|
|
 Re: ماذا قال الأستاذمحمودمحمدطه للسجان، قبل ما يضع له حبل المشنقة في ر (Re: منصوري)
|
يهتم بأمور الناس دائماَ، قبل أمر نفسو..
كان في الحراسة الجنبو ولد. هذا الولد أبوه مات وترك ورثة كبيرة جدا.. هو حكي للاستاذ محمود قصتو.. ابوه ترك ورثة كبيرة شديد. بيوت في العاصمة وعربات وأراضي.. وأخواتو 5 بنات.. المهم في جماعة عشان يورثوا ويكونوامع البنات براهن.. وهم سد عصبة بالنسبة له في الورثة.. وكدا!
قاموا دقوا الولد ده! وضربوه على راسو وبهدلوه واختلقوا له أشياء وأدخلوه السجن على أنو مختل العقل.. وما عندو ورثة ، عشان هم اقرباءه، يورثوا مع البنات التركة .. وهم كانوا عايزين يكتلوه، لكن ربنا نجاه منهم
. القصة الحقيقية ما اكتشفت إلا بعد حكاها الولد للأستاذ وقالو عايزك تساعدني، والأستاذ كان باقي ليهو ايام معدودة من الحكم عليه.
الأستاذ مشى للضابط المناوب حكى ليهو قصة الولد ده!
الضابط كان متأثر وقال للاستاذ : بالله عليك الله يا محمود قصة الولد والله قصتك أنت الباقي ليك 4 أيام للشنق، وقدر ما راجعوك من أقوالك مابي تتراجع! بالله الولد في ستين داهية! ساعدنا في قصتك أنت.
قال ليهو : قصتي أنا خلوها لى.. شوفوا موضوع المظاليم الآخرين.
.............
لما الأستاذ محمود لقاه كدة.. وقت الزيارة قام كلم المحامي الجمهوري طه أبو قرجة.. الأمير أب قرجة بتاع المهدية جدو.. حكى ليهو قصة الولد وقال ليهو حتى بعد التنفيذ عليا أنا ... أنت تتولى موضوع الولد المظلوم ده!
وإنو الولد ده موش مجنون ولا حاجة.. ولا عندو قصص مختلقة.. بس ناس طمعوا في ورثتوا ..
|
|
 
|
|
|
|
منصوري
فيس بوك
تويتر
انستقرام
يوتيوب
بنتيريست