من ناحية التزامات أخلاقية - او انسانية - فى التعامل معه اذا أخطا عضو البورد واعتذر عن الخطأ - والكثيرين قبلو اعتذارو كتابة هنا ماذا يترتب عل الجميع فى هذه الحاله - هل الاعتذار وقبول الاعتذار .. تعنى المسامحه والغفران على الدوام وهل تعنى فتح صفحة جديده واعتبارها لم تكن وزله لسان تم تجاوزها ام ان الامر مربوط بالرضا الشخصى من العضو ومن اتجاهاتو الفكرية والاجتماعية والدينية ووووو وهل مطارده العضو الذى اعتذر وتم قبول اعتذارو - من الكثيرين يعتبر تعديا على هذا العضو جميعنا .. أو اكثرنا نخطئ .. وتختلف الأخطاء بين الصغيرة والكبيرة .. فهل مكتوب علينا ان نعيش مع هذا الخطا فى سودانيز طول العمر حتى وان اعتذرنا عنه ...
أو .. عنوان آخر .. ماذا يعني الإعتذار فى سودانيز أون لاين
Quote: سلامات الاعتذار خشم بيوت مذلا زول هبش عرض زول والف قصة من مخو لو لحس المكوة يجب عدم قبول اعتذاره ويجب طرده من المنبر واذا بقى سيد البيت ما فارقة معاه اعراض الناس وخلاهو يجب مطاردته من الشرفاء وحصاره حتى يتعظ الغير ويسلم الناس من اذاه واجرامه والاكاذيب المتعمدة في الذمة او الشخصية لا يجب غفرانها ابد ويجب تذكر الناس بيها كل مرة لانه يوما ما زول حيبخرب ليه بيت زول او زولة من الاكاذيب البترصا خبط عشواء دي يقبل الاعتذار في حالات سوء الفهم
وعليكم السلام يادكتورة اكيد الأخطاء الزى دى - تحتاج حسم .. ودى حاجات مرتبطه بالحقوق والقوانين وتطبيقها سواء داخل المنبر او خارجو ومع صعوبة التقاضى فى الخارج .. فالمتوقع من مدير المنبر انو يطبق القوانين لتحقيق قدر كبير من العدل بين الناس ..
لكن فى اخطاء اخرى .. لاترقى للمستوى ده وبرضو ما بتعتبر سوء تفاهم .. زى واحد يغلط بى كلمة تمس قبيله .. او جماعه . او منظمة .. او سكان منطقة معينة ... ويعتذر عنها .. وما يرجع ليها تانى هل اعتذارو مفروض يكون كافي .. ولا المفروض يعمل شنو ..
01-28-2013, 11:51 AM
الامين موسى البشاري الامين موسى البشاري
تاريخ التسجيل: 08-09-2009
مجموع المشاركات: 15391
سلامي وتحياتي،،، شايفك طنشتني في بوست المقبلين على البناء فشنو خلاص حندفع ياخ بس تعال ادينا النجيضة باللاي والله صحي
أما ما يخص هذا الخيط يا وضاح غايتو للضمان كدا اعتذارات سودانيز أونلاين هي اعتذارات لا تجبر الضرر(الكسر) ولا تطيب الخواطر
وخليني أبدأ معاك من هنا.. متى يجب الاعتذار؟ لما الخطأ يكون عفوي وما مقصود أو نتيجة لسوء تقدير؟ ولا لما الخطأ يكون مقصود ومع سبق الاصرار والترصد؟
اها في الحالة الأولــى دي الاعتذار بكون مقبول ويجبر الضرر ويطيب الخاطر وبالتالي لا يجد المُـعتذر له في نفسه حرجاً من قبول الاعتذار وبطيب خاطر كمان
لكن كمان لما الزول يكون شايفك ويجي يدقشك ويقول ليك ســـوري ما قاصد ياخ والجماعة يجوا ويشبكوا ليك: كبييييييييييييير والله والاعتذار شجاعة لالالالالا والله الاعتذار من شيم الكبار .. ..
الخ وتكون أنت المتضرر بتغلي من الزعل غايتو بتأكلها في حنانك وتقبل اعتذاره على مضض وفي النفس شئ من حتى ولعل ولكن وليت وأخواتهن شفته كيف؟ والنحكي ليك دي: مرة في ســـوداني واقف قدام السوبر ماركت اشترى حاجاته وطلع ركب عربيتو وعشًــق وتووووووش خش ليك في الترله الواقفه قدام عربيتو وكسر ليهو الاسطب الخلفي أها ناس المرور حضروا لمعاينة الحادث بعد اصرار سائق الترله البنغالي قام العسكري السعودي سأل السوداني: ايش فيك يا زول؟ السوداني: (وبعفوية شديدة) والله ما شفتها (يقصد الترله) العسكري ساب موضوع الحادث وحلف يسحب ليك الرخصة من السوداني وهو يردد: يا زول ترله بهذا الحجم وما شفتها أجل السيارات الصغيرة تعمل معاها شنو؟
وبرضو شفته كيف؟!
01-28-2013, 01:29 PM
وضاح عبدالرحمن جابر وضاح عبدالرحمن جابر
تاريخ التسجيل: 10-11-2012
مجموع المشاركات: 1986
Quote: والنحكي ليك دي: مرة في ســـوداني واقف قدام السوبر ماركت اشترى حاجاته وطلع ركب عربيتو وعشًــق وتووووووش خش ليك في الترله الواقفه قدام عربيتو وكسر ليهو الاسطب الخلفي أها ناس المرور حضروا لمعاينة الحادث بعد اصرار سائق الترله البنغالي قام العسكري السعودي سأل السوداني: ايش فيك يا زول؟ السوداني: (وبعفوية شديدة) والله ما شفتها (يقصد الترله) العسكري ساب موضوع الحادث وحلف يسحب ليك الرخصة من السوداني وهو يردد: يا زول ترله بهذا الحجم وما شفتها أجل السيارات الصغيرة تعمل معاها شنو؟
وبرضو شفته كيف؟!
هههههههههههههههههههههههههههههههههه بديت ليك من الآخر الضحكة دى ما بتتأجل
Quote: وضاح ازيك ..
سلامي وتحياتي،،، شايفك طنشتني في بوست المقبلين على البناء فشنو خلاص حندفع ياخ بس تعال ادينا النجيضة باللاي والله صحي
والله شايف الموضوع وكلو مره اقول ادخل فى وقت اوسع .. وعييييييييك لكن هسع بمشى عليهو
Quote: أما ما يخص هذا الخيط يا وضاح غايتو للضمان كدا اعتذارات سودانيز أونلاين هي اعتذارات لا تجبر الضرر(الكسر) ولا تطيب الخواطر
وخليني أبدأ معاك من هنا.. متى يجب الاعتذار؟ لما الخطأ يكون عفوي وما مقصود أو نتيجة لسوء تقدير؟ ولا لما الخطأ يكون مقصود ومع سبق الاصرار والترصد؟
اها في الحالة الأولــى دي الاعتذار بكون مقبول ويجبر الضرر ويطيب الخاطر وبالتالي لا يجد المُـعتذر له في نفسه حرجاً من قبول الاعتذار وبطيب خاطر كمان
لكن كمان لما الزول يكون شايفك ويجي يدقشك ويقول ليك ســـوري ما قاصد ياخ والجماعة يجوا ويشبكوا ليك: كبييييييييييييير والله والاعتذار شجاعة لالالالالا والله الاعتذار من شيم الكبار .. ..
الخ وتكون أنت المتضرر بتغلي من الزعل غايتو بتأكلها في حنانك وتقبل اعتذاره على مضض وفي النفس شئ من حتى ولعل ولكن وليت وأخواتهن شفته كيف؟
الزعل ما بروح بسهولة ... وزى ما قلت الناس دايما بتركز على حته انو اعتذر وما بخففو على المتضرر لكن انا شايف معظم الناس ما بتتجاوز الحته دى .. وبرجع الكلام ولو بعد حين وبجيب زعل اكبر زى الوضوع المدور هسع ده .. الراجل زمان اعتذر .. اها تمت مطاردتو .. جابها اكبر من الأولى .. (..)
لكن الواضح .. انو اعتذارك ما بفيدك مهما كان وتعيش مع الحاجه الكتبتها دى .. طول عمرك فى سودانيز
01-28-2013, 01:38 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
على حسب يا وضاح سلام أولا على حسب المعتذِر و المعتذَر إليه و المعتذَر عنه ثم على حسب الإعتذار في رقبته وهل كان مطلوبا أولا أم لا و هل دافعه الندم على الخطأ أم مشّي حالك و سكّت الوهم وهل غرضه تطييب خاطر المعتذَر له أم تجميل صورة و تسجيل كردتس عند آخرين
فا من الصعب الخروج بصيغة واحدة ستاندرد للتعامل مع الإعتذارات المختلفة الدوافع و الغرض و الأسباب لكن حاجة واحدة مشتركة في اعتذارات سودانيزاونلاين جميعها و يجب الناس تتوقف عنها هي حكاية قبول الإعتذار عن صاحبه - المعتذَر له أعني ياخي انا جا معاوية الكذّاب كتب كل سنة وود البشرى بخير بس قبل ما يقول حاجة تانية كان الشباب قبلوا اعتذارو وهنأوه عليه وشكروه و شبكوه يا كبير و يا طويل و يا عريض .. إلخ
01-28-2013, 02:13 PM
وضاح عبدالرحمن جابر وضاح عبدالرحمن جابر
تاريخ التسجيل: 10-11-2012
مجموع المشاركات: 1986
سلام محمد بكل تاكيد - الأخطاء المتعلقة - بالامور الشخصية - زى الحصلت معاك ومع ناس تانين (زى الكذب والبهتان ووووووووو) دى بره موضوع الاعتذارات المقصود هنا مع انى ما فصلتها لكن ما قصدت النوع ده من الاخطاء .. كنت بتكلم عن الاخطاء فى الامور العامة - والمخاشنات التى لاتتجاوز زلات لسان ... بعيدا عن الامور الخاصة اى اتهامات شخصية مفروض تكون عقوباتها كبيرة .. ثم بعدها الاعتذار .. اذا اراد المتضرر قبولو او لأ هو حر فيهو .. ومفروض الناس تكون عندها وقفه فيهو مع المسير لامور المنتدى .. يرفعو ليهو عديل مذكرة لتوضيح العقوبة فى الاتهامات الشخصية والتعدى على خصوصيات الناس سواء بالكذب او حتى لو كانت صحيحه
01-28-2013, 02:24 PM
Elawad Eltayeb Elawad Eltayeb
تاريخ التسجيل: 09-01-2004
مجموع المشاركات: 5319
القاعدة عندي هي حب لأخيك كما تحب لنفسك. والزول حقو يكون حريص ما يغلط في حق الناس، وإذا غلط مفروض يبادر بالإعتذار والعمل الصالح عسى ربه ان يبدل سيئاته حسنات. فالإعتذار يتطلب شجاعة وصدق مع النفس وضمير حي وخوف من الله.
أما قبول الإعتذار فهو مكرمة، لكن في الواقع ليس هناك قانون يجبر شخص ما على قبول الإعتذار، فيجب على الإنسان أن يتجنب الوقوع فيما يوجب الإعتذار حتى لا يترك نفسه رهينة لغيره.
وعلينا أن نشيع بيننا المحبة والإخاء ومكارم الأخلاق وننهي الخصومات (فليقل خيرا أو يصمت) وسنكون أول من يجني خيرات سيادة مجتمع الفضيلة والمثل العليا والأخلاق الكريمة. ونساعد في محاربة موانع الإعتذار وهي الجهل والكبر والخوف من النقد، وذلك بنشر العلم والمعرفة والحقائق وشيم التواضع والتوجه في كتاباتنا نحو الأفكار وليس الأشخاص.
وعلينا بالمثل أن نقف أمام الظلم البين والإستفذاذ المقصود ألف أحمر. خاصة فيمن يتضح لنا جلياً أنه يلعب بالناس على حبل تسامحهم وتواضعهم ليخلق من نفسه نجماً اسفيرياً وهمياً سرعان ما ينطفئ مع بزوغ فجر الحقيقة وينزوي ليعود بوجه آخر كالح.
ويلوح في خاطري بيت الإمام الشافعي تعمدني بنصحك في إنفرادي وجنبني النصيحة في الجماعة فإن النصح بين الناس نوع من التوبيخ لا أرضى استماعه
فمعرفة كيفية تفكير الناس تساعدنا في التواصل معهم وتحقيق الرسالة التي نصبو إليها بأقل الأضرار خاصة إذا تجردنا من الغرض الشخصي والحزبي.
وأرجو أن الناس عموما تتجاهل البوستات الشخصية المفتوحة باسماء الناس وتتوجه لمناقشة الأفكار.
01-29-2013, 06:39 AM
وضاح عبدالرحمن جابر وضاح عبدالرحمن جابر
تاريخ التسجيل: 10-11-2012
مجموع المشاركات: 1986
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
وضاح عبدالرحمن جابر
الامين موسى البشاري
محمد البشرى الخضر
Elawad Eltayeb
فيس بوك
تويتر
انستقرام
يوتيوب
بنتيريست