|
|
 عن محمود.. الأسطورة.
|
الكتابة في أو عن محمود ليست بالشيء السهل.
بدأ بقوة، وتربع في قلوب الملايين بقوة أيضاً..
العديد من الناس يطلقون عليه "فنان الشباب"، نعم هو
كذلك ربما لأن السواد الأعظم من معجبيه من الشباب،
لكن العديد من الناس الذين تجاوزوا مرحلة الشباب
أُعجبوا بمحمود، صوته، وأدائه، ولذلك لم أندهش
عندما قال لي الراحل الأستاذ العم حسن دبلوك "عندما تزاملنا في
العمل في الملحقية الثقافية السعودية في منتصف (كان يعمل سفيراً
بجامعة الدول العربية قبل أأن يزاملنا) أو أواخر التسعينات"
أن محمودا كان فنانه المفضّل، وحكى لي العديد من ذكرياته
مع هذا الفنان اليافع.
ومن جيلي، كتب الصديق أسعد قبل أيام قليلة معزياً بعض
الأصدقاء في رحيل محمود:
تاني جيتكم،
في شتاء 2001 وانا جديد لنج في البلد دي - بريطانيا - زرت سيف بشير، أمضينا الامسية متآنسين،
وفي الصباح ركبنا عربيته هو في طريقه للشغل وانا لي محطة فكتوريا (وعالم جين موريس) راجع لي شيفيلد.
أربط الحزام والذي منو، أها بتسمع منو (سألني سيف، وكأننا نواصل حديث
انقطع قبل 10 سنوات لاهتمامات ومواضيع مشتركه)، والله بالدس كده بسمع محمود عبد العزيز.
بالدس؟ وليه بالدس! وفتح درج العربيه وقال لي دي كلها شرايط محمود.
رغم الكلام السنكال (الغير مخفي فوق) الا اني قصدت اقول انه كان في "وهمه" كده في السودان،
إنو المابسمع وردي ده راسو دايش، والمابسمع ابو الامين ده ماناقش حاجه،
أما عثمان حسين داك خلي ساي، لو ماشنطّت قميصك وخاتي ليك
قلم في الجيب وكمان نضارة نظر حتى لو نظرك سليم، ماتهوّب.
أها مع "الوهمه" دي ضاعت في الرجلين "عهد الوداد خنتو" مجذوب أونسة
و"البلبل الصداح" محمد سلام، وغنا كتير سمح.
تطربني لو وشوش صوت الريح في الباب يسبقنا الشوق قبل العين في "شال النوار" ابو الامين،
وتفرطق ضلعي ياصبية الريح وراي خلي من حضنك ضراي في "جميلة ومستحيلة" وردي.
لكن، من الظروف ماتشيلي هم بكره الزمن ليك ببتسم بالميلودي الفي صوت محمود
بتقعدني في الـواطـه من غير مايكون ده خصم على اي زول والعجبو عجبو والماعجبو "بجروفو".
قال فنان الشباب الأول قال، شباب منو يا....(طبعا الشباب محفوظ وكده). يامان ده فنان عدوى،
الحاجه الوحيده البتخارجك منو انك ماتسمعو. لكن تلحق تسمعو الله قال بي قولك.
وعشان خاطرك يامحمود وأي قعدة واطه أهديتنيها انا ح امشي ابحت
ليك ناس حماده بحري وعشه ام رشيرش وحاليا بسمع طه سليمان جدا. اها شن ليك
عذرا ياحبايب ومن لنا غير صدور بعضنا البعض لغسل الاحزان
والاحتفاء بايامنا القادمات بعد ازاحة الكوابيس.
لكم المودات وزاكي التحايا والتعازي
انتهى كلام أسعد،،
|
|
 
|
|
|
|
|
| العنوان |
الكاتب |
Date |
| عن محمود.. الأسطورة. | saif basheer | 01-22-13, 05:21 PM |
| Re: قتلوك ومشوا في جنازتك يا محمود: جمال عيسى، | saif basheer | 01-22-13, 05:27 PM |
| Re: قتلوك ومشوا في جنازتك يا محمود: جمال عيسى، | saif basheer | 01-22-13, 10:46 PM |
| Re: قتلوك ومشوا في جنازتك يا محمود: جمال عيسى، | saif basheer | 01-23-13, 10:42 PM |
| Re: قتلوك ومشوا في جنازتك يا محمود: جمال عيسى، | مزمل خيرى | 01-27-13, 02:44 PM |
| Re: قتلوك ومشوا في جنازتك يا محمود: جمال عيسى، | saif basheer | 01-27-13, 07:15 PM |
| Re: قتلوك ومشوا في جنازتك يا محمود: جمال عيسى، | غباشي | 01-24-13, 11:25 AM |
| Re: قتلوك ومشوا في جنازتك يا محمود: جمال عيسى، | Imad Khalifa | 01-24-13, 07:32 PM |
| Re: شكراً بكري، محمود يستاهل منا الكثير.. | saif basheer | 01-25-13, 03:26 PM |
| Re: شكراً بكري، محمود يستاهل منا الكثير.. | saif basheer | 01-26-13, 03:55 PM |
| Re: شكراً بكري، محمود يستاهل منا الكثير.. | saif basheer | 01-26-13, 04:28 PM |
| Re: عن محمود.. الأسطورة.. | saif basheer | 01-27-13, 02:16 PM |
| Re: عن محمود.. الأسطورة.. | saif basheer | 01-27-13, 02:29 PM |
|
| |
saif basheer
فيس بوك
تويتر
انستقرام
يوتيوب
بنتيريست