|
|
|
 Re: وأنا مستغرب وأقول ياربى السبب شنو ؟!!! (Re: كمال سالم)
|
وهاك الدليل من الفيسبوك :
أحد الشباب وجدته كاتب كلام منطقى وجميل يبرر هذا الذى يحتملونه ,, لقد قال :
نحن دايرين نورى ناس الحكومه ديل إنوجيلنا ده صبور .. صبور .. صبور
يعنى مهما عملتوا فينا ما هنزهج منكم ... جيلنا ده كان بينتظر كابتن ماجد تلاته
حلقات شايت الكوره من بره خط 18 ... وحلقتين بسام جارى .
| |
 
|
|
|
|
|
|
|
|
Re: وأنا مستغرب وأقول ياربى السبب شنو ؟!!! (Re: Balla Musa)
|
Quote: خذلوهم الافندية والأسياد
في كل امة هناك جيل يبني للجيل الذي يليه
إلا عندنا |
والله يا حيدر انحنا بنينا ليهم وعملنا ليهم بدل الثوره ثورتين
ولحدى 89 القريبه دى شيدنا ليهم نظام ديمقراطى .
لكن يبدو ان الة هدم الكيزان كانت اقوى .
| |
|
|
|
|
|
|
|
|
|
Re: وأنا مستغرب وأقول ياربى السبب شنو ؟!!! (Re: عمر صديق)
|
| Quote: والله ياكمال من العنوان قايلك جبت لينا خبر الصور! |
يا دكتور بله خبر الصور ده ما تشتغل بيهو ,,, هو الناس الجابوه ما عارفين السبب
ياها تعليمات ونفذوها ,,, وبعدين زى وزيك حيعرفوا .
غايتو الاحتمال الراجح إنو الاسد النتر رجع فى كلامو وقرر يترشح تانى .
| |
|
|
|
|
|
|
|
|
|
Re: وأنا مستغرب وأقول ياربى السبب شنو ؟!!! (Re: كمال سالم)
|
Quote: يادكتور بلة
ياخ اخونا كمال دا لوبجيب ليك خبر الصور ماكان لحدي الان مع المناضلين |
عمر صديق إزيك يأخ
شايفك انت ود الباوقه اليومين دى براكم ماسكين الورديات كلها !
ان شاء الله الاوفر تايم كويس ؟
وعليك الله كمل جميلك بعد صورة الغسيل وخط بارليف دى جيب لينا صور
الرقيص وقصور كافورى عشان نعمل مقارنه بين عمر بن الحلاب وعمر الجبجاب .
| |
|
|
|
|
|
|
|
|
|
Re: وأنا مستغرب وأقول ياربى السبب شنو ؟!!! (Re: كمال سالم)
|
كلامك صاح
جيل التضحيات قام بثورتين
لكن الجيل ده (جيل الانقاذ) ماوجد إلا غوغائيين
أصحاب مصالح ضيقة
وبرضو عشمنا فيهم أنهم يكونوا نواة تغيير مهما طال الزمن
تغيير يكنس ومايخلي شيئ
تغيير يرج الافكار البالية والقواعد التقليدية للاحزاب الرجعية
املنا فيهم كبير شديد
| |
|
|
|
|
|
|
|
|
Re: وأنا مستغرب وأقول ياربى السبب شنو ؟!!! (Re: حيدر حسن ميرغني)
|
اها خلاص شفتو الموضوع صعب دايرين تتبرو منو وتجلطوها فينا ؟
ياحبيبنا نفس الجيل العمل الانتفاضة الاولى هو نفسه الفرط فيها
ونفس الجيل العمل الانتفاضة التانية هو نفسه الفرط فيها واداها الكيزان
فما تشبكونا جيل التضحيات وجوز الحمام كان تلاتة وبتاع :)
| |
|
|
|
|
|
|
|
|
|
Re: وأنا مستغرب وأقول ياربى السبب شنو ؟!!! (Re: خالد عبدالوهاب)
|
| Quote: تتذكر بالله ياحيدر لما قلت ليك والله انا حزين لهذا الجيل لأنو ما شاف اى شئ جميل فى هذا الوطن ؟ |
وانتو شفتو شنو ؟
المهدية؟
Quote: والله يا حيدر انحنا بنينا ليهم وعملنا ليهم بدل الثوره ثورتين
ولحدى 89 القريبه دى شيدنا ليهم نظام ديمقراطى .
لكن يبدو ان الة هدم الكيزان كانت اقوى . |
أها والكيزان ديل مش جيلكم انتو وإلا لا
تنسب الحاجات الجميلة (ليكم) والقبيحة تتبرأ منها
حشفاً وسوء كيلة
| Quote: املنا فيهم كبير شديد |
حلاتك إنت
نحن حا ننتظركم (تتخارجو) بعد داك نتصرف
| |
|
|
|
|
|
|
|
|
|
Re: وأنا مستغرب وأقول ياربى السبب شنو ؟!!! (Re: خالد عبدالوهاب)
|
Quote: ياحبيبنا نفس الجيل العمل الانتفاضة الاولى هو نفسه الفرط فيها
ونفس الجيل العمل الانتفاضة التانية هو نفسه الفرط فيها واداها الكيزان
فما تشبكونا جيل التضحيات وجوز الحمام كان تلاتة وبتاع :) |
يا خلودى ياولدى بعضمة لسانك ياك قلتها ( انتفاضتين ) عملناهم وفرطنا فيهم .
دحين ياولدى إنتو تقعدوا فراجه ؟!! مع انو المستقبل حقكم !
اى والله جوز الحمام كان فيهو تلاته والكفته الواحده فيها ربع كيلو لحمه وخمسه رزات .
اها الزمن داك انتو بتلقوا وين ؟
كفاكم اقفلوا التلفزيونات والموبايلات دى وقوموا الى صلاتكم يرحمكم الله .
| |
|
|
|
|
|
|
|
|
|
Re: وأنا مستغرب وأقول ياربى السبب شنو ؟!!! (Re: كمال سالم)
|
| Quote: نحن حا ننتظركم (تتخارجو) بعد داك نتصرف |
ما حتلحقوا يا ايمن ,, لانو ما حيكون فى وطن ذاتو !!
والله قدر الفضل فى الخريطه ده كان ما لحقتوه بعد سنه سنتين بتلاشى .
بعدين تودوا وشكم وين من اولادكم ؟
يمكن نحن لحدى الان عندنا باقى حياء قدرنا نقول ليكم بيهو الكلام ده .
الحياه حقتكم وانتم من يصنع التغيير فلا تنتظروا احد .
| |
|
|
|
|
|
|
|
|
|
Re: وأنا مستغرب وأقول ياربى السبب شنو ؟!!! (Re: كمال سالم)
|
أسوأ فترة في تاريخ السودان الأيام و منها جات حكومة الإنقاذ
أتذكر تماما نزلت السودان في سنة 88 و قتها كانت السيول و الأمطار
و ناس الأحزاب الفاشليين صفوف بنزين حتي الرغيف كان في غضب الله
و منها السودان تاني ما قامت ليهو قايمة هسة المصيبة الكبيرة بقت في كمية
المنافقين من جهة و الجهة التانية الناس العاملين فيها ضد النظام بسبب و بدون سبب
علي الطلاق السودان ده عمرو ما راح ينصلح حالو حتي لو طارت الإنقاذ أو اي جهة تانية
شعب كسول جدا و غير منتج بالإضافة الي التنظير الفي الفاضي
مشكلة السودان مشكلة شعب باكمله و ليست حكومات البلد من قمنا نحن مافيها
حاجة غير الفحي و السف حاجة تقرف
| |
|
|
|
|
|
|
|
|
|
Re: وأنا مستغرب وأقول ياربى السبب شنو ؟!!! (Re: خالد عبدالوهاب)
|
يا محمد يوسف طه قاليك لمن نميرى عمل انقلاب مايو كان جاى من خور عمر
اها لمن جاء انقلاب عمر البشير الناس قالوا جاكم سيد الخور ذاتو .
فدحين يا اخوى نقول ليك دايرين حلقه من كابتن ماجد تقوم تجيب لينا كابتن ماجد
بشحموا وعضموا !! يعنى الناس ديل تانى يصبروا زى الف سنه !!
شكرا ليك يا ابوحميد .
| |
|
|
|
|
|
|
|
|
|
Re: وأنا مستغرب وأقول ياربى السبب شنو ؟!!! (Re: كمال سالم)
|
Quote: طيب خلاص اعتبرونا عملنا انتفاضتنا وفرطنا فيها
واسي نحن معاكم منتظرين الجيل الجديد :) |
يا خالد عبد الوهاب الجيل الجديد ده ياهو اولادكم انتو ,, اولادكم الجبتوهم واللسه ما جبتوهم .
لانو 80% من جيلكم ده ما قادر يعرس .
فعشان تقدروا تعرسوا وتجيبوا اولاد ويكون فى جيل بعدكم لازم تتوفر ليكم حياه كريمه زى
ما اتوفرت لينا نحن ,, لكن بالخنوع والذله والكبت الانتو عايشين فيهو الان عمركم ما حتشوفوا
الحياه الكريمه ,, وكونك تقول ( اعتبرونا عملنا انتفاضتنا وفرطنا فيها ) ده انا بعتبروا تخاذل لاننا
نحن جيل بالكتير كان عشنا تانى ما حنعيش معاكم اكثر من خمس سنوات وكلنا بننقرض .
والله بعدين تفتشوا لجنس الكلام ده ما تلقوا زول يقولوا ليكم .
عشان كده ياولدى اتحزموا واتلزموا وشوفوا حياتكم الكريمه وين . وتانى بكرر ليك الحياه حقتكم
انتو والمستقبل حقكم انتو والجمره مابتحرق الا الواطيها ,, تحياتى ,,
| |
|
|
|
|
|
|
|
|
|
Re: وأنا مستغرب وأقول ياربى السبب شنو ؟!!! (Re: أيمن الفاضل)
|
كمال سلامات وكيف حالك
الناس ديل ما كعبين والله صحى زى ما بيقول ود البشارى انا فى حالة نقاش مستمر مع بعض هؤلا ء الشباب هم كويسين وما خدين موقف على المستوى الفكرى ولكن بالنسبة للخطوة العملية عندهم تشويش فى البوصلة والسبب نحنا القدامن ديل ... ظلمناهم وما قدمنا ليهم نموزج عملى فى المقاومة لديه كارزما ويمكن ان يكون قدوة تحتذى ... كلنا استسلمنا من اول محطة ومرقنا بيجلدنا من الجحيم .
اقول ليك حاجة تقدر تقول لى وين جيفار ا السودان من جيلنا
تقدر تقول لى وين نكروما السودان من جيلنا
تقدر تقولى وين اسياسى السودان من جيلنا
دا طبعا اذا استبعدنا ياسر عرمان اللذى كان يمكن ان يكون كل ما ذكر اعلاه لولا بعض التشويه اللذى حدث فى تجربته وخاصة بعد وفاة د قرنق وده ديالوق ممكن نفتحه فى وكت تانى ونجر طرفه سوى لو داير
على العموم ي######## نلقى باللوم على الجميع نحن وهم وليس هم فقط
بعدين ياخ الناس ديل ما تعصر عليهم شديد نحن برضو بنحتاجهم ليقدام
مع تحياتى
| |
|
|
|
|
|
|
|
|
|
Re: وأنا مستغرب وأقول ياربى السبب شنو ؟!!! (Re: عادل عبدالعزيز عبد الرحيم)
|
Quote: حبيبنا يا كمال
ههههههههههههههههه وحاتك نسيت كيف ما عارف اخر البوست اقول ليك
سلام من الاعماق و برضو مبروك زواج البنيات الغريبة انا في الفترة ديك كنت في السودان
لكن ما عندي علم ... اخوك اصلو ما بيزعل و لا كيف
عموما لك العتبي حتي ترضي |
يا حبيب مافى زعل وانا عاذرك شايفك اليومين سمك فاير
وعامل ليك كركبه مع فيصل حضره بهناك وكمان وفاة الفنان
محمود عبد العزيز وحاجات تانيه حاميانى .
تحياتى والعقبه لبناتك واولادك ان شاء الله .
| |
|
|
|
|
|
|
|
|
|
Re: وأنا مستغرب وأقول ياربى السبب شنو ؟!!! (Re: كمال سالم)
|
Quote: لأستاذ كمال
لك التحية وتقبل إعتذاري عن هذه اللغة الخشنة
كلامك سليم 100%
أنا كلامي ده كان كلام زعل ساي
رد (أو محاولة رد) علي حتة إنو جيلنا أقل شأن من جيلكم |
ولا يهمك يا ايمن كلنا كنا كده فى البدايه دايسين الابنص بزياده
والله انا ابدا ماقصدت اقلل من شان جيلكم , كل القصدتو انى اصحصحكم
فالعمر ماشى وانتو لسه فى عنفوان الشباب , يعنى لو ما عملتوا حاجه الان
بكره بتبقى صعبه .
انحنا ديل اقنعوا مننا , معارضه ضعيفه , وقيادات باليه وحتى لو وقفوا معاكم صدقنى
غير ما يضروكم ما حيصلحوكم . عليك الله مع تكنولوجيتكم دى انتو راجين ناس الصادق
والميرغنى والترابى و( نقد ) الله يرحمه يجوا يحكموكم تانى ؟؟
اتلحلحوا ياخ وطلعوا منكم قيادات شابه تفهمكم وتفهموها وانقذوا الفضل من السودان ,
| |
|
|
|
|
|
|
|
|
|
Re: وأنا مستغرب وأقول ياربى السبب شنو ؟!!! (Re: كمال سالم)
|
هههههههههههههههه والله دا ظريف بتاع كابتن ماجد دا
عارف يا اخونا كمال مرة بنتونس مع واحد من شباب حلتنا مواليد 1990 بقرا في جامعة الامام الهادي الفرع بتاع امدرمان
اها قمت قلتليهو يا فلان انت الامام الهادي دا منو؟
قالي والله ما بعرفو
وجادي جدا جدا كان في اجابتو
نحنا في رمضان بنقيل في الجامع اجيال مختلفة اها وكانت ونسه مع جيل مواليد الانقاذ في نفس عمر اخونا الفات دا
بقينا نسالهم عن نيفاشا...ابوجا...والله ما عارفين اي شي طلعوا...قاعدين في السهلة ساي
شفت دي مشكلة الجيل دا....انو ثقافتو كلها الريال والبرشا....حتى في الجامعة البتابعو اركان النقاش والنشاط السياسي تلقاهم اقلية شديد
فانا ما كوز ولا شي بس عايز اقوليك شوف على عثمان سنة 70 كان عمرو قدر عمر الشباب ديل وكان رئيس اتحاد بناطح حكومة نميري الشرسة
وما على عثمان براهو كتير من كوادر الاحزاب الاخرى برضو
يعني الناس لو ما بقت في مستوى فهم الجيل القديم ما اظن يحصل اي تغيير
| |
|
|
|
|
|
|
|
|
|
Re: وأنا مستغرب وأقول ياربى السبب شنو ؟!!! (Re: احمد سيد احمد)
|
Quote: فانا ما كوز ولا شي بس عايز اقوليك شوف على عثمان سنة 70 كان عمرو قدر عمر الشباب ديل وكان رئيس اتحاد بناطح حكومة نميري الشرسة
وما على عثمان براهو كتير من كوادر الاحزاب الاخرى برضو
يعني الناس لو ما بقت في مستوى فهم الجيل القديم ما اظن يحصل اي تغيير |
احمد سيد احمد حبابك
إنت والله بي كلامك ده جبت هوا لي الجيل القديم
علي عثمان ؟
لا حولاااا
أها تجربتو بتاعت الاتحاد دي إستفاد منها شنو ؟
زول جاء بعض داك عمل إنقلاب علي الديموقراطية
ده زول عندو فهم ؟
الشباب الصغار أصلاً في كل العالم عندهم فهم براهو وعندهم إهتمامات مختلفة لي إهتمامات العجايز
دي ما مشكلة
نجي لي مناطحة الحكومة
طوال تاريخ الإنقاذ ديماً كان في شباب طلبة بناضلو
والمعتقلات تشهد
والجامعات تشهد
الشهداء ديل مش كلهم كانوا شباب وآخرهم شهداء جامعة الجزيرة
| |
|
|
|
|
|
|
|
|
|
Re: وأنا مستغرب وأقول ياربى السبب شنو ؟!!! (Re: أيمن الفاضل)
|
Facebook
Quote: Abdo Dabanga
اولا التحية ليك يا كمال سالم
اتعلمنا منكم الهروب من البلد
اتعلمتو احسن تعليم ووجدتو الوظائف خارج البلد ممكن على الصعيد الاسري ناجحين ووفرتو حياة كريمة ليهم لكن ماذا عن الصعيد العام ؟؟ هناك من كافح وما ناضل وما زال بس النسبة كم وما مدى تاثيرهم علنيا او على الشعب , نسيتو تورثونا اشياء تعلمتوها ل اجيال سابقة المهم ياهو لقينا طريقة واتخارجنا والكل عايز يتخارج ما عارف يمشي وين المهم يطلع من بلد اسمها السودان ..... |
| |
|
|
|
|
|
|
|
|
|
Re: وأنا مستغرب وأقول ياربى السبب شنو ؟!!! (Re: عادل عبدالعزيز عبد الرحيم)
|
تحية طيبة
الاستاذ : كمال سالم / اسعد الله ايامك
توفرت الظروف الموضوعية الداعمة للتغيير
فالوطن تقلص وما تبقى يحتضر
الاقتصاد صفر او دونه
وده كلو بتلحق ...
الكارثة ما حدث للمجتمع القيّم ذهبت مع الاخلاق
ونظل في حالة ترقب لمعجزة في زمن الانبياء الجدد
وما زلنا ننتظر شيباً وشبابا رجالاً ونساء
او
امكن راجين اليوم الاسود ...؟
| |
|
|
|
|
|
|
|
|
|
Re: وأنا مستغرب وأقول ياربى السبب شنو ؟!!! (Re: هجو الأقرع)
|
Quote: كمال سلامات وكيف حالك
الناس ديل ما كعبين والله صحى زى ما بيقول ود البشارى انا فى حالة نقاش مستمر مع بعض هؤلا ء الشباب هم كويسين وما خدين موقف على المستوى الفكرى ولكن بالنسبة للخطوة العملية عندهم تشويش فى البوصلة والسبب نحنا القدامن ديل ... ظلمناهم وما قدمنا ليهم نموزج عملى فى المقاومة لديه كارزما ويمكن ان يكون قدوة تحتذى ... كلنا استسلمنا من اول محطة ومرقنا بيجلدنا من الجحيم .
اقول ليك حاجة تقدر تقول لى وين جيفار ا السودان من جيلنا
تقدر تقول لى وين نكروما السودان من جيلنا
تقدر تقولى وين اسياسى السودان من جيلنا
دا طبعا اذا استبعدنا ياسر عرمان اللذى كان يمكن ان يكون كل ما ذكر اعلاه لولا بعض التشويه اللذى حدث فى تجربته وخاصة بعد وفاة د قرنق وده ديالوق ممكن نفتحه فى وكت تانى ونجر طرفه سوى لو داير
على العموم ي######## نلقى باللوم على الجميع نحن وهم وليس هم فقط
بعدين ياخ الناس ديل ما تعصر عليهم شديد نحن برضو بنحتاجهم ليقدام
مع تحياتى |
العزيز عادل عبد العزيز عبد الرحيم محمد ,,, شفت المعزه دى كيف ؟ للجد الرابع ,,
تحياتى يازول ياجميل ,,, تعرف اول امبارح وانا فى كامل نشاطى قررت ان ارد على كل الناس ..
اها وانا شغال ردود جاتنى ليك رساله تفيد بان الرد تعذر لانو الكوته كملت ! حقيقه انا بقرا فى بعض
الاحيان من بعض الناس ان عندهم عدد محدد من الردود فى اليوم الواحد , وكنت متخيل انها دى عقوبه
من بكرى لارتكابهم لبعض المخالفات , لكن لما حصلت لى فى رقبتى دى استغربت وقلت ياربى انا عاقبونى مالى ؟؟!!
اها وحاتك قمت طوالى ومشيت نمت وجيت راجع الليله بس قصة الكوتات دى ما فاهمها لحدى هسه , فبالله نورونا .
طبعا اولادنا ديل انحنا ما فقدنا فيهم الامل لسه , وفيهم والله الخير الكتير , بس كيف يعرفوا الدرب ؟
وجيفارا ده عاوزنوا يطلع منهم ,,, لانو العصر عايز جيفارا مودرن زى كابتن ماجد حقهم ده .
بينى وبينك انا بحرض فيهم عشان يتحرروا من القيادات والاحزاب الباليه دى لانها والله بقت مجرد تاريخ مخجل , والله انا بتمنى
لو بداو فى تاسيس احزاب جديده تناسب طريقة تفكيرهم وطموحهم وتتماشى مع عصرهم ,, ياخ معقوله الليله يجى شاب
عمرو كم وعشرين سنه ويقول ليك انا حزب امه او اتحادى ؟؟!!
تحياتى ياعادل وليك جزيل الشكر ,,
| |
|
|
|
|
|
|
|
|
|
Re: وأنا مستغرب وأقول ياربى السبب شنو ؟!!! (Re: كمال سالم)
|
| Quote: وجيفارا ده عاوزنوا يطلع منهم ,,, لانو العصر عايز جيفارا مودرن زى كابتن ماجد حقهم ده . |
اولا شكرا على الرد يا كيمو
جيفارا مودرن ده الا يكون الفيس بوك وهو مؤهل ان يكون جيفارا المستقبل لانه يحمل افكار الجميع وفى نفس الوقت لديه مقدرة على فعل الافاعيل بالدكتاتوريات
| |
|
|
|
|
|
|
|
|
|
Re: وأنا مستغرب وأقول ياربى السبب شنو ؟!!! (Re: كمال سالم)
|
Quote: عارف يا اخونا كمال مرة بنتونس مع واحد من شباب حلتنا مواليد 1990 بقرا في جامعة الامام الهادي الفرع بتاع امدرمان
اها قمت قلتليهو يا فلان انت الامام الهادي دا منو؟
قالي والله ما بعرفو
وجادي جدا جدا كان في اجابتو |
احمد سيد احمد ,, اول حاجه مرحب بيك فى المنبر وتانى مرحب بيك فى البوست .
ياخ والله حاجه مؤسفه انو الجماعه ديل فى حتة المعلومات العامه دى ضعيفين ضعف شديد
وده كلو لعدم القرايه ,,, ياخ انا لاحظت المساله دى فى اولادى , تعرف الجيل ده بقرا المقررات
الدراسيه فقط ,, وتانى ماعندو اى استعداد يقرا اى حاجه !
انا بجيب لى تلاته اربعه جرائد فى البيت والله واحد فيهم بقرب منها مافى ! لعنة الله على الفيس
بوك ,,, اليوم كلوا الناس ماعندها شغله غيروا .
ناس الانقاذ والله مابخجلوا ,,, تصدق جامعة الامام المهدى فرع ام درمان دى عباره عن منزل فى
شارع الدومه !!
ياحليل زمن الجامعات .
تحياتى ,,,
| |
|
|
|
|
|
|
|
|
|
Re: وأنا مستغرب وأقول ياربى السبب شنو ؟!!! (Re: كمال سالم)
|
Quote: الكارثة ما حدث للمجتمع القيّم ذهبت مع الاخلاق
ونظل في حالة ترقب لمعجزة في زمن الانبياء الجدد
وما زلنا ننتظر شيباً وشبابا رجالاً ونساء |
اخونا الجنيد حمد ,,, تحياتى ومرحب بيك فى المنبر وفى البوست ,,
تعرف يا الجنيد انت جبت النجيضه ,, فعلا الكارثه فى الاخلاق والقيم
التى بدات تندثر ,,, ياخ زى ماقلت الاقتصاد المنهار ده بصلح . والتعليم
الفقدناهوا ده برجع ,,, لكن القيم والاخلاق دى نجيبها من وين ؟؟!!!!!
نسال الله اللطف بالسودان وانسانه .
تحياتى ..
| |
|
|
|
|
|
|
|
|
|
Re: وأنا مستغرب وأقول ياربى السبب شنو ؟!!! (Re: كمال سالم)
|
Quote: كمال سالم يا حبيب مررت للسلام فقط
النظرة على المساكين رحمة تحياتى
مبرووووووووووك على البنيه |
صديقى العزيز هجو ,, تحياتى يازول يا كلس
الله يبارك فيك يا هجو والعاقبه ان شاء الله لمحمد واخوانه ,,
ياخ مالك حاربت البندر ؟ امبارح كنت متوقع الاقيك فى حفل وداع الاخوين
عبد الرحمن ويوسف بشير ,,, لعل المانع خير .
تحياتى ,,,
| |
|
|
|
|
|
|
|
|
|
Re: وأنا مستغرب وأقول ياربى السبب شنو ؟!!! (Re: دينا خالد)
|
Quote:
يا كمال سالم
تحيه وألف مبروك لبنات أختي
لو ما عرفتني ارجع البروفاي |
واشرقت الانوار ... محمد حسن ادم بيننا ؟؟!!
ازيك يا ابو النسب ... وكيف الاسره الكريمه
طوله شديده ياخ !
طبعا اول مره اعرف انك عضو فى المنبر
شكرا ليك وتحياتى للوليدات وامهم .
| |
|
|
|
|
|
|
|
|
|
Re: وأنا مستغرب وأقول ياربى السبب شنو ؟!!! (Re: كمال سالم)
|
Quote: يا كمال سلام
الناس ديل عاملين زي السوس
بس سوس متخصص نخر في عافية الروح
ثبطوا الهمم
وخلوا الخلِق في بت أم روحا |
فعلا يابله والله نخروا جنس نخر ! ياخ والله الشعب السودانى كلو فى غيبوبه !
والمشكله الناس ما شاعرا بالغيبوبه ,, المهم عندهم اليوم يعدى عشان يشوفوا البعدو .
تقدر تقول عليهم ماتو سريريا .
غايتو ربك كريم .
| |
|
|
|
|
|
|
|
|
|
Re: وأنا مستغرب وأقول ياربى السبب شنو ؟!!! (Re: محمد حسن محمد ادم)
|
شيخه خالد دينيا ! اقصد
دينا خالد شخصيا ..ازيك يابت يانخله ..
بينى وبينك يادينا والله الاتراك اخير لينا من الكلاب الضاله او كما قال الكاركتير فى اعلى الصفحه .
هسه عليك الله اتخيلى وزير دفاعنا يكون مهند ووزيرة الثقافه نور ,,, اتخيلى بس !
بلا ابورياله بلا ساميه احمد محمد ..
ياخ هو انتو لاقين ؟
| |
|
|
|
|
|
|
|
|
|
Re: وأنا مستغرب وأقول ياربى السبب شنو ؟!!! (Re: كمال سالم)
|
Quote:
تحية الي كيمو الجميل..
واضح ان صبرنا قد القي بظلاله علي الشباب ليذدادوا (اصطبارا) وما دروا اننا لولا مستقبلهم لنصبنا سرادق العزاء لوطن يحتضر ان لم يكن قد مات سريريا..
لك احترامي وسلامي.. |
lpl]
محمد الكامل عبد الحليم يا من تهفو اليه النفس ,, ازيك ياخ .
لقد صبرنا يا محمد بعد ان عايشنا الحلو والمر .
ولكنى حزين لصبر هؤلاء الشباب فهم يلوكون فى المر
منذ ولادتهم ,,, بل اظنهم قد رضعوه ايضا .
سرادق العزاء نصبت يا صديقى ولكن لاعزاء !
تحياتى ,,,
| |
|
|
|
|
|
|
| |
كمال سالم
حيدر حسن ميرغني
Balla Musa
عمر صديق
أيمن الفاضل
امير طمبل
محمد يوسف طه
عادل عبدالعزيز عبد الرحيم
الجنيد حمد
هجو الأقرع
محمد حسن محمد ادم
بله محمد الفاضل
دينا خالد
محمد الكامل عبد الحليم
فيس بوك
تويتر
انستقرام
يوتيوب
بنتيريست