|
Re: الوداد ما بدورلو قوة .. والبفوز بي هواك بختو !!! (Re: omer osman)
|
بعد ما خلخلت قلبي وفيني ما خليت مروة كيف تقول الريدة خوة خوة ايه بتسهر ليالي الا دي الخوة الجديدة يعني ايه الناس معاك والايام مادالك ايدا ونحن لا رجا لاعواطف تاني لا احلام سعيدة كيف تقول الريدة خوة بعد ما طبعي الخربتو والكلام القلنا سوا بي دموع الشوق دفقتو آأأأأأأأأأأأأأه الزمن شوفو الزمن شن فينا سوا انت ما زولي العرفتو الوداد ما بدور لو قوة والبفوز بي هواك بختو وكيف تقول الريدة قوة
| |
|
|
|
|
|
|
Re: الوداد ما بدورلو قوة .. والبفوز بي هواك بختو !!! (Re: omer osman)
|
يا سلام على الكلام الجميل يا جنابو ياخ عارف والله زمان الدنيا كانت بخير والغناء زاتو ليهو معنى والناس كانت نقية وعندها زوق هسة لو داير تستمتع بالجد اسمع اذاعة البيت السوداني بالليل عندهم كل الاغاني القديمة .. ان الو ما شغلتها ما بنوم
شوف الكلام دا
Quote: بعد ما خلخلت قلبي وفيني ما خليت مروة كيف تقول الريدة خوة |
بالمقابل هسة القوانات يقولوا ليك
الريدة صادقة من جوة دايرا تبقى خوة
| |
|
|
|
|
|
|
Re: الوداد ما بدورلو قوة .. والبفوز بي هواك بختو !!! (Re: omer osman)
|
مداخلة من الصديق محمد عبدالقادر - الفيس بوك
Quote: محمد عبدالقادر ضرار · مندوب مبيعات وتسويق في مؤسسه حاتم للمصـــــــاعــــد ياخ الله يجعل حياتك كلللها بهجه وسعاده يا جنابو ... حبيناك من بسمتك ومن حرفك يشهد الله ومعاك ود الصائم محمد .... والله يكفينا انك صفـــــــــــــوه وسيد بلد كمان ... وينصر دينك ودييييييين الجابك ذااااتو الفرحتني بي الغريد ( قدوره ) الله يرحمو ... تسلم يا جنابو |
هههههههههه الف شكر يامحمد عبدالقادر يااااخ انت راجل ذوق .. لكن ودالصايم شنو البتختني معاهو ده هلالابي ساي هههههههههههه
| |
|
|
|
|
|
|
Re: الوداد ما بدورلو قوة .. والبفوز بي هواك بختو !!! (Re: omer osman)
|
مشاركة من الصديق Shams Khalifa من الفيس بوك
Quote: · والله يا جنابو حيرتنا معاك كل الجمال ده كان تحت الكاب غايتو انت ويحي قباني عالجتونا من الزهايمر الله يديكم العافية |
ههههههههه انت عارف ياشمس العسكرية اهم شيء فيها الموسيقي والايقاع كل شيء وكل حركة فيها بتتم بايقاع متناغم مع الجماعة .. اما عن يحي قباني فقدامنا مليون سنة ضوئية عشان نلحقو ليك وليه الف تحية وتقدير
| |
|
|
|
|
|
|
Re: الوداد ما بدورلو قوة .. والبفوز بي هواك بختو !!! (Re: omer osman)
|
Quote: اما عن يحي قباني فقدامنا مليون سنة ضوئية عشان نلحقو ليك وليه الف تحية وتقدير |
سعادتك العين ما بتعلي عن ( الكاب ) ...
و شكرا ليك و لشمس الدين الخليفة ...
مرات اقول قدورة ده الموت فيهو خسارة ...
ومرات اقول زول بديع زي ده ما بعيش كتير ...
لو كانو المبدعين بعيشو كان مصطفي و العميري و زمان الخليل يكونوا عايشين ....
لكنها الدنيا ...
الله يرحمك يا قدورة ...
| |
|
|
|
|
|
|
|