|
|
 في حوار تلفزيوني أطلقتُ نداء للهجرة، عكس بوست العودة للسودان المشهور
|
.
في البداية تحية للقاريء
و الأعضاء
و الأصدقاء
كانت الغيبة لأسباب كثيرة
يتعلق بعضها بالسودان، الشقيق أو المشوق، و بعضها بشخصي
أعتذر
و أقول لمن لم يقرأ البوست المعني إليك الرابط
بعـد عامـين مـن الإسـتـقرار بالسـودان "الشـقـيـق"....تردّدين و النـّاوين
ولمن يرغب بمتابعة الحوار..هذا رابط اللقاء التلفزيوني من اليو تيوب
http://www.youtube.com/watch?v=MSNhWQcDFoE
الطريف أن بوست العودة أعجب الكثيرين و تداولته المنتديات و الإيميلات حتى أنه جاءني أكثر من مرة، و هذا أبلغ دليل على صدقنا، كلنا، في رغبة العودة للبيت القديم..و قد عشت فيه عامين سعيدين جدآ، بكل المقاييس، و كتبت البوست الداعي للعودة، أعقبتها ثلاث أعوام و نصف كانت عجفاء و أكلت كثيرآ مما أحصنا، لكن الإتناشر شهر الفاتو ديل (فاتو) الكبار و القدرهم..
الرجاء قراءة البوست بنظارة غير سياسية، لأن الدعوة للعودة ما كانت في إطار رضاء عن الحكومة، و النداء بالمغادرة لم يكتب نكاية فيهم، و الموقف السياسي لا يجب أن يسبق كل شيء، بل هي تجربة حياة تصف اليومي و المعيش، تتقاطع في جزء منها بالحكومة و لا تترصدها..و قد رأيت أني ملزم أدبيآ أن أقول للناس (أنا أخطأت في تقديري لدعوة العودة، فضلآ إبقوا بمهاجركم و خذوا معكم من تستطيعون من الداخل)
كانت دعوتي السابقة توصي بالعودة للسودان الشقيق
الآن صار مشقوق
أضحى وطنين..
صار الحاكم في الشمال لا يملك غير فرض المزيد من الإتاوات بديلآ عن دخل النفط، و تفتقت عبقرية الجباة عن أشكال من التعذيب جديدة
1/ يعني كنا في فطور الجمعة الفاتت في الحلفايا مربع 7 و جاء الناس يختصمون حول القرار الجديد بأن يدفع كل ساكن في شارع رئيسي فرق تحسين تجاري لأن الدكاكين التي بناها في بيته إنما تدرّ عليه دخلآ لأنه فتحها على شارع الحكومة و بالتالي يصبح هو ساكن في موقع تجاري!!
2/قبل أسبوع إشتريت AMOCLAN من صيدلية جارتنا بسبعين جنيه!! قلت للصيدلانية دة كان السنة الفاتت بثلاثين جنيه قالت نعم و لم تزد! يا جماعة الخير شركات الصيادلة الموردين بتاخد الدولار بسعر خاص 5.7 من أجلنا, الذي يحدث أن أهل الصرافات ينتظرون (هؤلاء) فور استلامهم للمال و يشترونه منهم بسعر السوق بزيادة جنيه و شوية لكل دولار! فقولوا لي كيف الأموكلان بتاعي ينزل؟ و الحقيقة كيف الأدوية المنقذة للحياة تتوفر بسعر يمكن معه شراؤها؟ كيف يمكن أن تبيع الدولة دولارها بسعر أقل و لا تخلق آلية لمتابعة شركات توريد الدواء للتاكد من شراء دواء بالقيمة؟ الإجابة أن (هؤلاء) المتلاعبين هم نفس الفريق الحاكم و ما مثال صيدلية علياء ببعيد!
3/ طلبة الثانوي الجايين من أمريكا و أستراليا و أوروبا كانوا بيمتحنوا (عربي خاص)، قام مسؤول في الوزارة بإلغائه بقرار، تضرر أهلوهم و جأروا بالشكوى، جاءت الإجابة أن هذا المسؤول على خلاف شخصي مع واحد م ملاك المدارس الخاصة و لـــــــــــن يستطيع أحد فعل شيء حيال قراره هذا!!
4/مناطق المعمورة و الجريفات و أركويت و الحلفايات الجديدة، أغلب إمتدادات الخرطوم تحت التشييد، و المقاول يقوم بإنزال المواد في الشارع العام و يقفله تمامآ، لمن تبدأ (تستعدل) ع شان ترجع تلقى واحد وقف و قفل الشارع و دخل بيت!! دي قلة ذوق من بعض المواطنين و ليس العتب هنا كله على الدولة. و هنا في البيوت الجديدة تأتي مصيبتكم أنتم المهاجرون! بيوت فاضية يسكنها خفراء ليس لهم حمامات يقضون حاجتهم في الطريق العام، بالطريقة بتاعة يشمر و يتبول، و في أحسن الحالات يحفر حفرة مؤقتة تؤذي الناس.
5/ناس الحركة، بعد ذهاب النفط، صارت حملاتهم أكثر و تربصهم أبشع، و هذا أدى لمزيد من المخالفات لدى ناس الحافلات، ع شان يجيب فرق الإيصال بتاع الغرامة، فتلقى كل الشارع جاري و تلاتة يقطعوا بعد الأحمر عاااااادي، و بتاع الركشة يلف في أي حتة في أي لحظة! بصات الوالي تعمل بنظام الإيراد فلا يهتم السائق بخدمة ناس الجريف مثلآ لأن الحاج يوسف الوحدة تضمن له شماعة، فتجد سبعة بصات وراء بعض داخلات المحطة و طالعات منها للحاج يوسف الوحدة، و ناس الجريف واقفين منتظرين. النظرة غير خدمية.
6/أعداد مظاليم الشيكات في إزدياد، و هم جماعة (يبقى لحين السداد) و حراسات الشرطة أضحت تستقبل شباب زي الورد، خريجون يناقشون في الحبس آراء جاك دريدا، و تأتيهم عائلاتهم بالغداء من شاكلة
نواعم لا يعرفن بؤس معيشة
و لا هنّ بالخطب الملمّ شواعر
و هؤلاء يدفعون للمتحري و السجان و الآمر و عين الوالي!! هل تعرفون وظيفة إسمها عين الوالي؟ هو شخص يحصي أنفاس الناس و يعرف تفاصيل حياتهم اليومية بشكل غير رسمي، و يتبع للشرطة المجتمعية! هه..هل تعرفونها؟
.
|
|
  
|
|
|
|
|
|
|
|
Re: في حوار تلفزيوني أطلقتُ نداء للهجرة، عكس بوست العودة للسودان المشه (Re: smart_ana2001)
|
الاستاذ الاعلامي الطيب بشير
كفارة محمدلله على السلامة ولكن، كيف تريد لنا ان نقرـأ مقالك وان ننزع (النظارة السياسية) وأس الداء تصنعه قرارات سياسية من سياسين يفترض انهم/ن يقومون بتسيير دفة الدولة للحفاظ على ادمية الانسان وحقوقه في العيش الكريم؟
يقرأ البوست مقرونا مع القرارات السياسية الصادرة من ممثلي حكومة المؤتمر في اعتقادي.
اما العجب العجاب وظيفة عين الوالي!
| |
|
|
|
|
|
|
|
|
|
Re: في حوار تلفزيوني أطلقتُ نداء للهجرة، عكس بوست العودة للسودان المشه (Re: محمد قرشي عباس)
|
سلام ليك وحمدلله علي السلامة..
الهجرة للأستقرار داخل السودان هي فكرة أخلاقية جميلة ومثالية لكن مستحيلة الحدوث تحت هذا النظام!
ترجع تشتغل وين؟؟
والبيخليك تشتغل منو ذاتو؟
كن في السوق بتتسرق وتنضرب قروشك وترجع تبدا من جديد في غربتك..
وكان في المؤسسات الحكومية العندهم وظائف ما قادرين ياكلوا عيش والقادرين فيها بيعكسوها علي التانيين..
واساسا المؤسسات الحكوميو لو عايزة ناس ماكانت كلعت الاعداد الكبيرة من المؤهلين للصالح العام..
المؤسسات الخاصة عندها ناسها وبتععرف تعينهم بطريقتها الخاصة..
المنظمات وبيقفلوا فيها كل يوم..
أها فضل شنو؟؟
تشتغل حرامي؟؟
لازم تتعلم الحرفنة علشان تنافس القاعدين هناك!
وبعدين ده ربع قرن..يعني كام جيل إتولد في الخارج..
أهلهم يسيبوهم في الخارج ولا يجرجروهم معاهم؟؟
.........
.........
بس كده أنا إتفشيت شوية..
كل سنة وإنت طيب..
| |
|
|
|
|
|
|
|
|
 Re: في حوار تلفزيوني أطلقتُ نداء للهجرة، عكس بوست العودة للسودان المشه (Re: ombadda)
|
Quote: صعب أن نفارق تراب ضم آباءنا وأجدادنا.
لم نهاجر يوما ولن نهاجر.
.
"ردا على الدعوة للهجرة"
. |
الأخ د. أمبده
سلام ....
أحيي فيك هذا الصمود وهذه القناعة بالمكوث في أرض الوطن ...
رغم ان للبعض ظروفهم الخاصة للاغتراب .
ومن هذا المنطلق أتمنى كل من لديه الرغبة في العودة أن يعود
ويجرب بنفسه ربما يتوفق باذن الله تعالى وأن لا يتخوف من ذلك
نظرا لتجارب الآخرين .....
التحية والتقدير لك ولصاحب البوست الأستاذ جنابو الطيب بشير ...
| |
|
|
|
|
|
|
|
|
|
Re: في حوار تلفزيوني أطلقتُ نداء للهجرة، عكس بوست العودة للسودان المشه (Re: Ridhaa)
|
.
التحية مكررة للجميع
مصحوبة بإعتذار عن التأخير بسبب تهكير الإيميل
و بهذا أعلن براءتي التامة عن إيميل الياهو اللي كان معاي خمسة عشر عامآ
و البديل لجميع حبايبناهو [email protected]
شكرآ لبكري و الشباب على الباس ويرد الجديد
..
إستهلالآ أحيي الدكتورة سمارت أنا و التي شرفتني بتوافق أفكارها المشار له بعاليه
هي طلبت البوست و أنا كنت أكتبه في ذات اللحظة!!
أسعدني ذلك
و رجاءيا دكتورة..لا تعودوا، أبدآ، لهذا البلد غير الأمين
خلوا في خاطركم الذكرى (القديمة) للسودان
أفضل..ليكم..و...للسودان
.
| |
|
|
|
|
|
|
|
|
|
Re: في حوار تلفزيوني أطلقتُ نداء للهجرة، عكس بوست العودة للسودان المشه (Re: الطيب بشير)
|
.
الأخ الكريم أسامة محمد
شكرآ لمرورك و التعليق
النظارة السياسية بتعمي!!
المتحزب يأتي برأي (مسبق) للدفاع عن موقف مبدئي و يقوم على كدة بلي عنق الحقائق لتوافق المبدأ المشار له!! أنا ما كنت عاوز البوست يبقى هلال مريخ.. ناس الحكومة يقولوا لأ السودان سمح و البوست مهبب و ناس المعارضة يقولوا السودان خربوهو ناس الحكومة دي بس!! يعني كلام زي دة ممكن يتقال في أي مكان..
لو لقيت فرصة قريت البوست الأصلي، اللينك الفوق د، تجدني متبني فكرة العودة بتفصيل دقيق عن الموية و الخدار و العمل و المدارس و المستشفيات و ناس الحركة و الأماسي ممكن المغترب يقضيها وين...أنا كتبت البوست الأول بعد إستقرار عامين في البلد..و البوست دة بعد خمس سنة و نص، يعني تلاتة سنة و نص بعد البوست الأول..عاوز أقول للناس و التاريخ إنو الظروف القلت ليهم فيها عودوا لم تعد موجودة، بل ساءت، و هذه أمانه في ذمتي..
يفسد هذا البوست الناصح للناس أن يسوده اللجاج السياسي
و بصراحة، محضة، أنا لمن قلت عودوا للبلد كنت من أشد المعارضين لهذا النظام
و بعد قرابة الست أعوام في الأمم المتحدة بالسودان لم أعد سياسيآ!! بمعنى أدق لم أعد مكايدآ للنظام، كما كنت، و مترصدآ لأخطائه حتى يعتبر الناس أن البوست كيدآ في الحكومة، بالطبع لم و لن أوالي، و بالطبع من يبحث عن الهجرة و يدعوا لها جهرآ بالتلفزيون و البوردات هو بالضرورة بعيد عن الترطيبة الحكومية، لكن أتمنى على القاريء متابعة البوست بلا تسيس مخل..و لو جاءت إدانة الحكومة في ثنايا القراءة فهذا ما كسبت يداها!!
إنشا الله أكون وضحت الفكرة؟
.
| |
|
|
|
|
|
|
|
|
|
Re: في حوار تلفزيوني أطلقتُ نداء للهجرة، عكس بوست العودة للسودان المشه (Re: الطيب بشير)
|
.
الأعزاء محمد قرشي و دكتور أم بدّة
تحياتي لكما و تقديري لإسهامكما
يبدو أنني سأشير كثيرآ للبوست المرجع الفوق دة
أنا قلت في دعوتي للعودة للبلد أن (التجربة لـــــن تفيد كل الناس)..و أوضحت أن البعض ممن تتشابه ظروفهم معنا يمكنهم العود، و بذات القدر الآن بوست الدعوة للهجرة لا يشمل الكل..و البعض ممن تتشابه ظروفهم معنا يمكنهم الهجرة..و..للأمانة أنا أتبرّأ من دعوتي السابقة للعودة و لا أريد أن يكتفي الناس بالصورة التي رسمتها لهم سابقآ، ببساطة لأنها لم تعد موجودة..و لا أريد أن أخادع الناس أو (أغالط نفسي في إصرار و أقول يمكن أنا الما جيت)...لأ..لا و الله...أنا جيت، طب، و البلد بعد الإنفصال لم تعد هي التي دعوت النس للعودة لها...يبقى لازم أقول..و قلت...بث
تحياتي
.
| |
|
|
|
|
|
|
|
|
|
Re: في حوار تلفزيوني أطلقتُ نداء للهجرة، عكس بوست العودة للسودان المشه (Re: الطيب بشير)
|
.
أهلين منى خوجلي
شكرآ لترحابك السمح
وأهم حاجة...بركة الإتفشيتي :)
زي ما حضرتك اتفضلت في البداية الدعوة للعودة للجرح القديم دعوة أخلاقية
أعجبني التوصيف، و لا أدعي أن كل الجمال دة كان حاضرآ يوم دعوت الناس للعودة
طبعآ كثرة إشاراتي للبوست أعلاه ممكن تصبح نكتة بعد شوية
لكن انا قلت فيهو إنو الوظائف الحكومية ليست هدف لمن دعوتهم للعودة..و قلت.. ركزوا على المنظمات و الشركات الخاصة، كانت الزمن داك الفرصتين متاحات بشدة، و هسع لأ!!..ع شان كدة أنا قلت أرفع صوتي بالدعوة لــ(عدم العودة)...و لو قريتي بوست ناس البوليص (دفتر الأحوال) الزميل عمر قرأ ردي بأنني في دبي و ماشي الدوحة و بعدها راجع أمريكا.. قال لي بالتحديد (ياخ تقول للناس أرجعوا البلد و تمرق منها؟؟..) و أردف ضاحكآ أنها مثل الكاميرا الخفية!! أها البوست دة ليس رد فعل لكلامه، لأنه كان في طور الإعداد، لكن مصداقآ لرأيه أنني ملزم أخلاقيآ بتبيين الوضع في السودان للناس أجمعين..
يا ريت يكون الصورة كدة أوضح؟؟!!
.
| |
|
|
|
|
|
|
|
|
|
Re: في حوار تلفزيوني أطلقتُ نداء للهجرة، عكس بوست العودة للسودان المشه (Re: الطيب بشير)
|
تحية لك أخي الطيب ولأسلوبك الرائع
أنا أحد الذين بدأوا في حزم حقائبهم بعد قراءتي لبوستك السابق
وهو كلام يسيل له اللعاب
ويجعلك تتخذ قراراك عاجلاً
ودون اي تردد
رغم أنني لا امتلك بيتا بالسودان
لا في المنشية
ولا في ام ضريوة
كما أنه ليس من السهل أن أحصل على وظيفة مع جماعة { هي لله هي لله } !!
وحتى أنني توصلت الى نظرية مذهلة بعد هذا العمر من الكفاح المعيشي
وهي اذا اردت ان تكون مرتاحا فيجب عليك الآتي
ان لايكون لديك مدير
وأن لايكون عندك كفيل
وأن تكتفي بنقة { وزارة الداخلية } بعد هذا العمر
وإن قلت تصبح بلازوجة فالرماد كال حماد
لانجد اي واحدة تقبل بك بعد انتهاء الصلاحية
كما ان المغتربين لديهم خرف مبكر
وكلامهم كثير جداً لهذا لابد ان تتمسك بوزارتك وليكن مايكون
وخلاصة هذه النظرية ان تعمل بمفردك
ان شاء الله حتى تبيع { طلح }
وترفع الأسعار قليلا على النسوان كلما شعرت بزوار الضرائب
وناس النفايات
وجماعة تكريم نسيبة الوالي !!!
وصلت الى قناعة بأن الذي يعمل بالراتب حمار درجةأولى !!!
فليس من المعقول أن لاتضحك انت
ولا اولادك
ولازوجتك الا في آخر الشهر !!!!
حزمت حقائبي كما ذكرت لك آنفا
ولكن احد البورداب وهو صديق اعلامي بالرياض كان لايقبل نهائيا ان تقول الأحوال سيئة
بل كان يمسك لك في حلقك ان تجرأت وصرحت بذلك
وهو من الذين اشتروا بالوادي الأخضر
وامضى عاماً بالسودان أسماه عام الرمادة !!!
وبعد قراءتي لشلهتة أخونا
والرمادة دي 00 افرغت ملابسي بالدولاب مرة أخرى
رغم ان السودان وقتها كان ناصعاً
ولم تكن به { عشبة بن علي اليمني }
ولا اقاشي حاج أبكر لتقوية الحيوانات المنوية !!!!
| |
|
|
|
|
|
|
|
|
|
Re: في حوار تلفزيوني أطلقتُ نداء للهجرة، عكس بوست العودة للسودان المشه (Re: ابوحراز)
|
يوووووووووه زمن يا استاذ الطيب
للامانة انا ناقشت الاخ الطيب حين البوست المذكور
ونصحني حينها بالتريث في العودة وقد كان
والحمد لله لم اندم على القرار
وتبقى الغربة الطويلة حاجة صعبة
والاصعب عدم وجود ضوء في آخر النفق كما يقول ناس السياسة
والسؤال هل يوجد خيار ثالث
المهم تذكرت قريبنا القال للناس بعد صلاة الجمعة ياخونا قولوا اميييين
اللهم غير هذا الوضع ولو بالقيامة
| |
|
|
|
|
|
|
|
|
|
Re: في حوار تلفزيوني أطلقتُ نداء للهجرة، عكس بوست العودة للسودان المشه (Re: الطيب بشير)
|
.
مرحبتين الحبيب أبو حراز
يلحقونا و ينجدونا السادة العركيين
أشكرك على رأيك المشجع في كتاباتي
و برغم عام الرمادة الذي أصاب صاحبك
لكن الحمد لله أنك أفرغت الملابس في الدولاب بعد أن حزمتها بناء على البوست الوردي بتاعي!! و هذا، بالتحديد، ما دعاني لكتابة البوست المضاد..و فكرة الطلح ما جايبة همها، أحسن اتزوج، و الله يا ابو حراز ليس هناك أجمل من الزواج، و لا أفضل من قضاء العمر مع شريكة، ما تسمع كلام العزابة دة
الرزق لينا بسبب عيالنا
أشكر ردك الخفيف يا لطيف
.
| |
|
|
|
|
|
|
|
|
|
Re: في حوار تلفزيوني أطلقتُ نداء للهجرة، عكس بوست العودة للسودان المشه (Re: الطيب بشير)
|
الطيب ود طابت...شايل الاسم
ازيك واشواق ...قندرانات
جدلية الهجرة والبقاء ...قديمة ...وما ليها مقاييس عامة ...
المشاهدات المرتبة 1- 2- 3 بتدي مؤشرات ما بتتلقى في مقالات وابحاث استراتيجية
محمد المكي ابراهيم اشعر في ذلك وقال:
قال عصفورُ قلبي:سنرتحلُ الآنَ
عن هذه الدوحة المقفرة
سوف نترك أشلاء من قُتلوا
وسلاسلَ من وقعوا في الإسارْ.
سوف نتركُ فوجَ الصبايا
وأعشاشنا في ضواحي النهار.
سوف نتركُ للبربر المنتصر
ما تبقى على ساحة المجزرة:
الخواتيمُ والإسورة
والبخور اليساري والجثث المنذرة
للبرابرة الظافرين سنتركُ
أجداث أحبابنا
ومفاتيح أبوابنا
ثُفل قهوتنا
ومعالمنا الداثرة.
للبرابرة الظافرين
نتنازل عن كل شيء
سوى هذه الدوحة المقفرة
إنني آخر الذاهبين
انشرُ الآن أجنحتي ذاهبا عن بلادي
وأشياء قلبي
وأبناء سربي
وقافيتي المزهرة.
إنني ذاهب فاهنأوا أيها الظافرون
في الفراغ تجلجلُ حكمتكم
وتروجُ حوانيتكم:
انتمو العارفون
أنتمو – ليس غير كمُ – المؤمنون
فانظروا ما فعلتم بنا
وبأنفسكم
والإله الرحيم
.
.
.
.
| |
|
|
|
|
|
|
|
|
|
Re: في حوار تلفزيوني أطلقتُ نداء للهجرة، عكس بوست العودة للسودان المشه (Re: الطيب بشير)
|
.
صديقي العزيز أيمن دياب كيفنك؟
ليك وحشة ياخ
أنا ضياع الباس ويرد و تهكير الياهو قطعوني من سودانيز لزمن ليس بالهين
أشكر حضورك الأنيق
Quote: وكيف الطريق إلى الخلاص..
وهل حُكم علينا كسودانيين أن نعيش كل حياتنا في هذه التقلبات والتغيرات وعدم الاستقرار؟ |
أرى أن النظرية الأوفق هي ما كتبته مرة في حائطي في الفيس
نظرية الحياة الطاعمة مقابل الحياة الناعمةQuality of life VS taste of life
باعتبار أن الحياة في السودان طاااااااعمة جدآ بيد أنها تفتقر للنعومة
و بالمنافي ناااااعمة جدآ بيد أنها ماسخة مساخة الفراخ المجمــّــد!!
و إذا جاز لي الحديث عن تجربتي فقد أمضيت أعوام بالبلد في منتهى الطعامة و اللهث!!
يبقى إنت تختار:
عاوز حياة طاعمة و الله ناعمة؟
موش بتاع المطعم بيسألك:
عليهو جبنة؟..شطة كيف؟..
و نفس السؤال لناس المهجر في مطاعم أرقى و لغات متباينة و مشهيات و مقبلات و طرق طهي مختلفة
الفكرة هي نفسها..أكل,,حياة..مطاعم..خيارات..واحد عاوز مايونيز و التاني لا يطيقه! واحد عاوز فـتـــّــة و الثاني عاوز ساندويتش..حتى لو طلبنا كلنا شيـّــة في ناس بيفضلوها بي باقي دمها..
أنا غايتو باقي عمري دة عاوزو WELL DONE
كفااااي في (النص استوا) بتاع السودان دة
ياخ بشير ولدي (سيكمل 14 بعد أسبوعين) إنكليزيهو الكنت بحلف بيهو بدأ يتراجع
و أنا إتعينت بمرتب سوداني يوم واحد شهر عشرة الفات دة...لمن قبضت الراتب يوم واحد و تلاتين لقيتو (نقص) مائتي دولار!! وحياتك الأصفار المكتوبة بالسوداني قاااااعدة في محلها، يعني ما خدعوني، لكن قيمة جنيه بلدنا (كشــّــت) في شهر ما أفقد راتبي 200$!! و هل هذا أمر يمكن التنبؤ بثباته؟؟..هل هي هينة يعني حكاية البقصة بتاعة ميتين دولار لي زول في السودان؟
أنا غايتو، عن نفسي، مارق
و كل زول قرا بوست العودة، رجاء، يقرا بوست الهجرة
و بث
.
| |
|
|
|
|
|
|
|
|
|
Re: في حوار تلفزيوني أطلقتُ نداء للهجرة، عكس بوست العودة للسودان المشه (Re: الطيب بشير)
|
.
مرحبا بصديقي طاهر بدر
و نحيي صاحب الإسم المعكوس بدر طاهر
هو أيضآ عضو هنا
أشكرك يا طاهر على القصيدة الجميلة للشاعر الفحل
و بتذكرني بالكلام اليشبه حوارنا و هي القصيدة الشهيرة للشاعر الأشهر و اللي غنوا جزء منها ناس عقد الجلاد
==
شين و دشن
و سموم و سوافي
و تسأل شن الحبــّــب فيهو؟
الحب في ذاتو مبرر كافي!!
==
طبعآ الدعوة للهجرة من البلد ليست دعوة للتخلي و لا نقص في الوطنية
بل هي فرصة متاحة لحياة كريمة بالخارج
بيستفيدوا منك، قطعآ، كل حبايبك بالداخل
القاعد ع شانهم
حتى الحكومة البتعقد خروج الناس بتستفيد من دولاراتهم
ع شان كدة سافروا
و رسلوا المال
عيشوا صاح
دخلوا العيال لمدارس (صح صح)
و بث
.
| |
|
|
|
|
|
|
|
|
|
Re: في حوار تلفزيوني أطلقتُ نداء للهجرة، عكس بوست العودة للسودان المشه (Re: الطيب بشير)
|
الأرباب ود القبائل
حباب ود طابت
والله أنا ما عارف يا الطيب أخوى لكن لى سنسن عددا لم أستطع الذهاب إلى السودان
لأنى ف العام 94 ذهبت إليه وكدت أذبح من القهر
يا الطيب كان فى بورتسودان يعقدون ندوة فى نادى ترانزيت مثلا
ويدورون على بيوت سكان ترانزيت واحد واحد ويسجلون أسماءهم
ويدعونهم بقصاصات صغيرة غير محترمة إلى حضور الندوة
ويخبرونهم أن حضورهم مهم لأنهم كبار الحى ، وهم معلم الله
ثم فى الندوة على كل فرد التبرع للندوة ( يعنى يبيعوا لهم كلام هايف - إنت عارفه -
وهم يكونوا قد حددوا مبلغ الدفع .
والله يا الطيب دخلت فى مشاحنات ما أنزل الله بها من سلطان
والعجب لمن مشيت الخرطوم كل يوم شكلة فى الحافلة أو الطرحة
وساطورى فى الهاند باق الفيها جرايد
والناس غبوووووووووش غبش
منها توجهت رأسا لأسمرا وبعدها طبعا مافى طريقة أذهب للسشودان
والآن ما فضل لى إلا إنه أخنق أى واحد ألم فيه من القهر
وأصبحت لنا الحياة مسيخة . ولا حديث لنا إلا عن هؤلاء السيئين
وطبعا يا الطيب دفعنا كلها البنعرفة والكانت تأوينا بحنها وودها
ووجلساتنا الحلوة والأهل كل ذلك أضاعوها منا
سلام ود بشير
ليك ولى ضيوفك الكرام
يا كريم يا ابن الكرام
صديق ضرار
| |
|
|
|
|
|
|
|
|
|
Re: في حوار تلفزيوني أطلقتُ نداء للهجرة، عكس بوست العودة للسودان المشه (Re: صديق_ضرار)
|
.
ألف أهلآ بالحبيب صديق ضرار
يا سلاااااام ياخ....زمن يا ملك
ليك وحشة يا راجل
أب ساطور....هيع
ضايقت الحاج آدم في لقبو ياخ
الحاج آدم قال (الإسرائيلين الجبناء يهاجمونا بالطائرات ليه؟؟ لو جونا بالأرض كنا قطعناهم بالسواطير)!!
إنت عارف الجماعة ديل بس تنساهم و تشوف حياة بعيد عنهم!!
كل ما يصبح صباح بتلاقي تلاتين مليون مظلومين منهم!
و قلت لي ناس بورتسودان الحلوين يشيلوا و يدفعوا في التبرعات؟
و برضوا تقول لي نقعد؟؟!!
عارف أنا ما عايزك تضجر..كيف؟
في الغربة دائمآ هناك شباب، أو ناس مافي عمرك لكن فيهم ناس روحهم حلوة..تقوم بتصعيدهم و تتعامل مع الإنسان جواهم بلا حاجز عمري...نجحت معاي في السودان و ممكن تفيدك في أي مجتمع..الخرطوم...بورتسودان...طابت...جدة..ميامي...أي حتة..بس يكون زول كويس، بمقياسك، و ما مشكلة حكاية العمر دي..
شكرآ ليك يا حبيب
.
| |
|
|
|
|
|
|
|
|
|
Re: في حوار تلفزيوني أطلقتُ نداء للهجرة، عكس بوست العودة للسودان المشه (Re: الطيب بشير)
|
الطيب سلامات
لااكذبك القول اطلعت على بوستك الذي تدعوا فيه بالرجوع للبلد المنهوبه وقلت في سري تلقاها عندالغافل قبل ان افكر في الرجوع للبلد افكر في المرارات
والغبن والظلم عند مغادرتها والحمد لله كانت فكرتي في البدايه الغربه والرجعه بس من غير ماادري اتحولت الي هجره دائمه يعني شراء بيت في الغربه
والان في بداية تاسيس مشروع شخصي والانعتاق من عبودية الوظيفه والله هي نفسها وبتكون خاتي يدك في قلبك كل يوم ان يطلب منك صاحب العمل ترك
الوظيفه . وياما تناقشنا في الغربه في العوده بل قررنا عدم شراء بيوت في السودان وزي ماقلت دي حكومه يستحيل العيش معاها. يعني انت وصلت للخلاصه
بنداء الهجره وليس الغربه.
| |
|
|
|
|
|
|
|
|
|
Re: في حوار تلفزيوني أطلقتُ نداء للهجرة، عكس بوست العودة للسودان المشه (Re: عمر نملة)
|
أهليييين جنابو الطيب .. وحمدالله على سلامة العودة (للمنبر) ..
تتذكر في بوستك القديم الذي يدعو الى العودة الى السودان تداخلت معك بقصة عودتي عام 2007 وهروبي بعد عام فقط
عائدا للغربة مرة اخرى ... رغم المرتب المغري والسكن الراقي وكل التسهيلات ...
ورقم ان سعر الدولار كان 2 ج فقط ...
لكن وجدت البون شاااااسع بين النظام في الوطن وخارجه .. ولم استطيع التاقلم ...
المهم انت جربت حظكـ وأظنك المره دي مخارجتك حتكون نهائية الى أن ينصلح الحال والذي قد يطول
أسأل الله ان يعجل بالتعافي للوطن سريعاً .. وأن نعود جميعا عودة نجد فيها الخير والأمن والأمان
وأن ينعم جميع السودانيين بحياة طيبة ورخية ...
قرارك بالمغادرة الآن صائب جداً وأهنئك عليه .. ربنا يحقق ليك ولأسرتك فيها ما تصبو اليه
ويحفظ الجميع ...
| |
|
|
|
|
|
|
|
|
|
Re: في حوار تلفزيوني أطلقتُ نداء للهجرة، عكس بوست العودة للسودان المشه (Re: عمر نملة)
|
.
مرحبتين عمر نملة
أنا مبسوووط إنك قريت ابوستين
و صح لسانك، أنا قاصد مفردة (هجرة)، ذلك أن كلمة غربة تشي بأمل في العودة!!
أنا لا أريد أن أخدع الناس، البلد الأنا جيت منها قبل أسبوع دي ماشة من سيء لأسوأ!!
و فكرتك في العمل الخاص صحيحة ميتين الماية
بيل غيتس قال (You will NEVER be rich working for some one else)
لأنك تثري صاحب العمل في تلك الحال
تقديري
.
| |
|
|
|
|
|
|
|
|
|
Re: في حوار تلفزيوني أطلقتُ نداء للهجرة، عكس بوست العودة للسودان المشه (Re: الطيب بشير)
|
.
المحوران الخطران فيما يتعلق بالإستقرار في السودان هما
1/ التدهور المريع في مستوى الخدمات الصحية، مع الغلاء الشديد، يعني تدفع قروش كتيرة جدآ لبتاعين المستشفى الخاص و بعد كدة,,الدواء مغشوش و انبوب الأكسوجين فارغ و مافي محاسبة لمسؤول.. و السخف بتاع (بعض) الأطباء مثل الذي قال لصديقنا باب الدين و قد جاء ببنته في حالة تسمم:
لو ما دفعتو اتنين مليون جنيه مقدمآ ما بخت فيها يدي!!
طبعآ الدفوع ممكن تكون كتيرة...و الهجوم ممكن يكون على الأسلوب أكتر من كون المال حق أم لا طالما المستشفى خاص..لكن أنا بقول طالما الهجرة متيسرة من بلد بيهين المواطن بتاعو..ليه لأ؟
غني عن القول أن الأمثلة عن المستشفيات الخاصة لأن العامة أصلآ مافي مغترب بيمشي ليها..و الناس البيمشوا ليها، مؤكــّـــد، عندهم نوادر لكن هل يا ترى عندهم من يوصل صوتهم؟؟!!
2/ الجانب التاني طبعآ الجانب الأمني!!
رجعت السرقات المنزلية و ظهر معاها خطف شنط اليد و سرقات الموبايلات و النشل في الجامع عقب لحظة عقد القران و زحمة مبروك في ساعة العقد... و النهب المسلح دخل المدن أثناء النهار..و القصص بتاعة تابعوني اتنين و انا طالع من البنك..و ما إليه..طبعآ بعض القصص، الغير مؤكدة، تتهم نظاميين بالنهب!! يبقى يا جماعة الخير أنا أبريء ذمتي من دعوتي السابقة بالعودة...و الأفضل أن أعلن عن فشل تجربتي في الإستقرار بدلآ عن أن أرى (ضحية) و قد غرر به/ا البوست المغري بالعودة...القصة دي ماااا إياها
.
| |
|
|
|
|
|
|
|
|
|
Re: في حوار تلفزيوني أطلقتُ نداء للهجرة، عكس بوست العودة للسودان المشه (Re: الطيب بشير)
|
تحية لصاحب البوست وضيوفه
تغرب عن الأوطان في طلب العلا *** وسافر ففي الأسفار خمس فوائد
تفريج همًّ واكتساب معيشة *** وعلم وآداب وصحبة ماجد
نسأل الله أن يبدل الحال بأحسن حال وأن يرد غربة البلد
بس السؤال إلى متي نظل بأرض المهجر؟
أنا في رأي أن حال هذا البلد لن ينصلح والجميع يعرف السبب وإذا عرف السبب بطل العجب ولذلك كل شخص يصلح حاله ويرتب وضعه لأن نهاية هذه الهجرة مجهولة والغريب عن وطنه مهما طال غيابه مصيره ارجع لأهله وصحابه وينسي آلامه وشجونه وينسى حرمانه وعزابه
| |
|
|
|
|
|
|
|
|
|
Re: في حوار تلفزيوني أطلقتُ نداء للهجرة، عكس بوست العودة للسودان المشه (Re: الطيب بشير)
|
.
صدقت نبوءة الأخ عادل البدوي
و التي سأورد اللينك، البديع، اللي اتفضل بيها فيهو
قال في تلخيصها إن (الحالة الضبابية) للقرارات في السودان تجعل الإستقرار فيه غير ممكن
ورد ذلك في بوست سبق بوستي، و قد أشرت له أنا في مستهل بوست العودة بتاعي، و هو بوست الأخ لؤي الموسوم (الكهرباء..الكتاحة و الملاريا هل هي ما يمنع عودة المغتربين) أو ربما كان المعنى صحيح و اللفظ مغاير..تداخلت أنا في ذلك البوست بحماس الراغب في العودة، و كنت وقتها منعمآ بشواطيء ميامي/فلوريدأ، لكنني مثل أي سمكة شبعت و نططت من البحر رحت أدعم فكرة لؤي بالعودة..إنبرى لي الأخ الكريم عادل البدوي و كتب ما أرجو أن تستمتعوا به في اللينك أدناه:
Re: الكهرباء..والكتاحة ..والملاريا ..ونقص العلاج ....عودة مغتربي الخارج ؟
لعمري لقد تنبأ عادل حتى بمزازاتي في طابت بعد طرد الأمم المتحدة، و قد كنت أخطط للعمل بها!! فلله كيف تمكن الرجل من (قراية) كل ذلك مقدمآ؟؟!!
له التحية أينما حل و نتمنى أن يكون متابعآ لرجوع للحق بلا مكابرة
.
.
| |
|
|
|
|
|
|
|
|
|
Re: في حوار تلفزيوني أطلقتُ نداء للهجرة، عكس بوست العودة للسودان المشه (Re: الطيب بشير)
|
| Quote: سعلتني وبقول ليك فهمنا والرأي رأيكم، يا سيدي الأمانتي ليك ويا أسيادي من رعايا الدولة السودانية ممن حصلوا على شهادات وربَّما جنسيات أمريكية وأوروبية، أدقشوا الخليج المرفَّه* دا فإنَّ لكم ما سألتم. |
شكرا ليك يا الطيب على طرح تجربتك في العودة ، وهي بحق تجربة " طرزانية " بكل ما تحمل الكلمة من معنى ...لاكين يبدو عليك بتحب المغامرات ...
وعليك حبة تفاؤل شلتو من بلاد اليانكي ...بس الحمد لله جات سليمة ...وأهو وفرت على كتيرين تجريب " الطرزنة " ...ويشهد الله ..أخوك واحد منهم
مرات مرات ..أقرب أطبق نظرية " الرهيفة " ... بس كلما أشاور القاعدين جوة البلد ..يقولو لي يا زول ماك نصيح ول شنو ؟؟؟ الجوة عايزين يهجو ..
بعدين شكرا ليك على الشعر البديع والإلقاء المرهف ...سمعتك في الرابط المرفق ...اللفت نظري أكتر ..هو إنك لسة وليد في مقتبل شبابك ...وأظنك لسة
ما دخلت مرحلة تعليم الوليدات ...وما يتبع ...عشان كدة ...أظن أن مداخلة الأستاذ عادل بدوي المقتبسة فوق دي ...فيها خلاصة للعايز خلاص ..
خصوصاً ...العندو وليدات وعايز يضمن ليهم تعليم جيد ...
شكرا ليك مرة تانية ...وأرجو أن أقرأ لك بأسلوبك الأدبي الفكاهي ..سرد لتجارب ومواقف عملية ...من داخل أرض المعركة ...وكدة يعني ...
| |
|
|
|
|
|
|
|
|
|
Re: في حوار تلفزيوني أطلقتُ نداء للهجرة، عكس بوست العودة للسودان المشه (Re: ibrahim fadlalla)
|
.
يا سلاااااام يا عزيزي ابراهيم فضل الله
مرحب بيك و شكرآ ليك
ياخ كتبت كلام حلو
أولآ أنا فعلآ بحب الطرزنة، و بجعل هامش المغامرة في تحركاتي "المحسوبة" أكثر من ثلاثين بالمائة!! يعني معجب بفكرة الزراعة المطرية التي هي، بتقديري، أوسع أبواب التوكــّــل على الله مع السعي في طلب الرزق..ذلك أن المزارع يضع البذرة و هو يثق في ما عندالله أكثر من إطمئنانه لما في ترعة المشروع..و من هذا المنطلق أنا كثيرآ ما(أستقيل بدون بديل)!! و ربنا لو قفل طاقة بيفتح، مؤكــّــد، باب...هذه مرافعة لتجذير الطرزنة بدلآ من نسبها لليانكي، و لا أنكر أنهم "إتبينوا" في نمط حياتي..
ثانيآ إسمح لي أن أحيي لطفك البائن في رأيك الإيجابي لما كتبنا و لمحاولة الإلقاء..دة شعر الريد..حد الريد..و هسع، بعد بشير ولدي بقى عمرو أربعطاشر، صار صعب إنو نعيش تجارب الجامعة تاني، يبدو أن كل أول ليهو، فعلآ، آخر..و في بالي أن أغادر محطة الرد عليك بشكر مكرر..و نتمنى أن تعجبك تفاصيل هذه التجربة فتزيد في مدة هذه الهجرة حتى يقضي الله أمرآ كان مغعولا..
.
| |
|
|
|
|
|
|
|
|
|
Re: في حوار تلفزيوني أطلقتُ نداء للهجرة، عكس بوست العودة للسودان المشه (Re: الطيب بشير)
|
ياخي أحبطتونا أيما إحباط تابعت كاتب البوست والمتداخلين
فلم أجد أحدهم إختلف مع الآخر في وصف ما وصلت إليه الإمور
رسمت صورة جميلة وزاهية لأولادي عن هذا السودان وهم على وشك دخول الجامعات
وهم حالياً يفضلون الذهاب إلى السودان عن أي مكان آخر في العالم ،،،،
ووعدتهم أننا سوف نغزوا السودان في إجازتنا هذه المرة حتى يتعرفوا على
بلادهم ويتشرفوا بالتعرف عليه ونفكر أن نستقر يوماً ما فيه ، هل سأبدو كاذباً
أمامهم حين وضعت هذه الهالة الرائعة عن السودان والسودانيين ،،، وقد يتفأجوا
بأن الوضع غير ما تخيلوه !!!!!!!!!!!!!!!!
ونحن من أسرة مهاجرة منذ عام 1974 بعد عذابات وإعتقالات ناس مايو للوالد
رغبتي الأكيدة بأن يستقر أولادي بالسودان ، وهل أكون ظلمتهم لو غيرت البوصلة
نحو الداخل وكثير من أخواني وأودلاهم طشوا في ُأروبا والخليج ؟؟؟
يعني السودان السمح ده بقى جميل طين ساكت !!!
حيرتوانا ؟؟؟؟؟
أخي الكريم لقد أنخت بعيرك في موطئ الألم ، وفي كبد الحقيقة
صراحة أوليت هذا البوست إهتمام كبير لأنه مكتوب بصدق ،،،
أكمل ،،، جزاك الله عنا كل خير
| |
|
|
|
|
|
|
|
|
|
Re: في حوار تلفزيوني أطلقتُ نداء للهجرة، عكس بوست العودة للسودان المشه (Re: ميسرة سيد أحمد)
|
.
مرحبا ميسرة سيداحمد
تعرف إسمك كله يتطابق مع دفعتنا العقيد (ميسرة سيداحمد)
و أنا بعرف تمنطاشر زول إسمهم (الطيب بشير)..دة السودان
بالنسبة لأولادك فممكن تواصلوا في قصة العطلات دي
ما هو أنا ما قلت ما تزوروا البلد!!
زيارة أووكي...
لكن إستقرار و عمل هناك و إنهاء للغربة لأ لأ..
بعدين ياخ 1974 دة كلام بدري خالص...لمن الجنيه بيشتري حداشر ريال سعودي!!
مرحب يا سيدي
أنا بواصل و انت تابع
.
| |
|
|
|
|
|
|
|
|
|
Re: في حوار تلفزيوني أطلقتُ نداء للهجرة، عكس بوست العودة للسودان المشه (Re: الطيب بشير)
|
.
من أسباب زهدي في الإستقرار بالسودان..حوادث المرور المتكررة بشارع مدني!! نفس الخطأ..و لا حلول..طبعآ هناك حوادث في كل الدنيا..لكن حافلة و بص يتطاقشوا بسبب التخطي الخاطيء و يموتوا عشرين و تاني تلتين..تلاتة مرات في ستة شهور دي إلا في شارع مدني!! لا طريق شريان الشمال ..لا شارع البحيرة شيكاغو..و لا داون تاون كمبالا...مافي..و التلاتة ديل الأنا سمعت بيهم، و لدي فيهم أعزاء فارقوا الدنيا و لم يتحرك أحد لتوسعة طريق مدني الخرطوم الذي بناه الفريق ابراهيم عبود، عليه الرحمة، يوم كان المساران يكفيان لعدد السيارات ..و لما كانت الزيارات للخرطوم تتكرر بعد أعوام!! الشيء الوحيد الذي أضيف لمجهو الفريق عبود هو بوابات العبور للجبايات و مراقبة الناس..برغم مرور أكثر من نصف قرن على تشييد الطريق!!
نفس الخطأ..و نفس رد فعل الحكومة..و نفس العبارات في نشرات الأخبار (هذا و قد خف إلى مكان الحادث سيادة المحافظ و نفر كريم من أهل القرية "المجاورة للحادث بحسب الحال" مؤكدين أهمية توسيع هذا الطريق الحيوي)...و بث..ممكن الخبر البعدو يكون التنس في بايرن ميونخ!! و طبعآ دي غبينة تاااااانية براها..
لقد قام الراحل عثمان عبداللطيف، عليه الرحمة، بالبدء في هذه التوسعة قبل أكثر من عشرين عامآ، حين كان منصبه "حاكم الإقليم الأوسط"..و بالفعل تمت إزالة بيوت الأهالي و دكاكينهم من حرم الطريق..و بث..طيعآ الإزالة دي سااااااهلة...عسكريين و كراكة..لكن بعد داك كل الطرق مشت شمالآ حيث قرابات لمتنفذين و غربآ لإسترضاء الثائرين..لكن شارع آلاف العابرين بقي بلا وجيع!! و الناس تموت سمبلا..هذا و قد خفّ إلى مكان الحادث.......
طبعآ فكرة الرضاء بقضاء الله و قدره ما غائبة عني، و لا أنا هارب لمينيسوتا من ملك الموت، لكن وضع ما بقي من العمر في بلاد تعشق تكرار الأخطاء يمثل قمة الحمق!! أهلنا الخواجات بيقولوا، بترجمة مجتهد، تعريف الغباء هو أن تكرر نفس الخطأ و "تتوقــّــع" نتائج مختلفة!! من وين تجي النتائج المختلفة؟؟...نفس الخطأ.. لوري موديل سنة خمسة و ستين...ماشي بي سرعة أربعين..أها قام (حبس الدرب)..و بقى وراهو سيرة من المغتاظين..و يبدأ التخطي باقتناص الفرص..أي خطأ في تقدير سرعة اللحاق يمثل حادث أليم..و الناس تتقابل بالرأس..و هذا أسوأ تصادم..يموتوا تلتين شاب و يكون اللوري شايل زبالة لكمينة في طرف الخرطوم!!
الحكومة ما بتقدر تقول للوري تعال بعد منتصف الليل، و هو الوقت المناسب لمرور شاحنة بطيئة، لأنو ناس المحلية خامشين من بتاع الكمينة ...و ناس المرور لوووول أهلي الحلوين..ديل كلما أوقفوا مخالفآ ينظرون لجيبه قبل إحتمال أن يتسبب في موت الناس..و بالعربي كدة الكلام دة ما شاغل أي زول..الناس بتموت سمبلا..و بالذات ناس شارع مدني..
هذا و قد خفّ إلى مكان الحادث.......
.
.
.
| |
|
|
|
|
|
|
|
|
|
Re: في حوار تلفزيوني أطلقتُ نداء للهجرة، عكس بوست العودة للسودان المشه (Re: محمد جلال عبدالله)
|
.
الزول العزيز محمد جلال هاشم
كيف إنك؟
و الله كويس إنك ما استعجلت
تعرف أنا غربتي البشكي منها دي كلها أمها و أبوها تسع سنة!!
قضيتها بين ميلواكي/ويسكونسن....سينت كلاود و مينيابولس / مينيسوتا و ختمتها بميامي/ فلوريدا
رجعت السودان خمسة سنة و نص
هسع طالع تاني...يا البلد إستعدلت و اقتنع أهلها بفكرة العيش الكريم للجميع
أو أموت في بلاد الغربة مع زيارات للسودان بقدر ما يسمح الظرف
و بمناسبة الموت دي يا جماعة...الوصية الإسفيرية..
لكن تاني رجعة للجهجهة، بحول الله، مافي نهااااااااائي
ديناصور مين يا محمد جلال...أنا ما كنت داير أسيب السودان دة خالص!! حتى الغربة الأولى..
لكن هسي...الله يستر بث
.
| |
|
|
|
|
|
|
|
|
|
Re: في حوار تلفزيوني أطلقتُ نداء للهجرة، عكس بوست العودة للسودان المشه (Re: elhilayla)
|
.
حنيني العشتو..في طابت
يا حليلو من سنين غابت
يااااا نااااااس
و يا معاني النشوة في غنانا
يا نضارة زهرة ريانة
ليه قسيتي و جرت يا فلانة
ليه دفنت الفرحة في صبانا..
يا ناس...حنيني العشتو..في طابت
يا حليلو من سنين غابت
يااااا نااااااس
...
مرحبتين الحليلة
ألف أهلآ...
شرف كبير حضورك
تعرف أنا مبسوط انو الناس تشوف في شخصي
بدل كل واحد يسكت على طبظة العود و نصبح مجتمع من العميان
مرحبتين
.
| |
|
|
|
|
|
|
|
|
|
Re: في حوار تلفزيوني أطلقتُ نداء للهجرة، عكس بوست العودة للسودان المشه (Re: الطيب بشير)
|
التحية لك
اولا : انت شجاع و صاحب ضمير لانك نبهت ان اسباب كتابة بوست العودة قد انتهت
( الاحساس المؤلم عند الوصول الي مطار الخرطوم بانك في بلد منقوص المساحة 700 ميل مربع
يمكن بسبب السياسات و المعالجات الغبية ان تصبح 200 ميل مربع
ان يتقسم السودان الي دول ضعيفة
لابد من الانتباه و التامل و ايجاد الحلول الذكية
او الهروب افراد و جماعات من وطن يموت
| |
|
|
|
|
|
|
|
|
|
Re: في حوار تلفزيوني أطلقتُ نداء للهجرة، عكس بوست العودة للسودان المشه (Re: الطيب بشير)
|
.
طيب يا جماعة
الكلام الجبتو عن التعليم و مدرســـة كيبس...شنو الإتغير فيهو؟؟
تدهور سعر الجنيه في مقابل الدولار
انخفضت القوة الشرائية للجنيه السوداني
صار راتب المعلم لا يكفي
أصبح مهمآ لديه العمل لدى مدارس كثيرة ع شان تغطي معاهو
بقى يجي داخل لاهث من المواصلات ...
أحضانه في مدرسة و عينه ترقب الطارق!!
عدم الإستقرار دة إنعكس سلبآ (خااااالص) على مستوى الأداء
زيادة وتيرة الهجرة سحبت معلمين ذوي كفاية مهنية عالية (يا جماعة كلمة كفاءة خطأ شائع)
النتيجة؟
موحى بنتي أكملت عامها الأكاديمي الأول (كلللللو) في القسم العالمي، بتاع الإنكليزي، و الذي ندفع عليه ألف دولار زيادة عن القسم العربي..لكن طفلتي لا تعرف من تلك اللغة غير ما علمها له أخوها بشير،الجايي من أمريكا بي حقو، و ما تفضلت به عليها أمها المعلمة!! و هذه تجربة شخصية و مباشرة و مفصــّــــلة.
.
| |
|
|
|
|
|
|
|
|
|
Re: في حوار تلفزيوني أطلقتُ نداء للهجرة، عكس بوست العودة للسودان المشه (Re: Mortada Adam)
|
حبيبنا. وقريبنا أبوبشير مرحبك حبابك مرتين في امريكا والبورد
وشهادتي فيك مجروحة فها انت تخطئ نفسك من اجل أن يتعظ الناس بتجرتبك أو علي الاقل يختوها في حساباتهم
وكنا نستشهد بعودتك ونجاحها في التأقلم من جديد مع البلد الذي ما انفك يسكننا ولكن اه يا وطن جريح
فحمدا لله علي السلامة وفي انتظار الحكي الجميل
ومصائب قوم عند قوم فؤائد اقل حاجة جيت راجع لينا
تحياتي ومتابعين لهذا السرد الجميل....
| |
|
|
|
|
|
|
|
|
|
Re: في حوار تلفزيوني أطلقتُ نداء للهجرة، عكس بوست العودة للسودان المشه (Re: احمد سيد احمد)
|
.
العزيز أحمد سيداحمد
تحياتي و تقديري
و أمانة عليك..مني السلام إلى النبي الهادي
صلى الله عليه و سلم...أقرب زيارة بالله
أشكرك على الكلام الحلو عن البوســـت الأصــل
لأول مرة بعرف إنو البوســت أفاد ناس موجودين بالداخل...جميل
(منزل المرحوم فلان)؟؟!!.. دي و الله براااااها تخوّف
المقال بتاع فيصل القاسم منتى الإبداع
ياخ ان شا الله ما نوصل المرحلة دي
شكرآ ليك على الإضافة يا إضافة
.
| |
|
|
|
|
|
|
|
|
|
Re: في حوار تلفزيوني أطلقتُ نداء للهجرة، عكس بوست العودة للسودان المشه (Re: الطيب بشير)
|
الطيب أخوي..
لا...كدي وريني...
هي جات منك..ولا "جالك كلامي" في البوست القديم وقااااااااام كدي بشير حبيب عمو قال ليك: Dad, let's go home
؟؟
أمرق النصيحة آآآلطيب...
..
وتدانت أنفسُِ القومِ عناقـاً
وإتـفاقـا
وتساقـوا نشـوةًً فاقـت مـذاقـا
ومكان الأرجلِ الولهى طيـورُ
بجلابيـبَ تـدورُ
وتـدورُ
..
كل سنة وأنت ومن تحب بخير وعافية..
وصلى الله وسلم وبارك على نبينا الكريم وآل بيته وصحابته أجمعين..
..
محبكم/ محمود العربي
| |
|
|
|
|
|
|
|
|
|
Re: في حوار تلفزيوني أطلقتُ نداء للهجرة، عكس بوست العودة للسودان المشه (Re: Mahmoud Mustafa Mahmoud)
|
.
مرحبا محمود اخوي
كيف حالك؟
تعرف الميزة إنو بشير حابي السودان جدآ!!
و لا زال في فكرتو إنو لاااااازم نجي زيارات كتيرة
شرحت ليهو، بقدر ما تسمح سنه، صعوبة العمل و العيش بالسودان
قلت ليهو لو ربنا يســـّـــر الإرتباط بعمل في الخليج تبقى اتحلت
مع فلاي دبي و العربية و ناس ...مسألة العطلات ما عادت مكلفة
و لو اتكتب لينا نعيش في بلاد ما وراء الثلج...
يبقى زياراتنا بتاعة بعد تلاتة أربعة سنة مافي غيرها!!
الله يستر يا محمود
شكرآ لزيارتك
.
| |
|
|
|
|
|
|
|
|
|
Re: في حوار تلفزيوني أطلقتُ نداء للهجرة، عكس بوست العودة للسودان المشه (Re: ahmed khidir)
|
الزول النادر ..
الزول الجميل ..
الزول النبيل .. الطيب بشير ..
في دفتر الخواص تظل صورتك بارزة .. وأنيقة .......... لك التحية والمعزة ..
التقينا ذات مرة في الخرطوم .. وما يزال بالخاطر طعم اللقاء .. فأين يا تري سنلتقي؟ في أي وطن من أوطان الشتات؟
وأقول يا الطيب أخوي .. إنها قصة طويلة ومعقدة .. قصة وطن إسمهاالسودان ..
قصة طويلة ومؤلمة .. قصة أمة إسمها السودان .. هذا الشعب التعيس ..
شوارع متوترة ..
وجوه غبرة .. ترهقها قترة ..
فهل صرنا من أولئك الكفرة الفجرة؟
يقال في الأدب الصوفي إن (الموجودات كلمات) .. فالحجر قصة .. والشجر عبارة لأهل المعرفة الذين يجيدون أصول القراءة .. الذين تضيق عندهم العبارة وتتسع الإشارة ولكن ... عندما تتحول الأرض الطيبة بنيلها ونخيلها .. بشمسها .. في شروقها وأصيلها إلى بقعة بور عاطلة عن الحياة .. وإلى كتاب أمِّي أصم ، تصبح اللوحة غبراء شائهة وتتحول الكلمات إلى موجودات والأصوات إلى صمت وموات .. تلك هي (المؤامرة الوطنية) التي يؤديها الأبناء بجدارة فيتحول الفرد البسيط إلى (لا منتمي) يتحلل من كل الروابط المقدسة .. فيفقد انتماءه الأسري بالغياب القسري .. ورباطه الاجتماعي بالغربة الذاتية .. وأذليته الوطنية بالهجرة النفسية فما دهانا وإلى أين نمضي؟ الشكوى ليك يا ربنا ..
وأقول يا الطيب أخوي ..
إن الإنسان ليصاب بفصام عقلي وعاهة فكرية ويصبح أخرساً وأبكماً عندما يعود في هذه اللحظة من التاريخ المتقدم ليرى وطنه بلداً يعيش في عصور ما قبل الميلاد .. يعاني من الملاريا والدسنتاريا .. يعلو الغبار أركانه .. يبحث إنسانه عن الرغيف والكينين .. ينزوي طلباً للأمان .. وتتضاءل كرامته فيفقد الستر واليقين ..
واقول يا الطيب أخوي ..
يقال إن الأمم تموت إذا تعبت من العطاء الحضاري .. أو استسلمت للأمجاد .. أو وثقت بالزمان أكثر مما ينبغي وأسرفت في الترف والطمأنينة والأمان .. ولكننا في السودان نموت من الفقر الحضاري .. ونصور للمجد صوراً هزيلة .. ولا نضع للتاريخ قيمة ولا للزمن اعتبار .. كأننا في جزيرة معزولة .. نعبد الأصنام ونستقسم بالأزلام .. ونقوم بوأد البنات .. ولنا أيامنا كيوم بعاث ويوم أرماث وداحس والغبراء .. تحركنا الجاهلية والقبلية والجهوية والعنصرية ..
وأقول يا الطيب أخوي ..
كل الأمم على هذه الأرض يتقدمون في رحلة التاريخ حتى الصومال وأفغانستان والعراق يولدون من جديد .. إلا نحن نعيش بلا مستقبل .. إذ ليس هناك أمل في الأفق .. ولا ضوء في نهاية النفق .. لعنة الله على السياسة التي هزمت الفكر والثقافة والأدب .. شرَّدت الأبناء و قتلت الرجال وأذلَّت النساء وقسَّمت البلد ..السياسة تلك الماجنة التي تحركها الأغراض الشخصية والأنانية والمصالح الذاتية .. السياسة التي هزمتنا .. فمتنا ومات الوطن مأسوفاً عليه وعلينا ..
كنت قبل أعوام مضت كتبت في هذا البوست عِشْ غَرِيْبَاً .. ولا تَعُـدْ! "أني سوف أعود" ولم أعد ..
كنت وما زلت أحن إلى كسلا والفاشر وحلفا وجوبا .. أحن إلى "وطن القماري" .. إلى "عبري حنيناً ماج في صدري" .. إلى طابت لواعِجُ شوقٍ لا ابتلت ولا غابتْ ..
مازلت أحن إلى مدني وبحري الجزيرة .. إلى النيل والضفاف والجروف ..
ما زلت أحن إلى زمن كلزيوم والبلونايل والميدان الشرقي واستاد الخرطوم .. إلى الكداري وكل تفاصيل الحياة المتعبة ..
ولكني كأني اقول الآن مع البرغوثي "ما كل نفسٍ حين تلقى حبيبها تُسَـرُ ولا كل الغياب يضيرها
فإن سَـرَّها قبل الفراق لقاؤه ..
فليس بمأمونٍ عليها سرورها" ..
فالصباحات المشرقة تظللها سحابات الهموم .. والفقر والحاجة تمسح وجه العصاري والأماسي الجميل ..
وكأنني أقول مع محجوب شريف ..
بنتذكر عيونك ونحن في المنفى ..
بنتذكر سؤالك لمتين جرح الوطن يشفى ..
متين تشرق سما الخرطوم .. متين تصفى ..
بنتذكرك ونحن في المنفى ..
تدعونا يا الطيب أخوي إلى الهجرة بلا عودة .. ولكن متى كان تبديل السرير للحمى شفاء؟ .. وكيف نستجير من الرمضاء بالنار؟ .. إنها الحقيقة المرة .. والكوميديا السوداء ..
كلنا في هذا العقوق سواء وعلى هذه الخيانة ملامون .. وما هذا الكتاب إلا إقرار بالخيبة والعجز والفشل .. ولكننا نكتب فقط لننسى .. ونصلى لنتذكر .. وندعو بحزن للذين لا يستطيعون الصلاة ..
ومرة أخرى تحياتي لك ولـ طابت ..
وإلى لقاء ..
صلاح شتات
| |
|
|
|
|
|
|
|
|
|
Re: في حوار تلفزيوني أطلقتُ نداء للهجرة، عكس بوست العودة للسودان المشه (Re: عمران حسن صالح)
|
.
مرحبا بالعزيز عمران حسن صالح
أشكرك على الإسهام
و على الإحتفاء بالحبيب شتات
أما الكومندان خالد محمد علي لو عرف انو انت قلت الطيب بشير احتمال يكون دفعتو فسيترك الغربة و يبحث عنك ليصرف لك عضة بنت ######!! خالد دة، كما كنت، سيد خالد دة..لمن اتخرجنا ملازمين أوائل كان هو في الرئاسة ملازم اول، برضو، بس هو 56 و نحن 61، يعني وراهم بسنتين تقريبآ..لكن حتى ناس 54، و قد كنا جميعآ في رتبة واحدة، ما كانوا دارشيننا زي سيد خالد..لكن مرة (أبو عوة) وقفوا انتباه في وجودي أنا اتكيفت جدآ، رغم أنه كان يمازحه بمودة بادية لكن أنا مسكتها ليهو ذلة..
تقديري لك
.
| |
|
|
|
|
|
|
|
|
|
Re: في حوار تلفزيوني أطلقتُ نداء للهجرة، عكس بوست العودة للسودان المشه (Re: شتات)
|
.
و هل كنتُ أطمع في كل هذا الجمال!!
إنه من صلاح شتات..و إنه غاية المنى..و ..
كانت الباذخة تماضر شيخ الـفــن تكتب لك بوست (أتاني أبيت اللعن أنك لـُـمتني)..و أنا أتلصص السقيا من فضول كتابات نجمين أملحين...و جاء لقاؤنا في السودان، وسط ناس طيبين، خطر لي أن أضرب الروراي و أقول ليهم يا ناس هوي دا صلاح شتات أضربولو بروجي و الله دقوا النحاس..ألفيتــُــك مندغمآ فيهم و متناغمآ مع طيبتهم فلم أشأ أن أفسد على (سوق الله أكبر) متعة أن يراك كفاحآ...
Quote: شوارع متوترة ..
وجوه غبرة .. ترهقها قترة ..
فهل صرنا من أولئك الكفرة الفجرة؟ |
الناس في بلدي..يصنعون الحب..أي نعم يفعلون و أيم الحق..و يغشى وجوههم الرهق الذي تبدّى لك..بيد أنهم، و أننا، لسنا الكفرة المشار إليهم في إعتراضك!! بل هم مظاليم الهوى..هوى السياسي الذي هوى في بئر سحيق..يستنجد تارة بإيران و طورآ بسوفيت الضلال القديم!!..
| Quote: يتحول الفرد البسيط إلى (لا منتمي) يتحلل من كل الروابط المقدسة .. |
مثلما قال الشيخ ود بدر لطالب الأوراد للترقي (أمرق الكسرة للناس) ..بذات القدر يخلق عدم وجود هذه الكسرة جيل اللامنتمي الذي تفضلت بالإشارة إليه و يخلق ما دون ذلك! كيف ينتمي الجائع؟؟..بل إلام ينتمي!!
| Quote: .. ينزوي طلباً للأمان .. وتتضاءل كرامته فيفقد الستر واليقين .. |
يا حبيبنا صلاح شتات...أرهقتني في مداخلتك مفردتا الستر و اليقين، كلتا الجنتين آتت أكلها، في بلاد ما بين النهرين في زمان ما بين الإنتفاضتين!! لكن بعد الذي جرّته أيام العذاب، و بعد أن أكلت الحرة من ثدييها، صار الستر خائفآ يترقــــّـب..و..بائرآ شديد الكساد.. و اليقين في رفّ بالمتحف يعلوه غبار و يزهد في تلميعه عامل العرض..صار الستر و اليقين كائنان غريبان على البلد، و ما أقسى حياة الغربة داخل البلد...عليهما و علينا..
| Quote: تحركنا الجاهلية والقبلية والجهوية والعنصرية .. |
و تسأل أخا الحرف عن العنصرية و الجهوية فأقص عليك القصـــص...سرق لصٌ أحذيتنا عقب صلاة الجمعة بمسجد في الفردوس..قبضه جار المسجد و أودعه الشرطة..ذهبنا للتعرف على المعروضات..و قال الذي عنده علم الكتاب الشرطي إن علينا أن نملأ أوراقآ رسمية..جاء فيها..إسمك..سكنك..قبيلتك!! سألنا مال قبائلنا و المراكيب؟..قالت الملازم (بس أملوا الفورم ياخ)..قلتُ دعوها فإنها مأمورة..صار كل شيء يا شتات يبدأ و ينتهي بعرض قبلي سخيف..
| Quote: السياسة التي هزمت الفكر والثقافة والأدب .. |
السياسة هزمت الخير و الحق و الجمال
هزمت العفة و الطهر و الثقة
هزمت الشرف و الأمانة و النزاهة
هزمت النخوة و الزهد و الإباء
هزمت السمت السوداني الأصيل..الملمح الذي ألفناه..روح الثقة التي أجبرت نميري أن يعطي الأمان لمحمد إبراهيم نقد ليشهد إحتفال حنتوب لكونه من خريجيها..الروح التي أوقفت ثنائي العاصمة بباب المسرح في نهار صائف، و هما في أناقة تحتاج تكييف، إنتظرا حتى يفرغ زميلهما من وصلته و ينزل من المسرح لأن دخولهما "ممكن" يحدث تشويش إذا صفــّـــق لدخولهما الجمهور!! السياسة هزمت صينية الغداء، التي كانت بمثابة التمام الحتمي لأفراد الأسرة حيث يجتمع الناس حولها يتقاسمون المودة و الأخبار قبل الطعام!
و هذا مربط الفرس البائس..
| Quote: فالصباحات المشرقة تظللها سحابات الهموم .. والفقر والحاجة تمسح وجه العصاري والأماسي الجميل .. |
كيف تبتسم الأماسي يا صديق و بالخاطر أربعة ألف جنيه رطل اللبن..و أربعة ألف جنيه فرشاة الأسنان..و أربعة ألف جنيه اللقيمات..لقد كانت العصاري مليحة حين كان الألف جنيه يشتري بيجو 404يحتمل وعثاء الطريق لطابت و الأربعة ألف بتجيب بوكسي تمانية و سبعين بحالة جيدة، يسمى تعظيمآ (أب زيق) لأن له زيق يزيغ له البصر ..صار وجه العصاري (ترهقه قترة) و التقتير مفروض على أهلنا البسطاء، بعد أن كان خيار الزاهدين منهم أيام كان بيع اللبن عيب حضري يستعيذ منه أهل الســعــيــّـة..
| Quote: تدعونا يا الطيب أخوي إلى الهجرة بلا عودة .. ولكن متى كان تبديل السرير للحمى شفاء؟ .. |
و يبقى أن نقر معك..حبيب الكل شتات..أن الميرود لا يشفى بتغيير السرير..لكن البقاء في ذات السرير يزيد من هلاويس الحمى التي ستطير، حتمآ، في الراس مع إطلالة الشهر و فتوح المدارس و حتى العيد و رمضان كايام طيبات صارت تمر عبر جيوب الناس فتحدث فلقة في الراس لا حمى فقط..
في السرير الآخر، سيدي شبه المختلف صلاح شتات، شيء من مسكنات و بعض عدل و فضل وقت للعب مع العيال و تلاوة القرآن!! هل تصدق أنني أختم القرآن في السودان في رمضان فقط ..و..في بلاد الكفر مرة أو مرتين في كل شهر، لله الحمد، لأن بالإمكان وضع جدول زمني لليوم و الشهر و الأعوام المقبلة بكل يسر..
في السرير الآخر نوستالجي متلف..و غناء الموصلي (بكتب ليك رسالة طويلة يا أمي) يسارع بإتلاف صناديق مناديل الورق في الصالة، كذلك ياسر مبيوع في (يا الخرطوم يا العندي جمالك..جنة رضوان)..من قال إنها ليست كذلك؟؟..بلى هي جنة وارفة الظلال..أعطت و ما انفكت..جادت و جادت بالحيل..هي فقط "لا يمكن الوصول إليها حاليآ"..
نشترك في الذنب و الخيبة.. بالدعوة للهجرة و الهجر!!
لا اعتراض في حكمك...
و هل كان هذا خيار (حقيقي) لنا؟
و هل يأبق الإنسان من حب طابت المحمود؟
هل تساوي ملايين الدولارات بسمة رضا من أبوي الشوش؟
هل نحن قايضنا، بمحض إرادتنا، تبر البلد بتراب الغربة؟
حين يمدّ جندي الإتحاد الإفريقي بيده ساندويتش البيرغر و علبة البيبسي لصبية جائعة و يهرش بيده الأخرى مكمن فحولته ..هل نعاتب العذراء على المقايضة؟؟..و هل كانت هي في وضع يمكنها من الإختيار؟؟..و ختامآ...هل يدرك المرفهون، داخل و خارج البلد، الحجم الحقيقي و الواقعي لمعاناة أهلنا اليومية؟..بتفاصيلها المرهقة؟؟..
و بعد الختام أكرر إحتفائي، حدّ المباهاة، بعودة الصديق الرائع و الكاتب المتألق دومآ، صلاح شتات بحرفه و ظرفه ..و أشكره على هذا الإكرام البالغ..
.
| |
|
|
|
|
|
|
|
|
|
Re: في حوار تلفزيوني أطلقتُ نداء للهجرة، عكس بوست العودة للسودان المشه (Re: شتات)
|
.
و هل كنتُ أطمع في كل هذا الجمال!!
إنه من صلاح شتات..و إنه غاية المنى..و ..
كانت الباذخة تماضر شيخ الـفــن تكتب لك بوست (أتاني أبيت اللعن أنك لـُـمتني)..و أنا أتلصص السقيا من فضول كتابات نجمين أملحين...و جاء لقاؤنا في السودان، وسط ناس طيبين، خطر لي أن أضرب الروراي و أقول ليهم يا ناس هوي دا صلاح شتات أضربولو بروجي و الله دقوا النحاس..ألفيتــُــك مندغمآ فيهم و متناغمآ مع طيبتهم فلم أشأ أن أفسد على (سوق الله أكبر) متعة أن يراك كفاحآ...
Quote: شوارع متوترة ..
وجوه غبرة .. ترهقها قترة ..
فهل صرنا من أولئك الكفرة الفجرة؟ |
الناس في بلدي..يصنعون الحب..أي نعم يفعلون و أيم الحق..و يغشى وجوههم الرهق الذي تبدّى لك..بيد أنهم، و أننا، لسنا الكفرة المشار إليهم في إعتراضك!! بل هم مظاليم الهوى..هوى السياسي الذي هوى في بئر سحيق..يستنجد تارة بإيران و طورآ بسوفيت الضلال القديم!!..
| Quote: يتحول الفرد البسيط إلى (لا منتمي) يتحلل من كل الروابط المقدسة .. |
مثلما قال الشيخ ود بدر لطالب الأوراد للترقي (أمرق الكسرة للناس) ..بذات القدر يخلق عدم وجود هذه الكسرة جيل اللامنتمي الذي تفضلت بالإشارة إليه و يخلق ما دون ذلك! كيف ينتمي الجائع؟؟..بل إلام ينتمي!!
| Quote: .. ينزوي طلباً للأمان .. وتتضاءل كرامته فيفقد الستر واليقين .. |
يا حبيبنا صلاح شتات...أرهقتني في مداخلتك مفردتا الستر و اليقين، كلتا الجنتين آتت أكلها، في بلاد ما بين النهرين في زمان ما بين الإنتفاضتين!! لكن بعد الذي جرّته أيام العذاب، و بعد أن أكلت الحرة من ثدييها، صار الستر خائفآ يترقــــّـب..و..بائرآ شديد الكساد.. و اليقين في رفّ بالمتحف يعلوه غبار و يزهد في تلميعه عامل العرض..صار الستر و اليقين كائنان غريبان على البلد، و ما أقسى حياة الغربة داخل البلد...عليهما و علينا..
| Quote: تحركنا الجاهلية والقبلية والجهوية والعنصرية .. |
و تسأل أخا الحرف عن العنصرية و الجهوية فأقص عليك القصـــص...سرق لصٌ أحذيتنا عقب صلاة الجمعة بمسجد في الفردوس..قبضه جار المسجد و أودعه الشرطة..ذهبنا للتعرف على المعروضات..و قال الذي عنده علم الكتاب الشرطي إن علينا أن نملأ أوراقآ رسمية..جاء فيها..إسمك..سكنك..قبيلتك!! سألنا مال قبائلنا و المراكيب؟..قالت الملازم (بس أملوا الفورم ياخ)..قلتُ دعوها فإنها مأمورة..صار كل شيء يا شتات يبدأ و ينتهي بعرض قبلي سخيف..
| Quote: السياسة التي هزمت الفكر والثقافة والأدب .. |
السياسة هزمت الخير و الحق و الجمال
هزمت العفة و الطهر و الثقة
هزمت الشرف و الأمانة و النزاهة
هزمت النخوة و الزهد و الإباء
هزمت السمت السوداني الأصيل..الملمح الذي ألفناه..روح الثقة التي أجبرت نميري أن يعطي الأمان لمحمد إبراهيم نقد ليشهد إحتفال حنتوب لكونه من خريجيها..الروح التي أوقفت ثنائي العاصمة بباب المسرح في نهار صائف، و هما في أناقة تحتاج تكييف، إنتظرا حتى يفرغ زميلهما من وصلته و ينزل من المسرح لأن دخولهما "ممكن" يحدث تشويش إذا صفــّـــق لدخولهما الجمهور!! السياسة هزمت صينية الغداء، التي كانت بمثابة التمام الحتمي لأفراد الأسرة حيث يجتمع الناس حولها يتقاسمون المودة و الأخبار قبل الطعام!
و هذا مربط الفرس البائس..
| Quote: فالصباحات المشرقة تظللها سحابات الهموم .. والفقر والحاجة تمسح وجه العصاري والأماسي الجميل .. |
كيف تبتسم الأماسي يا صديق و بالخاطر أربعة ألف جنيه رطل اللبن..و أربعة ألف جنيه فرشاة الأسنان..و أربعة ألف جنيه اللقيمات..لقد كانت العصاري مليحة حين كان الألف جنيه يشتري بيجو 404يحتمل وعثاء الطريق لطابت و الأربعة ألف بتجيب بوكسي تمانية و سبعين بحالة جيدة، يسمى تعظيمآ (أب زيق) لأن له زيق يزيغ له البصر ..صار وجه العصاري (ترهقه قترة) و التقتير مفروض على أهلنا البسطاء، بعد أن كان خيار الزاهدين منهم أيام كان بيع اللبن عيب حضري يستعيذ منه أهل الســعــيــّـة..
| Quote: تدعونا يا الطيب أخوي إلى الهجرة بلا عودة .. ولكن متى كان تبديل السرير للحمى شفاء؟ .. |
و يبقى أن نقر معك..حبيب الكل شتات..أن الميرود لا يشفى بتغيير السرير..لكن البقاء في ذات السرير يزيد من هلاويس الحمى التي ستطير، حتمآ، في الراس مع إطلالة الشهر و فتوح المدارس و حتى العيد و رمضان كايام طيبات صارت تمر عبر جيوب الناس فتحدث فلقة في الراس لا حمى فقط..
في السرير الآخر، سيدي شبه المختلف صلاح شتات، شيء من مسكنات و بعض عدل و فضل وقت للعب مع العيال و تلاوة القرآن!! هل تصدق أنني أختم القرآن في السودان في رمضان فقط ..و..في بلاد الكفر مرة أو مرتين في كل شهر، لله الحمد، لأن بالإمكان وضع جدول زمني لليوم و الشهر و الأعوام المقبلة بكل يسر..
في السرير الآخر نوستالجي متلف..و غناء الموصلي (بكتب ليك رسالة طويلة يا أمي) يسارع بإتلاف صناديق مناديل الورق في الصالة، كذلك ياسر مبيوع في (يا الخرطوم يا العندي جمالك..جنة رضوان)..من قال إنها ليست كذلك؟؟..بلى هي جنة وارفة الظلال..أعطت و ما انفكت..جادت و جادت بالحيل..هي فقط "لا يمكن الوصول إليها حاليآ"..
نشترك في الذنب و الخيبة.. بالدعوة للهجرة و الهجر!!
لا اعتراض في حكمك...
و هل كان هذا خيار (حقيقي) لنا؟
و هل يأبق الإنسان من حب طابت المحمود؟
هل تساوي ملايين الدولارات بسمة رضا من أبوي الشوش؟
هل نحن قايضنا، بمحض إرادتنا، تبر البلد بتراب الغربة؟
حين يمدّ جندي الإتحاد الإفريقي بيده ساندويتش البيرغر و علبة البيبسي لصبية جائعة و يهرش بيده الأخرى مكمن فحولته ..هل نعاتب العذراء على المقايضة؟؟..و هل كانت هي في وضع يمكنها من الإختيار؟؟..و ختامآ...هل يدرك المرفهون، داخل و خارج البلد، الحجم الحقيقي و الواقعي لمعاناة أهلنا اليومية؟..بتفاصيلها المرهقة؟؟..
و بعد الختام أكرر إحتفائي، حدّ المباهاة، بعودة الصديق الرائع و الكاتب المتألق دومآ، صلاح شتات بحرفه و ظرفه ..و أشكره على هذا الإكرام البالغ...
| |
|
|
|
|
|
|
|
|
|
Re: في حوار تلفزيوني أطلقتُ نداء للهجرة، عكس بوست العودة للسودان المشه (Re: ahmed khidir)
|
.
مرحبتين العزيز أحمد خدر
و أعذرني لتأخير الرد كل هذا الوقـــت، فقد جئت من الدوحة يوم كتابتك لمساهمتك
و منذ وصولي السودان متجدع في طابت، معاي اللاب توب، لكن الحياة الحقيقية لم تترك للنت مجال
كلامك صااااااح ...وجود الجواز الأمريكي في جيبي هو ما جعلني أخرج...لكن دعوتي السابقة للعودة و بوست الإستقرار هو ما (ألزمني) بالكتابة، يعني لو ما اليوست القديم كنت سافرت من سكات، زيي و زي أي مهاجر، لكن خوفي من تزيين السودان بشهادتي للتاريخ، و قد كانت صحيحة في وقتها، و رأيت أن قول الحق..كل الحق..و لا شيء غير الحق...
أنا الآن شاهد على (العصر)!!
طبعآ الخليح هو الخيار الأفضل، للعمل و تربية الأبناء و ربما التقاعد، لكن لأنو الخلايجة بالهم طويييييل أنا قلت أقدم ليهم و أمشي أمريكا أنتظر شهور/سنين الرد!! بكون شغال، إن شاء الله، و أولادي منتظمين في مدارس كويسة و بيتعالجوا (جد..جد)..و بث..
شكرآ ليك
.
| |
|
|
|
|
|
|
|
|
|
Re: في حوار تلفزيوني أطلقتُ نداء للهجرة، عكس بوست العودة للسودان المشه (Re: الطيب بشير)
|
.
Quote:
2/ الجانب التاني طبعآ الجانب الأمني!!
رجعت السرقات المنزلية و ظهر معاها خطف شنط اليد و سرقات الموبايلات و النشل في الجامع عقب لحظة عقد القران و زحمة مبروك في ساعة العقد... و النهب المسلح دخل المدن أثناء النهار..و القصص بتاعة تابعوني اتنين و انا طالع من البنك..و ما إليه..طبعآ بعض القصص، الغير مؤكدة، تتهم نظاميين بالنهب!! يبقى يا جماعة الخير أنا أبريء ذمتي من دعوتي السابقة بالعودة...و الأفضل أن أعلن عن فشل تجربتي في الإستقرار بدلآ عن أن أرى (ضحية) و قد غرر به/ا البوست المغري بالعودة...القصة دي ماااا إياها |
رجعت لهذا الكلام لأربطه لكم مع ما حدث في الفردوس شمال، حيث أسكن، قبل يومين..نحن بالقرب من شارع الستين، الجريف غرب، المنشية، المعمورة، و ممكن الطائف!! يعني باعتبار المنطقة مركز حضري، الذي حدث أن سيدة تنام في حوش بيتها و أولادها بداخله في الغرف المغلقة.. أيقظها حبشي و هو يضع سكينه في محبس النفس الرهيف...قامت مرعوبة فقال لها (عاوز القرووووووووووش)
إستجمعت السيدة شجاعتها و قالت له ما معناه أنها سيدة مسكينة لا تملك مالآ و لا غيره، قال لها (طيب تحت المخدة مافي موبايل؟)...قالت لا و تذرعت بالمسكنة و هي ترتجف..فقال لها (طيب تعالي أفتحي الباب ع شان أمرق!!
هذه الرواية من فم السيدة لأذني بحضور العريف حسبو في مركز بسط الأمن الشامل (الريان) المجاور لمسكني!! و قالت إنها أبلغت مدير قسم شرطة الجريف غرب العقيد إبراهيم حسان، و هو رجل يساوي وزنه ذهبآ، لكن لا حول له ولا (قوة)..لأن المهنة طاردة و البوليس عدد و عتاد منتهي!! لو ما كدة يا جماعة تصل مرحلة انو الأجانب يمارسو النهب المسلح في قلب الخرطوم؟؟!!
بعدين شوف اللؤم و الإطمئنان بتاع قومي أفتحي الباب!!
عاوزين يا مغتربين تجيبو سيدات مكشكشات بالدهب ع شان الحبشي دة يقطع رقابهم بسبب بوست العودة؟؟
لأ دة بوست الهجرة
الهجرة بالنص!!
.
.
| |
|
|
|
|
|
|
|
|
|
Re: في حوار تلفزيوني أطلقتُ نداء للهجرة، عكس بوست العودة للسودان المشه (Re: الطيب بشير)
|
.
Quote:
2/ الجانب التاني طبعآ الجانب الأمني!!
رجعت السرقات المنزلية و ظهر معاها خطف شنط اليد و سرقات الموبايلات و النشل في الجامع عقب لحظة عقد القران و زحمة مبروك في ساعة العقد... و النهب المسلح دخل المدن أثناء النهار..و القصص بتاعة تابعوني اتنين و انا طالع من البنك..و ما إليه..طبعآ بعض القصص، الغير مؤكدة، تتهم نظاميين بالنهب!! يبقى يا جماعة الخير أنا أبريء ذمتي من دعوتي السابقة بالعودة...و الأفضل أن أعلن عن فشل تجربتي في الإستقرار بدلآ عن أن أرى (ضحية) و قد غرر به/ا البوست المغري بالعودة...القصة دي ماااا إياها |
رجعت لهذا الكلام لأربطه لكم مع ما حدث في الفردوس شمال، حيث أسكن، قبل يومين..نحن بالقرب من شارع الستين، الجريف غرب، المنشية، المعمورة، و ممكن الطائف!! يعني باعتبار المنطقة مركز حضري، الذي حدث أن سيدة تنام في حوش بيتها و أولادها بداخله في الغرف المغلقة.. أيقظها حبشي و هو يضع سكينه في محبس النفس الرهيف...قامت مرعوبة فقال لها (عاوز القرووووووووووش)
إستجمعت السيدة شجاعتها و قالت له ما معناه أنها سيدة مسكينة لا تملك مالآ و لا غيره، قال لها (طيب تحت المخدة مافي موبايل؟)...قالت لا و تذرعت بالمسكنة و هي ترتجف..فقال لها (طيب تعالي أفتحي الباب ع شان أمرق!!
هذه الرواية من فم السيدة لأذني بحضور العريف حسبو في مركز بسط الأمن الشامل (الريان) المجاور لمسكني!! و قالت إنها أبلغت مدير قسم شرطة الجريف غرب العقيد إبراهيم حسان، و هو رجل يساوي وزنه ذهبآ، لكن لا حول له ولا (قوة)..لأن المهنة طاردة و البوليس عدد و عتاد منتهي!! لو ما كدة يا جماعة تصل مرحلة انو الأجانب يمارسو النهب المسلح في قلب الخرطوم؟؟!!
بعدين شوف اللؤم و الإطمئنان بتاع قومي أفتحي الباب!!
عاوزين يا مغتربين تجيبو سيدات مكشكشات بالدهب ع شان الحبشي دة يقطع رقابهم بسبب بوست العودة؟؟
لأ دة بوست الهجرة
الهجرة بالنص!!
.
.
| |
|
|
|
|
|
|
|
|
|
Re: في حوار تلفزيوني أطلقتُ نداء للهجرة، عكس بوست العودة للسودان المشه (Re: عبد الباقي الجيلي)
|
..
ياااا مراحب يا حبيبنا باقي
كيف حالك يا شيخي؟
و الله ليك وحشة و شوق خرافي
أعذرني لا أذكر المداخلة المعنية، و الله ما متذكر ليك غير الخير، لكن ما دام مداخلة ما عاجباك و سحبتها..سميناها رضينا..و أنت أهل البر و الفضل أخي الكريم..و أنا أسعد بطلتك البهية يا حبيب...
.
الغربة أم إقامة حبابا مي كشــّـاشة
و نحن مواطنين في بلاد صناعة الشاشة
السودان زماان باعـوهو للتشـّـاشــة
بيناتهم حرابة الشبكة و الحشاشـة
.
| |
|
|
|
|
|
|
|
|
|
Re: في حوار تلفزيوني أطلقتُ نداء للهجرة، عكس بوست العودة للسودان المشه (Re: الطيب بشير)
|
.
حينما يرتفع الدولار لسبع جنيهات
هل يؤثر ذلك في سعر المشتروات فقط؟؟..
طبعآ ارتفاع الدولار بيزيد سعر البنزين..و غلاء البنزين بيزيد سعر الطماطم..و ندرة الطماطم بترفع سعر الفول المصلح، و قد صار ستة جنيه، و ارتفاع سعر الفول يساهم في تقليص قدرات رواتب الموظفين على الصمود لآخر الأسبوع و ليس الشهر...
هل تذكرون قصة المتاح عند النجا..و النجار عاوز عروس.....
أفتكر المسألة مشابهة..
أسوأ أبعاد الغلاء و نتائج عدم الإستقرار الإقتصادي هو (إمتلاء) ساحات القضاء ببنات في عمر الزهور...جميلات و بنات عائلات..و يبدو عليهن رهق المساسقة على القضاء..العريضة..الدمغة القانونية..الحاجب ينده الأسماء..و الإستجواب بتاع القاضي..و يستطيع الناظر لهن تمييز حداثة عهدهن بالبشتنة...
طلب طلاق...طلب طلاق.. طلب طلاق...طلب طلاق
طلاق لعدم النفقة
طلاق لأن الزوجة تعمل لوقت متأخر!! طبعآ لأنو راتب الزوج لا يكفي و بالتاليمافي استقرار
طلاق بسبب سجن الزوج في شيكات
طلب طلاق...طلب طلاق
و ...هكذا..
.
| |
|
|
|
|
|
|
|
|
|
Re: في حوار تلفزيوني أطلقتُ نداء للهجرة، عكس بوست العودة للسودان المشه (Re: الطيب بشير)
|
.
أسعار الأراضي دي من البوست القديم
بالتاريخ أدناه
14-6-2009
أرجو مقارنة سعر الدولار فيها زائد سعرها بتقييم اليوم
تعرف مدى التدهور في الثلاث أعوام الماضية
=========
Quote: الأسعار اللي أنا متابعها هي أسعار الخرطوم جنوب..
** يعني الصحافات..بيت آيل للسقوط، باعتبارو قطعة أرض 370 متر يتراوح بين 160إلى 200 ألف جنيه جديد، مليون بالقديم، و هي بين 80 و100 ألف دولار..طبعآ سعر البيت بيختلف حسب قربو و بعدو من الزلط..تصنيف الجيران..موقعو من حيث شارع اللواء نجيب و شارع مدني كمناطق ممتازة..و كلما قربت من جبرة تقل الأسعار خشية البعوض..
منطقة الإمتداد 300 متر بنحو 130 ألف ج..قطعة أرض، بيت مهردم، و بعض البيوت جميلة بـ250 ألف جنيه و تزيد حسب نوع و شكل المباني..
** جبرة و الأسماء الجديدة اللي جنبها..ناس الدوحة و الشهيد طه الماحي و يثرب و منو و شنو،400 متر بنحو مائة ألف جنيه إلى مائة وثلاثين..الأزهري قفزت لرقم مشابه في العامين الماضيين بعد أن كانت أربعين ألف جنيه و خمسة و ثلاثين في بعض المواقع..المنطقة بتاعة شارع الستين..المعمورة..الجريف غرب..الفردوس 300 متر بحوالي 180 ألف إلى 200 بحسب الموقع برضو..و هي منطقة مبنية بشكل جميل ..عمارات و كدة..لكن تنتشر فيها بيوت الخفراء و فيهم من يصنع الخمور المحلية و فيهم من يتخذ بيت المغترب وكرآ للجريمة..لاحظ إنهم ممكن يكونوا جيرانك سبع سنين أو أكثر و تستمتع برائحة الخمور و زيارات البوليص بشكل يومي..ناهيك عن مشاكل الأطفال و ختف الأكل في الأعراس و كدة..
بعض المنازل في تعويضات الجريف غرب بمساحة 224 متر و اسمها المسح الإجتماعي، و أهلها بيقولوا المعمورة جنوب، سعرها بين تسعين و مائة و عشرة ألف جنيه..أفتكر أسعار كويسة باعتبار انك ح تبني لفوق غالبآ..
* إنتشرت ظاهرة البنوك و التمويل..و لاااااا ننصح بالخوض فيها باعتبار إنها بتنهش الزبون و تربح من مص دمو..لا من تقديم الخدمة بأسعار تنافس أو كدة..طبعآ بنك الحكومة (العقاري) بيعرض برة الدايرة..بيوتو تقع كل يومين و قروضو الحســنة ماشة للجماعة..أنا عن نفسي عندي فيهو حساب من مطلع التسعينات، لا يزال نشط بمعاش البوليص، لكن لم أستفد منهم أي شيء..
* كلام عام عن بحري و ام درمان..
في شمبات مثلآ..الأراضي أغلى من الحلة بشكل واضح..مثلآ 400 متر في الأراضي 180 إلى 200 ألف و قد\ تزيد..في شمبات الحلة ممكن تلقى 400 متر بـ 110 ألف..أو تقل..الحلفاية إشتهر فيها مؤخرآ مربع سبعة و هو شرق الحلفاية القديمة 400 متر بسعر 150ألف جنيه أو نحوه..
الحتانة فيها نوعين..البيوت اللي على شارع الوادي أرض 400 متر ممكن تلقاها بـ70 ألف..و لو دخلت جووووووة محل حمير اللبن بتشتري زيها بـ40 ألف بس..
|
.
| |
|
|
|
|
|
|
|
|
|
Re: في حوار تلفزيوني أطلقتُ نداء للهجرة، عكس بوست العودة للسودان المشه (Re: الطيب بشير)
|
.
ملحوظة تانية، ما لدرجة تكرهكم البلد، لكن ع شان تكون مستعد ليها لو جايينا
طبعآ عارفين سودانيز اون لاين، و مواقع تانية، محظورين بواسطة هيئة المراقبة
الدخول يتم عبر كباري كثيرة
هذا الأمر يصير معقد بشكل يومي
يعني كلما نلقى كوبري تقوم هيئة الإتصالات تقفلو
الدخول يمثل معاناة
لدرجة أنني بالأمس في اتصال سعودي قلت لسيادتو عمران صالح يعتذر لي في البوست دة عن غيبات خارج إرادتي ممكن تبدو للقاريء كأني لا أكترث لردود الناس!! طبعآ إنترنت مراقب دي ما بتخطر على بال ناس كتاااار...لكن دة الحاصل...ع شان تقوم بتنزيل الكوبري الجديد لازم تمسح القديم و مرات تلقى الجديد ذاتو مقفول..أها المسألة بتاخد زمن..
الأسبوع القبل ما أمشي أمريكا ممكن يكون فيهو عدم انتظام...و يمكن لأ!!
أنا بس ما عارف
شكرآ لكم
.
| |
|
|
|
|
|
|
|
|
|
Re: في حوار تلفزيوني أطلقتُ نداء للهجرة، عكس بوست العودة للسودان المشه (Re: الطيب بشير)
|
حبيبنا أو بشير...مشتاقين يا رجل...
بوستك دا أنا مترقبو منذ ان كان...في تلابيب الذاكرة...وتابعته هنا
سطر سطر...وكنت كل مرة أنوي التعليق...أقول خلي شوية...إمكن
الطيب دا في نهاية البوست يبشرنا ببارقة أمل...
لقيتك كل مرة...تعصر علينا...وكمان جابت ليها حرامية
أجانب بي سكاكينهم؟؟؟
دي مرحلة عدم أمان مخيفة...
موضوع المعايش والصحة...والذي منو دا نحن مكتوين بيه
هنا وهناك...لكن الأمان والاطمئنان والسكينة ديل كان
إنعدمن....معناها الناس تشوف ليها بلدا كتر...
ومع ذلك ففي الغربة يتوفر نوع من شحتفة الروح
تقول دايرة تمرق هسي دي...وبدون اي مقدمات او
اسباب...كدي تعال جربا...
| |
|
|
|
|
|
|
|
|
|
Re: في حوار تلفزيوني أطلقتُ نداء للهجرة، عكس بوست العودة للسودان المشه (Re: nazar hussien)
|
.
أهلاااااان شيخ العربان لا حدهم
يا حبيبنا نزار انت ان شا الله طيب
و العيال و امهم
و بكري صاحبي
قلت لي راجي خبر زين؟؟...من وين يا اخوي؟
أكذب؟..هو أنا لو بعرف للكذب المارقاني شني؟..
كان تلقاني محافظ على أقل تقدير
شحتافة الغربة مي هولي من زمن قديم
نحن ناس الغربة ام يومين طيران ع شان تصل السودان!!
كدي قولي انا خليهو ســـُـــب في وشــــّــو
قريت كلام زول المغتربين القال للناس امرقو؟
راجع البوست بتاع دكتور ام بدة
تقرا فيهو العجب 66 ألف سوداني سابو البلد في الشهور الفاتت و الحكومة تدفع بالمزيد للخروج!!
و بالمرة إستمتع بخبر منع السودان من التصويت و ادي ربك العجب
Quote: التفاصيل نشر بتاريخ الأربعاء, 30 كانون2/يناير 2013 09:04 ترجمة: المثنى
أعلنت الجمعية العامة للامم المتحدة أن السودان فقد حقَّه في التصويت بالمنظمة الدولية بسبب عدم دفعه للأموال المستحقة عليه للعامين «2011 ــ 2012م»، وقال موقع الجمعية العامة للأمم المتحدة على الإنترنت أمس إن القرار صدر بحسب رسالة أبلغ فيها الأمين العام للمنظمة رئيس الجمعية بحظر «15» دولة من ضمنها السودان عليها متأخرات مالية، ويحتاج السودان ليعود للتصويت إلى مبلغ «347,879» دولارًا تحت الحساب حتى يتسنى له التصويت، بدوره قال المتحدث باسم منظمة الأمم المتحدة مارتن نيسيركي إن متأخرات السودان بلغت عن العامين قرابة مليون دولار، وقال قرار الأمم المتحدة إن هناك «15» دولة أخرى فقدت حقها في التصويت بعدم دفع متأخراتها وفقًا لأحكام المادة «19» من ميثاق الأمم المتحدة التي تنص على أن أي عضو لا يدفع لأكثر من عامين يفقد حقه.
http://arabic-media.com/newspapers/sudan/alintibaha.htm |
.
| |
|
|
|
|
|
|
|
|
|
Re: في حوار تلفزيوني أطلقتُ نداء للهجرة، عكس بوست العودة للسودان المشه (Re: الطيب بشير)
|
.
الناس في بلدي...
بعد الضيق الشديد الحصل عليهم
محتاجين حل..و هذا الإنتظار لمخلــــّــــص
مقروء مع التنشــئــة الصوفية
أدى لإنتشار شديد الخطورة لظاهرة الدجل و الشعوذة!!
مع كل تقديرنا للمشائخ (الصادقين)
لكن مع ضيق حال الناس
كثر اللجوء لمن يتوسم و يتوهم فيهم الناس خرق العادة
و المنظر مع بعضو ما راكب على بعضو
يعني عربات كتاااار من بتوع آخر موديل واقفة قدام بيت جالوص و راكوبة في طرف الخرطوم
و بنات سمحاااات كايسات العرس والطلاق
و وزراء خايفين يشيلوهم...و ظباط ما عاوزين يمشوا دارفور..و زوجات مسؤولين خايفات من السكرتيرات و بسيماتهن ما يجوا بي قسيماتهن..و ناس الورثات في المشاريع الكبيرة عايزين واحد نصيبو ضخم (يعمى) عن حقو...و ناس مثنى و ثلاث و رباع كل واحدة عاوزة تكتب التانية...و حتى ناس رئاسة الأندية الرياضية يدخلوا للفكي بسبب معلن هو فوز الفريق، لكن الأجندة الخفية تشمل ضرورة دعم الفكي لمرشح دون غيره..في كل هذه الحالات وغيرها كثير يكون الفكي قد ضمن سبوبة رزق، و قلنا الوضع في البلد صعب، و اللوم عليه يجب ألا يكون كبيرآ، ذلك أنهم لا يعلنون في التلفزيون و لا يصطادون (ضحاياهم)..بل يبحث الواحد منهم عن بيت الفكي بمساعدة قوقل إيرث!! شوق التناقض بين عقل ينتج التقنية و عقل يستخدمها في الوصول لبيت الفكي!!
أهلنا محتاجين لتوعية..
التلفزيونات الحكومية لا ترى ذلك أولوية
و الحكومة، عمومآ، في شهر عسل مع جماهير الصوفية لا يمكن أن تهاجم هؤلاء المنتسبين للمشائخ بغير هدى و لا كتاب مبين
منظمات المجتمع المدني تعاني تضييق و إغلاق
سودانيز أون لاين محظورة
عاوزين Brain storming
.
| |
|
|
|
|
|
|
| |
الطيب بشير
smart_ana2001
Osama Mohammed
محمد قرشي عباس
Muna Khugali
ombadda
Ridhaa
ابوحراز
محمد إبراهيم علي
زول ساكت
Elmosley
munswor almophtah
طاهر بدر
عمر نملة
بدر التمام
بدر الدين مهدي
ibrahim fadlalla
ميسرة سيد أحمد
محمد جلال عبدالله
elhilayla
Mortada Adam
Ehab Eltayeb
Mahmoud Mustafa Mahmoud
ahmed khidir
شتات
عمران حسن صالح
Mohamed Foto7li
عبد الباقي الجيلي
فيس بوك
تويتر
انستقرام
يوتيوب
بنتيريست