عاجل:بالصور القبض على أخطر (غواصة) بالحركة الشعبية "CC" صلاح جادات

Quote: غاستو الواضح لي من السجال البين حيدر الزين و(العم) الطيب قرمة رحيمان انو عمك قرمة هارش من حيدر وخايف منو عديل .. اظن والله اعلم حيدر ماسك عليهو حاجة

ثم منو الزول (الدجال) الماعندو نظر دا القال ليك الاخ الطيب عمرو 65 سنة ؟؟
لمعلوميتك قريمان رجل في اواسط العمر شاب الروح وشبابي الفكر وانيق جدا ولبيس وفوق ذلك رجل متق الله وملتزم وانسان ما شاء الله متعلم وفاهم وعصري جدا فصحح معلوماتك الجاتك من كندا..(ما تكون دي عمتو تراجي كمان عاوزة تشوه سمعة الاخ الطيب رحمة )..
المهم ..
انا بدين اي محاولة منك لتحريف اسم الاخ الطيب رحمة قريمان وانت حاول كدي اقرأ ليهو ما يكتبه من مقالات تحت عنوان (قريمانيات) وستجد ما يمتاز به من اسلوب وبلاغة وحكمة وكما قال الاخ القارئ عبد الحميد هو لا يشبه بعض المدعيين فنرجو انه ربنا يحله منهم..

انت ياوهبة رش زي ماعاوز ترش باسلوبك الساخر وبـبــــ طريقتك الحامضة :) البتعرفها مافي زول بيلومك بل بنستمتع بلعبك الحريف لكن كمان حاول أكسب ناس رائعين مثل الاخ الطيب رحمة ونساعدو لامثل السبل عشان يمرق برة شلة ناس خالتو فرنصا وصلاح جدادات المشهور عندهم دائما وكالعادة انهم بيشوفو المهمومين بالشان العام والباحثين عن طريق خلاص هذا الشعب المقهور بواسطة الكيزان ويقعدوا يملوهم اكاذيب وتضليل وتأليف ونجر اخدر عن الناس الشفاء من امثالك انت والشامخة الفاضلة نجلاء سيد احمد وغيركم فيصمون الناس بالامنجية والتغويص..
ارجو يا وهبة انه بكل هدوء تتحل مشكلة الاخ الطيب رحمة قريمان معك ومع بقية زملاء المنبر الافاضل وتتصافي المسألة وأنا واثق انه قريمان لو ادي نفسه فرصة يقرأ الواقع بصورة مغايرة لما تكتبه تراجي مصطفي وبشاشا وامنة مختار سيكتشف انه مافي شئ طول عمر الحكومة دي غيرهم وامثالهم وحايديهم في التنك ويقرأ تناقضهم وكذبهم بوضوح عندما يكتشف عاجلاً او اجلاً انهم جزء من النظام بصورة او باخري كما وضح الان لكثير من قرا هذا المنبر انه تراجي وجادات وبشاشا وبقية شلة المرح اكتر ناس على خط نافع على نافع .. يكفي انهم مرات بيشكروا على عثمان محمد طه وبينتقدوا نجلاء تاني الباقي شنو؟!

لك وللطيب تحية وتقدير