
|
|
|
|
|
|
Re: للجادين: منزل في امبدة للبيع (Re: elhilayla)
|
عاطف يا حبيب ما تفتح لينا باب جهنم ياخي جات كده، بدون حسابات والله ربنا يرفع مقدارك ياخي الحليو ده من؟
مراحب جني، تشكر ياخي
اخونا الحليلة فعلا سؤالك مهم جدا وفات علي بصراحة البيت 50X17 50 متر على شارع الظلط (شرق - غرب) و17 متر على شارع جانبي (شمال - جنوب)
التسليم محل ما يعجبك، ما اظن في مشكلة
تحياتي يا حبيب
| |
|
|
|
|
|
|
Re: للجادين: منزل في امبدة للبيع (Re: الشفيع وراق عبد الرحمن)
|
يا جماعة الخير دي فرصة استثمارية ما بتتفات
Quote: 50 متر على شارع الظلط (شرق - غرب) |
يعني: 10 دكاكين على شارع رئيسي (شارع مدني) ولو شديت حيلك تقوم فوقها اربعة شقق، مكاتب او سكن ويفضل ليك برضو 600 متر تسوي فيها العايزو في احسن من كده؟
وللمعلومية: سعر المتر هنا بالمواصفات دي تقريبا 1000 جنيه يعني فاضية ساااي مفروض السعر يكون 850 الف
| |
|
|
|
|
|
|
Re: للجادين: منزل في امبدة للبيع (Re: الشفيع وراق عبد الرحمن)
|
Quote: مبني جاااهز مقسم لي اربعة سكنات وفيهو دكاكين على الشارع بيفتح على مدرسة الرابعة وبسط الامن مؤجر جاهز
يعني سكن واستثمار مع بعض (يقرأ:الجمع بين الحسنيين) |
طيب لو صحى كلامك دا واثتثمار عاوز تبيعوا ليه
قال سكن واستثمار ياخى قم لف كده
قال امبدة قال
| |
|
|
|
|
|
|
Re: للجادين: منزل في امبدة للبيع (Re: وضاحة)
|
وضاحة الوضاحة البايعين ديل والله عندهم ظروف قاهرة وهم اصحاب وحبايب عرضوهو علي ولو ما كنت "مزنوق" في بناء وتشطيب والله ما كنت اترددت ولا دقيقة
انا عارفك زولة "مقرشة"، فما تفوتي الفرصة دي
عليك الله "امبدتنا" دي اااخر مرة زرتيها متين
بركة الجمعة الجامعة والكلمة السامعة يعرسوك ويسكنوك "امبدتنا"
| |
|
|
|
|
|
|
Re: للجادين: منزل في امبدة للبيع (Re: ابوحراز)
|
تحياتي للجميع
ما هي المواد المستخدمة في بناء المنزل؟
كم عمر المنزل أي متى تم بناءه؟
هل هنالك سايفون و ملحقاته؟
هل هنالك نزاع من أي نوع في ملكية العقار ؟
هل هنالك عقود إيجار موثقة مع المستأجرين ؟
الإجابات على الأسئلة أعلاه ربما تفيد الجادين و أنا واحد منهم
مع شكري
الفاتح
| |
|
|
|
|
|
|
Re: للجادين: منزل في امبدة للبيع (Re: الفاتح التوم)
|
مرحبتين ابوحراز اول هام البيت المعروض هنا وكما ذكرت يخص اخرين وهم جادين جدا جدا
بخصوص بيوت صالحة، فعلا عرضتها وابن اختك ساعدني جدا وهو فعلا زول نشيط وخلوق وامين وانصح بالتعامل معه فيما يخص البيع والشراء المشكلة انو لم يجد السعر الراغب فيه وتأخر ثم توفرت لي سيولة ولله الحمد "قرض بنكي" اغنتني عن البيع، الى حين
عموما تشكر للتذكير و ح انصح الملاك بمراجعته، اظن اسمه ايمن
| |
|
|
|
|
|
|
Re: للجادين: منزل في امبدة للبيع (Re: الفاتح التوم)
|
الفاتح تشكر على الاسئلة المهمة تحياتي للجميع ولك التحية
ما هي المواد المستخدمة في بناء المنزل؟ طوب احمر وعرش بلدي
كم عمر المنزل أي متى تم بناءه؟ بعض الاقسام قديمة، والاخر حديث
هل هنالك سايفون و ملحقاته؟ لا
هل هنالك نزاع من أي نوع في ملكية العقار ؟ لا
هل هنالك عقود إيجار موثقة مع المستأجرين ؟ نعم
| |
|
|
|
|
|
|
Re: للجادين: منزل في امبدة للبيع (Re: الشفيع وراق عبد الرحمن)
|
Quote: الكتراااابة مليون ريال ؟؟؟؟ في امبدة هههههههه ثلاثة محلات قطع غيار وصيدلية في الرياض بالسعودية يا عمك ولا امبده دي ههههههههههه آل امبدة آل |
الناس التحت صحو تاني محمد طاهر ات يا زول بتحسب كيف؟ قلنا 700 الف جنيه 100 الف دولار من وين جبت المليون ريال دي ياخي
بالريال السعر فقط 375 الف
غايتو محلات قطع غيارك دي الا تكون في وادي لبن او حي المصانع
| |
|
|
|
|
|
|
|