|
Re: الحملة القومية لاستعادة البروف أمين.م. سليمان لملكوت البَلْ !! (Re: هيثم طه)
|
أمين وما أدراك ما أمين ..
تعرف يا هيثم .. وأشواقى نحوك يا صديق .. عاوز اكتب بوست حول الموضوع الغلط ده ..
لا أفهم جدوى المقاطعة .. لا أقول بأنها حالة هروب ولكن .. الاختباء لا يجدى الاختباء فى زمن القدره على المبادره والحركه والتأثير ومهما كانت درجته, موقفٌ فيه الكثير اللافاعلية ..
الحالة كما يلى .. أمين محمد سليمان الفاعل ضمن إطار محدد عاد خاملا ..
هذا هو الامر لا أكثر ولا أقل ..
الأخ العزيز حيدر حسن ميرغنى .. كيفك وكيف كيفك يا صديق ..
| |
|
|
|
|
|
|
Re: الحملة القومية لاستعادة البروف أمين.م. سليمان لملكوت البَلْ !! (Re: هيثم طه)
|
Quote: تيتّم بعدك من قساوة هذا المكان أناسٌ كُثر ! |
يا هيثم طه ياخ اخونا البروف أمين (قد) تلحظ له شيئ من الأهمية هنا أوهناك، لكن انت ما شايف نفسك كترت المحلبية بقصة اليتم دي :)
_____________ البروف زول دوغري وزول نضيف وقدامي وحقو الناس تناقش سبب هروبه من هنا، والله نحن ذاتنا قلوبنا ميتة عشان لسه بنسمح لنفسنا اننا نكتب في محل واحد مع امثال ناس معاوية العبيد وتراجي مصطفى، ناس من اجل انتصارهم لانفسهم الدنيئة والحقِيرة ممكن في اي لحظة يتهموك في نفسك وعرضك ... المكان هنا اصبح مخيفا جدا يا هيثم طه
| |
|
|
|
|
|
|
Re: الحملة القومية لاستعادة البروف أمين.م. سليمان لملكوت البَلْ !! (Re: ABUHUSSEIN)
|
Quote: Alhassan Al Shaykh · Doctor في ACMH Riyadh, Saudi Arabia تحية للأستاذ عبد الوهاب.. وبما إنك مهتم بتجويد اللغة.. فإليك تنبيه لطيف أرجو أن يكون مقبولا عندك; (قد) في العربية تفيد التحقيق- إذا دخلت على المضارع- وليس الاحتمال.. انظر قوله عز وجل: (قد يعلم الله الذين يتسللون منكم لواذا... ) سورة النور.. فهو سبحانه يعلم حقا لا احتمالا.. وبالتالي تكون (قد) أكدتَ(أنت) أن للبروف أمين (شيئ من الأهمية هنا أوهناك) :) وهذا مما يتفق مع أهداف (الحملة القومية لإعادة البروف أمين).. فتأمل. ثم أما قبل: لك محبةٌ ومتابعة. رد · أعجبني · متابعة المنشور · منذ 3 ساعات |
ولا يخلو بوست به إسم البروف و لو كان غائبا من البل تحياتي يا وهبه
| |
|
|
|
|
|
|
Re: الحملة القومية لاستعادة البروف أمين.م. سليمان لملكوت البَلْ !! (Re: محمد قرشي عباس)
|
ما كنت أحسب أن "طشاشي" اللغوي ، يمكنه أن يصير "شوف" ، ولكنها سودانيز !! Quote: وبما إنك مهتم بتجويد اللغة |
عزيزي د.الحسن الشيخ لك التحايا ومن المحبة اضعاف ، يازول تجويد شنو ههههه والله اللغة العربية دي عودي فيها عود مرا عديل، وانا واحد من الذين تلقوا دراستهم قبل الجامعية في اوائل الثمانينات .. زمن البوكسنق، كان اهتمامنا كبير بالمواد البتدخلك الجامعة فيزياء وكيمياء ورياضيات ... ومن ثم نستهدف 50 درجة في الدين ومثلها في العربي و30 درجة في الانجليزي والجامعة جاك بلا عشان كدا طلعنا كيت من اللغتين ... والانت شايفو اهتمام بالتجويد دا كلو لفحي من هنا وهناك المهم يا عزيزي انا شاكر اهتمامك وتعليقك ودون شك استفدت منو
________________ يا د. قرشي سلامات ياخ انت مش في السودان ؟ قاعد تشوف تعليقات الفيسبوك دي كيف ؟ انا شغال بـ Tor ما بتظهر لي كلو كلو ... عليك الله لو عندك ليها دبارة نورنا
| |
|
|
|
|
|
|
Re: الحملة القومية لاستعادة البروف أمين.م. سليمان لملكوت البَلْ !! (Re: حمزه بابكر الكوبي)
|
Quote: لك وله أطيب التحايا ... |
يا عزيزي الامير عثمان ولك مثلها واجملها اما نصيب البروف من تلك التحايا فهو لا يستحقها حتي يعود
---------- حيدر ميرغني كيفك يا رجل Quote: تعال نقطع فيهو -- او بالميت نقول أمـ ن جـ ي |
في الحقيقة من اهداف البوست ليس القطيعة فقط في البروف وانما اهداف سامية كإتاحة الفرصة لكل من له ثأر بلْ أوغبينة سابقة - الاهداف دي مرسومة بدقة لانو انا ما متوقع يرجع عموما الناس تأخد راحتها !! ولو رجع عشان ياخد حقو---- يكون دقس و رجع غصبا عنو !!
تحياتي
| |
|
|
|
|
|
|
Re: الحملة القومية لاستعادة البروف أمين.م. سليمان لملكوت البَلْ !! (Re: هيثم طه)
|
قلت ليّ يا هيثم قومية عديييييل ؟ قادر الله .. بعدين كونو سيد الشيء مسح كلامو مرتين ولّ تلاتة .. يقوم يعمل فيها خلاص الود مافي زيو .. أوع يكون أخد هزارنا جد وافتكر نفسو حمور زيادة ؟ أنا زعلان منو لإنو عشان نخرتو الشينة دي ( اســتوســخ ) قراؤه.. المرض ده مرضني ياخي. > > قبال أفوت .. التحية واجبة ليك وللمعاك طالع نازل.
| |
|
|
|
|
|
|
Re: الحملة القومية لاستعادة البروف أمين.م. سليمان لملكوت البَلْ !! (Re: محمد على طه الملك)
|
ما عندنكم موضوع بس (بكسر الباء)
ناقصين غثاء انحنا!؟
-----------
بعدين (قومية) بوين يا هيثم ساي؟ بل قل (الحملة الجلابية البيضاء مكوية لاستعادة البروف) استعادة من وين بالضبط؟ الاحترام اللاقيو بهناك يكون من ولدهو ما لقى زيو ما بجي لارض البلابات الكستنائية دي تاني باخوي واخوك
زول بهرب من معركة، بخسرنا ساي ما فقدنا برجوازيتو المهزوزة .. قصيرة النفس
اكل ما اهديتك يد الروح سوسنة من دمي، تقشعر!؟ وانت الذي قلت لي لا تفر؟
او كما قال
لا لعودة الامنجي امين محمد سليمان
قضت السيرورة ان (ا م س ) اصبح من الماضي .. والتاريخ يسير نحو الغد بطل نستالوجيا يا هيثم .. واقعد (ساي)
| |
|
|
|
|
|
|
Re: الحملة القومية لاستعادة البروف أمين.م. سليمان لملكوت البَلْ !! (Re: قيقراوي)
|
Quote: بالرغم من أن المقام مقام احتفاء بغياب البروف في عزلته المجيدة |
لم أخرج - والمداخله لم تخرج - عن المقام الاحتفائي قيد أنمله يا صديقى .. وإحتفائي بأمين عظيم .. ومسألة الهجوم على فكرة الاعتزال بصورة او باخرى أجمل منها .. ما هى الا تعبير عن هذا الاحتفاء .. وعلى أية حال .. أتمنى أن يعود لان له مقاما مشهودا فى هذا المشهد المتفاعل .. فى هذا المخاض العظيم
| |
|
|
|
|
|
|
Re: الحملة القومية لاستعادة البروف أمين.م. سليمان لملكوت البَلْ !! (Re: محمد حيدر المشرف)
|
سلامات الدكتور محمد سليمان وعساك طيب بل يسحب باسوودو عقابا لتخليه عن المسؤولية الاخلاقية التي بعث من أجلها في شعاب المنبر --- بكري كـ \\\"بكري\\\" برئ من عزلته !
-----------------
Quote: لكن انت ما شايف نفسك كترت المحلبية بقصة اليتم دي :) |
يا وهبة كسير التلج دا دردقة عشان يحن لكن لو رجع بنكسر صلعته غير المجيدة بالتلج ! قليل من الصبر لا يضر !
--------- ابوالحسين سلامات
Quote: و عشان خاطرنا ترجع يا حبيبنا |
\"جبر الخاطر\" كقيمة وفضيلة اخلاقية عالية لا يعرفها امثال البروف حتي يثبت العكس !! خايفك تجبر خاطرك براك !!
| |
|
|
|
|
|
|
Re: الحملة القومية لاستعادة البروف أمين.م. سليمان لملكوت البَلْ !! (Re: خالد عبدالوهاب)
|
"اكتب حاليا في سودانيات آمنا على نفسي و أهلي من اي أذى" اقتبس عن البروف
سلامات يا هيثم و كيف احوالك البروف ابعده القرف الذي اصابه هنا القرف ممن يلبسون الباطل ثياب الحق حين يتعلق الأمر بأشياعهم القرف ممن يجيدون مسك العصا من منتصفها القرف من اصحاب المكاييل المتعددة و المعايير المختلّة القرف من التعريف الهلامي الفضفاض لكلمات مثل شريف و مناضل و أخلاق اقول ليك شنو بس احنا زاتنا لو ما نفسنا حلوة ساكي و عصرناليمونة ما كنا صبرنا فقرفنا أشد و أنكى
| |
|
|
|
|
|
|
Re: الحملة القومية لاستعادة البروف أمين.م. سليمان لملكوت البَلْ !! (Re: هيثم طه)
|
كتب البروف في سودانيات رادا على هذا البوست Quote: "اكتب حاليا في سودانيات آمنا على نفسي و أهلي من اي أذى" |
يا أمين طبعاً من حقك تكتب في الحتة البتريحك ونحن برضو من حقنا كأصدقاء لك نقول راينا وننورك .. يا اخوي منبرنا دا بسجمو دا ما في زيو ... وخليني اشرح ليك الفرق بيننا والمنابر الاخرى وخلينا نتكلم بصراحة اكثر ... شوف السبب الرئيسي الخلاك تمشي من هنا هو المدعو معاوية الصايم العبيد اثر الاتهام الكاذب الذي اتهم به صديقنا ود البشرى .. وانتهت القصة باعترافه بالكذب والتلفيق فود البشرى لايزال هو ود البشرى صاغ سليم رجع ود البشرى تاني يكتب وحتى الكلْب المرر المعلومة المضللة لمعاوية - على حد زعمه وانا ما عارفو منو - وحتى الحقِير معاوية نفسو رجع يكتب المهم انا داير اخلص ليك لنقطة مهمة معاوية اياً كانت حالته، اذا كان رافعا إحدى خلفيتيه يتبول او واقفا في المحراب يصلي فهو شخص معروف للكثيرين زيمكن الوصول اليه ومقاضاته.. وسؤالي ليك يا امين : من وين انت أصبحت آمناً على نفسك واهلك في وسط عضوية اغلبها تكتب باسماء مستعارة مثل " النجم والمساء" و "سايق الفيات" و" همس المعاني" الخ الخ ؟ دور ادارة سودانيات وسلطتها على الاعضاء شنو ؟ نفترض واحد اسمو "النقر جا" فتح بوست وشتمك في نفسك واهلك ، ماذا انت فاعل ؟ ياخ أقصى عقوبة ممكن ينالها عضو هي الحرمان من الكتابة وحذف البوست .. ادارة سودانيات ما بتقدر تقدم ليك اكتر من كدا ومحل خاتي راسك خت كرعيك، لأنها ببساطة لا تملك اي ريكورد لاي عضو [شايف؟] فيا اخوي بطل حركاتك دي وسيبك من اوهامك وتعال راجع يرجع فيك نيسان 6 لستك يسوي ليك شنو كدا ا عارف
______________ بالجد لو اتأملت موقفك دا فيهو اهانة لينا نحن ذاتنا .. يعني نحن ما عندنا اعراض خايفين عليها ؟
| |
|
|
|
|
|
|
Re: الحملة القومية لاستعادة البروف أمين.م. سليمان لملكوت البَلْ !! (Re: عبدالوهاب علي الحاج)
|
عزيزي المشرف
Quote: لم أخرج - والمداخله لم تخرج - عن المقام الاحتفائي قيد أنمله يا صديقى .. وإحتفائي بأمين عظيم .. ومسألة الهجوم على فكرة الاعتزال بصورة او باخرى أجمل منها .. ما هى الا تعبير عن هذا الاحتفاء |
معذرة شديدة ياخ اذا فُهم مقصدي علي ذاك النحو علي العكس تماما مداخلتك كانت في صميم البوست -وبل ضاجة بمحبة البروف تخيل مقدمتي تلك كانت اعتذارا مقدما وخجولا لما كتبته انا تعقيبا عليك ! انه الخوف الذي يعتريني من الكتابة(علي شاكلة ظني و تقديري -وفيما أري ) -ربما جعلني افقد حساسية الكتابة لابدو وكأنني قسوت عليك
لم أعد واثقا من أي شئ في الحياة يا صديقي
فمعذرة وصبر علي مكاره الاصدقاء
| |
|
|
|
|
|
|
Re: الحملة القومية لاستعادة البروف أمين.م. سليمان لملكوت البَلْ !! (Re: محمد البشرى الخضر)
|
سلامات هيثم طه..
يبدو انه امين في شئ شديد قوىمزعله لغاية ما خلاه يحرد.. كنت اظنها قرفة بروفات او جنون عظمة مؤقت كما لدي مثله من كل العظماء.. البيحرد امين المكان دا ما ساهل ولا هين.. رغم اني شايفو متجدع في سودانيات ومستمتع بالبل والـfun
عموماً للعوام والجهلاء حقٌ عليه في تنويرهم وتثقيفهم عما يوجب المغاضبة والحرد.. ولنفسه حقٌ عليه في بل من اقرفه حتى يستغيث..
| |
|
|
|
|
|
|
Re: الحملة القومية لاستعادة البروف أمين.م. سليمان لملكوت البَلْ !! (Re: عبدالوهاب علي الحاج)
|
Quote: التحيات الطيبات، و التحيات الطيبات لكل من سأل عنا في غيبتنا المجيدة، كل من إتصل أو أبرق معزيا ... و الحقيقة اني - قدس الله سري و سر صلعتي الشريفة - طلعت أهم باكتر مما تخيلت إذ لا تمر فترة بدون تلفون أو ايميل من زول يسال عن الحال و المال و ده من لطف الناس و كرمهم لا أكتر لا أقل !
أول حاجة يا حبشي أنا ما موقف، أنا وقفت براي ..و يا مولانا الملك يا ريت لو الموضوع زعلة من بكري عشان سحب بوستي عن كلام معاوية الصايم في البشرى ... أو عشان زعلتي من كلام معاوية في البشرى .... أنا قرفت من المشهد كلو، من المكان ده و كمية الانحطاط و الدرك الوصل ليهو، قرفت من رقبتي و من الشعب السوداني الشقيق في عضمتو اللي مثقفينو لو إختلفو معاك في رأي ممكن يقولو ليك إنت في المتوسطة كنت ما شادي حيلك، ثم لا يجدو في أنفسهم حرجا يتكلمو ليك عن الأخلاق و الديمقراطية و التبادل السلمي للسلطة !!
بعدين يا وهبه الكلام الجابو البشرى ده أنا ما كتبتو في سودانيات، كتبتو في ايميل للبشرى لمن قال لي أرجع اكتب ، بكتب في سودانيات و سالوني كذا مرة ليه خليت الكتابة في س. أونلاين و كل مرة اجابتي بتكون إنو أنا ما ح أجاوب علي السؤال ده إحتراما للناس الهنا و الهناك، س. أونلاين ده البيت و لو عندي رأي في بيتي بقولو في البيت مافي بيوت الناس، و تجربة الادارة في سودانيات، س. أونلاين دايره ليها الف سنة مما تعدون عشان تصل لربعها !!
بكري بدير المكان ده بعقلية إنو حقي... العايز يقعد فيهو بشروطي و مزاجي يقعد... الما عايز يتخارج و ينقطنا بسكاتو !!
و الكلام ده قلتو لبكري لمن مشيت ليه أريزونا في موضوع إستقالة الناس الجماعية قبل سنة و شوية، و قلتو ليه في التلفون ( و قبل إسبوعين كنت بتكلم معاهو ) و هذا الرجل أخ و صديق و زول حارة و كرم لا يحدو حدود، و مقدرة علي الصفح شفتها في انسان ، لكنو لا يصلح لادارة منتدي مدرسة الحلفايا الابتدائية، ناهيك عن إدارة أكبر منتدي سوداني !!
قبل فترة طويلة إتصل علي واحد من الأخوان في السودان الشقيق قال لي كلم لي بكري لعضوية، قلت ليه الأسبوع الفات كلمتو لزول تاني و بكري قال لي هسي باب العضوية قافل لمن افتحو بدخل ليك زولك، قلت ليه لمن تشوف عضوية جديدة إتصل بي و أنا بكلم ليك بكري ! الراجل رسل لي ايميل أول أمس عملت ليه فورورد لاب صلعة إنو يا حبيبنا فلان ده فردة بالله أدي عضويه، بعد شويه رسل لي ايميل قال لي خليه يرسل لي صورة من اقامتو و جواز سفرو !!!! لحدي هسي ما عارف الكلام ده هزار ولا جد !!! الغريبة حبيبنا ده قاعد في السودان الشقيق إجازة ما مرق !!
غايتو أبصلعه يمحن الجن !!
يا عم حمد ... ما عارف التناقض وين انك تقرأ و ما تكتب، عن نفسي أول تلاته شهور ما كنت بقرأ ذاتو، لانو القرف كان مستفحل لكن هسي عادي بقرأ زي كاني بكتب فيهو.. و زي ما قالت ستهم (و الزمن بنسي حزن و فرح ياما ) !!
المهم يا حلوين، شاكر و ممنون حقيقة و إنبسط من البوست و من سؤال الناس أسال الله أن أكون أحسن مما تظنون و أن يغفر لي ما لا تعلمون !!!
رد · 2 · أعجبني· منذ 11 ساعة
|
سلامات حبيبنا بروف..
نسأل الله يزيل احباطك وتعود وسط الناس البتسال منك وانت عارف كمية تقديرها ليك.. يآخ ارجع اكتب كلامك دا بالدرب عديل طالما انه احباط عام بالاضافة لسياسة بكري المنزلة في كتاب ولن يحيد عنها..
بعد سالت افتكرت انه السبب المحدد الكتبو وهبة هو الوقفت لكن لوكان ما تقوله الان هو سببك فيبقي صراحة ما ليك حق.. أو يبقي صراحة مافي زول ليهو حق يكتب هنا في سودانيز الا وانت في نفسك مفروض تشوفوا مرتكب جناية في انه لا زال يكتب وسط الظروف دي..
خالص المودة
| |
|
|
|
|
|
|
Re: الحملة القومية لاستعادة البروف أمين.م. سليمان لملكوت البَلْ !! (Re: محمد البشرى الخضر)
|
وقع ليك كلامنا عزيزي القارئ
Quote: بكري بدير المكان ده بعقلية إنو حقي... العايز يقعد فيهو بشروطي و مزاجي يقعد... الما عايز يتخارج و ينقطنا بسكاتو !!
|
سيدنا ماركس قال ليكم لو في حاجة ما عاجباك .. غيرا .. مش تهرب! لو انت هربت، وكل برجوازي صغير -زيك- هرب .. منو البقود [البرونيتاريا] في ثورتها المجيدة
كلاسيك .. ياهو حال وطبع البرجوازية الصغيرة .. قصيرة النفس .. والمهزوزة ما ناس حارة كلو كلو .. لانهم ما اصحاب مصلحة حقيقية
-------
كلام شيخنا الوهابي ما تديهو الواطة لو شغلت الكتلة الفوق كتفك شوية -النهايتا صلعة ديك- ح تلقى كلامو كلو حكم
وتعال اعتذر لينا يا اخوي على الاهانات المجانية القدمتها لينا بموقفك الملتوث دا كرمشت مشاعرنا -الرقيقة- كلو كلو نحن ما عندنا احساس ول كيف الاحساس نعمة ياخي
| |
|
|
|
|
|
|
Re: الحملة القومية لاستعادة البروف أمين.م. سليمان لملكوت البَلْ !! (Re: قيقراوي)
|
السلام عليكم ورحمة الله صاحب البوست وضيوفه الكــرام
Quote: ..طلعت أهم باكتر مما تخيلت.. |
طبعا مهم جــدا لناس كتيرة وخلي خيالك يسع ما تسعه أهمية كلمة الحق في الزمن العجيب دا فبالله عليك يا بروف إذا أنت و ماما "دوما" وغيركما افسحتم المجال فبرأيك من سيحل محلكم ؟ معليش استحمل شوية في سبيل انك تصلح ما يمكن اصلاحه وقد لا تستطيع ولكنك تكون قد بذلت جهدك قال صلى الله عليه وسلم : {المؤمن الذي يخالط الناس ويصبر على أذاهم خير من المؤمن الذي لا يخالط الناس ولا يصبر على أذاهم }. ومن جانب اخر السودانيين شعبا وحكومة ومعارضة محتاجين "فورمات" أكتر من حوجتهم لترميم واصلاح لكن نعمل شنو اهلنا وما بتحلى لينا الحياة إذا كانوا ما شين للوراء في كل شيء ...
ثم يا بروف وجودك مهم برضو عشان الشتايم لما تجي تأخد صرفتك والا في واحد غيرك حيصرفها فبالله ما تزوغ وراعي حال الناس الطيبة دي ذنبهم شنو يتشتموا براهــــم.
| |
|
|
|
|
|
|
Re: الحملة القومية لاستعادة البروف أمين.م. سليمان لملكوت البَلْ !! (Re: محمد درار)
|
Quote: المؤمن الذي يخالط الناس ويصبر على أذاهم خير من المؤمن الذي لا يخالط الناس ولا يصبر على أذاهم |
والله يا بروف بعد كلام الرسول (ص) الجابو ليك أخونا درار دا ما أظنك تأبى الرجعة ،،، الا لو عايز تخلينا للأذى برانا لك الحق في أخذ الموقف الذي تراه مناسباً ولكن ما تنسى انه للناس حقوقاً عليك يجب أن توليها من الإهتمام والحرص ما توليه لحقوقك وما أنا البقول ليك الكلام دا ياخي.
--------------- التحية لهيثم طه والبقية
| |
|
|
|
|
|
|
Re: الحملة القومية لاستعادة البروف أمين.م. سليمان لملكوت البَلْ !! (Re: محمد البشرى الخضر)
|
كتب ود البشرى هنا او في الايميل ما يلي : Quote: لله درّك يا بروف, أشهد أنّك احد القلائل المتّسقين مع انفسهم وقناعاتهم |
هو وينو الاتساق دا يا ود البشرى ؟ الزول دا قبل كدا قعد حنّك ناس خدر حسين بعد وقفتهم الشهيرة، لحدي ما اقنعو ورجع خضر يكتب تاني !! هسي الناس دي كلها شغالين تحانيس والبروف منشف راسو الصغير دا ومتجاهلهم تماماً ليه ما تعرف !!.. أنا شايف يا جماعة الزول من النوع البتعقد من التحانيس وكدا .. فاحسن تتجاهلوه الشي المتأكد منو أنا، هو ح يرجع براهو بس كيف بلقى الفرصة المناسبة كوفاة عضو مهم او تغيير حكومة او حاجة بالشكل دا ح تجوا الصباح تلقوهو قاعد ويرجع يمعطنا زي زمان ...
_______ هيثم بالله أقفل هذا البوست في ساعته وتاريخه وخلينا نشوف لينا شغلة تنفعنا
| |
|
|
|
|
|
|
Re: الحملة القومية لاستعادة البروف أمين.م. سليمان لملكوت البَلْ !! (Re: Rihab Khalifa)
|
Quote: احيي يا سقط الحصان على العموم مرحب بيك انت الحصان يا ديجانقو |
قلنا بطلو القراية بالاضنين.. راجل يقول ليك مُهر بكل مافي لفظة مهر من جماليات وانساق رشاقة تجي تقول ليهو حصان..
حصان!! دي شنو العالم البيئة دي..
شفت كيف يابروف انا عارف معاناتك مع العالم الوهم الزي وهبة ديل لكن اهو حمد لله سلامتك بالعودة لتواصل مشروع الانارة وتعلم الخلق دي الفرق بين المهر والحصان..
| |
|
|
|
|
|
|
Re: الحملة القومية لاستعادة البروف أمين.م. سليمان لملكوت البَلْ !! (Re: خالد عبدالوهاب)
|
Quote: خالد عبدالوهاب
تاريخ التسجيل: 18-01-2013 |
Quote: فاستعصم يارجل اني لك ناصح امين |
قليل من الاتساق لا يضر حبيبنا خالد عبد الوهاب..
ثم ابشرك امين لا يحتاج لمن يضمن له عدم طمام بطنه لانه الطمام مستمر ولن ينقطع ما دامت السموات والارض ودام هذا الشعب العظيم ..
اوهام الشعبية وتلميع الذات لا يُقاس بها الرجال الواضحين يا خالد..
لك التحية والتقدير واظن نيتك سليمة لكن المداخلات في أحيان كثيرة لا تحمل ايقونة نوايا الكاتب فتصيب القوم دون تحرز
| |
|
|
|
|
|
|
Re: الحملة القومية لاستعادة البروف أمين.م. سليمان لملكوت البَلْ !! (Re: HAIDER ALZAIN)
|
سلامات ياحيدر الزين
انت عارف الخطأ الاستراتيجي البيقعوا فيهو السناير هو ظنهم انو البرالمة اول مرة يشوفو البورد بعد ما اخدوا العضوية
وده ماصاح بطبيعة الحال .. انا كبرلوم كنت متابع ومتابع جدا كمان عشان كده فكرة قليل من الاتساق مع الاشارة لتاريخ التسجيل دي سطحية ساي
وطبعا لايفوت على فطنتك انو البرالمة متفوقين عليكم كسناير باعتبار انكم انتم تحدثتم لسنين طويييلة ونحن رأيناكم وعرفناكم حق المعرفة وبالمقابل انتم لاتعرفوننا ولا اي حاجة!
اسي انا بعرفك كويس انت بتعرفني ؟؟
اجيب ليك اقتباسات وروابط اسي ههههههههههه
تحياتي ياخ
| |
|
|
|
|
|
|
Re: الحملة القومية لاستعادة البروف أمين.م. سليمان لملكوت البَلْ !! (Re: خالد عبدالوهاب)
|
تحياتي يا خالد عبد الوهاب..
Quote: انت عارف الخطأ الاستراتيجي البيقعوا فيهو السناير هو ظنهم انو البرالمة اول مرة يشوفو البورد بعد ما اخدوا العضوية
وده ماصاح بطبيعة الحال .. انا كبرلوم كنت متابع ومتابع جدا كمان عشان كده فكرة قليل من الاتساق مع الاشارة لتاريخ التسجيل دي سطحية ساي
|
يا خالد اشارتي لتاريخ تسجيلك وربطها بالاتساق في قولك لأمين سليمان بالاستعصام لا علاقة لها بمعرفتك للبورد او عدم معرفتك.. الاتساق بيكون في انك ارتضيت الدخول لملجة البورد هذا قبل اسبوعين وهو على ماعليه من طمام بطن ولم تستعصم .. ثم تطالب غيرك بالاستعصام عنه حتى لا يصيبه الطمام.. هذا ما قصدته من قولى.. اذا كان رأيك في البورد هكذا وتطالب غيرك بالاستعصام فمن باب اولى واتساقاً مع فهمك هذا كنت تقبل باسوورد به لتكتب في محل الطمام..
معرفتك بالبورد ومتابعتك له منذ فترة قبل التسجيل نقطة ليست في صالحك ...
| |
|
|
|
|
|
|
Re: الحملة القومية لاستعادة البروف أمين.م. سليمان لملكوت البَلْ !! (Re: HAIDER ALZAIN)
|
تمام ياحيدر قبيل فهمت غلط اسف
بخصوص اني سجلت رغم وجود الحاجات الطممت بطن البروف فيشرفني ان اخبرك انني امتلك بطن منفصلة عن بطن البروف بالتالي ليس بالضرورة ان ينطبق علي طمام البطن
من ناحية تانية انا برضو عندي استراتيجيتي وخطة تعاملي مع الحاجات البتطمم البطن وهي ايضا للمصادفة ليست نفس استراتيجية البروف!
بناء على ذلك مرة اخرى لا ارى اي عدم اتساق هنا اللهم الا لو كنت انا البروف نفسو ههههههه
ياحبيبنا كل مافي الموضوع انو البروف ترك الكتابة هنا لاسباب تخصو عن نفسي احترم جدا قرارو ... انتم ايضا تحترمون قراره لكنكم تحنسونه ؟! (التعبير ده مناسب؟ لو مامناسب ماتزعل مني عليك الله) وانا احترم دعوتكم تلك جدا طبعا مع اختلافي معها
لكن بالمقابل احنسه انا ايضا بعدم العوده بس ده كل الموضوع!
| |
|
|
|
|
|
|
Re: الحملة القومية لاستعادة البروف أمين.م. سليمان لملكوت البَلْ !! (Re: خالد عبدالوهاب)
|
مرحب وشكرا بكل الاحبة هنا فردا فردا البروف كتر خيرك ياخ ---- يا مشرف ان شاء الله قبلت المعذرة -راجيك ! -- يا وهبة في مداخلة كدة شايفك بتقارن بين سودانيز و سودانيات - الدعوة للبروف بالعودة -عندي -ما عندها علاقة بياتو منبر افضل - و شايف سودانيات تجربة جديرة بالدعم والتقدير وفي ظني البروف ممكن ينثر دررو هنا وهناك باختصار : u r brutally a true person !!1 ههههه
----- البروف لو سمحت ما تحرف لينا مسار البوست
| |
|
|
|
|
|
|
Re: الحملة القومية لاستعادة البروف أمين.م. سليمان لملكوت البَلْ !! (Re: هيثم طه)
|
يا هيثم .. معذرة بتاعت فنيلتك .. معذرة شنو كمان بيناتنا ..
قسما بالله عودة أمين قلبت مزاجى اب سايد داون .. وكنت أحسست بسأم غير عادى وأنا أطالع الصفحة الاولى للمنبر .. جانى احساس انو سودانيزاونلاين تغيرت وللابد .. وكأننى أطالع منبر من المنابر إياها ..
إحساس شخصى لا أكثر ولا أقل ..
شكرا يا هيثم .. وكتر خيرك يا أمين ..
| |
|
|
|
|
|
|
Re: الحملة القومية لاستعادة البروف أمين.م. سليمان لملكوت البَلْ !! (Re: Yassir Tayfour)
|
Quote: انت زعلت ول شنو يا دكتور!؟ |
النصيحة لله يا قيقا مداخلة امين دي كهربت البوست قبيل حاولت اعلق عليها لكن عدلت عن الفكرة وقيل لاوزت عديل !! شكلو كدا البروف جايينا المرة دي ولابس لينا وش حديد وانت كمواطن من دول العالم الثالث لازم تتحمل هذا الصلف الامريكي الامبريالي التوسعي لأقصى درجات التحمل، وكمان تتحمل الجنبة الفيها الحديدة وشعارك للمرحلة يجب ان يكون "عذبني وزيد عذابك يمكن .. الخ"
_____________ يا بروف نو هارد فيلنق .. ومالك طولت الغيبة من السودان وجشنا بوكسيك الصغير داك خخخخخخخخخخخ
| |
|
|
|
|
|
|
Re: الحملة القومية لاستعادة البروف أمين.م. سليمان لملكوت البَلْ !! (Re: عبدالوهاب علي الحاج)
|
Quote: شكلو كدا البروف جايينا المرة دي ولابس لينا وش حديد وانت كمواطن من دول العالم الثالث لازم تتحمل هذا الصلف الامريكي الامبريالي التوسعي لأقصى درجات التحمل، وكمان تتحمل الجنبة الفيها الحديدة وشعارك للمرحلة يجب ان يكون "عذبني وزيد عذابك يمكن .. الخ"
|
لا توصي حريصاً يا وهبة دا قدر كل انبياء الاستنارة، وحملة مشاعل توعية الوهم والرجرجة من البرونيتاريا
بس عاوز ازيد على الشعار "بل الحبيب زي أكل الزبيب"
------
ستظل وقفتنا على خط النار رائعةً طويل
ماركس الإسفيري
| |
|
|
|
|
|
|
Re: الحملة القومية لاستعادة البروف أمين.م. سليمان لملكوت البَلْ !! (Re: قيقراوي)
|
الحلوين
وليد التلب خالد عبد الوهاب حمد عبدالغفار البشرى حبيبنا حيدر محمد درار أمير عمر عاطف عمر معروف حمدين محمد حيدر الأخوات راوية و رحاب
يا اخوانا والله شاكر و ممنون و كتر خيركم علي طيب كلماتكم ------------------ شكرا يا خالد و (حاليا) علي النقاش الهادي دا و كتر خيرك يا خالد علي النصيحة ... ------------------ يا مشرف ياخي مبروك الدرجات العلى بتاعت الصيدلة، عقبال ما تبقي بروف زيي كده !! ----------------- يا وهبه عليك الله لف لي ياسر طيفور و قيقا ديل في كيس لحدي ما أفضي ليهم !! ----------------- يا هيثم ... البوست ده إحتمال بسسبو نسحب منك الدكتوراة للمرة التانية !!
| |
|
|
|
|
|
|
Re: الحملة القومية لاستعادة البروف أمين.م. سليمان لملكوت البَلْ !! (Re: حمزه بابكر الكوبي)
|
Quote: شكلو كدا البروف جايينا المرة دي ولابس لينا وش حديد
|
تعرف يا وهبة في فهم حضرة جنابنا -الما بهم البروف قدس الله سره- انو أمين عاوز يدحض المقتبس (فهمي بتاع انو برديكتبول داك)
وقرر يفاجئني بما لم اتوقعه كلو كلو .. ؤ منو هو بالذات! ونجح تماماً في دي .. اعترف بالدرب العديييل داك واشيد بذكاء البروف الفائق .. وقدراتو المنبرية العالية في دحض الاوهام
ما لقيت ليها تفسير تاني في دقنوسي البطلع الفهم الما بهم البروف دا كلو كلو غايتو!
---------
اطلب من بكري طرد الوهم الزيي من البورد فوراً.. والابقاء فقط على من يهتم لقرايتهم البروف والطلب موصول حتى لرقاب القراء (الاسفيرية) .. البقروا على كيفهم ونطالب البروف بعمل مانيول سغير كدا يشرح فيو طريقة الاستعمال لمواقفو وكتابتو .. يعيننا على الفهم الصحيح لما يجود به سعادته. المافي شنو!؟
| |
|
|
|
|
|
|
Re: الحملة القومية لاستعادة البروف أمين.م. سليمان لملكوت البَلْ !! (Re: قيقراوي)
|
يا قيقا شايف الموضوع دا مسخن بيك وماكل معاك جنبتين عديل.. أنا شايف تحليلك جانبه التوفيق .. غايتو رؤيتي الخاصة لوش الحديد الجديد دا ... البروف بطنو طمت من البورد نوهائي بعد ان قام هشام آدم بفرش النبق بتاعو كلو وخلى الما يشتري يتفرج وسد الطريق امام كل المتربصين البروف هنا اتضاءلت فرص نجوميته في المستقبل وبالتالي عودته ح تكون اعادة تدوير لحاجاتو الفاتت رغم انو زول تفتيحة وود اب روف وبتسوك كل يوم جنب البحر، لكن كمان للسن احكامه انا غايتو اتمنى البروف يخرج من الحتة دي سريع ويتجاوزها باقل الخسائر والمتمثلة حتى الآن فيك يا قيقراوي وانت طبعا ما مشكلة كبيرة ونحن على استعداد نقربن* معاك ياسر طيفور برضو .. المافي شنو ؟
______________ اشتقاق خاص من قربان
| |
|
|
|
|
|
|
Re: الحملة القومية لاستعادة البروف أمين.م. سليمان لملكوت البَلْ !! (Re: معروف حمدين)
|
الاعزاء احمد امين والخالدي الله يعافيكم ياخ وبالتأكيد حضور الناس (ما بين المحب والمشفق والبالّي !) هم سبب في عودة البروف --- الكوبي وامير عمر -التلب -درار -معروف -عاطف عمر -حمد عبدالغفار -راوية -البشرى -رحاب والثنائي اللطيف (حيدر الزين وخالد ) والثنائي المرعب (وهبة -قيقا !)-طيفور -القرشي - و المهر أمين !
تحياتي لكم جميعا وشكرا لحضوركم الذي جعل المهر يسقط من الإعياء !
-------------
انت يا طيفور بتتونس مع هباني بالليل -ههه
| |
|
|
|
|
|
|
Re: الحملة القومية لاستعادة البروف أمين.م. سليمان لملكوت البَلْ !! (Re: HAIDER ALZAIN)
|
Quote: يا قيقا ويا وهبة البروف كنتو عاوزينو يرجع ورجع ليكم.. أنتو السلخ شنو .. وبعد ده ما شغال بيكم كتير .. ولا قاعد يهببو ليكم .. |
والله يا معروف دي غلطتي أنا الرجعته عشان اكتب مع قيقا و ياسر طيفور في حتة واحدة !! ------------- يا اخوانا سؤال : زمان لمن أجي أعمل bolding لكتابتي بظللها و بدوس bold و انتهينا ... هسي لمن أظلل و أدوس bold بجيني مربع كده و عليهو رسالة (Enter some text ) .... الكلام ده عندي أنا براي ولا دي بلة جديدة من أبصلعة ؟!!
| |
|
|
|
|
|
|
Re: الحملة القومية لاستعادة البروف أمين.م. سليمان لملكوت البَلْ !! (Re: ابن النخيل)
|
Quote: يا مرحبا حبيبنا البروف امين....يااخى انت ركن مكين من اركان هذا الصرح....ب عدين لمان انتا تمشى انحنا تانى نوسط منو لى بكرى الحابك يجيب ود اختنا حمور كما لايفوتنى ان اشكر الاخ هيثم وضيوف بوسته من احباب البروف تحياتى مع الود الاكيد |
ياخي الله يديك الصحة و العافية يا دكتور و شكرا علي ذوقك و لطفك ... بالنسبة لحمور ... ما عندو موقف من البورد مخليه واقف ... بقي ساكن في الفيسبوك ... خليني أتوهط شوية و بجرو بجاي كان الله هون !!
| |
|
|
|
|
|
|
Re: الحملة القومية لاستعادة البروف أمين.م. سليمان لملكوت البَلْ !! (Re: خالد عبدالوهاب)
|
Quote: يا اخوانا سؤال : زمان لمن أجي أعمل bolding لكتابتي بظللها و بدوس bold و انتهينا ... هسي لمن أظلل و أدوس bold بجيني مربع كده و عليهو رسالة (Enter some text ) .... الكلام ده عندي أنا براي ولا دي بلة جديدة من أبصلعة ؟!!
|
حسب المستعرض الانت مستخدمو مع الاكسبلورا (يا عملات الريس، على وزن سيرفا ) ما حتواجهك المشكلة دي كلو كلو
في سفاري ومن لف لفه، تأكد ان تبدأ التظليل من الاول للاخر مظبوط ..
بس
------
ما وريتنا الحاصل شنو؟ لو غلطت عليك وانا ما جايب خبر ياخي حباً بالله توضح واعتذاري جاااهز كمان كان ساي .. او عاوز تجرب الشفتنة في اخوك راسي اليتيم دا سدادة، او لو كنت بتختبر كيبوردك (شغال ول ما بلال) عافي ليك لله والرسول الناس لبعضيها برضك المافي شنو!؟
لكن تذكر قوله تعالى "اما اليتيم فلا تقهر" الآية 9 سورة الضحى دي في جزء عم ياخي!
بعدين انت عارف اني زول حساس شديييييد .. والبل بعمل لي بهق
| |
|
|
|
|
|
|
Re: الحملة القومية لاستعادة البروف أمين.م. سليمان لملكوت البَلْ !! (Re: قيقراوي)
|
مولانا يا شيعي يا بتاع التقية .... مقبولة منك برضو ! ------- يا خالد... شعبية شنو ياخي ؟! أخوك علي باب الله ------- شكرا يا قيقا علي التنوير ... مداخلتي ديك اسمها preemptive strike ... شايفك بقيت بلال و ما بتفرز عدو من حبيب ... قلنا نجيك من الاخر !! الموضوع ده جليه الله يرضي عليك !! ------- ياسر طيفور ... ما ممكن تضرب لي واحدة صباحا و تقول لي (نمت ولا شنو ؟! ) !!
| |
|
|
|
|
|
|
Re: الحملة القومية لاستعادة البروف أمين.م. سليمان لملكوت البَلْ !! (Re: أمين محمد سليمان)
|
يا سلالالالالااااااااااام ياخي
حبابك حبابك .. والله يا بروف غيبتك دي كانت ساوالي كاروشة عديل.. بالذات بعد المرافعة الجبتها بالنفاج ديك.. ياخي ما ممكن تغادر .. وتخلينا للبلالات والكستناء والمجازفات الأدبية المابنعرف ليها صرفة .. النبي فوقك كان تكررها تاني..
عشان خاطرنا اصبر وخليك معانا..انت ما عارف انه عينة كيبوردك دا بقت حاجة نادرة كيف في الزمن دا..حتى لو عارف ما بتكون متخيل حجم الندرة ..
هيثم يا جميل ..شكراً شكراً..
ياخي انا مبسوط والله :)
| |
|
|
|
|
|
|
|