قيامة الحياة الزوجية التى لم تقم حتى الآن - هل يمكن التصريح بها علناً؟

Quote: واصل........ متابعين معاك لحد (الخور) .....................!!!!!!"وش ضاحك"

بس ما عاوز اهون عليهم !

Quote: قد اكون ما فاهم كويس اهداف البوست لكن .. السبب شنو البخلى الواحد يحكى اسرار واخطاء ارتكبها فى اوقات مبكرة او متأخرة من حياتو ؟ اعتقد انو حا يكون قله عقل .. اذا حكى واحد او واحده عن تجاربها لزوجها او لزوجتو .. او حتى للناس العاديين اصحاب او زملاء ... الخ كلنا أخطاء وبعضنا بتوب عنها وبتمنى القى طريقه يمسح بيها الحاجات دى

Quote: لا عيب في البوح بالعكس انا حسيت انو بقرب العلاقة لزوجتك اكتر ..لكن برضة بعتمد علي نوع الزوجة...انا غايتو زوجتي قرت معاي وليقتا ليك ناقشة كل حاجة كنت بعملها ...عموما العمر مراحل وعشان الواحد يتعلم لازم يغلط...واصل باسلوبك الروائي

(عدل بواسطة هيثم التوم on 12-27-2012, 12:25 PM)
(عدل بواسطة هيثم التوم on 12-27-2012, 12:27 PM)

Quote: انت زول محظووووووظ كون زوجتك قرت معاك وانها كمان تفتيحة وشايلا مفاتيحا ناقشا كل حاجة ... اقله انك قد برأت من قسم كبير من النفاق الذي نحن فيه في جل حياتنا ... بسبب ان الحياة الزوجية تمثل في قناعاتى 90% منها ... ان لم تكن كلها بصورة مباشرة او غير مباشرة ... اثمن جدا ( طوبتك ) المجدوعة هنا... اعتقد انها تستمتع بشماتة محسوسة غيظ الاخرين الذين مروا دون ان يعبروا عن امتعاضهم او ازدرائهم لهذا الاقحام المؤنب للضمير اعدك (( بتجشؤ)) هذا القسم المخفي من ماضينا ... كعنوان لمعرفة الذات وكبح قسورتها الكاذبة !

Quote: تعرف يا حبيبنا هيثم كلامك ده اجبرني اجى اقول كلام انا زغت منو وما حبيت اقولو قبيل من كلامك وكلام الاخ محمد انتو بتفترضو انو البنات ديل ما ناقشات حاجه وما عارفات .. طيب التجارب البتتكلمو عنها دى بتكون مع منو ؟ مش مع البنات ديل برضو ؟ ههههههههههه ردك ورد الاخ محمد ماسك جانب واحد من الموضوع .. انظرو للنصف الآخر من الكوب ممكن الواحد يكون مرتاح لو حكى تجاربو لشريكة حياتو !! طيب العكس كيف ؟

Quote: اولا: انا شاكر جدا لتضامنك معي كما تضامنت معكم سابقا... ثم: في اعتقادي انك لم تقرأ جميع قيامات البوست وربما اكتفيت بواحدة او اثنين لمشاغلك وهذا قد ضيع عليك اجابة سؤالك الموجودة ضمن البوست ... واخيرا: جميع الاكواب قاتمة بحيث لا يمكن النظر لاي من الانصاف حسب الرواية المستمرة هنا ... اشكر جدا تواجدك في زمن قحط وعواصف... يمران بهذا هذا البوست لكنه لا يزال يستمر !

Quote: .اذا استعطت ان تجعل شريكتك تصارحك فهو قطعا تعميق للعلاقة .

Quote: اقصى ما تستطيع البوح به انها كانت مخطوبة تحياتى صاحب البوست الاخ هيثم

Quote: في عرفنا السوداني المجتمع هو مجتمع ذكوري.... يفاخر الرجل بفحولتة ومغامراتة العاطفية ...المراة جزء اصيل من التجربة وهي الطرف التاني بلا شك ...ولكن ليس لديها حتي الان نفس القدرة علي البوح ...بوست هيثم يشجع الطرفين المتزوجين علي كسر الجليد حول هذة النقطة تحديدا ..اذا استعطت ان تجعل شريكتك تصارحك فهو قطعا تعميق للعلاقة ...وطبعا انا اتفق مع الاخ القال انو مادام هي مواضيع انتهت لية نفتحها تاني مادام كل حاجة كويسة ...لكن لي شخص حاسي بانو ينافق روحو وي نوت !!!!

Quote: نعم والله ما كملتو للاخر بعتذر ليك اذا مداخلتى اختزلت الكتير فقط قصدت منها مواصله النقطة السابقة ومواصلين معاك الموضوع حقيقى بدون مجامله مهم جدا .. واصل فى الربع الجديد ونواصل معاك

Quote: شكلى حكون اول بنت تدخل الموضوع لكن حبيت اقول رائى,., ان فكرة موضوعك جميله جدا ومهم جدا لكن اختلافى واعتراضى فى المصطلحات والقصص السردتها وطريقة صياغتك ليها اللى اظن حرمت الكثير من المشاركه استنكارا ونفورا منها ودا خلانى اتسائل؟!!!؟

Quote: من يقول بأن الصراحة بالتفاصيل المملة في مثل هذه الأشياء الحساسة بتعمق العلاقة فهو غلطان .. بل بالعكس ..مع مرور الزمن ستولد هواجس ووسواس ..خصوصاً للرجل ..وسوف يسرح به الخيال.. ياربي يكون عمل معاها القالتو ده بس .. لالا مستحيل يكون عمل أكتر من كدة ..وعييييييييييييييييييك .. وأنا في رأي أفضل أنو الصراحة تكون بالخطوط العريضة ..مثلاً كنت خاطب أو مخطوبة أو كان عندي علاقة ..وربنا ما قسم تمشي قدام ..وفلستوب ..

Quote: حالة مكاشفة مذهلة... قد لا يصدقها معظم الذين مروا من هنا !

Quote: خى عادل عايز الحقيقه وصلنا للاسوء من كده والتم ذكره برغم انى ما بتفق على ذكره يعتبر ابسط الاهوال الحاليا بقينا بنشوفها وبنسمع بيها يوميا المايقوما دى كفيله تثبت ليك ان المجتمع انحل بكل المقاييس

Quote: حيا الله هيثم التوم وضيوفه وضيفته ههه والله يا هيثم تناولك في المداخلات الاولى كان رائع، لمست أشياء حساسة، لكن بطريقة أعتبرها مؤدبة، ما دام المصطلحات معروفة! لكن لحد الآن ما قدرت افهم الضرورة التي تدعو إلى هذه المكاشفة الغليظة! الضرورة قد تكون وجود شكوك مسبقة لدى أحد الطرفين أو كليهما، وأظنك أشرت إلى ذلك! المهم كلام الأخت رانية كذلك كان رائع جداً!

Quote: دايما بنهتم بهوامش الامور وكإن المصارحه بيها لمخلوق حيدينا الراحه وحيحسسنا انه تم العفو عنا هل فكرنا اننا نقيف قدام ربنا وبقلب ندمان نستغفره منها ونطلب عفوه ورضاه بنخاف الناس تعرف وما حاولنا حتى نخجل من ربنا الشايفنا الانسان لو فشل يتصالح مع ذاته وربه يبقى مافى فايده يسعى يتصالح مع زوجته او زوجه رسولنا صلى الله عليه وسلم قال عفو تعف نسائكم لو كل رجل وشاب نظر لكل امراه وفتاه على انها من لحمه ودمه وخاف ربنا فيها مجتمعنا حيختلف كتير ونفوسنا حترتقى واخلاقنا حتصان

Quote: في انتظار (فكـ الشفرات لـ بعض المصطلحات) ... والقيامة الزوجية تبدأ من دخول جهنم الزوجية ... بس قول ح تستمر كيف : ) تحياتي هيثم التوم

Quote: الاخ: هيثم ..سلامات .. من يقول بأن الصراحة بالتفاصيل المملة في مثل هذه الأشياء الحساسة بتعمق العلاقة فهو غلطان .. بل بالعكس ..مع مرور الزمن ستولد هواجس ووسواس ..خصوصاً للرجل ..وسوف يسرح به الخيال.. ياربي يكون عمل معاها القالتو ده بس .. لالا مستحيل يكون عمل أكتر من كدة ..وعييييييييييييييييييك .. وأنا في رأي أفضل أنو الصراحة تكون بالخطوط العريضة ..مثلاً كنت خاطب أو مخطوبة أو كان عندي علاقة ..وربنا ما قسم تمشي قدام ..وفلستوب .. تحياتي ..

Quote: اتفق مع الزميل يا هيثم .. هذا بعد التحية ليك ولي وليداتك .. و اخص بالذات التفاصيل الحساسة جدا / القذرة .. مع الاخذ في الاعتبار بذكورية مجتمعنا فإن البوح بمثل هذه التفاصيل من جانب الانثى سيعصف بالعلاقة بدون شك ، في الجانب الآخر يمكن ان تستمع الانثى على مضض لتفاصيل علاقات زوجها السابقة ، لكن وقعه عليها سيكون سلبيا بالتأكيد حتى وان لم تظهر اي نوع من الاحتجاج او التأثر على اقل تقدير .. في الغالب ستحاول فرض سياج حوله او نظام مراقبة جديد لن يكون تأثيره ايجابيا على العلاقة الزوجية بأي شكل .. ياخي اسي انا عبدالله ده "مش مرتك" الكلام الفي بداية البوست ده جاب لي كاروشة (ما بعرف اعمل وشوش دلني لو بتعرف) .. الكلام ده ممكن يكون عادي في المجتمعات الغربية "على حسب البنشوفو في الافلام " لكن عندنا .. ما أظن .. تحياتي

Quote: لكن صدقني لم نصل لهذه الحالة حتي الآن.... رغم كل التدني الذي وصلنا له في كل شىء. تحياتي هيثم.

Quote: ما يستفاد من القصة: ليس كل ما يمكن (قصه) و(لصقه) يكون مفيدا وآمنا!!

Quote: بالنسبه لقصة وهيب وهو فاتح نفسه يحكيها ويتحير ويتسائل عن حل حلللللللللللللللللللللللللللللللللل شنو ياخى المنتظره غايتو الرجال المن النوعيه دى الخليت النساوين تطلع فى روس الروجال قال فى غيابه ولا حضوره دا يكسر الابتوب فى راسها مفروض ويجدعها فى بيت اهلها الا اذا بقى صارفه عليه وما قادر يرجع لحياة التقشف المراه لمن تنبرش قدر دا يبقى واثقه ان المعاها طرور وانه حيرضى عينى عينك بالانحلال دا دى ما عايزه ليها حل دى عايزه ليها قنبله ياخىىىىىىىىىىىىى

Quote: معليش استلمت منك البوست :)) لكن انا مغبونه بعيد عنك من النقطه دى تلقى الراجل عامل فيها مافى منو ويقعد البنت فى كرسى الساخن وللاسف المجتمع كله بيأيد النقطه دى لمن كان يجينى خطيب الجماعه النسائيه فى بيتنا وعيلتنا اول تنبيه ونصيحه اياكى تقولىىىىىىىىىىىىىىىىىىىىى انك اتخطبنى ولا كان زول عايزك ولا ما عارفه شنو ولانهم عارفينى ما بعمل بالنصيحه بيصروا عليها ولانى مقتنعه ان نصيحتهم غلط ما بشتغل بيها لان لو هو بنفس عقليتهم يبقى الزواج فاشل من بدايته

Quote: اللهم انا نسألك الستر في الدنيا و الاخره يا معروفا بالستران . ارحمونا يا اهل الارض ، اخوكم ابن العوام

Quote: كان وهيب المعزوم كان العزمته كان راجلها مفروض يتفجروا لانهم قبلوا بوضع مهين للاخلاق