|
|
|
 Re: شارع النيل الجديد من جهة الخرطوم (صور) ... (Re: نادر)
|
المسافر حبابك
| Quote: ده شارع ولا بنطون ؟ |
ده كوبري 
و عليك السلام و الرحمة يا نادر
| Quote: أنا كان معاك كان قلت ليك أقيف جنب أقّرب ست شاي، نشرب الشاي الماخمج! |
غايتو على طول الشارع الجديد مافي أي ست شاي و لا أي حاجه غير الإسمنت !!
يا زول أول إجازة عازمك ..
| |
 
|
|
|
|
|
|
|
|
Re: شارع النيل الجديد من جهة الخرطوم (صور) ... (Re: محمد قرشي عباس)
|
مشكور يا دكتور ..
علق القارئ إبراهيم السيد على الفيس نازل أدنى البوست .بالآتي.
| Quote: والله شىء يفرح القلب لمن نرى عاصمتنا بها هذه الشوارع الجميله ونتمنى المزيد والشكر والتقدير لكل من ساهم فى هذا العمل |
أقول : ليكن الشكر لامير قطر والمدير الاقليمي لبنك قطر في السودان الذي صادق على تمويل تشييد هذا الشارع الهام ..
وللمهندس السوداني القادم من امريكا على حد ما علمت ونفذ هذا العمل.
| |
|
|
|
|
|
|
|
|
|
Re: شارع النيل الجديد من جهة الخرطوم (صور) ... (Re: محمد على طه الملك)
|
العزيز / سامي عبدالله
| Quote: الاتجاة بتاعك الفوق ما جاء معاي ..... |
مرحب بيك في المنبر
و شكرا ليك كتير
الإتجاه بتاع الشارع القديم بقى كأنك ماشي من كوبري توتي في إتجاه كوبري المك نمر
و الشارع الجديد بالعكس ..
تسلم
العزيز / محمد علي طه المك
Quote: ليكن الشكر لامير قطر والمدير الاقليمي لبنك قطر في السودان الذي صادق على تمويل تشييد هذا الشارع الهام ..
وللمهندس السوداني القادم من امريكا على حد ما علمت ونفذ هذا العمل. |
الشركة المنفذه هي شركة أمريكية AandA
و هي نفس الشركة العملت كوبري توتي !!
تعرف ..
الوالد مهندس مدني قديم و قال لي إنهم في الستينات
بدوا المشروع ده و عملوا الردميات اللي هي حاليا حدائق شارع النيل
و كانت التكلفة الكلية حينها 250 ألف جنيه سوداني
لكن المشروع وقف !!
مسألة القرض القطري دي ما مريحاني
و هل الشارع أولوية ؟؟
و التخطيط لمستقبل المنطقة دي شنو ؟؟
الخوف يكونوا بيحضروا فيها لإستثمار ضخم يخصهم !!!
تسلم
| Quote: ههههه ـ كويس إنك حصلتو قبال يحصلو حبيبنا ود الموج . |
| |
|
|
|
|
|
|
|
|
|
Re: شارع النيل الجديد من جهة الخرطوم (صور) ... (Re: Adil Hamza)
|
| Quote: شمينا ريحة البحر واتذكرنا خلطات البنشات الزمان |
شفيق يا راااااااجل
في زمنكم ما أظنكم كنتوا بتعرفوا ااخلط زاتو !!
| Quote: العمود مال من التصوير، طيب القصر مالو ما مال؟ |
ميل الميل إستعدال
كدي لاحظ للجهة اليمين من القصر
| Quote: سيب سكانه في حالهم |
هم بس يسيبونا في حالنا .. شوف بنسألهم !!
شكرا للمرور
| |
|
|
|
|
|
|
|
|
|
Re: شارع النيل الجديد من جهة الخرطوم (صور) ... (Re: محمد قرشي عباس)
|
الأخ / إدريس
| Quote: ميزانية احتفالات افتتاح الشارع تساوي نصف ميزانية تشيد الشارع ..................... |
في زول عنده فكرة عن تكلفة المشروع ؟؟
و الجدوى الإقتصادية ليه ؟؟
تسلم
أحبابنا في الفيس بوك
Abdalla Alshiglini و Eljaily Abdallhah Eltyeb
فعلا جزء من مجرى النيل إندفن
و الوالد بيقول ده حيأثر على توتي في الفيضان
الحكاية دي محتاجه إنتباه ..
لكن نص الطريق تقريبا عباره عن كوبري بعواميد
Rehab Mohammed و ابراهيم السيد
هو شغل فعلا جميل في شارع تاريخي !!
مهندس الحياة
الهيلمانه بتعكس فقرنا أكتر من إنجازنا !!
Mahmoud Kamal
بالغت لكن مع الأنوار
أنا خايف بكره ألقاها وقعت ههههههههه
مع المودة للجميع
| |
|
|
|
|
|
|
|
|
|
Re: شارع النيل الجديد من جهة الخرطوم (صور) ... (Re: Adil Hamza)
|
شكرا لجهودك في التصوير
والف شكر لكل لمسة جمالية تجعل للعاصمة وجهاً مشرقاً ومقبولا
وياليت بنفس ما اعطوا للشوارع جمالها ورونقها
فاليكن الدور على صينية الطعام لتكون أكثر جمالا
وتعود لها هيبتها والقها وصحونها الكثيرة التي كانت تملأ اصنية من الضفة الى الضفة
معليش الصور لاتوضح الحقيقة كاملة
ولكن لاحظت من خلال الصور ان { الأنترلوك } لم ينفذ بطريقة هندسية جيدة
ويبدو ان جربندياً عادياً هو من قام بهذا العمل
| |
|
|
|
|
|
|
|
|
Re: شارع النيل الجديد من جهة الخرطوم (صور) ... (Re: محمد قرشي عباس)
|
الأخ محمد قرشى سلامات
اولاً وقبل كل شى وحتى لا ينطبق علينا القول (السودانيين ما بيعجبم العجب ولا الصيام فى رجب)
نقول مبرووووووك واى خطوة من شأنها حل ازمة الحركة والمساعدة فى تجمبل العاصمة تستحق الاشادة
ولكن هذا لا يمنع من ان توضح لنا لو كان بالامكان بعض النقاط
اولاً كما ذكرت بأن المهندش الذى اشرف على الشارع من ناس امريكا ، وعليه نتوقع منه اشياء معينة
وذلك من الناحية الفنية والهندسية
يعنى هل تمت مراعاة فصل الخريف وله حايكون زى نفق عفراء عند سقوط اول قطرة مياه
وايضاً وعند آخر زيارة لى للسودان لفت نظرى خلو معظم الطرق الكبيرة من بنشات للجلوس على جانبيها
وخاصة شارع النيل بالكاد تجد ليك مقعد مقعدين مع انو بيعتبر شارع سياحى ويطل على النيل
وأيضاً لاحظت عدم وجود اى حواجز حديدية بين الرصيف والبحر
يعنى لو معاك اطفال لازم تكون ماسكم من ايديهم خوفاً عليهم ما يقعوا فى النهر والكلام دا ينطبق على
الكافتريات الواقعة على شارع النيل ، يعنى من السهولة الشافع يقع تووووووووش جوة البحر
ومسالة المقاعد دى بالجد دليل حضارى وتساعد البنى آدمين على الاستراحة وشم الهواء وخاصة على شارع النيل
معظم الحدائق خالية من المقاعد والبنشات وخاصة حدائق 6 ابريل ان كان ذلك ما يزال اسمها
عندك مثلاً شارع النيل محازاة جامعة الخرطوم وحتى المنشية ، ما قابلنى ولا مقعد واحد
وأيضاً الشارع النازل من كبرى امدرمان (الفتيحاب على ما أطن) معليش اخوك مجلى حتى فى اسماء الكبارى
لكن ما اتساءل عنه هل وضع فى الحسبان بأن شارع النيل شارع سياحى وتمت مراعاة ذلك
على العموم ياخى بختكم مجدعيييييييييييين فى الخرطوم ونحن الغربة هرتنا هرى والشوق للخرطوم وضواحيها مالينا لمن متدفق
لو ما كتييييييييير عليك بالله كتر لينا من الصور وخاصة الما مايله وانت كدارى عشان شوية نبل الشوق
اى حاجة منكم بس غير برج الفاتح ( اصلوا قدونا بيهو قد التقول مافى غيرو)
تحياتى وتشكر يا امير
| |
|
|
|
|
|
|
|
|
|
Re: شارع النيل الجديد من جهة الخرطوم (صور) ... (Re: حسن حماد محمد)
|
محمد جمعة الخير
مرحب بيك
| Quote: هل الطريق الجديد تم بتمويل من قبل شركة ديار المنفذة للمخطط السكني علي الناحية الاخري من النيل ام هي اشاعات ؟ |
التمويل قطري على أي حال لكن لا علم لي بالجهة
أخونا عبدالملك فوق قال إنو من البنك القطري
فالعندو النجيضة ما يبخل بيها علينا ..
عمر عبد الخالق سعيد
موجوده !!!!!!!!!!!!!!
أبو حراز
Quote: معليش الصور لاتوضح الحقيقة كاملة
ولكن لاحظت من خلال الصور ان { الأنترلوك } لم ينفذ بطريقة هندسية جيدة
ويبدو ان جربندياً عادياً هو من قام بهذا العمل |
حقيقي في إستعجال في الإفتتاح !!
لسه في باقي شغل في بداية الشارع شغالين فيهو أسى
و محيراني مداخل مقفله ما عارف فايدتها شنو
بصور تاني برواقة لعكس صورة أفضل
وائل جابر
الله يسلمك و مرحب بيك كتير
| Quote: زمن منك ومن ال debates ياخ. جيناكم بي هنا |
قدم خير و بركة إن شاء الله ..
| |
|
|
|
|
|
|
|
|
|
Re: شارع النيل الجديد من جهة الخرطوم (صور) ... (Re: محمد قرشي عباس)
|
الأخ / حسن حماد محمد
و عليك السلام و الرحمة
| Quote: ى هل تمت مراعاة فصل الخريف وله حايكون زى نفق عفراء عند سقوط اول قطرة مياه |
الغريبة أمبارح فكرت في الحكاية دي
بالذات في الجزء المبني كوبري فوق النيل
قدر ما ركزت ما شفت لي تصريف !!
Quote: عند آخر زيارة لى للسودان لفت نظرى خلو معظم الطرق الكبيرة من بنشات للجلوس على جانبيها
...
ومسالة المقاعد دى بالجد دليل حضارى وتساعد البنى آدمين على الاستراحة وشم الهواء وخاصة على شارع النيل
معظم الحدائق خالية من المقاعد والبنشات وخاصة حدائق 6 ابريل ان كان ذلك ما يزال اسمها |
فعلا مافي بنشات في الشارع الجديد رغم وجود مواقف طولية للعربات
يعني الناس تقيف و تمشي كداري بس !!
بالنسبة للمقاعد فستات الشاي راصين المقاعد على طول شارع النيل (القديم)
تعبت و عاوز تقعد إلا تشرب شاي
مافي حاجه ببلاش و كل حاجه تجاره !!
| Quote: لاحظت عدم وجود اى حواجز حديدية بين الرصيف والبحر |
في الشارع الجديد عملوا حواجز حديدية (حأنزل صورها لاحقا)
لكن من كوبري المنشية لحدي الشارع الجديد فعلا مفتوحة سااااي
| Quote: لو ما كتييييييييير عليك بالله كتر لينا من الصور وخاصة الما مايله وانت كدارى عشان شوية نبل الشوق |
جدا ليك علي أمشي مخصوص بكاميرا زي الناس بدل كاميرا الموبايل دي
أهو منها نسيح في الحتات البناخدا FOR GRANTED دي
تسلم
| |
|
|
|
|
|
|
| |
محمد قرشي عباس
المسافر
Abureesh
سامى عبدالله
محمد على طه الملك
الشفيع وراق عبد الرحمن
Adil Hamza
Idris Logma
محمد جمعه الخير
عمر عبد الخالق سعيد
ابوحراز
Wael Jabir
حسن حماد محمد
طه داوود
فيس بوك
تويتر
انستقرام
يوتيوب
بنتيريست